زمزم:نائل هوأنا تعبانه.
نائل ومسك إيدين زمزم :ماتخفيش ياقلبي دا الدكاترة بيطمنوا عليكي علشان لو مايحصلش ليكي مضاعفات.
زمزم:مضاعفات!
دكتورهيثم:عفوا يا مدام البلطجية اللي ضربوكي متخصصين فإحنا خايفين ليكون حصل أي نزيف داخلي أو أي حاجة لقدر الله وإحنا انتظرنا لحد ماتفوقي علشان نعمل اللازم وكله بموافقة نائل باشا... انا كدا خلصت كلها ساعات بسيطة وهتظهر النتيجة ونطمئن عليكي أكتر... أستأذن أنا.
نائل:اتفضل يادكتور.
وخرج هيثم وقفل الباب وراه... زمزم حولت تنزل من على السرير بس نائل منعها.
زمزم:هو أنا فيا حاجة ومخبي عليا يانائل.
نائل ومسك وشها بين إيده لا ياعمر نائل انتِ بخير بس دا شغل دكاترة ولازم يكون على أكمل وجه لأن حياة الناس شغلهم ماتقليقيش انت بخير.
زمزم:أنا مش خايفه من حاجة بس قلبي موجوع قوي حسة إن في حاجة هتحصل وحاجةمش مبشرة خالص.
نائل غصب عنه مشاعره جرته لحضن زمزم وحضنها جامد قوي وزمزم كانت بتتألم بس كتمت وجعها وفضلت حضنه نائل أكنه إبنها وخايفه عليه.
نائل وهو في حضن زمزم:تعرفي إن الجواز دا حاجة غريبه قوي ياروحي.
زمزم بإستغراب:حاجة غريبة وايه اللي خالاه غريب بقى ان شاء الله.
نائل:واحد لا يعرف واحدة ولاعمره في حياته شفها وفجاءة ومن غير سابق إنذار يشاء ربنا إن يجعلهم شركاء في كل حاجة حتى شركاء في الوجع بيبقى وجعهم واحد ولو واحد غزته شوكه الثاني قلبه بتقطع عليه.
زمزم:وكمان شركاء في الفرح مش الوجع بس اللي يجمعهم الحب والابتسامه والدمعه والنفس كمان بيبقوا شركاءفيه.
نائل رفع راسه من حضنها محتاجك قوي يازمزم ماتتخليش عني انتِ لو اتخليتي عني انا هموت من بعدك.
زمزم حطت إيدها على شفايفه:بعد الشر عنك ياعمري ان شاء الله اللي يكرهك ربنا ما يحرمني منك ابدا.
في فيلا صلاح.
صلاح :زي مافهمتك يافاتح الشركة في أمانة ربنا وبعدين بأمانتك.
فاتح:ان شاء الله اهم حاجة الأوزعة دي ماتتعبكاش انا مش عارف انت سمعت كلامها إزاي.
شهد:بص يابابا بتكلم معايا إزاي.
صلاح:ما خلاص يا أولاد بقى ماتقوليش حاجة يا ست شمس.
شمس :هقول ايه يابابا احنا ولادك عليك الاستحمال المهم الكل ينتبه ليا لأني هفجر مفجاءة من العيار التقيل.
عبدالله في سره استر يارب.
عثمان:وايه هي المفجاءة دي ياشموسه.
شمس:سارة حامل.
زياد:الله يارب تبقى بنت.
سارة:مش عارفة ليه بتحب البنات قول يارب ولد.
فاتح ضمها لحضنه:مبروك ياروحي يتربى في عزنا.
سارة:الله يبارك فيك ياحبيبي.
جمالات:كدا ياسارة دا أنا نفسي احضر ليكي ولادة عيل بردوه في زياد عرفتي انك حامل لما سافرتي والبنات خلفتيهم هناك وياربي يوم ما ربنا يكرمك واكون موجودة اكون انا مسافرة لا ماليش دعوةبقي... أنا عايزة المشهد يتعاد تاني.
الكل فطس على نفسه من الضحك من طريقة كلام جمالات.
مي:خلاص ياستي انا هراعيها وهخلي بالي منها.
فاتح:وأنا روحت فين داأنا اللي رعيت سارة في الثلاث عيال اللي قبل دول جت على المفعوص دا.
عثمان:مبروك ياحبيبتي ان شاءالله تفرحوا بيه.
بعد المباركات والتهاني من الجميع صلاح وجمالات وشهد ركبوا السيارة واتجهوا للمطار لان رحلتهم الساعة أربعة الفجر
وبعدهم بشويه عثمان وزينب ومي روحوا البيت.
عبدالله: عندك طاولة اوشطرنج.
فاتح:موجودين ياباشا يلا بقالي كتير ماتغلبتش مني.
عبدالله:ياراجل أومال مين اللي قبل ماننزل بيومين غلبته خمس إدوار.
فاتح:أومال بقى لولعبت مع نائل مشاءالله تبارك الله من نظرة واحدة يكسب الماتش.
عبدالله:تعرف يافاتح انا بتمنى إن زمزم ربنا يرزقها بالأولاد بأسرع وقت.
فاتح:ليه ما انت هتكون خال لإبني اللي جاي في الطريق بإذن الله ايه الطمع دا ياعم خليهم بفرحوا ببعض شوية دا كفاية جوازاتهم اللي الواحد مش مستوعبها خليهم يقربوا من بعض أكتر ويفهم كل واحد منهم دماغ التاني.
عبدالله:مش كدا.. يعني نائل نظرة اللهفة والشوق لطفل ديما شايفها في عيونه ولما بيتكلم مع عمر أوزياد بحس قد إيه نفسوا يكون أب.
فاتح:ربنا يرزقه الذرية الصالحة من زمزم.
عبدالله:أمين يارب.
قدام البسين في فيلا صلاح
شمس:اسمعي كويس انا مش أطرش في الزفة كملي انتي عملتي ايه بالذوق بدل ما وح افتن لأخويا.
سارة:ما انتي لو اتكلمتي هفتن عليكي انك فكيتي عملية ربط الرحم من شهرين ياجميل.
شمس:أه يا واطية... طب كملي بعد ما إديتي الفلوس للست عملتي ايه مع فاتح.
سارة:أبداً وجهته بالحقيقة وفهمتوا انها صور مفركة وإديته اللاب توب بتاعها وتليفونها حرقهم في الدفايه وبس.
شمس:يا قادرة دا انتِ مش سهله.
سارة:دا أنا بخاف أسلف لو قلم كحل لأي حد هروح أسلف جوزي لواحدة هو حد قال إني جمعية الرفق بالكلاب الهاسكي ولا إيه.
شمس:لا إزاي هو دا تيجي.
سارة:لا طبعا.
وصوت ضحكهم وصل لشباب.
فاتح وعبدالله:وطي صوتك يامدام.
شمس:حمش قوي عبدالله اخوكي دا.
سارة:ماتيجي نرخم عليهم شوية.
شمس:لا والنبي بلاش هتكلموا في الكورة وانا مابفهمش فيها.
سارة:فكرتني خلينا قاعدين أحسن.
الشباب فضلوا سهرانين وبعدين كلهم ناموا في الفيلا.
...................................
في الصباح الباكر
في المستشفى عند ماهيتاب
ماهيتاب بدأت تفوق وتفتكر اللي حصل معاها بس مش قادرة تتحرك خالص من مكانها.
ممرضة:صباح الخير يا رب تكوني أحسن.
ماهيتاب بضعف:عايزة اشرب.
ممرضة:لا ممنوع لماالبنج يطلع من جسمك ساعتين كدا ولاحاجة..أنا هنادي على الدكتور شوية ورجعالك.
بعد ربع ساعة الدكتور جه ومعاه الممرضة.
الدكتور: بعد ماكشف وإطمن عليها... حمدالله على السلامه يا مدام ماهيتاب.
ماهيتاب بوهن:الله يسلمك يادكتور.
الدكتور بعملية:طبعا دا فضاء ربنا... وإحنا علشان ننقذ حياتك إضطرينا نستأصل الرحم لتعرضك للضرب الشديد والظابط جاي بعد شوية وإحكي ليه اللي حصل معاكي ومين الناس اللي ضربوكي دول.
ماهيتاب بحزن:يعني انا كدا مش هخلف ابدا... خلاص بقيت عاقر.
الدكتور:دا نصيبك وحاولي ترضى بيه وربنا عالم الخير فين... عن إذنك هنادي للظابط يأخد أقوالك.
بعد شوية دخل الظابط
الظابط:حمدالله على السلامه يا مدام ماهيتاب.
ماهيتاب:الله يسلمك.
الظابط:انا مش هاخد من وقتك كتير هما يادوب سؤالين وبس.
ماهيتاب:وانا هجاوب على كل الأسئله.
الظابط:إيه اللي حصل بالظبط.
ماهيتاب:انا كنت هنا امبارح في العيادة الخاصة بالنسا والتوليد وبعدين خرجت وكنت مروحة بيتي قريب من هنا مسافة نصف ساعه ووقفت قدامي عربية نزلوا منها ستات مغيمن وشهم حتى عيونهم ونزلوا فيا ضرب وما حستش بنفسي إلا دلوقتي.
الظابط:ليكي أي عداوة مع حد أو حتى حد بيدايك.
ماهيتاب:أبداً ماليش أي عداوة.
الظابط:حتى مع المدعوه زمزم عثمان شاهين اللي انت اتنازلتي عن محضر ضرب وسرقه وكنتي متهامها.
ماهيتاب وافتكرت تهديد نائل:لا حضرتك دي ست اشرف من الشرف ومحترمة جدا مستحيل تعمل كدا...ودا كان سوء تفاهم المحضر دا.
الظابط:طب عن إذنك.
نسيب دي ونروح ل............
عند نائل فضل مستني في الطرقه نتيجة التحاليل والأشعة بتاعت زمزم وكمان بتاعته وكان قايد نار.
ممرضة:استاذ نائل.
نائل:ايوة انا.
ممرضة:اتفضل دكتور مصطفى ودكتورهيثم في انتظارك.
نائل:شكرا.
نائل:كان قلقان جدا بس استغفرربنا وخبط ودخل.
نائل :صباح الخير.
دكتورهيثم ودكتورمصطفي:صباح النور اتفضل ادخل.
جلس نائل وهو متوتر للغاية.
دكتورهيثم :بعدعمل التحاليل والأشعة تبين ياباشمهندس نائل انك ومدام زمزم م............
