انت ليك عين كمان تيجى ورايا لحد هنا
انتى مابتفهميش يا امى انا جاى عشان اديكى الزفته دى اتفضلى
حط النضارة على التربيزة وسابها ومشى قدرت ساعتها انى اخد نفسى ايه دا انا عرفت ازاى انه هو كان فالمكان انا اتهبلت ولا ايه
آيه.... آيه.... آآآآآآآآآآآآيييييييييييييه
اييييييييه انا جنبك اهو
جمبى فين انا بقالى ساعة بنادى.... بس قوليلى ايه الدبش الى انتى رمتيه للمز دا حرام عليكى دا جينتل وجاى لحد هنا عشان يديكى النضارة
جينتل ومز انتى شكل الجوع اثر عليكى جامد هاتى يا زايد المنيو ما نطلب خلينا نقوم ورانا شغل الصبح
...... الصبح🌞🌼
صباح الخير يابنات
صباح النور يا آية شوفتى التوزيعة الجديدة حاجة كدا ايه لوووز
هى زايد ماجتش لسه؟
لا جات وبتقولك مستنياكى فالطوارئ.
هى توزعتى الجديدة طوارئ؟
اه........ انتى وهى
استعنا عالشقا بالله... سلام يابنات
زاااااااايد... مالك يابت
انتى مش شايفة النيلة الى بقينا فيها
يوووووه هو كل مكان جديد هتعملى فيه كدا
يلا يابنات فى حالة وصلت
حاضر يا ريسة..
يالا عشان شكل الحالة خطيرة
طب هى فين الحالة؟
لسه الدكتور بيكشف عليها اصلها جاية من السجن...واحد اتخانق فالسجن والتانى عوره بالمطوة فى رقبته
...........
هى الحالة ايه يا دكتور؟
قطع فى الشريان للاسف
طب دا لازم يدخل عمليات فورا
مستنين حضرة الضابط يجيب تصريح انتى عارفة انه مجرم
نعم تصريح ايه الراجل بيموت
آية هو مش هيسلمه لنا من غير التصريح
يعنى ايه نسيبه يموت عشان خاطر حته ورقة
آية هى دى القوانين
انسان دا ولا مش انسان... انسان صح يبقا هيتعامل زى اى حد
لو هتعرفى تدخليه العمليات دلوقتى انا كدا كدا جاهز...
تمام. لو سمحت يا دكتور جهز نفسك وخلى زمايلى يجهزوا غرفة العمليات وانا هجيبه
زايد: انتى يابنتى غاوية مشاكل ووجع قلب قالك مش هيسيبوه غير لما يجيلهم تصريح.
زايد ياتيجى معايا وانتى ساكته ياترجعى تشوفى شغلانه تانية تعمليها...
زايد.:. مالهم البنات دى واقفين كدا
مالناش دعوة مش فاضيين
البنات:شوفتى الضابط الى هناك دا يالهوى على حلاوته 😍😍
العسكرى:نعم يا مس حضرتك هتديله علاج ولا حاجة؟
لا هناخده العمليات فورا لو سمحت افتح الباب
انا آسف لازم يجيلى تصريح الاول او على الاقل حضرة الباشا الى يقولى
يادى ام التصريح يعنى نسيبه يموت عشان التصريح بتاعكوا دا😠......ممكن تناديلى حضرة الباشا عشان اتكلم معاه
اهو جاى اهو
زايد.: يانهار اسوح😳
فيه ايه حضرتك عاوزة حاجة
..كنت واقفة وضهرى ليه ماكنتش شيفاه بس كنت حاسة بيه وبكدب نفسى لفيت له وانا بقوله
ايوة حضرتك انا عاوزة اخد الحالة العمليات فورا عشان لو استنينا اكتر من كدا هيموت
بصلى جامد وقالى انا آسف مقدرش احركه من مكانه غير بتصريح من القيادة دا مجرم مش بنى آدم عادى
رديت عليه بكل عصبية...... قصدك مش زى حضرتك ولا واحد صاحبك كنت زمانك مطربق المستشفى على الى فيها عشان تنقذه
العسكرى:التصريح وصل يافندم
دلوقتى اقدر اقولك اتفضلى شوفى شغلك
لا فيك الخير
....اخدنا المريض عالعمليات والعملية خلصت الحمد الله بس لازم يقعد يومين فالعناية...كان اليوم دا واخدينه انا وزايد long
جيت على آخر اليوم وتعبت جامد وحرارتى ارتفعت اتصلت بالدكتور عشان اخد اجازة لانى مش هقدر اجى بكرا قالى لازم اجى بكرا عشان اسلم العهدة واخد الاجازة
تانى يوم.......
لو سمحت يادكتور ممكن تمضيلى على الاجازة
آية انا عارف انك مريضة بس انا متأسف مش هعرف امضيلك عالاجازة لان الحالة بتاع امبارح عاوزين ممرضة معاها وحضرة الضابط اختارك
لا حول ولا قوة الا بالله طيب يا دكتور عن اذنك
آية انا خليت زايد معاكى تساعدك
شكرا يادكتور...هو المريض فين؟
اتحول للقسم الخاص فالدور الخامس
تمام يادكتور عن اذنك🙂
...........
يوووووه حتى الاسانسير مش شغال.
زايد:ايه دا هو ماداكيش الاجازة برضو
ما انتى عارفة اوامر عليا😑
طب يالا نطلع مانشوف اخرتها
زايد:يابنتى اقعدى هنا ارتاحى انتى ماعنتيش قادرة تاخدى نفسك
يالا يا زايد انا تمام اهو يالا
طلعت سلمتين كمان وعنيا زغللت ماعنتش قادرة اتوازن رجلى فلتت من على السلم وخلاص هقع لقيت ايدين سندونى بصيت لوشه لقيته هو ودا كان اخر حاجة شوفتها قبل ما اغيب...........
#part2
#احببتٌ_مجهول
#ÿõtå👑💙
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
