في جراج شركة آل أسد
زمزم بتركن عربيتها (عربية باباها بعد التعديل) وتفجاءت برجل في عقده الخامس ينادي بإسمها.
إمام:يا باشمهندسه زمزم.
زمزم:نعم... خير... وانت مين؟
إمام:انا إمام السواق الخاص بالمهندس نائل....
ممكن اتفضلي معايا.
زمزم:حاضر ياعمو إمام.
ذهبت زمزم مع إمام الي سيارات في غاية الفخامه والروعه. ويفتح إمام لزمزم الباب.
وبعد دقيقه يفتح الحارس لنائل الباب.
في عربية نائل
نائل:نورتي عربيتي يا باشمهندسه زمزم.
زمزم بإحراج:شكرا يا مهندس نائل.
نائل:يلا يا إمام.
إمام:حاضر يانائل بيه.
نائل قفل الازاز اللي مابينه وبين السواق وكان إزاز عاكس (يعني السواق مايشوف اللي راكب ورا) .
زمزم:حلو الاوبشن دا هبقي اعمله في عربيتي.
نائل:على فكرة الميكانيكي اللي معدل العربيه باين عليه شاطر قوي.
زمزم:ها... قصدك ايه.
نائل:العربيه موديلها قديم شويه على الاوبشنز اللي انت عاملها.
زمزم بإحراج:احم طب وايه اللي عرفك.
نائل:انا مهندس معماري صحيح بس بتنفس هندسه يعني عندي خبره ودرايه كافيه بكل الأقسام من ضمنها الميكانيكا... وقرب جامد عليها وهي رجعت لورا.
زمزم:باشمهندس نائل انت كدا بتتجاوز حدودك معايا.
نائل:طب لو تجاوزتها هتعملي ايه يا مزم.
زمزم:هصوت وألم عليك الناس واقول يالهوووي.
نائل:كتم صوتها بإيده وقالها بهمس لو حصلت تاني وصوتك دا طلع تاني مش هيحصل ليكي طيب يا زمزم.
زمزم بخوف منه:حاضر بس ابعد لوسمحت.
نائل بعد عنها وقبل ما يبعد قال البلوزه دي ما تتلبسش تاني.
زمزم:ليه.
نائل ضهررك باين والسوسته مفتوحه شويه.
زمزم:شهقت بقوة :طب ممكن تقف عند أي محل ملابس.
نائل:ما دا اللي اناهعمله وتاني مره تلبسي حاجه تتأكدي انها مش تهز صورتك قدام حد وكانت عامله شعرها ضفيره فك الضفيرة وشعرها الناعم البني الطويل أنساب على ظهرها ووصل الي اسفله.
توقفت العربيه ونظر إليها نائل
نائل:مقاسك كام في الجاكت.
زمزم:بس الجو حر جاكت ايه دلوقتي.
نائل بعصبيه :زمزم لآخر مره مقاسك كام.
زمزم بخجل:XL(إكس لارج).
نائل دخل المحل وبعد دقيقه جاب ليها جاكت لونه اسود موديله صيفي.
بعد ما العربيه اتحركت.
نائل:اتفضلي.
زمزم:شكرا ليك وانا اسفه على الموقف اللي..
قاطع كلامها.
نائل :خلاص حصل خير والبلوزه دي ما تتلبسش تاني وياريت كلامي يتنفذ.
زمزم رفعت حاجبها اليمين :استاذ نائل شكرا ليك قوي على نصحيتك بس مش هعمل بيها وبعدين اتفضل مسكت ايده وحطت فيها الفلوس اللي مكتوبه على التكيت الخاص بالجاكت وميرسي قوي.
نائل:اعتبريها هديه.
زمزم:اسفه مش هعتبرها كدا.
نائل بإعجاب من عزة نفسها:ليه يايعني.
زمزم:لان الهديه بتكون ليها مناسبه بس دي مالهاش اي مناسبه يعني بالنسبه ليا دي معروف اوشفقه وانا ماأقبلهاش ابدا ولكن انا هعتبرها جبت ليا حاجة لازماني وخلاص وحقها في إيدك.
نائل في نفسه اول مره أقابل الصنف دا في حياتي من البنات دا غيرك لوكانت تقتليني علشان جنيه مش هتقصر ونظر للمال الذي بيده وظل يبتسم ولم يفق إلا على صوت إمام.
إمام:نائل بيه وصلنا يافندم.
نائل:يلا بينا يازمزم.
زمزم:تمام يا مهندس نائل.
بعد الانتهاء من الإشراف على المواقع كانت زمزم تتناقش مع مهندسه الديكور القائمه على تنفيذ مشروعها وبعد الانتهاء تكلم نائل مع زمزم يلا ولا إيه.
زمزم :اوك يا مهندس نائل
في عربية نائل
نائل:ممكن اعزمك على الغدا... يعني اعتبريها بنفتح صفحه جديدة.
زمزم:تمام
نائل:تمام يعني ايه.
زمزم:يعني موافقه وقابله العزومه يا مهندس نائل.
نائل:ما بلاش مهندس دي وخليها نائل بس.
زمزم بكسوف:حاضر يا نائل.
في مطعم راقي بيقدم اكلات سوري(طلع بيفهم اوي)
بعد ما الجرسون جه واخد الطلبات وأقدم الطلبات.
بدء نائل يسأل زمزم اسئله وهي تجاوب وعلى نياتها خالص.
نائل:ممكن تكلمني شويه عنك وعن عائلتك انا كل اللي اعرفه انك ليكي اخت متجوزه فاتح ابن عمو صلاح وكذلك اخوكي متجوز شمس بنته والاتنين عايشين في أمريكا.
زمزم:هحكيلك انا اختي وشمس اصحاب قوي من ايام الثانوي والاتنين كانو مع بعض في الجامعة الامريكيه وكان فاتح كل يوم بيوصلهم للجامعه واخر اليوم كان بيروحهم وفضلوا كدا سنه لحد ما في يوم واتفق مع بابا واتقدم وخطب اختي بس بابا شرط عليه انه ما عدش يوصلها واخويا عبدالله كان اللي بيوصل اختي فشاف شمس وحبها وخطبها وتعرف كانوا فاتح وعبدالله بتفقوا مع بعض وكل واحد ياخدخطيبته ويوصلها بعربيته وفضلوا على كدا لحد ما خلصوا.
نائل:طب وايه اللي عرفك.
زمزم:ماكنت باخذ رشوه من الاربعه علشان ماأفتنش عليهم.
نائل:رشوة ايه بقى؟
زمزم:شوكلاتة ممكن فسحه حلوه دا انا خرجت خروجات بسبهم والله ماخرجتش زيها تاني.
نائل:طب مش خايفه يحصلك زيهم.
زمزم:لا ما أنا شرطه على المهندس عثمان مدة الخطوبه شهر وبعدها اتجوز.
نائل بغيرة:مين المهندس عثمان.
زمزم:بابا.
نائل:بابكي مهندس.
زمزم:ايوه كان مهندس بترول وطلع على المعاش دلوقتي.
نائل:ومامتك مهندسه بردوا.
زمزم:لا ماما خريجة أداب انجليزي.
نائل:بتشتغل.
زمزم:لا بس انا اللي بشتغلها.
نائل وعينه به الدموع:ههههههه لاحلوه دي...ربنا ما يحرمكيش منهم.
زمزم:وانت بقى يا نائل.
نائل:انا ايه؟
زمزم:يعني عائلتك.
نائل في نفسه اول مره حد يسألني عن عائلته بالذات من واحده ست حتى لما اتجوزت مافيش ولا واحده سألتني عن أمي أو أبويا ولاحتى عني انا، كل اللي كانوا يسألوا عنه الكريد كارت فضي ونظر لزمزم ياترى انتي ايه وايه اللي دخلك حياتي انا لازم ابعد عنها لاني لو استمر بينا الحال كدا مش بعيد أحبها واتعلقت بيها وحبيتها طب لو مااقبلتش حبي ليها طب لو بتحب واحد تاني لا ماافتكرش إيديها فاضيه.
زمزم:نائل... يانائل...... يانائل.
نائل:نعم ايه روحت فين انت إديقت علشان بسألك عن عائلتك.
نائل :لا بس عندك استعداد تسمعيني.
زمزم:اكيد... قصدي ايوه.
نائل :بس مش هنا.
زمزم:طب فين.
نائل:شويه وتعرفي.
بدل ماتدور وتبحث علي الروايات خليها علي تليفونك وحمل تطبيقنا
