نائل بدء يفوق ويفقتح عيونه وبيحاول يستوعب إيه اللي بيحصل حوليه.
فلاش باك
الساعه ٦ قبل المغرب
نائل:بطلي بقى تصوري في كل مكان ايه مابتشبعيش صور.
زمزم:الله يانائل سيبني اخد فرصتي دا أنا من زمان نفسي أشوف الغردقة دي تحفة خالص.
نائل بحب:كل مكان انتي بتكوني فيه بيبقى أجمل مكان يا روحي... بحبك.
زمزم:بموت فيك يا نوني... هتأكلني فين.
نائل:في مطعم تحفه بيقدم أكل صحي بس لذيذ.
زمزم:نعم ياأخويا أكل صحي مين دا أنا في الجامعة كنت باكل من عند سعيد تلوث احلى طبق كشري... تقولي اكل صحي.
نائل:إبلع ريقك ياشبح كدا واستهدي بالله... وبعدين عرفتي مين الشيف اللي هيعملك الأكل.
زمزم:مين بسلامته أكيد واحد معقد وبصرم.
نائل:لا دا قمور وحليوة وعندوا عضلات كمان وعيونه زرقا واسمه كمان نائل سيف الدين آل أسد.
زمزم:بجد يا نوني... بتعرف تطبخ.
نائل:ايوة بعرف ليه انتي مابتعرفيش تطبخي.
زمزم بثقه:دا أنا عليا صوابع محشي إيه حكايه.
نائل بضحك:شكلك كدا هتجريني على وشي داأنا بحب المحشي حب بس للأسف بأكله بحساب... سرحانه في إيه...مالك.
زمزم:في عربيه سودة من ساعة ماخرجنا وهي ورانا.
نائل بخوف:زمزم انتي متأكده.
زمزم:ايوة متأكدة ياروحي.
نائل:إنزلي بسرعة في الدواسة لحد ماأتصل بحسين قائد الحرس.
زمزم برعب:نائل أنا خايفة.
نائل:ماتخفيش أنا معاكي.
وفجاءة ظهرت عربية نقل كبيرة نائل حاول يتفادها بس العربية اتقلبت واخر حاجة سمعها صريخ بإسمه من زمزم وغاب عن الوعي.
بااااك
نائل:زمزم.... أااااااه..... زمززززم.
حسين:نائل بيه حمد الله على السلامة.
نائل بصراخ:سلامة مين وزفت مين فين مراتي زمزم فين.
حسين:إهدي ياباشا هي كويسة وهتفوق بعد شوية ماتقلقش ياباشا.
حسين:ياباشا كدا خطر عليك انت عندك كادمات في كل جسمك وراسك مفتوحة لازم ترتاح
نائل بغضب أعمي:أناعايزأروح ليها إيه مابتفهمش ياحيوان... غرفتها فين.
حسين:غرفه رقم٤٣ ياباشا.
وخرج نائل واتجه للغرفة وتحامل على مابه من وجع.
وعندما دخل الي الغرفة وجد زمزم محاطه بالاسلاك وعل وجهها قناع الأوكسجين والأجهزة من حولها لم يتحمل المنظر وفاضت عيونه بالدموع وتذكر اخته ياسمين وكانت مثلها إلى أن ماتت ولكنه نفض تلك الفكرة من رأسه وذهب إليها وأمسك بيدها.
نائل:زمزم حبيبتي قومي ياروحي ماتسينيش زي ما كلهم سابوني أبوس إيدك يازمزم قومي... قومي علشان خاطر ربنا أنا مش هستحمل وجع في قلبي من تاني كفايه اللي راحوا وسابوني.
نائل بأعلى صوت عنده:أااااااااااااااااااااااااااااه..... مش هقدر على العذاب دا تاني قومييييي يازمزم.... ياااااااااااارب خدني أنا بس هي لا ياااااارب.... أنا أموت لكن هي لا... هي السعادة بعد المر اللي عشته وشوفته في حياتي دا الوحيدة اللي يارب زرعت حبها في قلبي... ياااااارب... يارب... وأغمض عيونه ومال براسه على كف يدها وأخذ يتمتم ببعض الأيات من القرآن الكريم وبعض الأدعيه وعيونه لاتتوقف عن البكاء.
بعد ساعه
زمزم فتحت عيونها وأحست بثقل على يديها ووجدت نائل يغفو على يديها وهو جالس على الكرسي بجوارها
فخلعت الماسك ببطء
زمزم بضعف شديد:نائل... حبيبي... يانائل.
نائل فتح عيونه بسرعه على صوت محبوبته.
نائل بلهفة:زمزم حبيبتي أااه ياروحي وضمها في حضنه.
زمزم :أااااه.. نائل براحة...جسمي بيوجعني.
نائل:سلامتك يا قلبي وحشتيني قوي كنت هموت من الخوف عليكي يا عمري.
زمزم:انت اللي عامل إيه دماغك كانت بتنزف جامد.
نائل:ماأنا كويس أهو مافيش حاجة دا هي بس شويه جروح هبلة وهتروح لحالها.. المهم انت ياقمر حلوة ياناس وهي تعبانه.
زمزم:دا أنا كنت هموت من الرعب.. أول ما أغمى عليك حاولت كتير افوقك بس اللي في العربية السودة نزلوا
وشدوني من العربية يانائل وضربوني جامد وواحد منهم قال الشاذلي بيقولك الف مبروك... وبعد كدا كانوا هيعتدوا عليا وقطعوا هدومي من عليا لولا حسين وصل في الوقت المناسب كان زمانهم.... أخدها نائل في حضنه جامد والغضب وصل للسقف بس ماقدرش يبين دا لزمزم.
نائل بحنية:دلوقتي إرتاحي مش عايزك تفكري بأي حاجة خالص واللي حصل تمحيه من دماغك.
زمزم بدموع:نائل من الناس دول أنا مرعوبة قوي يانائل.
نائل:لاعاش ولاكان اللي يقرب منك ياروحي دا أنا أموت ولا كلب منهم يقرب ليكي أنا اللي أسف وأوعدك مش هتكرر تاني أبداً يا قلبي.
وفضلوا كدا لحد ما زمزم نامت بإستسلام زي الطفلة... نائل خرج بره الأوضة وكلم حسين انه يجيلوا.
حسين:أوامرك يانائل بيه.
نائل بغضب:فين ولاد الكل*دول ياحسين.
حسين:في مخزن البحر ياباشا والرجالة علموهم الأدب والشاذلي هو اللي بعتهم.
نائل:فين موبيلي.
حسين:اتفضل سعادتك الموبيل.
نائل:ألو... جورج مش عايز يطلع النهار إلا وأسهم الشاذلي على الأرض فاهم.
جورج:أوامرك ياباشا.
نائل:مرات الشاذلي مع مين دلوقتي ياجورج.
جورج:مع السواق في شقة أكتوبر يانائل بيه.
نائل:عايز كل البلد تتفرج على فضحية الشاذلي ومراته نازلة ملفوفة بالملاية مع السواق اللي هو أصلا أبو وريث أملاكه مفهوم... عايز البلد كلها تتفرج عليه من أصغر عيل لأكبر شنب.
جورج:إعتبره حصل ياكبير.
نائل إلتفت لحسين:عايز العيال اللي في المخزن دول يبقوا ذكر في البطاقة بس واضح.
حسين:حاضر ياباشا.
نائل:يلا نفذ.
حسين مشي ونائل سند على الحيطة وفضل يلوم نفسه وتخيل في لحظة لو كان حسين ماوصلش في الوقت المناسب كان هيبص ليها إزاي وهي مكسورة كان هقرب ليها إزاي وهي هتكون كرهت نفسها وجسمها وفجاءة فاق من اللي هو فيه وسجد شكر لله اللي حفظ شرفه وعرضه من الضياع وقام دخل لزمزم وفضل جمبها.
نروح عند ماهيتاب شوية ماهي مدغدغه برضة بس تستاهل .
بعد ما خرجت من العمليات كانت ضعيفة قوي مش قادرة وفي كذا أسطرة في جسمها.
الممرضة١:مسكينه ربنا يكون في عونها.
الممرضة٢:ليه تعرفيها.
الممرضة١:أيوة كانت النهاردة في عيادة النسا وكانت بتدور على أي وسيلة للخلف دلوقتي بقي الحمدلله.
الممرضة٢:يعني انت ماشوفتيش نزفت قد ايه والدكاترة يعملوا ايه واحدة وكان النزيف مش راضي يوقف علشان عندها واللهم ما أحفظنا ورم في الرحم يسبوها تموت وتروح في شربة مايه يلا نطلع إحنا... هي مش هتفوق غير الصبح.
الممرضة١: على رأيك يلا علشان ألحق أسلم الشيفت بتاعي وهاجي اطمن عليها الصبح.
في فيلا الشاذلي
وصل صرد بإسمه والحرس سلمه ليه وكان في الطرد مصيبة😱
جميع أعماله المشبوهة متصورة صوت وصورة وكمان تحليلDNAبيتثبت إن الولد اللي متقيد في الصحةبإسمه مش إبنه وكمان تحليل ذكورة بيثبت إنه مابيخلفش وغير CD موجود عليه فديوا وصور ومراته مع السواق الخاص بيها في أوضة النوم.
ومدير مكتبه رن عليه.
الشاذلي بصوت مهزوز:ألو.
أحمد(مدير مكتبه) :إلحق ياباشا إحنا خصرنا كل حاجة في البورصة قولتلك بلاش نلعب في دور أخصام إبن الأسد إحنا مش قده.
الشاذلي:انت بتقول إيه دا أكيد تهريج ايه اللي بتقوله دا يعني ٥مليار شقى عمري وعمر أبويا بقى في الأرض إزاي... إقفل واناهتصرف.
ومن كتر الصدمات بقى مش قادر يقف مكانه وتليفونه رن برقم برايفت.
الشاذلي:ألو... مين معايا.
نائل:غلطتةعمرك
الشاذلي:انت يا نائل تعمل فيا كدا... بس ملحوقه زمان المدام الرجالة تعبوها شوية بس أكيد انبسطت.
نائل وعروق إيدك برزت من الغضب بس اتحكم في غضبة:أحب أطمنك إن مراتي صاغ سليم أنا الوحيد اللي لمستها ومافيش حد بعدي لمس شعره منها بس هقول إيه الدور والباقي على النطع المحسوب على الرجالة غلطة ومراتة دلوقتي في حضن راجل تاني ودلوقتي كمان.
الشاذلي بغضب:انت كذاب أنا مراتي عند أمها بتزورها.
نائل:لا يا شاذلي اهدي كدا ماتعصبش نفسك ياراجل دا مراتك واخدها ابنها علشان أبوه يشوفه أصل وحشه قوي والعنوان في الظرف اللي معاك سلام ياأبو الرجال.
