رواية شبح ذكريات الماضي الفصل الثاني
ميسون : أنت
مروان : لحقتي تنسي ده يا دوب كام ساعه مش اكتر
ميسون : خير حضرتك عايز أيه
مروان قعد جنبها وميسون اتفجأت من حركته المفاجاه بس حاولت تتدارك الموقف
مروان: حاجتين الأولي نتفق أننا هنا مش في الجامعه يعني أنت مش دكتوره وأنا مش طالب عندك والتاني أنك توافقي علي طلبي ونبقي أصحاب
ميسون: ممكن اعرف سبب الحاحك علي صداقتنا ليه؟! ولحضرتك لقيت حديث الموسم وفضولك بيدفعك لاكتشاف الحقيقه الكل البقت تسليه في متداول الجميع فحبت تقرب مني وترضي فضولك بس للأسف مش أنا البهتم بتكوين الصداقات أو تقويه العلاقات لأن ٩٠ في الميه منها كذب وخداع وأنا معنديش اي استعداد اني ادخل أي حد لحياتي الخاصه
مروان بحزن : أنت رايك كده إني بدعي القرب علشان ارضي فضولي
ميسون ببرود ظاهري: آمال ليه
مروان: يمكن علشان شوفت في عينك نظره وحده وضياع متغلفين بقسوة شوفت فيكي بنت صغيره بتحب الحياه وانت سجنها جوه قيود الماضي وبتنتهكي حقها في السعاده والحرية لمست جرح وبتغلفيه بحبات الملح بدل ما تعالجيه
ميسون: وأنا مش عايزه مساعده من حضرتك مشاكلي من اختصاصي أنا واقدر احلها لوحدي من غير مساعده
مروان: محدش يقدر يعيش وحيد لازم تلاقي اليقف جنبك ويخفف عنك لازم تلاقي حد يساندك سيدنا آدم عن رغم وجوده في الجنه ونعيمها مقدرش يعيش وحيد ربنا خلق ليه حواء من ضلعه علشان تكون ليه ونس وسند ويكون ليها كنف وأمان
ميسون : ادم كأن زوج حواء إنما أنت إيه علشان كده هو أمانها وسندها
مروان: أنا صديق
ميسون: وأنا أرفض الصداقه
مروان: من حقي أعرف السبب
ميسون : علشان الإنسان بطبعه أناني وزي ما بيعطي عايز من إهتمام واحتواء وغيره وأنا معنديش القدره علي إعطاء أي شيء
مروان : علشان كده محتاجه الشخص الينعش الأمل جواكي من جديد
ميسون : علي ما أعتقد أنا ادري بمصلحتي بعد اذنك
مشيت ميسون وسابت مروان غرقان في أفكاره
مروان لنفسه: شكلك هتتعبني معك بس في حاجه بتشدني فيكي مش عارف ايه هيا من اول يوم وقع نظري عليكي في الجامعه وأنا عقلي بقي ملكك يمكن انجذاب ليكي بسبب الغموض ولا لاني شوفت في عيونك الم سبق ومرت بيه
قطع أفكاره رنين تليفونه
مروان: ايوه يا للي
ليلي: ايوه يا مروان أنت فين عندك إجتماع مع عميل مهم بعد نص ساعه
مروان : خلاص عشر دقائق واكون عندك سلام
استوب 
________________________
ليلي الهواري سكرتيره مروان ومعه من زمان وبينهم صداقه قويه جدا من آيام الجامعه ليلي بنت جميله بل فائقه الجمال متوسطة الطول ذات بشره بيضاء وعيون خضراء وشعر أصفر قصير تتميز بالعمليه والذكاء
_____________________
نرجع لاحداثنا
ميسون رجعت البيت أخدت رهف وساعدتها في تغير هدومها والاستعداد للنوم
ميسون قعدت مع رهف لحد ما تنام ورجعت بذاكرتها
مرام : اه آه
ميسون: خلاص هانت فاضل حاجه بسيطه
مرام: ااااااااااه
وفقدت الوعي وملأ المكان صوت الطفل الجديد يعلن عن وصوله لهذه الحياه القاسيه
بدأت ميسون في محاوله إفاقت مرام
بدأت مرام تستعيد وعيها شى فشى
ساعدتها ميسون بالانتقال للسرير واخدت
جلبت لها بعض الماء
ميسون: إحنا لازم نروح للدكتور ونطمن عليكي
مرام بزعر: لا ارجوكي أنا مقدرش لو حد عرف هتبقي مصيبه
ميسون وهي تحاول أن لا تنفجر بها فهي حالتها لا تسمح
ميسون : مرام ابن مين ده واذي أنت حامل ومن أمتي وليه
مرام:... .....
ميسون: ارجوكي ردي عليا متسبنيش لأفكاري كده تقتلني
مرام: ارجوكي أنا مش قادره اتكلم
ميسون: يعني إيه مش قادره تتكلمي أنا هتتجن أنا لازم أفهم كل حاجه دلوقت
مرام: هحكيلك بس مش دلوقت أنا تعبانه جدا
ميسون : طب بيت مين ده
مرام: بيتي متخافيش ميسون ارجوكي كفايه اسئله وسبني ارتاح
ميسون قررت السكوت عن رغم النيران البتجتاح قلبها بس مراعاه للوضع الراهن
ميسون قامت عملت أكل لمرام وبدأت في اطعامها فبالرغم من كل مشاعر الغضب الا ان خوفها علي أختها في المقام الأول
انتهت مرام من التهام الطعام وميسون همت بالخروج ولكن اوفقها صوت شهقات مرام
مرام: كنت في ٣ ثانوي وقتها كانت المدرسة فيها تجديدات وهناك اتعرفت علي المهندس المكلف بالمهمه دي وأعجبت بيه جدا هو كمان بقيت بروح كل يوم المدرسه علشان أشوفه علاقتنا اتطورت وحبته اوي واعترفت بحبي ليه وهو كمان وقتها بقينا نتقابل بعد المدرسه او أثناء الدراسه لحد اخر يوم في الامتحانات كأنت خارجه ووقتها قابلته ووسط الكلام انصدمت بالحقيقة
قطع هجوم أفكارها وسيل دموعها صوت تليفونها بصت علي المتصل واترددت كتير ترد او لا لحد ما اخدت قرارها وردت
ميسون : الو اذيك يا أسر
أسر: اذيك يا مس عامله ايه
ميسون: الحمد لله خير في حاجه
أسر: محتاج اقابلك ضروري وعايز اسمع رأيك في عرضي
ميسون: أنا أسفه بس بجد تعبانه ولسه مقررتش بكره بعد الجامعه هتصل بيك واحدد معك ميعاد
أسر: تمام
ميسون : سلام
واغلقت الخط قبل سماع أي كلامه أخري
قامت من جوار رهف قبلت جبينها بهدوء وتوجهت لحجرتها رفيقت ألمها وذهبت إلي سريرها بحثه عن النوم هاربه من ذكرياتها المولمه لجأئه للنوم الذي ضيع طريق جفونها منذ وقت طويل
ولكن للاسف فسيل ذكرياتها مازال متدفق يرفض الوقف
فلاش باك
مرام : انصدمت بالحقيقة أني مش هقدر اشوفه تاني
عرضت عليه الجواز بس وقتها اقنعني بان اهلي هيرفضوا لصغر سني وطلب ننتظر لحد ما اخلص جامعتي وقتها واقفت بس خوفت بينسني ويحب غيري عرضت عليه يتجوزني في السر لحد ما يمر اخلص حوالي سنه او اتنين وقتها نتجوز رسمي وافق ورحب بالفكرة وبالفعل اتجوزنا في الشقه دي وبعد حوالي ٤ شهور اكتشفت إني حامل بس وقتها كان غايب عني بقاله فتره ومعرفش عنه حاجه فقررت اروح ليه مكان شغله وهناك حكيت ليه ولما عرف قالي أنه مش ابنه وهو مش مسؤل بيه وإني بتبلي عليه وأنه أول مره يشوفني ولو فكرت اتعرض ليه تاني هيدخلني السجن وقتها الدنيا ضلمت في وشي وبقيت مشوشه حاولت أتخلص من الجنين بس الكل رفض وقالوا إن محاولتي للاجهاد في سني ده خطر كبير عليا وقتها ملقتش حل غير الهروب فاقنعتكم بسفري علشان أكمل دراستي بس في الحقيقة أنا مسافرتش أنا قعدت هنا قضيت فتره حملي وحيده محدش يعرف عني حاجه كانت اصعب فتره في حياتي كنت كل يوم يموت من الرعب والتفكير البيقتلني خوفي من المستقبل كان مجنني كانت بموت كل يوم الف مره وأنا بشوف حياتي بتتدمر اذي قدام عيني
ميسون : ومحاواتيش تشوفيه تاني
مرام: حاولت من حوالي شهرين ووقتها عرفت أنه سافر بره مصر ومحدش عارف هيرجع أمتي
وقتها فقدت الأمل وقررت أقبل الواقع وقررت ابقي لحد ما اولد ووقتها أبقي ادور علي حل بس النهار ده تعبت جامد اوي عرفت اني بولد ووقتها عرفت أنك الوحيده الهتقف معي
ميسون: ولو فعلاً كنتي عارفه كده كنت قولتلي كل حاجه من بدري مش كذبتي عليا وخدعتني كده انت استغلتي ثقتي وحبي ليكي أنا بجد مش عارفه اعمل ايه ازعل منك علي عملتك والمصيبه دي وأنك كذبتي عليا وخدعتينا وكسرتي ثقتنا ولا ازعل عليكي وعلي وضعك وحرجك وعلي الوجع الشوفيته وملقتيش حد يقف جنبك ويواسكي ازعل منك ولا عليكي أنت بجد غلطتي كتير اول مره لما خبيتي عليا حبك ليه تاني مره لما عرضتي الجواز عليه تالت مره لما وافقتي رابع مره لما حملتي خامس مره لما خبيتي عننا حملك وجايه دلوقت تطلبي السماح علي ايه اسامحك علي ايه ولا ايه أنا مش مستوعبه كميه الأخطاء
مرام: حرام عليكي يا ميسون كفايه بقي أنا مش قادره
وبدأت في العياط وصوت شهقاتها بيزيد
خرجت ميسون من الاوضه وقعدت ودموعها بتزل طب ايه الحل هتعمل ايه دلوقت صوت بكاء مرام يبكوي قلبها بعد فتره من صراع طويل في نفسها قررت تدخل عندها
دخلت وقعدت جنبها واخدتها في حضنها وهنا مرام انفجرت في العياط قعدوا يعيطوا هم الاتنين وميسون بتزيد من احتضانها اكتر
ميسون: متخافيش متخافيش أنا جنبك ومش هسيبك وقعدت تبكي فاقت من علي صوت المنبه يعلن عن بدايه صباح جديد وينتشلها من سيل الذكريات
ميسون: معقوله النهار طلع
عزيزه: صباح الخير يا هانم تحبي احضرلك الفطار
ميسون: لا متشكره أنت جهزي رهف وباص الحضانه هيجي يأخذها أنا نازله الشغل
دخلت ميسون تستعد لرحله جديده من التعذيب
نعم التعذيب فمنذ انتشرت هذه الحقائق حول ماضيها وهي محط اهتمام الجميع فنظرات التفحص المرافقه لها بمثابة اسوء أنواع التعذيب اليكفي جلد لها ليما هذا المجتمع مهوس بالمثليه ليما مهوس باقتحام الخصوصيه ولكن لا يهم رأيهم اين كانوا حين عذبت اين كانوا حين شردت فالشوارع اين كانوا حين لا تملك ما يسد جوعها أين كانوا حين حرمت من ابسط حقوقها واين لا احد له الحق في محاسبتها لا فلم يشعر أحد بمعانتها ولا ما مرت بيها فههي تحاسب علي جرائم لا ذنب لها بها فيحفظ كلا منهم برأيه وتتقدم هي في نجاحها
همت في ارتداء ملابسها والتي كأنت مكونه من بنطال اسود من القماش ضيق نسبياً وقميص أبيض اللون وجاكت قماش سميك أبيض رسمي وساعه سوداء وحقيبة سواء مزينه بشريطه بيضاء وتركت لشعرها العنان لينسدل خلفها مع
وارتدت نظارتها الشمسيه وحذاء أبيض ذو كعب عالي توجهت في طريقها للجامعه بثقه وثابت خارجي عن رغما عن كل هذه الصراعات الداخلية
وصلت للجامعه وبدأت في إلقاء محاضراتها غير مهتمه بنظرات الفضول الملتهبه ولا الأسئلة الجارحه
انتهت من عملها وهمت بالخروج ولكن أوقفها صوت أحدهم
أسر: علي فين يا دكتوره
استوب
ياسر زين الانصاري
شاب عنده ٢١ سنه في ٢ كليه إبن ملياردير كبير عنيد وجرئ جدا يتصف بالوسامه صاحب عيون سوداء مائله للزقاء وشعر بني متوسط الطول ويعشق التحدي
____________________
نرجع تاني
ميسون: كنت خارجه عندي مشوار
أسر : وميعادنا
ميسون : معلش نسيت خالص
أسر : وأنا هنا علشان افكرك تحبي نقعد فين
ميسون : اتفضل اركب وهناك هنقعد في أي مكان هادئ
أسر ونط دخل من الشباك
تحت نظرات الاعتراض من ميسون علي تصرفاته الطفولية
أسر : ها قولتي إيه
ميسون : في إيه
أسر : في عرضي
ميسون وقفت السيارة فجاه وفي نص الطريق
أنت أكيد مجنون ممكن أفهم إيه المقصد من طلب زي ده شاب في عمرك ليه يعرض علي واحده اكبر منه الزواج
أسر: أسبابي شى يخصني
ميسون: وأنا استحاله ارتبط بيك أنا اكبر منك بحاولي ١٠ سنين
أسر : ألسن مش ازمه السن عباره عن رقم مش هيحدد مصيرنا
ميسون: أسر أنا لولا أني مقدره صداقتنا و معزتك عندي كان هيكون ليا تصرف تاني
أسر: ميس متستعجليش في قرارك اسمعي عرضي وبعدها قرري إذا كنتي تفرضي أو لا لن أنا متأكد أن الهقوله دلوقت هيخليكي تعيدي التفكير من تاني
ميسون بتنهيده : ماعتقدش إني في حاجه ممكن تأثر على قراري
أسر بثقه وغموض: حتي لو كانت رهف
ميسون بانتباه: مالها رهف
أسر بثابت وخبث: مالها دي معتمده علي قرارك
ميسون بخوف : تقصد ايه
أسر بتفكير : .......
بدل ماتدور وتبحث علي الروايات خليها علي تليفونك وحمل تطبيقنا
