مرينا دخلت الاوضه
الام :مين دي
مرينا :تعالي وانا هقولك كل حاجه يا ماما
الام :برضه مين دي
مرينا :اخرجي بس قدامي وخرجت
ايمان :انتي لسه علي التلفون
مياده :هو انتي فين
ايمان :قولتك عند ناس معرفهمش المهم طمني ماما عليا
مياده :مش وقته يا ايمان مامتك انتي عارفه اصبري دلوقتي
ايمان :اوعي ترني عالرقم ده انا المفروض فاقده الذاكره
مياده :متخافيش حاضر امسحي انتي الرقم بس
ايمان : حاضر وقفلت السكه ومسحت الرقم وراحت تسمع فيه اي
الام :ها قولي مين دي
مرينا :دي لقيتها تحت السلم
الام :سلم مين
مرينا :سلمنا يا ماما امبارح بليل
الام :انتي عبيطه يا مرينا وازاي تطلعيها هنا
مرينا :حرام عليكي يا ماما مش شيفاه منظرها عامل ازاي
الام :انا مش مصدقه دي لازم تمشي
مرينا :ماشي حاضر بس ممكن لما تبقي كويسه علشان انتي شيفاه شكلها متعرض لضرب
الام : ولو وراها مصيبه وروحنا في داهيه
مرينا :عمر ما الخير يبقي قصده شر يا ماما
الام :ادخلي قولي انتي لابوكي انا مليش دعوه
مرينا : هو صاحي
الام :ايوه ياختي
الام :هي اسمها اي
مرينا :مش فاكره اي حاجه خالص يا ماما بقولك
الام :ادخلي عقبال ما أحضر الفطار اه وخدي هنا صحيح مين اللي عمل في المطبخ كده
مرينا :هي انا لو منك امشيها دلوقتي
الام : هههههههههههه
مرينا :ايوه كده يا منال اضحكي
الام :طيب ادخلي ودخلت مرينا لابوها
مرينا :صباح الخير يا حبيبي
الاب :صباح الخير اي انتي وامك مالكم عالصبح
مرينا :اسكت جايلك خير لحد بيتك وهي رافضه
الاب :مهي كده دايما لازم تقف في كل حاجه اي نوع الخير بقي
مرينا : ثواب
الاب :مصيبه حاسس أنه مصيبه اوعي تقولي أن جورج علشان أخته اتجوزت هيجي عندنا كل يوم
مرينا معقول بنتك حبيبتك تعمل فيك كده اي نعم انا هتجوز في الشقه اللي قصاد منكم وكل يوم هكون عندك وجورج هياكل عندك كل يوم بس الكلام ده لسه بدري عليه
الاب :قولتك الشقه دي بتاعت مينا شقتك انتي تحت
مرينا :يخربيت مينا
الاب :بنت لمي نفسك
مرينا توافق أم مرينا حبيبه ابوها تقعد تحت
الاب :مرينا احنا اتكلمنا كتير في الموضوع ده خلاص بقي وبعدين انتي فتره وهتمشي زي ما خطيبك قال
مرينا :المهم خلينا في موضوعنا موضوع الخير
الاب :اي الخير ده بقي
مرينا :بوص وانا راجعه بليل لقيت بنت غلبانه اوي ومش فاكره اي حاجه وناس يعني ضربنها وحالتها النفسيه زي الزفت طلعتها
الاب :طلعتيها فين
مرينا :هنا معايا في الأوضه
الاب :يا مرينا ازاي يعني افرضي وراها مصيبه
مرينا :شكلها ميقولش والله كده خالص
الاب :مرينا احنا ناس في حالنا ومش ناقصين مشاكل
مرينا :اوعدك اول ما تكون كويسه هتمشي بس علاقل دلوقتي نخليها
الاب :اسمها اي دي
مرينا :مش فاكره اي حاجه عن حياتها
الاب :مرينا مينفعش
مرينا : صدقني لو حصل اي حاجه انا اللي في الوش
الاب :ماشي يا مرينا
مرينا :حبيبي يا بابا ودخلت الام
الام :شكلك وافقت
مرينا :مالك مش كنتي موافقه اي اللي حصل
الاب :خليها حرام طلما مش فاكره حاجه لاحسن متعرفيش ممكن يحصل ليها اي
مرينا :هروح اكلمها بقي
الام :وعرفيها الفطار جاهز
الاب :كويس انا جعان جدا
الام:هو انت ازاي توافق افرض وراها مصيبه
الاب :اصبري بس حرام دي بنت ومتعرفيش ممكن يحصل ليها اي في الشارع
الام :خليك كده برحتك يلا الاكل جاهز
ودخلت مرينا لايمان
مرينا :صباح الخير معلش متزعليش من ماما
ايمان :مش زعلانه
مرينا :والله ماما طيبه اوي بس هي اتخضت بس
ايمان :انا مش عايزه اعمل ليكي مشاكل
مرينا :مافيش مشاكل المهم يلا علشان نفطر وانزل الشغل
ايمان :انتي بتشتغلي اي
مرينا :بشتغل محاسبه في شركه مقولات
ايمان :ربنا يوفقك
مرينا :يارب انا مرينا
ايمان :مرينا 
مرينا :اي عندك مشكله
ايمان:لا خالص والله ما اقصد
مرينا :طيب انا هقولك اي بقي
ايمان :اي اسم مش فارقه
مرينا :امممممم مش عارفه
ايمان :اي رايك في اسم ايمان
مرينا :حلو اوي يلا علشان نفطر
ايمان :بجد انا هتكسف اخرج
مرينا :مافيش الا بابا وماما واخويا الصغير تعالي بس وخرجت
ايمان:صباح الخير
الاب :صباح الخير اتفضلي يا حبيبي
ايمان :شكرا لحضرتك
الام:اقعدي افطري
مرينا:انا اتفقت معاها أن هقولها ايمان
الاب :وانتي مين اللي عمل فيكي كده
ايمان :انا مش فاكره اي حاجه والله خالص
مرينا :مش وقته يا بابا يلا كلي
مينا خرج من اوضته اقعد عاالاكل
مرينا :يا ساتر الناس تقول صباح الخير
مينا :بقولك اي فكك مني
الاب :اي الالفاظ دي احفظ ادبك
مينا :خطيبك كان شكله يضحك امبارح
مرينا:عجبك كده يا بابا
الاب : هههههههههههه بصراحه عنده حق
مرينا :برضه طيب انا مش هاكل
الام: اقعدي كلي بيهزر معاكي
مينا :معلش هاتي طبق البيض ده من فضلك اي ده مين دي
مرينا:صحبتي ملكش دعوه
مينا :ومين اللي للاعب البخت كده في وشك
الاب:لم نفسك
مرينا :انتي عارفه أن بكره أول يوم رمضان
ايمان :بقولك انا مش عارفه اي حاجه خالص ومش فاكره اي حاجه
الاب :كل سنه وانتي طيبه
مينا بيكلم مرينا بصوت واطي
مرينا :مش سامعه
مينا بيكلمها تاني
مرينا :ما تقول عايز اي
مينا :بقولك هي مسلمه
ايمان :انا كلت ممكن ادخل الاوضه
الام :انت مهزا وقليل الادب
الاب:انت غبي يلا
مرينا:انا قايمه ماشيه احسن
مينا :كل ده علشان قولت هي مسلمه امال لو قولت هي بتعمل اي هنا كنتوا عملتوا اي
ومرينا نزلت الشغل ومينا كمان وخرجت ايمان من الاوضه
الام:عايزه حاجه
ايمان :تحبي اعمل معاكي حاجه
الام :شكرا يا حبيبتي
ايمان : انا بتكلم بجد
الام :خالص بس كنت عايزه اسالك هو اي اللي عمل فيكي كده
ايمان :بجد انا مش فاكره اي حاجه خالص غير اني كنت مربوطه ووحده جت فكتني وقالتلي اهربي
الام :يعني مش فاكره شكل البيت المنطقه اي حاجه
ايمان :الجو كام ظالمه اوي
الام :بس اي الحاجه اللي تكوني عملتيها للضرب ده كله
ايمان::مش فاكره الا اليوم اللي هربتني في مياده
الام :مين مياده بقي وشمعنا فاكره اسمها
بدل ماتدور وتبحث علي الروايات خليها علي تليفونك وحمل تطبيقنا
