رواية يا كابتن يا كابتن..، انت يا عسل الفصل الاول
=يا كابتن يا كابتن..، انت يا عسل
-عسل؟ انتي بتندهيلي انا؟؟
=اه هو في حد غيرك
-وبتقوليلي عسل؟
=لو كنت اعرف اسمك كنت ندهت بيه
-ما علينا عايزة ايه
=انت في كلية حقوق صح
-اه ليه؟
=طب ممكن بس تلخصلي المادة دي عشان مادة رخمة والدكتور بتاعها غبي ومش بيعرف يشرح،وعندي امتحان دلوقتي والله اعلم شكلي هسقط
-وريني كدا
=اهي
ادته الكتاب اللي مش فاهمة منه حاجة حتي اسم المادة مش فاهمة بيتكلم عن ايه، لخصلي الفصول بسرعة واكدلي علي النقط المهمة اللي ممكن تيجي في الامتحان،خلصت الامتحان وان شاء الله يارب اطلع بمقبول انا مش طمعانة في اكتر من كدا
=وكلمته وكلمته
-انتي هبلة يا شهد هو بس شرحلك حاجة مش فاهماها مش جه طلب ايدك للجواز
=طب اعمل ايه؟
-انسيه
=شكرا علي النصيحة، قومي امشي من هنا بقا
-مش بقولك الحقيقة
انا شهد في تانية حقوق، معجبة بواحد بشوفه كل يوم في الكلية بس معرفش عنه اي حاجة ولا حتي اسمه، والنهاردة قبل الامتحان شوفته وطلبت منه يشرحلي حاجة وحقيقي مكنتش فاهمة حاجة في المادة دي مكنتش بلفت الانتباه، بس بردوا معرفتش اي حاجة عنه.
عدي شهر والاجازة تمت معملتش حاجة غير نوم واكل واكل ونوم، الترم التاني بدأ وابغي اقول إن انا بروح الكلية بس عشان اشوفه بس استحي والله
كنا قاعدين في المحاضرة والقلم بتاعي وقع ونزلت اجيبه، سمعت صوت اقدام الدكتور وهو داخل
-شهد اطلعي الدكتور دخل
طلعت مكملتش ثانية ونزلت تاني، دا هو، طلع دكتور في الجامعة،يا نهار ازرق اعمل ايه دلوقتي، دا ممكن يعرفني ممكن ايه؟ دا اكيد
-الانسة اللي تحت البنچ بتعملي ايه تحت،ممكن تطلعي
انا دلوقتي نفسي الارض تنشق وتبلعني،طلعت وانا وشي في الارض
=اسفة يا دكتور كنت بجيب القلم
-تمام
الحمدلله معرفنيش
-انا دكتور أدهم وهدرسلكوا بدل دكتور محمود
هيدرسلنا المادة اللي شرحهالي،احسن والله هو كان دكتور اصلا مش بيعرف يشرح،من النهاردة دي هتبقا مادتي المفضلة..،كان بيشرح وانا طول الوقت حاطة وشي في الكشكول مش عايزة اطلعه..،المحاضرة خلصت واحنا خارجين كنت ماشية وبخبي نفسي بالكشكول عشان ميشوفنيش
-آنسة يا آنسة
-بيندهلك يا شهد
=لا مش انا يلااا نمشي هنا بسرعة
-ندهلك تاني
=نعم يا دكتور بتندهلي انا
-اه..،مش انتي البنت....
=لا لا مش هي انا واحدة تانية
بصلي باستغراب ان هو مش مصدق،يارب انا مش عايزة حاجة غير الستر والصحة وان انا امشي من هنا
-طب فهمتي من شرحي
=اه اه الحمدلله
-طب لو احتجتي حاجة انا في مكتبي
=شكرا يا دكتور
=بقا شايفاه طالع نازل في الكلية وفي الاخر يطلع دكتور
-معلش
=لا وكمان يوم ما اتلحلح واكلمه اقوله يا عسل
-ما انتي مكنتيش تعرفي بقا
=بس هو مقاليش ان هو دكتور
-معلش مجاتش فرصة يقولك
=انتي في ايه كل ما اقول حاجة تردي عليها دا بدل ما تهديني
-انتي اللي غبية راحة تندهي ل واحد متعرفهوش يا عسل
=بصي انا مش جاية الكلية دي تاني
-هتسبيني اجي لوحدي
رديت باستفزاز=معلش بقا
يعني مش كفاية الواحد يبقا تصرفاته غبية لا كمان يبقا عنده شخص في حياته يأكدله بكدا ودا اللي بتعمله مي معايا،رجعت البيت مش عايزة افكر في اي حاجة عايزة انسي اللي حصل وعايزة انام، دخلت انام
صحيت بعد نص ساعة بسبب الدق اللي شغال تحتنا والصوت العالي مش عارفة انام
=ماماااا هو في ايه تحت بيدقوا ليه
-في ناس ساكنين جداد في الشقة اللي تحت
=ايوا وهما ميعرفوش حاجة عن احترام الجيران ولا ايه
-بتقولي ايه
=مفيش انا هدخل انام
دخلت اوضتي وحاولت انام وبردوا مش عارفة،قومت وقولت هنزلهم، نزلت وخبطت
-في حاجة يا آنسة
=ممكن تبطلوا دق
-نعم؟
=تبطلوا دق انا مش عارفة انام
-يعني اعمل ايه
-مين يا حازم
-دي واحدة يا ماما بتقول....
=بقول ماما باعتاني اقولكوا لو عايزين اي مساعدة او محتاجين حاجة
-تسلميلي يا حبيبتي لو احتاجنا حاجة هقولكوا وسلميلي علي ماما
=حاضر يوصل
مامته دخلت،وحازم دا اتكلم بنبرة كلها تريقة
-ايه القط اكل لسانك مقولتيش ليه بطلوا دق
=شششش اسكت يالاا وبطل دق بردوا
طلعت والحمدلله بطلوا وعرفت انام،صحيت الصبح وانا ماشية علي الكلية،من ساعة ما نزلت من علي السلم وفي حد عمال يبسبس اول ما زهقت لفتله وبزعق
=في ايه يا استا.....دكتور أدهم!!
-انتي!!! آنسة..
=شهد،حضرتك بتعمل ايه هنا
وطي شال القط بتاعه اللي كان بيندهله تقريبا،شاله وخده في حضنه،يارتني كنت مكان القط دا،القط دا عنده حظ احسن مني
-انا ساكن جديد هنا وانتي
=انا بيتي هنا
-أدهم انا ماشي..انتي؟انتي واقفة هنا ليه؟
حازم دا جه
=انت مالك يا أخ هو انا واقفة معاك انت
-انتوا تعرفوا بعض
-اه الانسة نزلت امبارح عشان تقولي....
برقتله عشان يسكت
=كنت نازلة اسأل طنط لو كانت محتاجة مساعدة او حاجة
حازم بصلي باستغراب واكيد بيقول عليا هبلة
-دا حازم اخويا وساكنين هنا جديد وشهد بدرسلها في الجامعة
حازم قالي تشرفنا وسابنا ومشي
=عن اذنك بقا انا همشي
-انتي راحة الكلية؟
=اه
-طب استني اوصلك معايا في العربية
=لا شكرا انا صاحبتي مستنياني هروحلها
اتهربت منه دا انا بشوفه عيني بطلع قلوب لوحدها،اومال لو ركبت معاه العربية هعترفله بحبي علي طول،حلو اوي ان يكون الكراش ساكن جمبي
روحت الكلية وقابلت مي وحكتلها وفضلت تحفل عليا،خلصنا محاضرات واليوم كان ممل عشان مدخلناش النهاردة...،كنت طالعة علي السلم وبقلب في الفون
-طب ممكن تعديني وبعدين اطلعي براحتك
=يارب صبرني يعني انت مش شايف المكان فاضي اهو
-فين المكان اللي فاضي انتي طالعة وعاملة زي الحيوان الكسلان البارد
=انا باردة؟
-وبالنسبة لحيوان مختيش بالك منها يعني
=علي فكرا بقا مفيش حيوان غيرك هنا
-طب تصدقي انك....
-واقفين كدا ليه علي السلم؟
بدل ماتدور وتبحث علي الروايات خليها علي تليفونك وحمل تطبيقنا
