#البارت_الرابع.
#أحببتُ_قلبًا_بالحلالِ.
(في اليوم التالي)
-سمر:- السلام عليكم
-وتين:- وعليكم السلام، أزيك يا سمووور
-سمر:- الحمدلله بخير يا تينو، بقولك يا بت إيه رأيك تنزلي معايا النهاردة نشتري فستان عقبال عندك ياختي بنت جارتنا سماح خطوبتها بعد بكره بإذن الله.
-وتين بضحك:- عقبال عندك يا أم فاروووق، ربنا يتمملها على خير، عالعموم عشر دقايق وهكون عندك.
-سمر بضحكة انتصار:- بسرعة يا عروسة.
-وتين باستغراب وضحك:- مين دي اللي عروسة يا بت!! أنتي من كتر ما نفسك تتجوزي بقيتي تقولي لأي حد عروسة، سلام يا سمر.
-سمر لعمر بضحك:- تمت الخطة بنجاح يا كبير.
(سمر وعمر وأسر كانوا قاعدين في مكان عام وكله بتخطيط من عمر علشان يوفق بين راسين في الحلال)
-أسر باستحقار:- أنا مش عارف ايه اللي خلاني أمشي ورا دماغ أعيل اتنين ربنا يستر ووالد وتين ميكرشنيش.
-عمر بتعجب:- ايه يا دوك من امتىٰ وأنت بتقلق بالشكل دا، دا أنت واقع أوي يا صاحبي.
-سمر بضحك:- والله يا دكتور أسر باين عليك وقعت ومحدش سمىٰ عليك.
-أسر:- أنتوا بتقولوا فيها، أنا فعلًا واقع، وتين قلبت كياني يا جماعة، بكره تحبوا وتفهموا.
-سمر وعمر بصوت واحد:- يسمع من بوقك ربنا(وضحكوا)
(انتهت قعدتهم بتليفون وتين لسمر واتقابلوا وبدأوا بعملية البحث عن فُستان لسمر علشان الخطوبة اللي ملهاش وجود أصلا، أما أسر فزي ما قال إنه حابب يدخل من الباب ووتين تبقىٰ من نصيبه وكله بالحلال، وراح أسر لبيت وتين وخبط عالباب (طق طق طق))
_________________________________________
(في بيت وتين)
-الحاج محمد بترحيب:- اتفضل يا أسر يا ابني نورتنا.
-أسر ببشاشة:- دا بنور حضرتك يا عمي(وسلم عليه بكل حب واحترام)
-الحاج محمد ومصطفى:- أتفضل على أوضة الصالون(ومصطفى واخد أسر على الصالون وحاج محمد وراهم)
-أسر:- عارف يا عمي إن حضرتك لسه شايل مني بس حقك عليا، أنا جاي أطلب إيد وتين من حضرتك بتمنى توافق.
-الحاج محمد:- أسر يا ابني مُكالمتك ليا في اليوم اللي حصلت فيه المشكلة خلاك تكبر في نظري أكتر.
((فلاش باك))
(لما أجتمع أسر وعمر وسمر)
-أسر:- آنسة سمر عايز رقم والد وتين دلوقتي.
-سمر:- خير يا أستاذ أسر!
-عمر:- هتعمل ايه يا ابني، أسر متتهورش أصبر هنخطط سوا.
-أسر بإصرار:- وتين مش محتاجة إني أخططلها أنا هتعامل زي ما أنا وهكلم والدها، هي تستاهل كل خير، وتستاهل إنسان يتعامل بأصله مش لسه هخطط علشان أتعامل مع بنت الناس.
-سمر بفرحة لصديقتها:- أتفضل يا أستاذ أسر دا رقم عمو محمد.
(أسر أخد الرقم بسرعة ومستناش وأتصل علطول بوالد وتين)
-أسر:- السلام عليكم، حاج محمد معايا؟!
-الحاج محمد:- وعليكم السلام ورحمة الله وبركاته، أيوا يا ابني أنا الحاج محمد، مين معايا؟!
-أسر:- أنا دكتور أسر، بحضر الدكتوراة في كلية تربية وكنت حابب أتكلم مع حضرتك في موضوع مهم جدا
-الحاج محمد:- خير يا دكتور أسر طمني يا ابني حصل ايه؟!
-أسر بعشم:- كل خير والله يا عمي، بكل صراحة أنا حابب القرب من حضرتك عارف إن المواضيع دي مش ببتقال في التليفون لكن محتاج أخد من وقت حضرتك شوية.
