-وتين بعصبية:- أنت عايز إيه مني! هو أنت فاكر إني هوافق عليك! لا يا أستاذ أسر دي نجوم السما أقربلك.
-أسر بهدوء:- أنا اسمي أسر بعمل دكتوراة في كلية تربية، والدي متوفي وأمي ست طيبة جدا وبتحبك طبعا لإني حكيتلها عنك كتير معنديش أخوات، مُعجب بيكي من ساعة ما عطيتلك البوك، وعايزك في الحلال، سعيت وراكي حتى لما ضربتيني بالقلم، بصي يا بنت الحلال أنا مليش في حوارات البنات ومكنتش عارف أتصرف معاكي إزاي وكل اللي حصل كانت بخطط البأف عمر، لكن صدقيني كنت عايز على الأقل أخد منك رقم والدك، وتين أنا مش عايز منك أي حاجة ولا هجبرك على الجواز مني كل اللي عايزه متبقيش زعلانة مني وخليكي صافية من ناحيتي، صلي استخارة يا وتين لعل وعسى يحصل بينا نصيب، وتين أنتي غير كل البنات وسمعت عنك كل خير بتمنى إنك تبقي وتيني.
-أسر بكل هدوء بعد ما خلص كلامه:- ناديلي والدك يا آنسة وتين، معاكي الوقت اللي أنتي هتحدديه صلي استخارة وبإذن الله خير، مستني منك خبر يفرح العيلتين.
(الحاج محمد دخل عندهم)
-الحاج محمد بابتسامة:- خير يا ولاد، طمنوني.
-أسر بابتسامة وهدوء:- كل خير يا عمي، احنا اتكلمنا مع بعض شوية ومستني من حضرتك رأي الآنسة وتين.
-الحاج محمد:- على بركة الله يا ابني، نورتنا يا أسر يا ابني.
(وبعد السلامات مشىٰ أسر ودخلت وتين أوضتها)
-وتين لنفسها:- مالك يا وتين قلبك بيدق جامد كدا ليه! ومالك فضلتي ساكتة كدا ليه وهو بيتكلم!! ايه يا ست وتين الراجل عجبك ولا إيه! شكلي كدا أتشدتله، أومال فين وتين الاسترونج، يارب اكتبلي الخير أينما كان.
(زينب دخلت عليها الأوضة)
-زينب بحنان أموي:- إيه يا نور عيني سرحانة في إيه؟ العريس مش عاجبك يا وتين!
-وتين نامت على رجل مامتها:- حاسة إني متلغبطة يا ماما كلامه معايا خلاني أقف مع نفسي، ماما أنتي شايفة إني أسيبله فرصة؟
-زينب بحب:- طبعًا يا بنتي سيبي للراجل فرصة وسيبي لنفسك فرصة، صلي استخارة يا وتين وأرضي باللي ربنا كاتبهولك.
-وتين بحب:- حاضر يا زوز يا قمر أنت.
(وفعلا قامت وتين تصلي استخارة بدل المرة عشر مرات وفي كل مرة تصلي فيها استخارة بتبقى مرتاحة لأسر)
(عدى أسبوع على أبطالنا)
-وتين بخجل:- بابا أنا موافقة.
-الحاج محمد بسعادة:- بجد يا وتين يا بنتي موافقة يا حبيبة بابا؟
-وتين بحب لوالدها وخجل:- أيوا يا بابتي أنا موافقة، وبعدين أنا صليت ١٠٠ مرة استخارة وفي ال١٠٠ مرة حسيت براحة يا بابا.
-مصطفى بضحك:- ١٠٠ مرة يا مفترية كل دا علشان توافقي عليه، قلبي عندك يا أسر يا جوز أختي.
(والعيلة كلها ضحكت على كلام مصطفى)
-زينب بسعادة وهي بتحضن وتين:- أخيرًا هشوفك عروسة يا نور عيني، مبروك يا بنتي.
-الحاج محمد بيرد عالتليفون:- وعليكم السلام ورحمة الله وبركاته حماتك بتحبك يا أسر يا ابني.
(وتين أول ما سمعت اسم أسر وشها أحمر وأخوها غمزلها)
-أسر بلهفة:- خير يا عمي طمني وصلتوا لقرار.
-الحاج محمد بفرحة:- وتين موافقة يا ابني.
-أسر بسعادة بالغة:- يا بركة الله، الله أكبر ربنا يباركلك يا عمي، ربنا يباركلك يا راجل يا طيب.
-الحاج محمد بفرحة:- ربنا يفرحكم يا ولاد ويتمملكم على خير.
-أسر بفرحة:- يارب يا عمي يااارب.
-أسر لوالد وتين:- عمي الخطوبة بإذن الله يوم الخميس الجاي.
-الحاج محمد:- على بركة الله يا عريس.
( انتهت المكالمة وبدأت زينب زيها زي أي أم مصرية تزغرط وشغلوا أغاني وفضلوا يرقصوا (مصريين بقا) ونفس الحال في بيت أسر مامته كانت بتزغرطله وأنتهى اليوم بسعادة بالغة في العيلتين)
__________________________________________
(الأسبوع عدى بسرعة على أبطالنا والفرحة مكنتش سايعة العيلتين وعمر كان متحمس أوي إنه يقابل سمر
وجه اليوم اللي الكل مستنيه وهو يوم الخطوبة)
-سمر بفرحة:- مبروك يا بت يا وتين عقبال الليلة الكبيرة.
-وتين بفرحة:- الله يبارك فيكِ يا روحي، عقبالك يا سمورة.
-سمر بتذكر:- فاكرة يا وتين(يا دبلة الخطوبة عقبالنا كلنا تيرارارا)
-وتين بضحك:- فاكرة ياختي وأهي الخطوبة وأهو العريس، نبرتي في الموضوع لحد ما حصل، بس تصدقي أحلى نبرة.
-عمر بسعادة وهو بيبص لسمر وبيحضن أسر:- أسورة حبيبي ألف مبروك يا دوك عقبالك يا جميل (وغمز لسمر)، قصدي ربنا يتمملك على خير يا صاحبي.
-أسر بفرحة:- الله يبارك فيك يا صاحبي عقبالكم وغمزله.
-عمر بتمني:- يااارب يا أسر يااارب، هروح ورا المجنونة دي لما أشوف هتعمل ايه.
(وجرى ورا سمر اللي اتكسفت من تلميحاته ليها)
-أسر بفرحة:- مبروك يا أحلى عروسة.
-وتين بخجل:- الله يبارك فيك، عقبالك.
-أسر بضحك وتعجب:- أنتي هبلة يا بت ما أنا العريس يا هبلة.
-وتين باستيعاب لكلامها:- أه صحيح نسيت، معلش عروسة بقا ومش مركزة.
-أسر بضحك على طفلته:- وتين، أنا مبسوط أوي إنك ليا، مش مصدق إن وتين اللي كنت بجري وراها خاتمي بقى في إيديها، وتين أنا بحبك.
-وتين بتتجاوز خجلها:- بقولك ايه يسطا جو بحبك والكلام دا خليهولك، أنا قايمة أكل الجاتوه.
-أسر بصدمة:- يسطا! وتاكل الجاتوه، هو أنا خاطب صاحبي وأنا مش واخد بالي ولا إيه.
-عمر بفرحة:- مالك يا عريس قاعد كدا ليه، وفين عروستك؟
-أسر وهو حاطط إيده على خده:- عروستي بتاكل الجاتوه.
-عمر بضحك:- بتاكل الجاتوه، هو دا وقته جاتوه يالا، أنا رايح أشوف موزتي سمورة فين.
-عمر وهو بيدور على سمر:- أنتي فين يا سمر، أنتي فين يا عروووسة.
-سمر من وراه:- خير، أنت بتنادي على حد تايه ولا إيه
-عمر بإعجاب لسمر:- ايه الجمال الجبار دا يا بت!!
-سمر بخجل:- عيب كدا علفكرة، أنا رايحة أكل الجاتوه مع وتين.
-عمر باستغراب:- هما البنات أتهبلوا ولا إيه، يلا أروح أنا كمان أكل جاتوه هي جت عليا.
(وأنتهى اليوم بسعادة بالغة)
