Ads by Google X

القائمة الرئيسية

الصفحات

رواية يونس الفصل الخامس عشر


 رواية يونس الفصل الخامس عشر

عصام بعصبية : عملت اللي في دماغك يا يونس وهديتها فوق دماغ الكل ؟؟؟
*فلاش باك قبل يومين *


*في البيت يونس ومصطفى وكريم*
يونس : ها طمنوني ايه الكلام ؟
مصطفى : ماضي معاهم عقد ب٢٠ نفر ومسلمه مفتاح خزنة الشركة ، لو حصل اي عوء يدخلوا علي الخزنة الشركة يفضوها
يونس : وهو جاب مفتاح الخزمة منين والنسخة الوحيدة في درج مكتبي
كريم : واضح فيه حد من الشركة استغل عدم وجودك الفترة اللي فاتت ودخل مكتبك اخد المفتاح من الدرج بتاعك وعمل عليه نسخة
يونس : لا لعيب ياعصام ، بس لو كنت انت لعيب فأنا اللي باني الملعب دا
ركزوا معايا كويس اوي في اللي هقوله
*في مخزن فاضي ومهجور *
عصام وجلال واقفين مع الراجل اللي عصام متفق معاه ومستنيين العربية اللي هتيجي محملة الناس المتخدرة
عصام : انت واثق إن أمين قد المهمة اللي انت باعته فيها دي
جلال : أمين ميقدرش يغدر ياباشا ، صباعه تحت ضرسنا وعارف ان لو لعب بديله هيدفن بنته يومها ، دا لو لقى جثتها أصلا
الراجل : ايه ياعصام في ايه احنا واقفين بقالنا ساعة وحاجة ومفيش اي بوادر وانا ابتديت ازهق الصراحة
عصام : لالالا تزهق ايه ياباشا ربنا يكفينا شر زهقك 😂😂 زمانهم داخلين علينا دلوقتي
تليفون الراجل رن
الراجل : الو مين معايا ؟
....: مش عيب بردو واحد زيك كدا يتضرب علي قفاه من عيل قد عياله
الراجل بغضب : انت مين وتقصد ااايه 😡
....: اقصد ان وقفتك ساعة ونص دي كلها كانت في الهالك ، لا فيه جثث ولا فيه عقود وكل دا فيلم وعصام دلوقتي هيطلعلك بفيلم جديد ويخلع من قدامك .. يلا ربنا يعوض عليك
اه قبل ماانسى قول لعصام اللي واقف جنبك دا أمين باعتلك سلام كبير اوي معايا
رمى التليفون من ايده وشاور لرجالته يكتفوا عصام واللي معاه
الراجل : ودلوقتي بقا ننتقل للمرحلة التانية والأهم ، بينا على خزنة الشركة يا عصام يابن محفوظ باشا
عصام : ايه دا ايه دا ياباشا عيب اللي بتعمله دا ، انا مديك كلمة راجل
الراجل : هو انت خليت فيها راجل ولا ست .. وانا هلوم عليك ليه دا الصبي بتاعك خدك علي قفاك طبيعي تبقى عايز تقلده
عصام : صبي مين ؟؟
الراجل : امين الصبي بتاعك باعتلك معايا السلام 😊 يلا ع الخزنة
اتصدم عصام وبقا ماشي بيجيب عرق من كل حتة وبيبص لجلال وعينيه هاتطق شرار لحد ما وصلوا للمكان طلع عصام المفتاح وفتح الخزنة ...
لقاها فاضية تماماً مفيهاش جنيه
عصام : ااااااايه دا 😡 الفلوس رااااحت فيييين
الراجل : لااااااا بقولك ايه الشويتين دول تعملهم علي حد غيري يا حيلتها انا عايز فلوسي دلوقتي
عصام : اديني فرصة افهم....
الراجل : مفيش فرررررص خلاص ، من النهاردة معاك ٣ أيام بالظبط تتصرف فيهم
يا الجثث ، يا ٤ أضعاف الفلوس اللي ادتهالك مانا لا مؤاخذة مش هضيع وقتي ع الفاضي
عصام : ازاي بس ياباشا دا مبلغ كبير اوووووي
الراجل : مليش فيه بقا تتنطط تعمل قرد ، ٣ أيام الفلوس تبقي في حجري ... بس خد بالك ☝️ في ال٣ أيام دول عيني هتكون عليك ٢٤ ساعة يعني لو حاولت تشغل دماغك هتطير قبل ما تشتغل مفهوم 👂
عصام : مفهوم ياباشا
اخد رجالته ومشي ووقف عصام وجلال بس بدأ عصام يزعق ويهلل ويكسر في كل حاجة حواليه مش قادر يصدق ولا يستوعب اللي حصله
عصام : ممكن تفهمني بقا الزفت اللي إسمه أمين دا ازاي يخرج عن طوعك ويطلعله صوت بالمنظر دا ؟؟؟
جلال : مش عارف ياباشا وربنا دا في الفترة الأخيرة كان قايد صوابعه العشرة شمع
عصام : ااااها مانت مش فاااالح غير في انك مش عارف ااااي حاجة يااخي غور في داهية دا انت قلتك احسن أقسم بالله ، غوووور من وشي
**نرجع تاني للشركة **
عصام بعصبية : عملت اللي في دماغك يا يونس وهديتها فوق دماغ الكل ؟؟؟
يونس : عملت ايه كفى الله الشر 🤔
عصام : انت هتستعبط يايو....
يونس : لا احترم نفسك عشان مخليش الأمن يشيلوك يرموك برا فاقف بادبك
عصام : فضيت الخزنة ليه يا يونس ؟؟
يونس : وانت عرفت منين إني فضيت الخزنة والنسخة الوحيدة للمفتاح في مكتبي 🤔 ولا تكونش كنت مزنوق في قرشين واتكسفت تطلب من أخوك 😳
عصام بغيظ وكسوف : ماشي يا يونس ، لعبتها صح ياابن أبويا
مصطفى وكريم واقفين بيضحكوا علي الموقف وجنة مش فاهمة اي حاجة ، دخل يونس مكتبه دخلت وراه جنة
جنة : هو ايه اللي بيحصل يا يونس انا مش فاهمة حاجة
يونس : مفيش رزعت عصام إسفين حلو كدا طلع من نفوخه ، بس أعتقد المرة دي هيتعلم من أخطاءه
قاطعهم مصطفى وفتح الباب ودخل
مصطفى : هنعمل ايه في الناس اللي كانوا متخدرين ، من ساعتها وانا حابسهم في المخزن عشان ميظهروش لعصام
يونس : ادي لكل واحد فيهم شيك بمبلغ محترم واعتذرلهم نيابة عن عصام واللي كان هيعمله فيهم ووصيهم ياخدوا بالهم من نفسهم بعد كدا


مصطفى : اشطة
يونس : استنى يامصطفى ، مستناش تجيب شوية ألعاب كدا للأطفال اللي معاهم
مصطفى : 😂😂 حاضر .. وسابهم وخرج
جنة بابتسامة : بس انا كدا فهمت اللي حصل .. قلبك كبير اوي يا يونس وبتفهم في الأصول بجد ، وكأن ربنا بعتك نجدة تنقذ ناس كتير اوي ، واولهم انا
يونس : بدأ يتوتر ويعرق ووشه يحمر
جنة : اه التوتر بتاع كل مرة حضر
هو مآنش الأوان تفهمني بقا حكايتك ايه ولا هتفضل سايبني كدا ؟؟
يونس : أعتقد دلوقتي جه الوقت المناسب اللي تعرفي فيه ، ع الأقل حياتك مبقتش في خطر
جنة : أعرف فيه ايه يا يونس ؟
يونس : إن خطوبتنا كانت مزيفة يا جنة

تعليقات