رواية يونس الفصل السادس
رجع يونس البيت ودخل وفي ايده علبة
يونس : خدي ياجنة
جنة : ايه دا !
يونس : انتي شايفاه ايه 
جنة : شايفاه تليفون ، دا بتاع مين ؟
يونس : دا بتاعك ياجنة ،، كنت حابب أشكرك على اللي عملتيه معايا امبارح ففكرت ايه اللي ممكن يبسطك دلوقتي وافتكرت إنك لما رجعتي سبتي تليفونك في القاهرة فجيبتلك تليفون بخط جديد
جنة : حلو اوووووي التليفون تسلم ايدك ، بس للأسف انا مش هينفع اخده
يونس : ودا ليه بقا !
جنة : أولا عشان انا معملتش حاجة معاك امبارح عشان انت تردهالي بحاجة تانية ، انا كنت بردلك ١٪ من اللي عملته معايا .. ثانياً انا مش هقدر أقبل منك حاجة اكتر من كدا كفاية اللي شوفته بسببي وانك فاتحلي بيتك ومقعدني فيه
يونس : الكلام اللي بتقوليه دا إهانة ليا كراجل بس بغض النظر يعني ، اعتبرينا من هنا ورايح ياستي اصحاب .. تقبلي هدية صديقك المتواضعة 
جنة : انا مش عارفة أشكرك ازاي على كل حاجة بتعملها معايا يا يونس والله 
يونس : اشكريني بأنك تستعجلي امي ع الأكل عشان انا اي حاجة هشوفها قدامي دلوقتي هاكلها 
*في القاهرة *
عصام : الو .. ايه ياجلال العملية تمت
جلال : اه ياباشا تمت بس في كارثة حصلت دلوقتي
عصام : خييييير ؟؟ حصل ايه ياوش المصايب
جلال : بعد ما استلمنا الفلوس اديتها ل عبدالله وكام واحد من الرجالة يرجعوا بيها عليك عشان أروح انا المشوار اللي اتفقنا عليه .. لسة عارف حالا إن طلع عليهم ناس في الطريق ضربوهم و سرقوا ال٥ مليون جنيه
عصام : يانهار اسووود ومهبب علي دماغكوا ، يعني اووووول يوم أتعب فيه يحصل كل دا اومال اللي جاي اي... اقفل ياجلال في حد باعتلي رسالة هشوف مين واكلمك نشوف هنعمل ايه في المصيبة السودا دي
قفل عصام مع جلال وفتح رسالة الواتس اب اللي مبعوتة من رقم غريب لقاه فيديو ، فتح الفيديو
٥ مليون جنيه مترصصين علي الأرض وحد بيرش فوقهم بنزين ، عود كبريت وولع في الفلوس .. وبعد الفيديو فويس نوت
*مش معنى إنك فلت مني المرة دي وتممت العملية إني هسيبك تتمتع بنتايجها .. لما يونس يدخل مكان ونيته شر تأكد إنه مش هيسيب المكان دا غير وهو رماد ، ولسة اللي جاي أحلى ياابن أبويا *
بدأت علامات الغضب تظهر على وش عصام وعينيه تحمر ومجرد ما الفويس نوت خلصت رزع التليفون في الأرض
عصام : طب وحياة أمي ما ههنيك على يوم واحد عدل تاني يا يونس ياابن إيمان 
*اسكندرية*
قاعد يونس على السطح وباصص للسما خرجت جنة وبصت عليه وبدأت تفتكر كل الكلام اللي صفوة حكتهولها عن قصة يونس بدأت تبصله بنظرة مجهولة .. هل صعبان عليها ؟ هل مستغرباه ومستغربة قوته رغم اللي شافه ؟ هل عندها حب استطلاع تفهم البني آدم دا حاسس بأيه دلوقتي ؟
جنة : مساء الخير 
لا مؤاخذة بقا هقطع حبل أفكارك
لا مؤاخذة بقا هقطع حبل أفكارك يونس : مساء النور ، حبل أفكاري ايه شايفاني وزير الداخلية
جنة : ممكن اسألك سؤال ؟
يونس : أكيد اتفضلي
جنة : انت إزاي قادر تخفي كم الوجع اللي شايله جواك دا وتضحك من برا عادي كدا
يونس : ايه الغريب في كدا ؟ دا الطبيعي بتاع الدنيا ياجنة
جنة : بس مش دايما الناس بتقدر تعمل كدا
يونس : لازم تبقي عارفة ومتأكدة إن الدنيا لا فيها فرصة ولا رفاهية إنك تظهري كل إحساس حاسة بيه ، الدنيا صعبة اوي ولو مش هتكوني قد موجها هتغرقي ياجنة
جنة : انا بردانة اوي من جوايا ، يمكن مقولتش لحد الكلمة دي قبل كدا بس انا فعلاً مفتقدة احساس الأمان اوي
يونس : عافري ياجنة .. احتكاك معافرتك مع الدنيا هيولد الحرارة اللي هتدفيكي وتقضي علي إحساس البرد اللي جواكي دا .. بمناسبة البرد بقا انا هقوم أعمل نيسكافيه اعملك معايا ؟
جنة : تمام ياريت
دخل يونس يعمل النيسكافيه ومسكت جنة تليفونها الجديد وأثناء ماهي بتتفرج علي الخواص بتاعة التليفون جاتلها رسالة ع الواتس اب فتحتها
*فاكرة إنك هتقدري تهربي مني ياجنة ، خليكي عارفة إني ليا في كل خرابة عفريت وهجيبك هجيبك*
شافت جنة الرسالة وبدأت تعرق وتترعش واعصابها باظت .. مين دا ؟ وعايز مني ايه ؟ ولحق يعرف إن دا رقمي واني جنة ازاي ؟ طب أرد ولا مردش ؟
رجع يونس بالنيسكافيه
يونس : خدي ياجنة كوبايتك أهي
جنة : لا لا خلاص انا هخش انام عشان تعبانة
يونس : !!! ايه يابنتي مش كنتي عايزة تشربي نيسكافيه ؟
جنة : لا يايونس مش عايزة حاجة خلاص انا هدخل أنام أحسن ، تصبح على خير
سابته ودخلت علي جوا وهو مستغرب ومش فاهم مالها وبعد تفكير لدقايق ..
يونس : مفيش حاجة بتستخبى مسيري هعرف مالك ياجنة
*تاني يوم الصبح ***في المطبخ *
واقفة صفوة ومعاها جنة بيعملوا الفطار وفجأة سمعوا صوت جامد اوي جاي من برا جريوا على السطح يشوفوا فيه ايه
**شاب متكتف ايد ورجل في حديد سور السطح وواقف قدامه يونس وشه أحمر والشر بينط من عينيه الاتنين
*صفوة : ياساتر يارب مين دا يابني ومكتفه كدا لييييه 
**يونس : دا واحد مصمم أنه ليه حاجة مهمة عندنا جاي ياخدها وكان داخل ياخدها منكم انتو وستر ربنا اني شوفته وظبطه واديني بحاول أعرف عايز ياخد ايه الأستاذ .. على الله نتكلم بقا عشان الليلة السودا دي تخلص
*جنة : جاي ياخدني انا يا يونس
بدل ماتدور وتبحث علي الروايات خليها علي تليفونك وحمل تطبيقنا
