الشاذلي ماقدرش يتحكم بأعصابة وأخد سلاحة وملها رصاص على أخره وطلع جري على العنوان اللي في الظرف وشاف صدمة عمره مراته نازلة ملفوفة بالملاية ومعاها السواق اللي هي أصرت إنه يشتغل عندهم وبعدها بست شهور قالت إنها حامل والدنيا لفت بيه وبقي مش قادر ينطق بكلمة وعمر سلاحه وضربها بالناروماتت وبعدها القوات الأمنية قبضوا عليه قبل مايهرب.
في الغردقة
نائل قاعد يتفرج على زمزم وهي نايمه وقلبه وجعه قوي من الكدمات اللي في وشها.
الباب خبط ودخل ثلاث ممرضات ومعاهم شاش وقطن وأدوات تعقيم.
الممرضة:لوسمحت ممكن تطلع برة علشان نغير على جروح وكدمات المريضة.
نائل:دي بتكون مراتي وانا اللي هغير ليها على جروحها اتفضلوا انتم.
الممرضة:بس حضرتك ماينفعش كدا.
نائل أخد منها الحاجة وطلعهم بره وقفل الباب من جوه... وقرب من زمزم براحه وبدء يجهز في أدوات التعقيم.
زمزم حست بحركة جمبها فبتفتح عيونها لقت نائل بيلبس جوانتي وفي إيده أدوات تطهير.
زمزم:نائل انت بتعمل ايه عندك.
نائل:بلعب ياروحي تيجي تلعبي معايا.
زمزم بضحك:حد قالك قبل كدا إنك ظريف.
نائل:واللهِ... لا أنا بتكلم بجد يلا ياماما علشان أغير ليكي على جروحك يا قلبي.
زمزم بإحراج:طب ممكن تخلي ممرضة أحسن تغير ليا علشان م.....
في اللحظة دي نائل ماسمحش ليها بالكلام وأخذ شفايفها في بحر عشقه لزمزم.
زمزم بكسوف أكثر:نائل ماينفعش إحنا في مستشفى ماينفعش انك تبوسني هنا.
نائل:فضل يبص في عيونها وإيده فيها المطهرات وبدء ينظف جروحها وهو بيكلمنا.
نائل:تعرفي يا زيزي إنك بتوضحي ليا إن الغباء عنك ضارب في السما.
زمزم:لا ياراجل اسم الله على ابو الذكاء كله... ماشي يانائل أنا غبية ماكنش العشم خالص ماشي هيه.
نائل:ياخبر ابيض هو أنا زعلتك قوي كدا ياروحي أنا بهزر معاكي.
زمزم:إحلف.
نائل:والله العضيم إني بهزر معاكي... لان يا أم جهل أنا جوزك يعني يحق ليا أبوسك في أي وقت وفي أي مكان طالما مقفول علينا باب ماشي ياماما ولا اعلق لافته واكتب عليها... إحم أيوة ياباشا ايوة يابيه أنا جوزها وهي مراتي قرب قرب الرومانسيةعندنا وبس.
زمزم بضحكة عاليه:هههههههههههههههه... حرام عليك.
نائل كان خلص... يلا إلبسي هدومك قبل ماأتهور معاكي وكفاية ضحك ياابيض ياقشطة انت.
زمزم بعدم استيعاب :قصدك ايه... بس استغربت ان نائل بيبص عليها وهو بيضحك من طرف شفايفه... وبصت ماطرح ماهو بيبص... وشهقت وحطت الملاية على جسمها بكسوف ووشها بقى زباي فراولة على طماطم.
نائل قرب منها وهمس في ودنها بإغراء:انت مراتي ياهبلة ياعنى كلك على بعضك بتاعتي اناوبس... ومسك وشها بين إيده وباسها من راسها... زمزم.
زمزم:نعم يانائل.
نائل:اعطي ليها شنط فيها هدوم... إلبسي دول يا حبيت قلبي.
زمزم بخجل:طب ممكن تطلع برة علشان ألبس.
نائل بوقاحة:هو أنتِ ماعرفتيش.
زمزم :هوإيه دا.
نائل:تعالي وانا أقولك... نائل شال الملاية من عليها وبدء يلبسها هدومها بإيدة وزمزم حاولت تمنعه بس عليه تبرقية كفيلة تخرسها لسنه قدام.
زمزم:طب الهدوم والحجاب لبستهم ليا بس مش عيب تلبسني انت الكوتش كمان.
نائل :بطلي عبط... انتي مراتي واللي متغاظ مننا بيعمل زينا ولاإيه رايك ياقمر ياحلو انت.
زمزم:هو انت ما بتعوف تتكلم غير لما تعكسني يعني.
نائل:الله مراتي ياجدع... أعكسها... أدلعها... براحتي ولا متجوزك بالقسط وانا مش واخد بالي.
زمزم ضحكت ضحكة كلها أنوثة وبصوت عالي.
نائل بص ليها نظرة خلتها تسكت:صبرني يارب... دا أنا غلبان ومش حمل كدا...
زمزم:فيه ايه يانائل.
نائل بسخرية:لا مافيش ياحلوة افرضي واحد مالهوش أي لزمة وسمع سيادتك وانت بتضحكي هيبقى ايه الوضع ساعتها يا مدام.
زمزم:أخ... أسفة يانوني هي اللي طلعت لوحدها.
نائل:ماعلينا ياقلبي...انا هروح للدكتور مش عارف عايزي ليه.
زمزم بخوف:ليه في حاجة.
نائل:اناكويس بس بيقول لازم تقعدي هنا كام يوم لحد ماتتحسني وكدا وفي أوراق همضيها وكدا... اصل عقبال أمالتك كدا دي مستشفى خاصة فلازم اللي يقعد يدفع... يلا على الله يطمر بس.
زمزم :خسارة فيا ياعمدة.
نائل بضحك:لا خسارة ليا بطة.
خرج نائل وانتظر لحد ما الحراسة جت وفضلوا قدام الباب... وراح للدكتور.
نائل دق الباب ودخل.
نائل:دكتور مصطفي مش كدا.
دكتور مصطفي:ايوة انت مين... عايز حاجة ياابني.
نائل:انا نائل آل أسد انت اللي عايزني خير.
دكتور مصطفى قال ليه انه يقعد ويستريح.
فضلوا قاعدين لمدة عشر دقائق في صمت... قطع الصمت دا نائل.
نائل:دكتور أنا سايب مراتي لوحدها خير في إيه بالظبط مش فاهم انت جايبني هنا ليه.
دكتور مصطفى :أنا اللي أعرفه من الصحافة انك لسه عريس جديد مش كدا.
نائل:ايوة خير بقى في إيه.
دكتور مصطفى قام من على كرسي المكتب وقعد قدام نائل.
دكتور مصطفي:طبعا انت عارف إن المرض رزق من عند ربنا وعمره ما كان عقاب أوربنا غضبان علينا لا دا إذا أحب الله عبداً ابتلاه وخير العباد من صبر وشكر الرحمان على نعمة.
نائل بقلق:زمزم مراتي فيها حاجة... هي تعبانه عندها ايه... لوتعابنه عندها حاجة انا مستعد أسفرها برة وأدفع من مليون لمليار بس طمني وقولي انها كويسة بالله عليك انا ماليش غيرها.
دكتور مصطفى بتنهيدة :زمزم هانم كويسة وكمان تقدر تروح من بكرة لأن اللي عندها مجرد كدمات...وبس.
نائل براحة :الحمدلله ربنا يطمن قلبك يادكتور أستأذن أنا.
دكتور مصطفى قبل ما نائل يقوم انت اللي مريض يا نائل.
نائل:هههههههه يا دكتور دا مجرد خبطة في راسي وهبقي كويس مريض ايه صلى على النبي في قلبك.
دكتور مصطفى بحزن :عليه افضل الصلاة والسلام...
نائل يا إبني انت عندك( Brain cancer) سرطا في المخ ودا لسة في مرحلة الثانية يعني بإذن الله في علاج وبأمر الله هيجيب العلاج نتيجة ب(Chemotherapy ) بالكيماوي.
نائل بإبتسامة فيها دموع:اللهم لك الحمد والشكر على كل حال وفي كل مكان و في كل زمان... اللهم لك الحمد والشكر عدد ماكان وعدد ما سيكون وعدد الحركات والسكون.
دكتور مصطفي:ياإبني الأمل كبير وهتعيش و..
نائل بمقاطعة:دكتورأنا واحد مابخفش من الموت لان الموت حق أنا واحد موحد بالله وشاكر فضله ونعمه ربنا عليا بس هو في حاجة واحدة بس.
دكتور مصطفي:خير ياابني.
نائل بدموع في عيونه:انا عارف لو مشيت في العلاج دا مش هخلف مش كدا... وهيحصل لياعجز جنسي.
دكتور مصطفى بتأثر من حاله وانه لسه عريس وشاب بس دا قضاءالله وقدرة:أيوة ياإبني.
نائل قام بهيبته ووقارة:وانا مش هبدء علاج ولو سمحت أنا عايز أشطر دكتور نسا عندك.
دكتور مصطفي:يابني انت..
نائل بصوت عالي وهو مخنوق بالدموع:دكتور انا واحد نفسي في عيل يجي ولد يجي بنت أنا نفسي اشوف ليا خلف قبل ماأموت ان شاء الله اشوفه وأموت بعدها بس
أاااااااااااااااااااااااااه........ ياااااااااارب..... لاإله إلا الله...
جلس نائل بضعف ودموعه خانته:انا أمنيتي اشوف ابني دي امنيتي الوحيدة وبس أبوس إيدك أبوس رجلك يا دكتور وحياة أعز ماليك... ساعديني.
دكتور مصطفى بدموع وان نائل قد ابنه الكبير وفي نفس السن ودا اللي وجعة أكتر واتخيل قدامة ابنه حسام ماشفهوش نائل.
دكتور مصطفى أخده في حضنه والدموع على خده:لا ياابني هتعيش وهتفرح بإبنك انا هعمل المستحيل ولا إني أشوف دمعتك ياابني انتي هتعيش ياقلب ابوك هتعيش بإذن الله وهتشوف خلفك ياروحي بس... بس ياابني... هعمل اللي انت عايزة ان شاءالله نعمل لمراتك عملية حقن بس ياحبيبي كله هيعدي.
نائل بتدارك للموقف:دكتور مصطفى عايز دكتور نسا ويكون اشطر دكتور عندك.
دكتور مصطفى وعي على نفسه ومسح دموعه :حاضر اهدي بس وبإذن الله تعالى ربنا هيجب العواقب سليمه.
نائل بدموع: أمين يارب.
مسك الدكتور سماعة التليفون وطلب من السكرتيرة تطلب دكتور هيثم.
بعد ربع ساعة دكتور هيثم وصل وسلم على نائل ودكتور مصطفى.
دكتور هيثم:خير يا دكتور حضرتك طلبتني.
دكتور مصطفي:إحم... كل خير بإذن الله... في مريضة في غرفة ٤٣ اسمها مدام زمزم عثمان شاهين.
دكتور مصطفي:ايوة عارفها ليها أخ اسمه حسين طلب مني اكشف عليها لو حد اعتدى عليها ولا حاجة وفهمني ان في بلطجية قطعوا عليهم الطريق والحمدلله هي لسة عروسة باين واخر علاقة كان تقريبا من ١٤ ساعة وهي جايه من خمس ساعات.
نائل:رجع ضهره لورا بس تواعد لحسين انه إزاي يتصرف من دماغة.
دكتورمصطفي:الباشمهندس نائل يبقى جوزها وهو مستعجل شوية عل الخلف فعايز يعني يتابع معاك.
دكتورهيثم بمزاح:ياراجل عيال إيه وبتاع إيه إفرح ليك على الاقل سنة سنتين دا انت عريس متع شبابك وسافر انت ومراتك مستعجل على ايه بس دا إحنا هنعدي ١٠٠مليون ياهندسة.
نائل بدموع:لأن ماعتش في العمر بقية علشان اتمتع بيه.
دكتورهيثم واختفت إبتسامته:قصدك ايه مش فاهم.
نائل بتأثر:انا مريض كانسر وقبل ما اموت نفسي اشوف ليا ولد.
دكتورهيثم بعملية:مراتك تعرف.
نائل بسرعة:لا مستحيل حد يقول ليها حاجة اللي يعرف بالموضوع دا إحنا الثلاثة وبس وعمر ماحد فيكم هيخون القسم اللي حلفه.
دكتورهيثم:أنا هعمل ليها كل التحاليل والأشعة اللازمة وبإذن الله ربنا يقدم اللي فيه الخير... عن إذنكم.
نائل سرحان ومش عارف يركز في حاجة خالص.
وفضل كدا لمدة ساعة كاملة......
دكتورمصطفي :نائل ياابني انت كويس.
نائل قام من مكانه:محتاج نفسي.
دكتور مصطفي:قصدك ايه.
نائل:محتاج حب عمري البنت اللي قلبي لمااختار وقرر انه ينفتح لإنسانه اختار زمزم واكتفي بيها... عن إذنك.
نائل خرج وراح لغرفة زمزم...وفتح الباب ودخل... لقى دكتور هيثم هيخرج ومعاه اتنين ممرضين.
نائل بإستغراب :خير ان شاء الله في إيه.
دكتورهيثم برفعة حاجب:احم... ابدا انت مين.
نائل:أنا جوزها.
دكتور هيثم:إطمن دي شوية فحوصات زي مافهمك دكتور مصطفى وان شاء الله خير.
زمزم:لا بقى هو فيه ايه
