رواية يونس الفصل الثاني عشر

 رواية يونس الفصل الثاني عشر

جنة : مشوار ايه اللي هنروحه دلوقتي دا

يونس : روحي بس هاتي شنطتك وجهزي نفسك عشان نتحرك وتحت هقولك ... اه صحيح اندهيلي مصطفى من مكتبه وانتي خارجة عشان عايزه

جنة : تمام

*بعد ٥ دقايق في مكتب يونس*

مصطفى : ايه ياسطا

يونس : طمني الدنيا ماشية ازاي في الشركة برا

مصطفى : لا كله علي حسب التخطيط بالظبط ، مفيش بس إلا بوز الاخص عصام اللي قاعدلنا بند حشر برا دا

يونس : ههههه معلش استحمله لحد ما يغور من هنا ، المهم ركز معايا بقا

عايزك تصرف شهرين مكافأة لموظفين الشركة هنا ولعمال المصنع

مصطفى : اشمعنا يعني .. شهرين مش كتير شوية ياسطا ؟

يونس : لا مش كتير ولا حاجة معرفتي بالعيلة دي خلتني متأكد ان كل شخص بيتعامل معاهم مأذي ، وانا راجع عشان اعوض اي خسارة حد خسرها بسببهم

مصطفى : ربنا يسترها عليك من قلبك الطيب دا وربنا ، ماشي ياسيدي نصرفلهم الشهرين

يونس : تمام انا نازل مشوار صد رد كدا وراجع خلي بالك من الوضع علي مااجي بقا ، يلا سلام

خرج يونس واخد جنة ونزلوا ركبوا العربية وبعد ما قفل الباب ..

جنة : ايه بقا ايه المشوار

يونس : كنتي قولتيلي قبل كدا في وسط الكلام ان ليكي خالة كانت واقفة جنبكوا بعد موت والدتك الله يرحمها وكانت بتربيكوا وكدا لحد ما كبرتي وسابتك عشان بقت تعبانة

جنة : اه فعلاً كنت لسة عمالة اقولها لطنط صفوة اني عايزة اروحلها قالتلي انك مش هترضى اني اروح غير وانت معايا

يونس : بقالي فترة كدا بفكر اننا لازم نروحلها اول ما الظروف تسمح ونعمل معاها الواجب والأصول .. انتي بتقولي معندهاش عيال يعني احنا مكان عيالها

جنة : انا بجد مبقتش عارفة أعمل معاك ايه يا يونس .. انت مفيش حاجة حلوة معملتهاش معايا

مسك ايديها وقالها : انتي تستحقي واحد ميسيبش حاجة غير ويعملها عشانك ياجنتي ، ربنا يقدرني واسعدك واحققلك كل اللي بتتمنيه .. سحب ايده من ايدها "يلا نتحرك بقا "

جنة : بس انا ليه دايما حاسة انك معايا بنص روح كدا

يونس : يعني ايه بنص روح

جنة : مش عارفة بحسك معايا ومش معايا كدا كأنك متاخد

يونس بيحاول يتوّه : لا لا مفيش الكلام بيتهيألك يلا انا هتحرك بقا عشان نلحق مشوارنا

مشيوا بالعربية نزل يونس في هايبر دخل جاب لخالة جنة كل حاجة ممكن تحتاجها من جبن ولحوم وبقوليات وأساسيات للبيت ونزل عدى على حلواني جاب منه جاتوه وحلويات ودخل كذا محل تانيين اشترالها هدوم وكله علي ذوق جنة طبعاً وبعدين ركبوا العربية

جنة : يونس بجد اللي جبته دا كتير اووووووي وهي مبتحبش كدا صدقني ، او ع الأقل انا اللي أدفع فلوس الحاجات دي من مرتبات الشهور الجاية

يونس : بس ياماما ، اللي بتقوليه دا إهانة ليا علي فكرة متقوليش كدا تاني عشان مزعلش منك

كملوا طريقهم لحد بيت خالة جنة وطلعوا ليها فتحتلهم الباب

خالة جنة : يااهلا وسهلا نورتوني والله العظيم وشرفتوني

يونس : دا بنورك ياامي والله

خالة جنة : بس كتير اوووووووي اللي جيبتوه دا انا عايشة لوحدي أصلا ومش هحتاج كل دا يااستاذ يونس

يونس : مبدأيا كدا انا يونس ابنك مفيش استاذ دي ، تاني حاجة انا لما عرفت ان انتي اللي ربيتي جنة بقيت معتبرك امي والله ، مش هتقبلي من ابنك ؟

خالة جنة : العفوا يابني ودي تيجي اكيد هقبل طبعا ربنا يحميك لشبابك يارب ويبارك فيك

يونس : ياارب ، تسمحولي ادخل الحمام بس في دقيقتين قبل ماننزل

جنة : اه طبعا الحمام آخر الطرقة شمال

بعد ما قام يونس يدخل الحمام

جنة : وحشاني يا خالتو والله

خالة جنة : انتي اكتر ياروح قلب خالتو طمنيني عليكي اختفيتي فين كل دا

جنة : لا دي حوارات كتيييير بقا متشغليش بالك ، المهم كنت عايزة اسألك علي حاجة كدا .. هو تاريخ ميلاد كريم كام ؟

خالة جنة بتوتر : انتي عارفة اني مش بحفظ تواريخ ياجنة

جنة : أصلي من كام يوم كدا افتكرت إنه قبل جواز ماما وبابا بشوية فاستغربت بصراحة قولت يمكن هما سجلوه في معاد قبل ولادته يعني عشان كدا بسألك علي السبب

خالة جنة : لا لا متشغليش بالك بالحوار دا انتي عارفة الدنيا زمان كانت لغبطة يعني فتلاقي تاريخ من الاتنين اتحسب غلط ولا وصلك غلط

خرج يونس من الحمام واتأكد ان جنة قاعدة في الاوضة مع خالتها ومش شايفاه .. طلع من جيبه مبلغ كبير في ظرف ابيض مكتوب عليه

*اصرفي الفلوس دي وهاتي علاجك انا زي ابنك * وراح نده لجنة عشان ينزلوا بقا

نزلوا ركبوا العربية وراجعين علي الشركة ووسط ماهو سايق وبيكلمها في شارع فاضي وفجأة ..

عربية جت من وراه مليانة ناس بأسلحة وكلهم موجهين ضرب النار على عربية يونس

بدأ يونس يدوس بنزين ويسرع العربية لقى ان الشارع لسة طويل وضرب النار شغال ولما حس بالخطر على جنة وعرف إن هو المقصود من كل دا فتح الباب وبدأ يزعق

يونس : انزلي من العربية بسررررعة

جنة : انزل اااااايه يايونس مش هنزل في حتة انا هفضل معاك هنموت نموت سوا

يونس : جنننننة بقولك انزززززززلي هتموووووتي انزلي من العربية

جنة : وانا بقولك مش هننننننزل من العربية

بدأ يونس يسوق بايد وبعزم ما عنده زق جنة وقعها من العربية وبدأ يجري هو عشان يلهي الناس عنها وقعت في الأرض ولفت كتير اتعورت واتخبطت في وشها

وهو كمل جري بالعربية استمر ضرب النار ومحاولته إنه يهرب منهم لأن العدد كبير مع طلقة يضربها كل كام ثانية عشان يحاول يوقفهم وفي طلقة من الطلقات المتوجهة ناحيته طلقة جت في الفرامل ..

العربية اتقلبت بيه وعملت حادثة

الفصل الثالث عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال