Ads by Google X

القائمة الرئيسية

الصفحات

رواية عندما يعشق الادهم الفصل الثاني والثلاثون


 رواية عندما يعشق الادهم الفصل الثاني والثلاثون

عند ادهم عاد الي القصر
دلف اليه ليجد الجميع جالس صعد الي الاعلي دون ان يستمع لنداء احد
دلف الي غرفته يبحث عنها لم يجدها


نزل الي الاسفل ليبحث عنها لم يجدها
ليتجهه الي والدته ليقول/فين مروة
رحمه بحزن/مروة سابت القصر
قبض ادهم علي يده بعصبيه
نظر اليه ياسين دون ان يتكلم فهو يعلم ان ابنه لن يسمح لها بان تبقي بعيده عنه فهو راي االحب في عينيه
خرج ادهم من القصر ليتجهه نحو منزل مروة
✍️✍️✍️✍️✍️✍️✍️


في منزل مروة كانت جالسه علي الارض وبجانبها امجد
لياتي الاب والام ويجلسوا بجانبهم ليقول الاب/مالك يحبيبتي
مروة/بابا هو ادهم اتجوزني ليه
نظر اليها الاب ولم يعرف بماذا يرد عليها
لتتنهد بحزن ليقول الاب/بتحبيه
نظرت اليه مروة لتقترب منه وتضع راسها علي قدميه دون ان تتكلم
قال امجد بمرح /شكلي هاخد علقه
مروة باستغراب /من مين
امجد/هيكون من مين ادهم اكيد


مروة بضحك/ايده تقيله
الاب/انتو جربتوا
مروة وهي ترجع خصلات شعرها الي الوراء بغرور/طبعا يحج تحب تجرب
الاب بضحك/لا يختي
الام/اضحكي وحشتني ضحكتك يحبيبتي
مروة/لو ضحكت تاني القي الشبشب بينزل فوق راسي انا عرفاكي يحجه بتجرجريني للرذيله
امجد بضحك/بتعمل اي يختي
الاب/لا بجد وحشتني رخامتك
مروة /تربيتك يحج


الاب/اخس عليكي تربيه وسخه
مروة/بتعلم منك يوحش هو ده العشم برضوا
الام/عرفت تربي يحج
امجد/وانتي كنتي فين يماما
الاب/كانت بتنكد عليا
الام/مين دي اللي بتنكد عليك يحبيبي


امجد/البس يحج طالما فيها حبيبي يبقي نقرا الفاتحه
مروة /عندك حق ياد يا امجد
امجد/اي الاحترام ده يا ريت تحترمي امي انا كد جوزك حتي
مروة/ومين قالك اني بحترمه اصلا
الام/واضح يقلب امك
قطع جمعتهم العائليه جرس المنزل
ليقول الاب/انا هفتح كملوا انتوا


الجميع/ماشي
مروة/كنا فين ياد
امجد/كنا عند انك مش بتحترمي ادهم
مروة /اه انا فعلا مش بحترمه بربع جنيه
نظرت الام وراء مروة لتجد ادهم واقف
لتنظر لمروة
امجد/اه طلعتي مش بتحترميه خالص


مروة/احترمه بتاع اي علشان اكبر مني يعني ولا علشان جوزي
ادهم/علشان ده من الواجب انك تحترمي جوزك
مروه/شوف بقا انا سامعه صوته بيرد عليا عفريت ناططلي في كل مكان
ادهم برفع حاجب/مين ده اللي عفريت
كادت ان تتحدث ولكنها استوعبت انها استمعت لصوته مرة اخري
لتنظر الي امها لتهز الام راسها
نظرت الي امجد ليقول/ماليش دعوه انا واحد في حالي
مروة/وغد حقير


قامت من مكانها لتنظر وراها لتجده يقف بشموخه المعتاد لترجع الي الوراء وتقول/انت سمعت غلط
ادهم وهو يقترب /بجد
مروة بخوف/يا بابا
الاب/وحده وجوزها مالناش فيه
الام/صح كلامه ملناش دعوه
امجد/انا بقول كده برضوا
مروة/بتبعوني مكنش العشم


امجد/شكرا ده من زؤقك
مروة/سيبني افهمك بس يا ادهم دي مجرد دردشه عادية بنهزر يعني
ادهم/دردشه وبتهزرو
مروة/اه والله مش مصدقني
ادهم/لا مصدقك يقلب ادهم
امجد بضحك/جابت وراء
مروة/ملكش فيه انت


ادهم/طيب انا عايز اتكلم معاكي
مروة وقد تذكرت ما حدث لتقول/وانا مش عايزه اتكلم
الاب/مروة حبيبتي خدي جوزك واتكلموا في اوضتك
امجد/نعم لا اختي متقعدش معاه في اوضه واحده
ادهم برفعه حاجب/ليه انشاء الله دي مراتي
امجد/لا برضوا متقعدش مع اختي
الاب/امجد متنساش انها مراته
امجد/يا بابا


قاطعه الاب ليقول/مروة خدي جوزك وادخلي اوضتك وانت يا ادهم هتبات معانا النهارده
ابتسم ادهم بخبث لينظر الي مروة
الاب/يلا كل واحد علي اوضته الوقت اتاخر
ذهب الاب والام الي غرفتهم ليبقي ادهم وامجد ومروة
ادهم/اظن اقدر اخد مراتي
امجد/لو فكرت تقرب منها هتلاقيني معاك في الاوضه
ادهم/مراتي احب افكرك تاني
امجد/وهي اختي لو فاكر
مروة/خلاص


ثم نظرت الي امجد لتقول/خلاص يا امجد انا راحه اوضتي
ذهبت الي غرفتها لينظر ادهم الي امجد بغضب
ثم يذهب وراها ليدلف الي الغرفه
وجدها تقف في البلكون ليتجهه اليها ويحتضنها من الخلف
لتغمض عيناها ليقول ادهم/مشيتي ليه
مروة/كنت عايزني افضل قاعده بعد اللي سمعته


ادهم/بس انتي مدتنيش فرصه اني اتكلم
مروة بحزن/كانت عايزني استناك لما تتكلم علشان تطردني برا حياتك
ادهم وهو يلفها اليه ليقول/مين قال كده انا عمري ما اقدر اطردك برا حياتي
مروة بدموع/كنت متجوزني علشان تحميني
ادهم/لا انا كان ممكن اقدر احميكي من غير ما اتجوزك
مروه/امال كنت متجوزني ليه
ادهم/هقلك بس مش دلوقت
مروة/هتقلي ميتا


ادهم/ميتا دي انا اللي احددها
مروة/مغرور
ابتعدت عنه لتتجهه الي الفراش لتنام عليه ليقول/وانا هنام فين بقا
مروة/زي ما انت شايف السرير مش بيكفي غير شخص
وانت بسم الله مشاءالله بتلات اشخاص
ادهم/والله
مروة/ايوة
اتجهه اليها ادهم ليتسطح بجوارها لتقوم مروة
ليقول ادهم/قومتي ليه


مروة/هنام فين انا كده
سحبها ادهم من يدها لتقع علي صدرة ليقول/هتنامي في حضني
مروة وهي تحاول الابتعاد عنه ولكنه مطوقها بذراعيه
تعبت من المقاومه لتضع راسها علي صدره
وتذهب في سباق عميق
نظر اليها ليجدها نامت احتضنها بقوه لينام هو الاخر
✍️✍️✍️✍️✍️✍️✍️✍️✍️
في صباح يوم جديد
تشرق الشمس لتتسلل بخيوطها الذهبيه الي غرفه جميلتنا لتفتح عينها ببطئ
شعرت بانها مقيده لتجد نفسها تنام علي صدر ادهم
حاولت الفرار من بين يديه لتنجح اخيرا


قامت للتجهه نحو المرحاض لتتؤضي
خرجت من المرحاض لتؤدي فرضها
انتهت من اداه فرضها لتنظر الي ادهم لتجده نائم
اقتربت منه لتجلس بجانبه تتامله
شهقت عندما وجدته يسحبها لتقع علي صدره ليقول/عارف اني حلو بس مش للدرجه دي
مروة بتعلثم/اه لا مش حلو وبعد بقا
تركها ادهم ليقوم ويتجهه نحو المرحاض ليدلف اليه
نظرت مروة في اثره لتبتسم


خرجت من غرفتها لتجد امها تحضر الفطور لتتجهه اليها وتقول/صباح الخير
الام/صباح الخير ياقلبي
مروة/الا فين حمو مش من عوايده انه يقوم متاخر وبعدين انتو ناسيين النهارده اي
الام بخبث/لا مش فاكرين بصراحه
مروة بحزن/مش فاكرين بجد
امجد من وراها /ليه هو في مناسبه النهارده
مروة/اي ده هو انتو مش فاكرين


امجد/لا بصراحه
نظرت اليهم بحنق لتتركهم وتتجهه نحو الطاوله لتجلس عليها
عند امجد كان يبتسم ليقول /غبيه البت دي
الام/مش اختك
امجد/اي يا حجه شيفاني ناقص تهزيق
الام/طب يلا هات الطبق ده ورايا
امجد وهو يضرب كف بكف/انا مين قلي ارجع ما انا كنت عايش ومرتاح
الام/بتقول حاجه


امجد/لا مش بقول انا كنت بسالك بس في حاجه تانيه عايزاني اجيبها
الام/لا
خرج ادهم من الغرفه ليتجهه نحو الطاوله وجد مروة جالسه بوجهه حزين ليقول/الجميل زعلان لي
مروة/مفيش
كاد ادهم ان يتحدث ولكن قاطع حديثهم الام لتقول/كل يحبيبي
امجد/اتفضل يا ادهم بيه
مروة /فين بابا
الاب /اديني يحبيبتي


تقدم منهم ليجلس ويبدا في تناول فطوره
انتهي ااجميع من تناول الطعام
ليقول ادهم/انا هروح الشركه علشان عندي شغل مهم
الام/ربنا ييسرك طريقك
نظر اليها ادهم بابتسامه ليقول الاب/روح يا ابني شوف شغلك
نظر ادهم الي مروة ليتجهها اليها ويقبل راسها
نظر اليها بابتسامه لتبادله نفس الابتسامه ليستاذن ويخرج من المنزل
✍️✍️✍️✍️✍️✍️✍️✍️✍️✍
عند مروان كان جالس يتابع عمله


ليرن هاتفه ليجدها معشوقته ابتسم ليرد عليها
صافي/بص بقا متكلمنيش تاني فاهم
مروان/ليه بس كده
صافي/انا قلت كلمه
مروان/واالمفروض اني اسمع كلامك
صافي/اه تسمع كلامي انا قلت حاجه غلط
مروان/لا مقلتيش حاجه غلط
صافي اتظبطي علي الصبح


صافي/انا اللي اتظبط ماشي يا مروان
كاد ان يتحدث ليجدها اغلقت الخط في وجهه ليشد علي شعره بعصبيه ويقول/ورحمه ابويا لاوريكي
اخذ متعلقاته وخرج من المكتب
✍️✍️✍️✍️✍️✍️✍️✍️✍️
في المستشفي كانت حنين تراقب المرضي
لتلمح دكتور يحيي جالس اخذت تراقبه من بعيد بحب فهي احبته منذ وصولها لهذه المستشفي راته ينظر اليها لتذهب من امام الغرفه
في الداخل ابتسم يحيي ليقول/مجنونه
خرج يحيي وراها ليجدها تقف مع احد الاطباء تتحدث معه نظر اليها ليتجهه اليهم ويقف بينهم لتتفاجي حنين بفعلته هذه
ليقول/دكتورة حنين عايزه اتكلم معاكي


حنين/حاضر يا دكتور
ذهب يحيي الي مكتبه لتتجهه هي ورائه دلفت اليه لتجد يحيي يسحبها من معصمها
ليكون وجهه مقابل وجهها لتقول بتوتر/في حاجه يدكتور انا عملت حاجه غلط
ليقول/تتجوزيني
حنين بصدمه/مين انا
يحيي بضحك/اه انتي
حنين/بجد بتكلمني انا
يحيي/اه
حنين بلغبطه/طيب ازاي


يحيي وهو يقترب منها/اي هو اللي ازاي
بقلك تنجوزيني
حنين/احم اه لا بص هفكر
يحيي بضحك/فكري براحتك بس ملاقكيش واقفه مع الواد الملزق ده
حنين/تمام بعد اذنك
يحيي وهو يقترب من اذنيها ليقول/بحبك
ابتعدت حنين لتنظر اليه بابتسامه وتخرج
ليبتسم


(لو كنت تحب الشخص الاول لما احببت الثاني💙)
✍️✍️✍️✍️✍️✍️✍️✍️✍️✍️✍️
عند مروة في المنزل كانت جالسه ليدق جرس الباب
اتجهت اليه لتفتحه وجدت شخص ومعه علبه كبيره
تحدث الشخص/حضرتك مرات ادهم بيه
مروة/ايوه انا
الشخص/اتفضلي ادهم بيه بعتلك الحاجات دي
اخذتهم منه لتتشكره


اغلقت الباب لتدلف الي غرفتها فتحت العلبه لتجد دريس بلون الابيض وبه ورود من اللون الاحمر ومعه حجاب بلون الاحمر وكل مستلزماته
وجدت رساله لتفتحها
(البسي يا اميرتي وانا هاجي بعد ساعتين علشان اخدك من البيت ومتفكريش كتير انا بعتلك الحاجات دي لي كلها كام ساعه وتعرفي)
ابتسمت لتمسك الدريس وتتامله لتحضنه بحب
✍️✍️✍️✍️✍️✍️✍️✍️✍️
في المستشفي


كانت تسير سلمي ليخبط بها شخص لتقول/اوف هي ناقصه
نظرت اليه لتقول/انت تاني
ادم/اه انا
سلمي/طب بعد عن طريقي
ادم/اتفضلي
سلمي/عيل مغرور اوي وغتت
ادم/بتقولي اي


سلمي/انت مالك اقول اي
ادم/طب يا اوزعه هانم اتفضلي امشي
سلمي وهي تسير امامه لتضربه في قدمه وتجري لتقول/اوزعه في عينك
ادم/ماشي وحياه امي ما هسيبك
سلمي وهي تخرج لسانها له/لو عرفت تمسكني
لتجري من امامه


ابتسم بمشاكسه ليقول/مكنتش اعرف ان البنات المصريين حلوين كده
✍️✍️✍️✍️✍️✍️✍️✍️✍️✍️
عند اروي كانت جالسه تسب هذا الغرور
لتقول/جواز اي اللي هيبقي الاسبوع الجاي
انا اتجوز
ولاء/ما تهدي بقا
صافي/سيبيها تفش غلها كل الرجاله ملهمش لازمه
ولاء /حوشي مين بيتكلم
نظرت الي اروي لتقول/خلاص بقا هو عمل اي لكل ده


اروي/عمل اي ده بيقلي الفرح الاسبوع الجاي اللي هو ازاي ده حتي مش هحصل احتفل
منه باستغراب/تحتفلي بايه
اروي/حفله العزوبيه اللي هتنتهي
ولاء وهي تنظر حولها لعلها تجد شئ لتكسر راس هذه المجنونه
ولاء بغيظ/ده كله علشان حاجه تافهه


اروي/تافهه لا مش تافهه بكرا تجربي
ولاء بابتسامه/ملكيش فيه
مريم/انتي بتضحكي ليه
ولاء/انتو مالكم بنات رخمه
تركتهم لتذهب الي غرفتها

تعليقات