غرام الفهد
الفصل الثامن وعشرون
جاء ليث وسلم علي رعد ثم اخذ جاسمين وخرج
جاسمين : انت جايب سياره مو موتور اوف
ليث : اما تتكلمي مصري هبقي اجيب موتسكل
جاسمين بتذمر : مش جايه معاك
ليث : ايوه كده تعالي اركبي ونروح نجيب موتسكل
جاسمين بفرحه : بجد
ليث : جد الجد يا قلبي
وذهبوا سويا بالسياره ثم وصلوا لمكان اخذوا موتسكل
ليث : خدي الخوذه
جاسمين : مش عايزه
ليث : ليه
جاسمين : كده هتخنقني
ليث : خلاص هلبس انا بتاعتي ودي اهي
ورماها علي الارض وامرها تركب ومشوا
في مكان اخر
الرجل : تمام يا فندم اتحرك وانا عملت اللي امرت بيه حاضر هختفي سلام
*********************
وصل فهد وايسيل ورعد وعشق وجدوا الصحافه
رعد : يادي النيله هي ناقصه
وجاء الحراس وبعدوهم ثم دخلوا وكانت الانظار عليهم
عشق : ايسيل هما بيبصوا كده ليه احنا فينا حاجه غلط
رعد لنفسه : هغير قله ثقتك في نفسك اوعدك يا عشقي
ايسيل : بس يا مجنونه
ودخلوا واستقبلهم اللواء وزوجته
عزت : اهلا بفهد المخابرات
فهد : اهلا يا فندم مبروك لابن حضرتك
عزت : الله يبارك فيك......ازيك يا رعد
رعد : تمام.....ازي حضرتك
عزت : كويس......ازيكم يا بنات
عشق وايسيل : تمام الحمد لله
وجلسوا علي منضده سويا وبعد وقت طلب الدي جي من الثنائي الرقص
رعد : يلا يا عشقي
عشق بابتسامة : يلا
وذهبوا سويا
فهد : تيجي نرقص يا قلبي
ايسيل : مش جايلي مزاج يا فهدي
فهد : اي ماشي طيب انا هقوم ارقص مع اي واحده
ايسيل بغيظ : قوم يا فهد وقسما بالله لو كررتها لشدهم كلهم من شعرهم قدامك وبعدها دورك انت ه.......
فهد رافعا حاجبه : ه ايه
ايسيل وهي تبتلع ريقها : ولا حاجه يلا نرقص
وذهبوا يرقصوا فوضعت يداها علي كتفه وتركت مسافه بينهم وهي تنظر له بضيق
فهد : ايسيل مالك
ايسيل : ولا حاجه
فشدها من خصرها حتي اصطدمت به وقبل جبينها
فهد : اسف اني خوفتك
رفعت ايسيل رأسها ونظرت لعيونه وابتسمت
ايسيل : بحب حنيتك اوي
فهد : وانا بحب كل حاجة فيكي
حاوطت رقبته وحضنته وظلوا يرقصوا لوقت حتي انتهت الرقصه فنزلوا سويا واوقفهم ناس
رجل 1 : فهد باشا ازيك
فهد : اهلا وسهلا
رجل 2 : كنت عايزك في موضوع
ايسيل : فهد انا هروح لرعد وعشق عن اذنكم
وذهبت جلست مع رعد وعشق تنظر لفهد كل وقت وهو ينظر لها ويبتسم بخفه فأرسلت لها قبله بالهواء فغمز لها ووقع انسيلها فقامت لتأخذه رأي فهد مسدس موجه لقلبها من بعيد ففزع ولكن لم يكن معه مسدسات ليوجهه له ف.....................
****************
جاسمين بصوت عالي : ليث هدي السرعه انا خايفه
ليث وهو يغمض عينه بألم : بتثقي فيا
جاسمين : اكتر من حالي
ليث : بتحبني
جاسمين : بموووت فيك يا ليث
ليث : اسمعي اللي هقوله لو بتحبني
جاسمين : حاضر ايه
ليث : اشتالي الخوذه بتاعتي
جاسمين : ليه
ليث : اسمعي الكلام يا حبيبتي
جاسمين : حاضر
واخذت الخوذه
ليث : البسيها
جاسمين : ليه
ليث : البسيها يا جيسي
لبستها جاسمين
ليث : جاسمين قوليلي بحبك بصوت عالي
جاسمين : بحببببك يا ليييث
ليث : وانا كمان بعشقك يا جيسي
ثم......................
****************
جري فهد ووقف امام ايسيل فضربه الشخص اول طلقه ثم الثانيه والثالثه والرابعه وفر هاربا ولحقه بعض الحراس بينما وقع الفهد وجست ايسيل بجانبه وتضع رأسه بين يداها وتنظر له بصدمه
توقفت الموسيقي وتجمع الكل
فهد : شكلك كان معاكي حق قصتنا مش هتكتمل بحبك يا ايسيل
نظرت له ايسيل ولم تجب اكتفت بفتح اعينها والنظر له
عشق ببكاء وهي تهزه : فهد فوق يا فهد
رعد ودموعه تنزل كالشلال : ابعدوا عنه اخده للمستشفي عده
حمل فهد بمساعده اللواء وجلست ايسيل بالكرسي الخلفي ورأس فهد علي ارجلها وخلع رعد الجاكت
رعد : امسكيه اكتمي الدم يا ايسيل
مسكت الجاكت بيد مرتعشه وهي تكتم الدم وتنظر له بصدمه ولم تتحدث
ساق رعد بسرعه كبيره جدا علي الرغم من تلك الدموع التي تشوش الرؤيه ثم تحدث بصراخ
رعد بصراخ : عششق رني علي احمد بسرعه
اومأت برأسها واخذت الفون ورنت عليه ففاق هو من النوم
احمد : عشق
عشق ببكاء : ا.احمد انت فين
احمد بقلق : في البيت مالك
عشق : احمد فهد اضرب بالنار
احمد : ايه طيب انا هاجي ع المستشفى
وقفل معها ورن علي المستشفي وهو ينزل مسرعا بعدما ارتدي ملابسه
احمد بصراخ : جهزوا العمليات بسرعه ورنوا علي دكتوره كارمن ودكتور ابراهيم ودكتور ياسر وافضل فريق تمريض في المستشفي يكون جاهز مفهوم بسرررعه
فزع الكل لصوته فكيف يذهب وهو لم يكمل ساعة بالمنزل
چيلان : مالك يا احمد
احمد بصراخ : مش وقتكم
وذهب يجري وجري الكل ورأه ووجدوه يخرج بالسياره بطريقه مخيفه
چيلان ببكاء : انا خايفه عليه اوي اول مره يبقي كده
جودي وهي تهدئها : ربنا يسترها
******************
في المستشفى يدخل رعد وايسيل وعشق يجرون بجانب فهد الذي ينقل بواسطة الترولي
دخل احمد مسرعا وامرهم بدخوله للعمليات وتجهز سريعا ودخل بينما جلست ايسيل امام بابا العمليات وتنظر له بصدمه ولم تتحدث
بينما عشق تبكي وهي تحضن رعد الذي تنزل دموعه علي توأمه الذي يشعر بان قلبه خرجه وانه من ضرب مكانه فكيف لا وهو توأمه وقرر ان يرن علي العائله
****************
في قصر الشافعي
كان الكل يجلس وعشق تمشي في المكان ذهابا وايابا ودموعها تتجمع
رعد : اهدي يا عشقي
عشق : قلبي وجعني اتأخروا اوي
اسد : رنيت علي رعد مردش وفهد كذلك وعشق ع الانتظار وايسيل نسته هنا تحت
عشق ودموعها تنزل : رن علي فهد تاني قلبي وجعني عليه واللهي هو حاصل معاه حاجه انا متأكده
رعد وهو يقف ويحضنها : اكيد كويس يا عشق زمانك عشان قلقانه
عشق وهي تبعد وتصرخ : هو مش كويس حاسه اني مخنوقه ابني فيه حاجه فهد فيه حاجه قلبي وجعني عليه بالذات رنوا عليه
اسد : رعد بيرن اهو
شدت عشق الفون وردت علي رعد
عشق ببكاء : رعد فهد فين هو تعبان انا حاسه بيه اخوك فين
رعد ببكاء ظهر في صوته : اخويا
عشق بصراخ : فهد ماله
نظر لها الكل
رعد : فهد اتضرب بالنار يا ماما
*****************
في مكان اخر
يتجمع الناس حولهم والاسعاف يحمله ويحملها ولكنها لم يصيبها شئ فرفعت الخوذه بضعف
جاسمين : ليث
ونظرت وجدته علي نقاله بجانبها الدم يملأ وجهه فغابت عن الوعي مره اخري
فتح احدهم بطاقته ومسك فونه
الممرض : دا ليث الاسيوطي استني نرن علي حد من اهله
ورن علي رقم مسجل ببابا واجابه
ادهم : ليث انت فين رعد عمال يرن ويسأل علي جاسمين
الممرض : انا مش ليث
ادهم بقلق : امال انت مين
الممرض : انا ممرض وليث ابن حضرتك عمل حادثه هو وبنت معاه
وقع الفون من يد ادهم ووضع يده علي قلبه بينما مسك عدي الفون واخبره الممرض فأمره بالتوجه لمستشفي الشافعي حيث احمد واخذ الكل وذهب للمستشفي وصل في نفس وصول رعد ودخلوا مسرعين
عدي : انت عرفت اللي حصل لجاسمين
رعد : ايه اللي حصل لجاسمين
عدي : امال انت بتعمل هنا ايه
رعد : فهد اضرب بالنار
عدي : لا حول ولا قوه الا بالله
عدي الصغير : جاسمين مالها
عدي : ليث وجاسمين عملوا حادثه وذمانهم في العمليات
عشق بصراخ : ياااارب
وتوجهوا الكل حيث قسم العمليات
في احدي الغرف
استيقظت جاسمين وشعرت بصداع تذكرت ما حدث معها هي وليث فدخلت الممرضه
جاسمين : ليث فين ليث
الممرضه : اهدي يا فندم
جاسمين بصراخ : هو فين
الممرضه : في العمليات
وقفت جاسمين وجرت للخارج حتي رأت الكل مجتمع نظرت لهم وهم صدموا فاعتقدوا انه بالداخل
جاسمين : ليث فين
لم يجب احد
جاسمين بصراخ : ليييث فيين ردوا
رزان وهي تقترب منها : اهدي يا جيسي
جاسمين بصراخ : محدش يقول اهدي فين ليث
رزان : هو وفهد في العمليات
جاسمين بصراخ : قوليله يطلع انا السبب انا اللي مفروض اكون مكانه انقذني ليه
جودي : اهدي يا بنتي
جلست جاسمين علي ركبتيها وهي تبكي واطلقت صرخه قويه مؤلمه
جاسمين : ليييييث اااااااه
واغمي عليها فقلق الكل وتوجه رعد الكبير لها وهو يحملها
رعد : نادوا علي دكتور
واخذوها لغرفه وجلست رزان وماسه بجانبها ومرت ساعه ساعتين ثلاثه وايسيل التي تنظر ليداها الملطخه بدمه وفستانها الابيض فجأه تحدث رعد
رعد الصغير وهو يمسك قلبه ويصرخ : فههههد قلبه اتوقف انا حاسس اخويا قلبه وقف
خبط رعد بقوه علي قلبه ووقع ارضا بجانب ايسيل يبكي كالأطفال
رعد وهو يخبط علي قلبه : فهد ارجع
كانت عشق تجلس وتشعر بشئ يخنقها فعلمت انه اصابه شئ وبكت اكثر بينما حضنها رعد لقلبه ورفض نزول اي دمعه منه فهو قوة العائلة
*******************
رنت همس علي ابنها الذي اجابها بعد وقت
صقر ببرود : ايه يا همس انتي عارفه الليل عندي لسه اوله وبعدين المفروض تكوني نايمه الوقتي بترني ليه
همس ببكاء : صقر
صقر : مالك في ايه
قصت له ما حدث
صقر : سلام
وقفل معها واجري اتصالته للذهاب لمصر في اسرع وقت
*******************
بعد مرور ساعتين خرجت حور من غرفة العمليات وجدت الكل ينظر لها بلهفه
لارا ببكاء : ابني عامل ايه
حور بحزن ودموع تحاول اخفائها : انا عملت اللي عليا ادعوله مقدرش احدد حالته الوقتي
ادهم ودموعه تنزل : هو هيبقي كويس
حور : ان شاء الله عن اذنكم
وتركتهم وذهبت لغرفتها ونزلت دموعها فكيف تخبر هذه العائله بأن حالته سيئه جدا جدا واحتمال بقائه اقل من قليل وتدمر هذا الاب وهذه الام وجدت احد يخبط علي الباب فمسحت دموعها واذنت له بالدخول فدخل رعد وعدي
رعد : حور قولي ليث ماله
بدأت حور بالبكاء واخبرتها بمدي خطورة حالته الصحية
*******************
مرت حوالي ساعة ونصف اخرين ولم يخرج احد وهي تنظر للباب ولا تري احد من كل من حولها حتي صديقتها جاسمين لم تكن تشعر بصراخها صوت رعد فقط يتردد بأذنها لكنها لم تقدر علي البوح تنظر للدم لا تصدق لقد كان بحضنها وجدت احمد وبجانبه كارمن يخرجون فوقفت مسرعه
عشق ببكاء : فهد عامل ايه كويس مش كده ثم اكملت بصراخ ردوا رد يا احمد
كان احمد ينظر لها بحزن وكارمن تضع وجهها بالارض فمسكت اكتاف كارمن
عشق بصراخ : ردي يا بنتي فهد كويس ردي عليا هو هيفوق مش كده
احمد ودموعه تنزل علي ابن خالته : مش عارف فهد بيموت يا خالتو الأجهزة شغاله بس نبضه ضعيف اوي
عشق بصراخ : انت كذاب ابني كويس انتم الاتنين بتكذبوا ابني كويس فهههههد
جلس رعد بضعف وبجانبه عدي رفيق دربه والكل يذرف الدموع
نظرت لهم ايسيل ووقفت وهي في حالة صدمة وضعت يداها علي حنجرتها لكن لم يخرج صوتها فنظرت لهم ومسكت ملابس عدي
عدي بدموع تنزل : ايسيل
اشارت له انها ستدخل ولكنها لم تتحدث وترجته ان يدخلها
كارمن : مينفعش تدخله
عدي : لا خطر
وجاءت لتدخل يد صلبه منعتها وكان اسد
اسد : ايسيل فهد حالته خطيرة مينفعش
حاولت بعد يده لكنه كان اقوي
اسد : مش داخله هو بيموت خلاص افهمي بقي دا خطر عليه
حاولت بعده اكثر واصرت علي الدخول
اسد وهو يمسكها ويصرخ بوجهها : فهد بيموووت افهمي واستوعبي جوزك بيموووت فهد بيموت
نزلت دموعها بغزاره مع كلاماته وكانت ستقع لولا انه سندها وشدها لحضنه وهي تبكي بقوه وهو يهدء من روعتها ودموعه تنزل
عدي وهو يمسك احمد من ثيابه ودموعه تنزل كالشلال : احمد ارجوك اعمل حاجة انقذ اخويا ابوس ايدك
رعد اخاه يجلس علي الارض ويبكي كالطفل الذي خسر امه
******************
في مكان اخر
ممدوح : فهد الشافعي اخباره ايه
الرجل : مات
ممدوح بفرحه : مات كويس اوي مع ان كان نفسي اوجع قلبه علي مراته
الرجل : بس مكنتش هيسيبك يا باشا هو بيعشق مراته
ممدوح : معاك حق كده موتناه هو
الرجل : ازاي اصلا كنت متوقع انه عايش بعد الاربع رصاصات اللي اخدهم
ممدوح : دا زي القطط بسبع ارواح بس خلاص خلصنا منه
وضحك كلا منهما وجدوا رجال ذو بنيه ضخمه يدخلوا عليهم
...... : فهد الشافعي مبيموتش بسهولة ودا سلام من الصقر
واطلق رصاصه في منتصف جبينه ورصاصه في الآخر
********************
في احد الغرف بالمستشفي
استيقظت جاسمين ونظرت بجانبها وجدت ماسه ورزان فوقفوا بقلق
رزان : جيسي انتي كويسه
اومأت برأسها ثم حركت رأسها علامه الرفض ونزلت دموعها
ماسه بدموع : ليث خرج من العمليات يا جيسي اهدي
جاسمين : هو كويس
رزان : هيبقي كويس....... جيسي فهد اضرب بالنار وايسيل مش كويسه وانتي اقرب حد ليها
جاسمين : ايسيل ووقفت بقلق وجرت وجدتها وورأها ماسه ورزان وجدوها تقف بحضن اسد الذي تنزل دموعه فوقفوا الثلاثه لا يتحركوا
ماسه بخوف ودموع تنزل : في ايه
نظرت لبيبرس وجدته يبكي بشده وكذلك الكل
ماسه بصراخ : بيبرس في ايه
بيبرس بدموع تأبي التوقف : فهد حالته صعبه وأحمد بيقول بيموت
ماسه : ايه انت بتقول ايه
بيبرس : فهد
ماسه بصراخ : كذب دا كذب لا
بكت رزان وهي تذهب لعدي الذي بعد عن احمد بضعف وتحتضه وجاسمين التي جلست بجانب شغف وتنظر لرفيقتها ودموعها تجري علي وجهها
شغف ااااه شغف التي مجرد سماع خبر اخوها شعرت وكأنها من تموت دموعها تنزل تنظر امامها بدون ان ترمش تتذكره عندما يضايقها ويستفزها لكنها كان حنين عليها بل حنين كلمه صغيره جدا فقد خسرت احد حصونها بل اقوي حصن
ولفت نظر الكل وقوع ايسيل بين يد اسد
اسد وهو يخبط وجنتها بخفه : ايسيل ايسيل
التفت الكل حولهم بقلق بينما حملها اسد لغرفه وكشفت عليها الطبيبه ثم اخبرت اسد ونور وسحاب الذين كانوا بجانبها
الدكتوره : مش هخبي عليكم هي الوقتي في صدمه واكيد هيبقي ليها مؤثرات زي مثلا انها متتفعلش مع حد او تبقي عصبيه او تخسر صوتها مثلا وهنعرفها اما تفوق بس في مشكله الوقتي
اسد : في ايه
الدكتوره : انا شاكه ان فيه حمل مش متأكده لانه واضح عمره ايام والضغط ده غلط عشانها وعشان الجنين لو في فياريت تحاولوا تبعدوا عنها الضغوطات زي انها متشوفش جوزها حاليا لانها ممكن تنهار
اومأ اسد بتفهم واخذ زوجته وسحاب وذهب
************************
كده الفصل الثامن وعشرون خلص
بقلمي / سماء أحمد
