اسكريبت
البارت الاول
صحيت على صوت المنبه الساعه اربعه الفجر قومت صليت وقرأت قرأن وقومت اذاكر قبل الامتحان يااااه فاضل تلت ايام وأخلص من الكابوس ده كابوس تالته ثانوي.
_ايه ده ماما مجتش تصحينى لية اما اروح ارخم عليها هى والحج روحت لقيت بابا بيصلى فى الصالة وماما مش موجودة دخلت الاوضه بتاعتها لقيتها نايمة ووشها لونه ازرق روحت اصحيها.
_ماما اصحى يلا اتأخرتى فى النوم كده ليه يامااااما يا حجة.
بدأت اتكلم بعياط لانها اول مرة تتأخر فى النوم كدة ونومها أصلا خفيف وشوفت نفسها مفيش نفس طالع منها.
_يامااااما قومى بقى روحت مصوتة.
_ياباااابا الحق ماما.
بابا جية بسرعة وهو مرعوب واترعب اكتر لما شاف لون وش ماما اللى انا كنت بحاول اتغاضى عنه.
=هاتى التليفون بسرعة نطلب الاسعاف.
كلمنا الاسعاف وبابا راح بيها المستشفى ومرضيش ياخدنى معاه عشان الامتحان روحت الامتحان وانا منهااارة وقابلت! استوووب اعرفكو بنفسي الاول
انا اسمى قمر بنت عادية خالص لون بشرتى امحاوى وعينى لونها بنى غااامق ومختمرة انا فى تالته ثانوي علمى علوم عندى اخ اكبر منى عندو ٢٦سنة اسمو زين خريج طب قسم جراحة قلب هو مسافر حاليا نفسي ادخل طب جدا وابقى دكتوره اطفال لانى بحبهم جداً مليش غير ابويا وامى وانا اصلى من الصعيد بس حصل مشاكل بين بابا والعيلة وهنعرف المشكلة دى بعدين بس هو لسة على تواصل مع اخوه الكبير وهواياتى الرسم عندى صاحبة واحدة ودى معايا من تانيه اعدادي واسمها ريهام ومختمرة وهتعرف عليها بعدين
اسفة طولت عليكو يلا نكمل
ــــــــــــــــــــــــــــــــــــــــــ
ريهام: قمر مالك بتعيطي لية اترميت فى حضنها وانا منهااارة
قمر: ماما ياريهام تعبانه اوى بابا خدها المستشفى ومرضيش ياخدنى معاه.
ريهام: حبيبتي ان شاء الله هتبقي كويسه بس اهدي انتي بس عشان الامتحان هيبدأ وتعرفى تحلى.
قمر: ان شاء الله عشان لو حصلها حاجه انا ممكن اموت فيها.
ريهام: لأ ياحبيبتي ان شاء الله مش هيحصل حاجة يلا الامتحان هيبدأ ركزى كويس يلا سلام.
قمر: تمام سلام .
دخلت الامتحان وانا كل تفكيرى فى ماما بدأت الامتحان وانا مش مركزة ومش عارفه انا بحل اية أصلا خلصت وروحت البيت وانا داخله سمعت صوت قرأن وفية ناس كتير اوى لابسين اسود ولقيت الكل بيبص ليا بصه حزن وشفقة وبابا مقابلنى وعنية كانت مدمعة عرفت ساعتها انى خسرت احلى حاجه فى حياتى محستش بنفسي غير وانا بقع وحد بيمسكنى عنيا غمضت على صوت حد بيزعق
*قمررررر اسعاااف بسرعة
فوقت على صوت حد بيعيط ولقتنى!!!
يتبع
بقلمى: Samah Essam#
