رواية شبح ذكريات الماضي الفصل التاسع عشر
ميسون شافت الإسم وقلبها بدأ يدق جوها خف مبهم مش مستعده تسمع الرد ابدا
ميسون : ألو أيوه يا عبدو
عبدو : ايوه يا دكتوره نتيجه تحليل DNA طلعت والنتيجه إيجابي يا دكتوره
ميسون وقد أوقعت الهاتف من يدها وتسلل دموعها إلي خديها وفقدت توازنها فوقعت علي الأرض جالسه
ميسون بدموع وصرخات : لييييييه !!!لييييييبه !!!! حرام عليك أنا حبيتك أنا حبيتك ووثقت فيك وكسرررررتني
ليه دخلت حياتي ليه رجعتي احس ليه زرعت جوايا الامان رفعتني لسابع سماء ونزلتي لسابع أرض من غير رحمه
أنا بكرهكككككك محدش وجعني قدك
ليه يا مروان تعمل فيا كده ليه تدمر حياتي دمرت اختي زمان وبدمرني أنا دلوقت
قامت وقفت ومسحت دموعها : وعد مني لادمرك لادوقك من نفسك الكاس وعد لاكسرك واندمك علئ اليوم الاتولدت فيه يا بن السيوفي وعد مني لاخليك تتمني الموت ومتطولش وعد مني لاخليك عبره لكل واحد يفكر يضحك علئ بنت او يستغلها وعد مني لادفعك التمن غالي أوي بس أصبر عليا
ميسون وهي تمسك بهاتفها : ألو ايوه يا عبدو
عبدو : خير يا دكتوره
ميسون : عايزه منك خدمه كده
عبده : عيني يا دكتوره أنت تؤموري
ميسون : عايزه __#__#__#__
عبده : حاضر يا دكتوره بكره بالكتير واخلصك الحوار ده
ميسون : بس اياك مخلوق يعرف
عبده : عيب يا دكتوره
ميسون : تمام
ميسون وهي تعلق الهاتف بابتسامة شر : استعد يا بن وعد مني لهكون اسوء كوبيسك يا مارو ههههههه
رجعت ميسون للمزرعه وجدت الكل مجتمع وأصوات الاعتراض مرتفعه
ميسون : خير يا جماعه مالكم
ريناد : ليلي مصره تمشي بقولها اقعدي إحنا كلها يومين وراجعين القاهره كلنا
أسر : لو علي شغلك فمروان هنا اهو يعني يعني معندكيش حجه
مروان : خير يا ليلي في حاجه ضايقتك
ليلي : لا مفيش يا جماعه بس أنا بابا واحشني جدا ومش عايزه اسيبه لوحده إكتر من كده
ميسون : يعني مفيش سبب تاني
ليلي : لا ابدا ده أنا حتي استمعت جدا بالاجازه اللطيفه دي ومتشكره أوي يا أسر علي الوقت الظريف ده It was a very special time
أسر : وأنا سعيد ان المكان عجبكم صحيح كان ليفيل الاكشن عالي سكيا بس اهو عيشتكم شويه أثاره بدل الروتين الملل ده
اياد بمرح ؛ إن كان الاكشن بالشكل ده فمتشكرين إنا عن نفسي كائن مسالم ومليش في الحوارات دي خالص
ميسون : أنا بجد زعلان انكم هتمشوا
ليلي : تتعوض مره تانيه أن شاء الله
عصام : أكيد لأن بدايه من الاسبوع الجاي يعني بعد ٦ أيام بالظبطت كلكم معزومين عندنا في الصعيد ولا نسيتوا ومش هقبل اي أعذار مش كده يا لولا
ليلي بغيظ : بعد اذنكم يا جماعه
عصام : علي فين اصبري مش لما احضر شنطتي أنا كمان معلش يا جماعه أصلها مستعجله اوي علشان تحضيرات الفرح
طلع عصام يجهز الشنطه وساب ليلي بتغلي من غيظها
مروان : ايه يا ميس كنتي فين
ميسون : كنت بتمشي شويه يا حبيبي تعالي علشان ميعاد الدواء
مروان : اه تصدقي نسيت
ميسون : وأنا هنا علشان افكرك ياله يا روحي
أسر : ايه يا جماعه المحن ده خفوا شويه وراعوا أن في سناجل هنا
مروان : موت أنت بغيظك
مروان طلع مع ميسون علشان ميعاد الدواء
ميسون : أنت طبعاً مأكلتش حاجه من الغذاء ومينفعش تاخد العلاج كده كل الفاكهه دي الاول
مروان : اكلني وأنا اكل
ميسون : من عيني
ميسون وهي بتاكله الموز: لازم تاخد بالك من صحتك علشان الجرح يلم بسرعه
مروان : أنا لو أعرف أن الرصاصه دي هتغيرك كده كنتي انتحرت من زمان
ميسون : واهون عليك تسبني لوحدي
مروان : هو أنا أقدر ده أنا مصدقت
ميسون : طب أنا هقوم اخد ليا شاور لحسن أنا تعبانه اوي كمل أنت اكلك
ميسون من الحمام : مروان ممكن تناولني الفوطه لحسن نسيتها علي السرير
مروان وهو يتجه للسرير : حاضر ثانيه
ميسون من الداخل بابتسامة شر :1,2,3
مروان : اعااااا يا دراعي اه اه
ميسون خرجت تجري
ميسون : مروان مروان مالك يا حبيبي خير
مروان : آه آه دراعي اعا اه
ميسون : طب أسند عليا علشان تقوم وبعدها أتصل بالدكتور
مروان : لا أنا تقيل عليكي نادي لأسر من تحت
ميسون : لا ولا يهمك قوم بس
مروان بدأ يحاول يقف بس مش قادر وفي أيده الم رهيب
جه أسر واياد علي صوت صراخات مروان
أسر : في إيه مالك يا مروان
ميسون : مش عارفه أنا خرجت لقيته وقع علي الأرض ومش قادر يقوم
أسر واياد شاله مروان ووضعه في السرير
أسر : أنت وقعت ازي
مروان : معرفش أنا كنت ماشي بس اتزحلقت في قشره الموزه دي
أسر بغضب : مش تاخدوا بالكم يا جماعه
ريناد بقلق : أنا هتصل بالدكتور حالا
مروان : بسرعه ألم فظيع مش قادر
ميسون ف داخلها بفرحه انتصار ودي لسه البدايه يا بن السيوفي بس اصبر عليا
جه الدكتور وبدأ في الكشف علي مروان
الدكتور : للاسف التواء حاد في القدم الأيسر وكسر في الذراع الأيسر والوضع خرج وخصوصا بسبب الاصابه محتاجين اشاعه ضروري علشان نحدد مكان الكسر ونشوف هنحتاج عمليه او لا أنا هكتبله علي شويه مسكنات ومحتاج راحه تامه وغذاء كويس
ميسون : حاضر يا دكتور
أسر راح يوصل الدكتور وفضلت ميسون مع مروان
ميسون بدموع : أنا السبب انا الجبت الموز أنا سبب كل مشاكلك أنت لازم تبعد عني أنا وجودي خطر عليك وبدأت شهقاتها تعلي أنا أسفه أسفه يا مروان
مروان : يا حبيبتي اهدي أنت ملكيش ذنب ده قضاء وقدر واياكي اسمعك تقولي الكلام ده تاني أنا معنديش مشكله اصخي بحياتي علشانك
ميسون بابتسامة:طب اسيبك ترتاح شويه علشان مفعول المسكنات بدأ يشتغل
عند عصام وليلي
ليلي : أنت رايح فين
عصام : رايحين لعمي
ليلي : بس ده مش طريق القاهره
عصام : ومن جالك أن عمي في مصر
ليلي : آمال بابي فين
عصام : مع ابوي في الصعيد
ليلي what !! لا استحاله بيعمل ايه هناك
عصام : بيحضر للفرح يا عروسه
ليلي : ومين قالك أن الفرح ده هيتم
عصام : أنا جولت
ليلي : وأنت مين انت علشان تقول اوعي تفهم سكوتي قدامهم مواقفه لا أنا بس مش عايزه فضايح أنا هكلم بابا ونلغي الموضوع ده نهائي
عصام : تبجي وريني يا بت عمي واعلي ما في خليك اركبيه
ليلي وهي مصدومه من تصرفات والدها منذ متي وهو يتحكم في حياتها منذ متي وهو يضعها أمام الأمر الواقع والكن يكفي سوف تضع حد لهذه المهزله
قطعها صوت عصام
عصام : لو عايزه تنامي وتفردي طولك شويه الطريج لسه طويل
ليلي : بطل تستفذني واتكلم شبه البني ادمين
عصام : وحد جالك إني بتحددت شبه الحيوانات ، دي لغتي ومش هغيرها واضربي راسك في اطخنها حيط يا بت عمي
ليلي : أتكلم بطريقه كويسه وبلاش تستفذني وبعدين ما أنت من هناك كنت بتكلم كويس اشمعني هنا
عصام : أنا حر واتصرف بكيفي واياكي تنسي اصلك الملوش خير في اهله ملوش خير في حد واصل متبجيش زي القرع تمدي لبره
ليلي وهي تضع عصابه النوم علي عيناها : أنت التفاهم معاك صعب أنا هسكت هنام احسن لما نوصل ابقي قولي
عند ميسون ومروان
ميسون كانت نائمه بس انتبهت لصوت نغمه من تليفونها تعلن عن وصول رساله
فتحت الرساله
قبلني بره عند الجنينه الخلفيه من المزرعه
نزلت ميسون وهي تنظر يمين ويسار وتدعي الله أن لا يراها احد
ميسون : ايوه إيه الجابك في الوقت المتاخر ده وجبت الحاجه
عبده : ايوا يا دكتوره اتفضلي
ميسون وهي تمسك بالعبوه : طب خذ دول و أمشي من هنا قبل ما حد ما يشوفك
عبده : تمام يا دكتوره أنا تحت أمرك
ميسون وهي تنظر بابتسامه شر للعلبه : خلاص يا بن السيوفي نهايتك قربت وعلي ايدي ان شاء الله
رجعت الغرفه وفرحت أن مروان تحت تاثير الادويه ومحسش بحاجه
ميسون وهي تتامله بقهر
عند ريناد كانت قلقانه ومش قادره تنام فنزلت تتمشي شويه بس وهي خارجه لمحت طيف حد في الصاله
ريناد بصوت مهزوز : مين هناك
.........
ريناد وهي تقترب : مين هناك ، مين
_: الله اكبر
ريناد بتعجب وفتحت نور الكشاف
ريناد : أياد أنت بتعمل ايه هنا دلوقت
اياد : السلام عليكم ورحمه الله ، السلامه عليكم ورحمه الله
اياد : بنصلي الفجر يا ريناد
أسر : خير يا ريناد أيه المصحيكي لغايه دلوقتي
ريناد بتعجب : أنت كمان بتصلي
أسر بضحك : مالك مستغربه كده ليه
ريناد : أصل يعني هو
أسر : علشان أنا بتاع بنات وسهر وكده يعني
بصي أنا صحيح عملت كل حاجه غلط بس عمري ما بطلت صلاه دي صلتي الوحيده بربنا يعني سايب الباب موارب يمكن يجي عليا الوقت وربنا يهديني مبقاش قطعت كل الخيوط التوصلني بيه ده غير أني بحس أن دي الحاجه الوحيده البتغسلني وبتحسسني أن لسه فيا حاجه كويسه
ريناد : بس أنا عمري ما شوفتك بتصلي
أسر : علشان دي حاجه بيني أنا وربنا
ريناد : طب أنا عايزه اصلي أنا كمان علمني مش أنت الكنت بتعلمني كل حاجه
أسر : ماشي يا ستي هعلمك أول حاجه روحي غيري لبسك. لحاجه طويله وبكوم وبعدين تعالي اعلمك الوضوء
ريناد : بس أنا معنديش حاجه كده
اياد : هجبلك حاجه من عند سمر
اياد جاب اذدال لريناد وريناد لبسته
ريناد وهي تنظر في المرأة : أنا شكلي حلو في الفستان ده
اياد بضحك :ده مش فستان
أياد بدأ يعلم ريناد وريناد فرحانه وبدأت تعمل زيه لحد ما عرفت الطريقه
ريناد : أنت أتعلمت كل ده فين
أسر : دي حاجات بسيطة جدا احنا ابعد ما يكون عن طريق الحق بس بحاول الفضل لاياد هو الدايما بيرشدني للطريق الصح
أسر : ياله صلي الفجر وبعدين تعالي نتمشي شويه
ريناد : طب استنني هنا
أسر : مينفعش لأن وجودي يبطل صلاتك صلي أنا هفضل بره
مشي أسر وفصلت ريناد حاسه أنها متلغبطه اول مره تشوف الجانب ده من أسر بدأت تصلي وتدعي أن أسر يبقي من نصيبها
ريناد خلصت صلاه وبعدها خرجت لقت اياد منتظرها بره
ريناد : أنا خلصت ياله نطلع
أسر : طب هاتي جاكت أو حاجه الجو بره برد
ريناد : مش مهم وقتها أبقي أخد جاكتك
أسر : ده أنت داخله على طمع بقي ،ومين قالك إني هوافقك اديهولك
ريناد : علئ أساس أنها أول مره ما أنا طول عمري باخد منك كل حاجه
أسر : فاكره لما اخدتي مني الشميز الأبيض ومرضتيش ترجعيه
ريناد بضحك : وجاكتك الاسود لسه عندي
أسر : يا حرميه أنا قلبت عليه الدنيا
ريناد : ومش هديهولك
أسر : المشكله أنه بيطلع عليكي احلي
ريناد : أنا أي حاجه عليا بتبقي حلوه وللتوضيح ده مش ثقه في النفس ده غرور
أسر : عبو شكلك
ريناد : فاكر لما كنا بنقسم البيض سواء أنت الصفار وأنا البياض والزبادي كنت أخد الوش وأنت الباقي علشان مش بتحبه و حتي الهندفري كنا كل واحد بياخد ودن
أسر : ولا فأكره لما كنت لسه صغيره وبتضربي العيال الأكبر منك وانت وأنا اتخانق معهم بسببك ده أنا ياما اخذت ضرب بسببك
ريناد : ولا فاكر يوم ما الواد سامح ضربك بسببي كان يوم تحفه
أسر : أنت لسه فاكره ده أنا كنت في ابتدائي وقتها صحيح ضربني بس أنا وقعته قدام الفصل كله وأخذت حقي تعرفي يا ريناد أنا عمري ما كان ليا ضهر ولا حد اشتكي ليه ويطبطب عليا متستغربيش اوي كده صحيح اسمي كفيل بأنه يخلي اي حد يخاف يفكر فيا بس كل ما كنت افتكر أن اسمي مربوط بيه وأن الناس بتعملي حساب علشانه كنت بحس إني مخنوق اوي وده كأن وأحد من الأسباب الخلتني امسك الفندق علشان يبقي ليا اسمي أنا واسعي لتحقيق حلم أمي
ريناد : خلاص يا أسر كل حاجه راحت وزين هياخد عقابه أرتاح بقي وحقق حلمك أنت مش كأن نفسك تبقي مغني اشتغل عليه
أسر بتفكير : مش عارف أنا مش فاضي عندي الكليه والفندق وزين
ريناد ؛متخافش كله هيعدي وأنا جنبك بس أنت قرر
أسر بتنهيده : ماشي
أسر بمحاوله لتغير الموضوع : فاكره لما كنت مش بتخلي داده سحر تسرحلك وأنا اقعد اسرحلك شعرك واعملك ضفيره وديل حصان
ريناد :و كنت اقولك مش حلو علشان اغيظك
أسر : طول عمرك تعباني ومطلعه عيني بس علي قلبي زي العسل كنت دايما بعتبرك مسئوليتي وأن طلباتك واجبات عليا
ريناد : وأنا عمري ما حد كان حنين عليا ولا بيخاف عليا قدك ولا عمري حسيت بالأمان غير جنبك أسر أنا بحبك أنا لا حبيت ولا نحب غيرك
أسر بنظره حب :..........
ريناد بنظره رجاء :........
أسر بتلعثم : ي ي له نرجع زمان الكل فاق وبيدور علينا
عند ليلي وعصام
عصام فضل يتأمل وجه ريناد النائم
عصام في نفسه : عملتي فيا ايه يا بت عمي علي قد ما بكون نفسي اكسرلك مناخيرك دي إلا أني بحبك عندك ده اوي فاق من تامله ليها علي صوت ليلي فعرف أنها بدأت تفوق
ليلي قامت من النوم بس انصدمت لما لقت نفسها نايمه علي كتف أسر
ليلي بإخراج : احم احم هو أنت ازي تقرب كده
عصام : أنا بردو ولا أنت المكلبشه في دراعي من الصبح ومش عارف اسوق منك
ليلي : أنا هو انا
قطع كلامها صوت عصام : انزلي وصلنا
ليلي نزلت وبدأت تتأمل للمكان كان بيت كبير يبدو عليه الفخامه رغم تصميمه التقليدي
عصام وهو يحمل الشنط: ايه هتباتي هنا ولا ايه
ليلي وهي تمشي أمامه : ملكش دعوه
عصام : أنت رايحه فين الباب من هنأ يا بت عمي
ليلي : احم منا عارفه بس بس كنت بتفرج
عند ميسون ومروان
مروان كان نايم بس صحي علي ضوء الشمس وصوت ميسون
ميسون وهي تفتح الشبابيك : صباح الخير
ايه النوم ده كله أصحي بقي
مروان : الساعه كام
ميسون وهي تمسك بالفطار : الساعه ١١ قوم أفطر ياله علشان تاخد العلاج
مروان : ايه الدلع ده كله
ميسون : وأنا عندي كام مروان أفطر ياله عبان ما اجيبلك العصير
ميسون عملت العصير وبعدين طلعت علبه صغيره واضافت نقطتين الكوب
ميسون بضحكه : وبدأ العد التنازلي لدمرك يا زوجي العزيز
ميسون توجهت للغرفه واعطت العصير لمروان
مروان : هي رهف فين مشفتهاش من زمان
ميسون بغيظ : بتلعب في اوضتها اشرب أنت العصير
مروان وهو يشرب : أنا هروح أصبح عليها.
مروان صباح الخير على اجمل بنوته في الدنيا أميرتي بتعمل ايه
رهف :بلعب يا مارو تلعب معايا
مروان : لا يا حبيبتي أنا هنزل تحت اشوف عمو أسر
أسر : صباح الخير يا مروان عامل ايه دلوقت
مروان: الحمد لله كويس
ريناد ويبدو علي وجهها الحزن : اتفضل الشاي يا مروان
ميسون : حلو اوي الاذدال عليكي يا ريناد
ريناد بابتسامة باهته : بجد ده بتاع سمر
مروان : لا جميل خالص وشكلك بالطرحه أجمل بكتير
ميسون : ريناد أنت فيكي حاجه حاسكي متغيره
ريناد : لا ابدا بس منمتش كويس
مروان امسك الفنجان وبدأ يشرب فجاه حس أن توزانه بيختل وإن أيده بترتعش الدنيا بدأت تلف بيه حاسس ان تركيزه منعدم و واقع الفنجان من أيده انكسر
أسر : في إيه أنت كويس
مروان : اه بس مش عارفه مره واحده حسيت إني الدنيا بتلف بيا ومش شايف كويس
ميسون : يمكن يكون لسه وقعة انبارح لسه ماثره عليه
ريناد : مروان اتطلع ارتاح شويه لحد ما تبقي كويس
مروان بتشويش : أنا فعلا هطلع ارتاح
أسر وصل مروان للغرفه
مروان قاعد مستغرب ازي الفنجان وقع ليه حاسس ان دماغه تقيل كده ليه مش قادر يشوف كويس بدأ يسمع اصوات غريبه ومزعحه زي تشويش كده
مروان وهو يضع يده علي اذنه : بس صوت إيه المزعج ده كفايه
ميسون : في إيه يا حبيبي مالك مفيش حاجه
مروان : في أصوات مزعجه اوي وقفي الاصوات دي
ميسون : بس أنا مش سامعه حاجه خالص أنت بيتهيالك بس ادخل نام وأنت هتبقي كويس
مروان : بس أنا
ميسون : أنت محتاج تستريح خد المهدأ ده علشان تستريح شويه هو فيه منوم اصلا
مروان بدأ ينام بس حاسس أن في حاجه غلط اصوات مزعجه كتير لحد ماراح في النوم
ميسون : ولسه دي بس البدايه ان ماخليتك تتجنن رسمي مبقاش ميسون الحريري والله لادفعك تمن كل دمعه نزلت من أختي عليك يا واطي بس اصبر عليا ده أنا محضره ليك بروجرام هايل بس اصبر التقيل جاي
بدل ماتدور وتبحث علي الروايات خليها علي تليفونك وحمل تطبيقنا
