Ads by Google X

رواية يونس الفصل التاسع


 رواية يونس الفصل التاسع

دخل يونس البيت وهما بيجهزوا الفطار ..
يونس : يلا كله يجهز شنطته عشان هنتحرك


صفوة : نتحرك على فين يا يونس !
يونس : على بيتنا الجديد في القاهرة
صفوة : ازاي يابني دا احنا كل حياتنا هنا واكلنا وشربنا وشغلنا، هنعمل كل دا هناك ازاي ؟ ثم انك ...
يونس : امي بالله عليكي انا مش ناقص جدال كتير انا عارف كل اللي بيدور في دماغك اتجاه مرواحنا القاهرة وطبعاً اللي انتي شايفاه إني رايح لعزرائيل برجلي بس انتي بكدا بتحاولي تصغريني قدام نفسي .. أظن انتي اكتر واحدة عارفة انا عملت ايه وعندي إستعداد أعمل ايه كمان فمن غير نقاش كتير يلا ادخلي جهزي شنطتك وساعدي جنة تجهز شنطتها عشان دراعها
بس قبل ما تجهزي شنطتك ياجنة تعالي ثواني عايزك ..
سرحت صفوة وفهمت إن يونس بدأ طريق العواصف ومش هيرجع عنه تاني ،، وخرجت جنة عشان تشوف يونس عايزها في ايه
*في بيت عصام *
*عصام : مفيش اي جديد في الشغل ياجلال
*جلال : للأسف ياباشا الجو نايم خالص عشان الناس مش عارفين يتعاملوا مع حضرتك بنفسهم ودا قالقهم ، غمة وتزول بإذن الله يا عصام بيه 💔*عصام : هتزول ياجلال .. هتزول وهدفع الكلب دا تمن اللي عمله فيا ، انا يقعدني في البيت المدة دي كلها وياعالم هستمر تاني بالمنظر دا لحد امتى ؟!!!
*جلال : بس فيه أخبار حلوة بالنسبة لشغل الشركة ، الصفقة اللي عملناها مع شركة المستقبل نجحت ودا هيبقى أول طريق هيطلعنا لفوق اوووي ياباشا
*عصام : ودا حصل ازاي ؟ مش كانوا رافضين البنود !
*جلال : دا الغريب بقا ياباشا .. الصفقة دي كانت متعرقلة بطريقة متتوصفش وبقدرة قادر في لحظة كل حاجة اتحلت ولقيت مندوب الشركة بنفسه بيكلمني وبيطلب إننا نتقابل في أقرب فرصة ولما قابلته اكتشفت أنهم موافقين يتعاقدوا معانا بأي شكل
*عصام : يقطع من هنا ويوصل من هنا ، تمام استمر وركز كويس اوي في الشغل ياجلال انا رامي حملي كله عليك في المحنة دي
*جلال : متقلقش ياعصام بيه كله تحت الكنترول .
✓✓✓✓✓✓✓✓✓✓✓✓✓✓
*في القاهرة *
يونس ، صفوة ، كريم ، جنة ، مصطفى .. طالعين على سلم عمارة فخمة لحد ما وصلوا الشقة فتح يونس الباب بالمفتاح وقالهم اتفضلوا ... شقة كبيرة متقلش فخامة عن شكل العمارة من برا ، متشطبة على أعلى مستوى، مفروشة بطريقة تبهج أي حد يدخلها والشمس منورة كل جزء فيها نظراً لانها على وجهة الشارع ومليانة شبابيك في كل مكان
صفوة : الله اكبر بسم الله ماشاء الله ، ايه الجمال دا يا يونس انا اتلوحت 😳 كتير اوي دا يابني علينا دا احنا كنا عايشين في بيت فوق السطح وكنا زي الفل وعايشين كويس لازمتها ايه التكاليف دي بس
يونس : لازمتها ان من هنا ورايح هنعيش اللي معشانهوش طول السنين اللي فاتت وكل واحد فينا هينول منصب مكانش يحلم بيه ، أما انتي بقا ياصفوة مفاجأتك مختلفة عننا كلنا
صفوة : عاملي مفاجأة كمان 🙈 فين بقا
يونس : روحي القي نظرة على الملف اللي عالبوفيه دا كدا
صفوة : ...... ايه دا ؟!
يونس : دا عقد الشقة دي ، كتبته بإسمك عشان ملقتش أحق منك بيه يااغلى إنسانة في حياتي ❤️❤️صفوة : ايه ؟؟!!!! لا يايونس انا مش هعمل كدا روح يابني غير العقد دا وخليه بإسمك انت انا مش عايزة شقق ياحبيبي كفاية عليا طلتك دي بس
يونس : لو خدته ومشيت همشي معاه ، تختاري ايه ؟
صفوة : زي مايكون ربنا عوضني بيك بعد كل الذل اللي شوفته في حياتي، ربنا يحفظك ليا يارزقي في الدنيا والآخرة والعمود اللي ساند ضهري ❤️❤️يونس : يلا كل واحد يختار أوضة بقا ، وانت يامصطفى هتخليك معايا في الأوضة لحد ماتشوف حوار الشقة اللي قارفني بيه دا
مصطفى : ياه ياصاحبي هتلف الأيام ونقعد في أوضة واحدة زي الأخوات 🤦🏼‍♀️يونس : مش وقت عواطف أطفال الله يباركلك خلينا في اللي احنا فيه 😂جنة : الشقة جميلة جداً فوق الوصف أقسم بالله ربنا يباركهالكو، بس للأسف انا وكريم مش هنقدر نقعد معاكو فيها
يونس : نعم ؟؟ ممكن توضيح
كريم : اه يايونس بصراحة انا استبوخت قاعدتنا عندك دي وقررت اني اخد جنة ونرجع شاقتنا وهتواصل معاك من


هناك بقا
يونس : مع احترامي الكامل ليك ولقرارتك ياكريم بس اعذرني اختك أمانة في رقابتي من اليوم اللي جت رمت نفسها على باب بيتي فيه، اكلها شربها نومها صحيانها حماية كل نفس بتتنفسه دي مسؤوليتي انا .. لو حابب تروح انت تقعد في شقتك انا مش همسكك، بس هتبقى بزعلة لما يكون بيت أخوك مفتوحلك وتصده ياصاحبي .. براحتك بقا
كريم : اهو كرم أخلاقك دا اللي مخليني مستجدعك من اول يوم شوفتك فيه ،، ماشي يا سيدي هنقعد معاكم هنا لحد ما ننفذ اللي جايين عشانه وبعدها نمشي
يونس : ودلوقتي هطلب منكم طلب مهم جداً .. من هنا ورايح هنعيش حياة طبيعية جداً زي بقيت البني ادمين بناكل بنشرب بننام بنصحى بنخرج بنتفسح بنشتغل بنعمل كل حاجة طبيعية جدا وكل اللي كان نفسه في حاجة يحققها ، لأني غالباً في البداية مش هحتاج أي حد معايا ولا حتى هحتاج منكم توتر
*في الشركة*
جلال : نورت شركتك ياباشا ، تؤمرني بأي حاجة
عصام : هنادي للسكرتيرة تجيبلي كل الورق اللي عايز يتوقع وبعدها هنتكلم
جلال : بس فيه حاجة مهمة لازم تعرفها
عصام : اشجيني ياجلال اشجيني
جلال : ولي العهد وصل القاهرة
عصام : نعم ؟؟ وصل امتى وازاي
جلال : واحد من رجالتنا كلمني دلوقتي قالي أنه خد شقة هنا في القاهرة ونقل فيها بس لحد دلوقتي سلوكه مجهول ، ربنا يستر من اللي جاي
عصام : طب حلو اوي الكلام دا .. جيت لقضاك يا ... ياولي العهد
عملت ايه مع الشركة الجديدة اللي اتعاقدنا معاها ؟
جلال : اتصلوا من شوية وقالوا إن حفل توقيع العقود هيكون بكرا الساعة ٧ وفيه ناس مهمين جداً هيحضروا الحفلة دي
عصام : وماله .. مفيش مشكلة نعمل الإحتفال خليهم يبعتولك اللوكيشن بتاع الحفلة واحنا كمان نعزم ناس مهمين يعني هي جت علينا ..
✓✓✓✓✓✓✓✓✓✓✓✓✓✓
*بالليل في بيت يونس *
*داخل يونس الشقة وفي ايده شنط كتير
*صفوة : ايه يايونس كل الشنط دي طالع رحلة ولا ايه 😂😂*بكرا عندنا حفلة مهمة جداً هنروحها كلنا، وعشان كدا جبتلك طقم يليق بيكي ياحبيبتي وجبت لمصطفى وكريم بدل ينقوا منها اللي عايزينه ... وجبت لجنة فستان على ذوقي يارب يعجبها
*وطلع لكل واحد شنطته .. مسكت جنة فستانها تتفرج عليه
*جنة : اللللله الفستان حلو اوي بجد ولوني المفضل كمان ،، تسلم ايدك يايونس انا مش عارفة أقولك ايه والله على اللي بتعمله معانا دا كله ❤️❤️*يونس : متقوليش اي حاجة المهم اجهزوا بقا وكل اللي ناقصه حاجة يقولي اجيبهاله عشان بكرا لازم نبقى أرقى ناس في الحفلة ... انتي عايزة تقولي حاجة ياجنة ؟
*جنة : بصراحة بغض النظر عن الحفلة خالص انا كنت عايزة أنزل اشتري شوية حاجات ليا كدا من الشارع فمفيش داعي تتعب نفسك اكتر من كدا لأني بحب اشتري حاجتي بنفسي
*يونس : تمام يلا بينا
*جنة : يلا بينا فين ؟!
*يونس : اعذريني ياجنة مش هينفع اسيبك تروحي في حتة لوحدك في الظروف المنيلة اللي احنا فيها دي ، رجلي على رجلك لحد مااتأكد انك في أمان
*لو وقت غير دا كنت بعت معاكي كريم بس انا هبعته هو و مصطفى مشوار مهم جدا يجيبوا حاجة تخص حفلة بكرا فهاجي معاكي انا ،، يلا بينا
*جنة : تمام يايونس انا لبست خلاص وجاهزة
*يونس : عايزة حاجة نجيبهالك معانا ياامي ؟
*صفوة : لا ياحبيبي تروحوا وتيجوا بالسلامة 🤭*يونس : بتضحكي على ايه ياصفوة 🤔*صفوة : 🤭🤭*يونس : يلا ياجنة ننزل احنا عشان الحوار شكله مطول
*نزلوا يونس وجنة دخلوا مول وبدأت هي تشتري حاجتها وهو يتفرج عليها وهي بتشتري كل حاجة وعلى دقتها في اختيار أبسط الحاجات وفي وسط تركيزه
*جنة : يونس ايه رأيك أجيب درجة الروچ دي ولا دي عشان محتارة اوي 🤔*يونس : نعم !
*جنة : في ايه يا يونس باخد رأيك مش انت اللي صممت تيجي معايا استحمل بقا 😂*يونس : لا ثواني هو فيه فرق بين اللونين أصلا
*جنة : مبدأيا اسمهم درجتين ، تاني حاجة أيوة طبعا اللونين مختلفين
*يونس : ولو إني مش عارف ايه الفرق ، بس ماشي خدي دا
*جنة : تمام والله ما هكدبلك خبر .. يلا انا خلصت تعالى ننزل نحاسب بقا وبعدين نمشي
**على الكاشير *
جنة : لو سمحت انا اخدت الحاجات دي كدا كام ؟
الكاشير : كدا الحساب تمام يافندم اتفضلي شنط اهي عشان تحطي فيها الحاجات
جنة : تمام يافندم ايه انا لسة مدفعتش
الكاشير : الأستاذ اللي معاكي دفع حساب كل محل قبل ماتخرجوا منه ياانسة
جنة بغضب : ليه عملت كدا يايونس ؟! يونس : عشان اللي ماشي معاكي دا راجل مش دكر بط ، لو خلصتي بقا يلا نمشي عشان كل دا صفوة لوحدها في البيت
مشيوا من المول ولحد باب البيت عيون جنة متشالتش من على يونس .. ليه وايه السبب ؟ الله أعلم.
وصلوا البيت .. فتح يونس بالمفتاح ودخل ، هدوء تااام في البيت كله بدأ ينده على صفوة مبتردش اتجنن وبقا هو يدور في اتجاه وجنة تدور في اتجاه تاني ووسط تدويرهم ومناديتهم عليها

فجأة ...

الفصل العاشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-