Ads by Google X

القائمة الرئيسية

الصفحات

رواية بنات نعمة الحلقه التاسعه


 الحلقة التاسعة من رواية ( بنات نعمة )


وااااااه يانعمة عليكي وعلى أيامك ال كل ما تضحلك ترجع


 تديكي تاني على دماغك ، أنا نفسي بس أفهم ياترى لحد


 إيمتا هيفضل زمنك قاسي عليكي ، شكلها الدنيا بتعاند ومش


 ناوية تمضي معاكي إستمارة صلح غير لما تخرجي منها .


______________


بعد كام يوم وبالتحديد الساعة 3 الفجر


نعمة صحيت على خبر حريق المحل الجديد


طلعت تجري هي وبناتها على المحل ورياض كان وصل هناك


نعمة .. اغمى عليها من منظر النار ال كانت بتاكل كل حاجة


هدي .. يالهوييييي الحقونا ياناس


تغريد .. لاااااا ياولاد الكااااالب 


ريهام .. أميييييي


المحل والمخزن دقت فيه النار والناس كانو بيطفو في النار 


على مايقدرو ، 


أما بقا مرسي وتوحيد ونظيمة كانو واقفين في الشباك 


مبتسمين إبتسامة صفرة كده 


توحيد .. براوة عليك ياواد يامرسي انت ووفيق


نظيمة .. ههههه لا بجد ضربة معلم


وفيق .. امال إحنا بنلعب ولا إيه عاد ههههههههه


توحيد .. وبكده نعمة هتيجي الأرض ومعدتلهاش قومة تاني


كوثر زوجة صابر .. مالكم متجمعين ومبسوطين فى نعمة 


كده ليه


توحيد .. ها! وإحنا هننبسط ليه ياكوثر


كوثر .. عليا أنا الكلام ده ياحماتي هههه


مرسي .. تقصدي إيه عاد ياكوثر ؟؟!


كوثر .. أقصد إني عارفة إن أنتم ورا الخراب ال بيحصل


 لنعمة ده ، بس بصراحة عجبتني الضربة دي هههه


وفيق .. صوح الكلام ال سامعه ده يامرات أخوي 


كوثر .. مصلحتي ومصلحتكم واحدة أنتم يهمكم المحل وانا


 يهمني صابر جوزي ال داير ورا نعمة وبناتها


مرسي .. كده انتي تعجبيني يامرات اخوي ههههههه


نظيمة .. إلحقي ياأمي شوفي مين بيطفي معاهم


توحيد .. مييين !!! صابر !!!!


____________


في مشهد غير متوقع ، صابر جه جري وبدأ يطفي في النار


 بحماس مع رياض وهدي وتغريد وبعض الناس ، قدرو في


 وقت بسيط يخرجو جزء من البضاعة 

 

وفي لحظة النار قفلت على تغريد لوحدها جوة 


الناس بدأت تصرخ من هول المنظر وتعرض تغريد للموت 


حرفيا ، في اللحظة دي قلب صابر رق على بنته وفي لحظة 


ما جه ياخد قرار إن يجازف ويدخل في وسط النار لمحاولة 


إنقاذها ، كان رياض خد القرار ورمى نفسه في وسط النار 


عشان يعبر لينقذ تغريد ، وبالفعل عبر ولكن الأمر إزداد سوء


لأن أسلاك الكهرباء بدأت تتلامس مع بعضها ومياه الإطفاء


 تغمر الأرض لتصبح فرصة نجاتهم ضعيفة 


تغريد .. اشهد ان لا إله الله واشهد ان محمد رسول الله


رياض .. اسمعيني كويس ، لازم نجري في وسط النار بأقصى


 سرعة


تغريد .. لا لا 


رياض .. مفيش وقت سلك الكهرباء لو وقع على الأرض هنموت


تغريد .. ولو مشينا في وسط النار هنموت


رياض .. مرعوبة ليه قلتلك مش هنموت 


تغريد .. لا هنموت 


رياض .. ماتسمعي الكلام ( ضربها بالقلم أغمى عليها )


مفيش قدام رياض حل غير إن يشيلها ويعبر بيها النار 


وفعلا شالها رياض وخرج بيها من النار ولاكن للأسف خرج


 من النار وهي ماسكة فيه أسرع ألجميع في إطفاء رياض


 وأخذوه على المستشفى


___________


في المستشفى 


فاقت نعمة من الإغماء وبعدها بشوية فاقت تغريد


أما رياض فمازال فاقد الوعي


نعمة .. في إيه يادكتور طمنا عليه


الدكتور .. إن شاء الله خير ياست نعمة إصاباته خفيفة بس 


لازم يرتاح عالأقل شهر


هدى .. يعني نقدر ندخله


الدكتور .. ساعتين وتقدرو تدخلو


نعمة .. حاضر يادكتور ربنا يسترها


ريهام .. بصي هناك كده ياأمي


هدي .. مين !! أبويا !!


نعمة .. جاي تشمت ولا أيه ياصابر !؟


صابر .. إزيك يانعمة 


نعمة .. ملكش صالح بيا وأسمي متنطقوش على لسانك


ريهام .. إهدي ياأمي ده كان بيطفي معانا


نعمة ..  وإيه الجديد ماالناس الغريبة بردو كانت بتطفى 


صابر .. أنا عارف إني معملتش بس إديني فرصة أحاول...


نعمة .. فرصة أيه ياصابر !!! فرصك خلصت خلاص جاي بعد 


14 سنة عايز فرصة !!!!


صابر .. مايبقاش قلبك إسود يانعمة ، 


نعمة..لو كنت جيت قبل يوم واحد كنت ممكن أحترمتك قدام 


بناتك بس من النهاردة ومن بعد ما أذيتونا بحريق المحل


وبنتي ال كانت هتموت  وال اتعرض ليه الواد ال مرمي جوة 


ده ، مش هعمل إعتبار لحد وهتبقا المعاملة بالمثل 


والبادي أظلم





صابر .. بس أنا معملتش حاجة وأنتى واثقة من كلامي


نعمة .. ثقة !!! أنا لو وثقت في الدنيا كلها عمري ماهثق فيك 


صابر ..وليه مش واثقة فيا يانعمة معقول يعني أنا هأذي


 بناتي !!! ليه قاسية كده يانعمة !


نعمة .. ياترى عرفت شكل بناتك لوحدك ولا خليت حد من 


الشارع قالك عليهم ؟!


( صابر وطى راسه بعد ماسمع الكلمتين دول من نعمة )


نعمة .. وياترى أمك توحيد ومراتك عارفين إنك هنا


 دلوقيت ولا جاي من وراهم ؟!


إمشي ياصابر ، إمشي عشان عمر ال إتكسر ما هيتصلح ، 


إمشي عشان أقسم بالله قرفانة من لساني إنه بيكلمك


وعينى عشان شايفاك قدامي 


صابر سمع الكلام ده وخرج من سكات وهو مصدوم


__________


بعد ساعتين


رياض .. أنا فين !


نعمة .. حمدلله ع السلامة ياولدي


رياض .. إيه ال حصل !


هدى .. حصل كتير بعدين هنحكيلك


رياض .. المحل ياست نعمة


نعمة .. فدا ضفر من ضوافركم


ريهام .. عيني ياعيني يابختك ياعم الست نعمة راضية عنك


نعمة .. اتلمي يابت وبعدين رياض ده عشرة عمر ومايتخيرش 


عنكم والموقف ده بالذات عرفت فعلا إن ربنا عوضني عن 


خلفة الولاد برياض ، ويمكن كمان لو عندي ماكان هيبقا زي رياض


رياض .. ربنا يخليكي ليا ياست نعمة وكفاية بس إن لحم 


كتافي من خيرك


نعمة .. عيب ياواد متقولش كده انا مهما عملت مش هعوضك 


عن تعبك وشقاك وال بتعملو معانا


تغريد .. شد حيلك بس انت يااخويا ومتعملش فيها ميت


 المحل هيعوز شغل كتير ومحدش يفهم في الليلة دي قدك


رياض .. من بكرة إن شاء الله


نعمة .. اتكتمي يامقصوفة الرقبة لا بكرة إيه انت معاك شهر 


من دلوقتي راحة وبعد كده نتكلم 


_____________


بعد ثلاث أسابيع


رياض .. صباح الخير ياست نعمة


نعمة .. ايه ده !! إيه ال نزلك من بيتك !! 


رياض .. القعدة وحشة وروايح الشغل وحشتني ياست نعمة


نعمة .. يارياض انت تعبان والدكتور قال اقل حاجة شهر


رياض .. عشان خاطري ياست نعمة سبيني براحتي


نعمة .. خلاص ياسيدي براحتك


رياض .. هاتي مفاتيح المحل الجديد


نعمة .. البنات شغالين فيه هتلاقيه مفتوح 


رياض .. هي الخساير كتيرة ياست نعمة 


نعمة .. لا الحمدلله البركة فيك


رياض .. البركة في ربنا 


نعمة .. ونعم بالله ، طب ثواني أشوفلك توكتوك يوصلك


رياض .. لا والله ما انتي قايمة انا هعرف اتصرف


نعمة .. روح ربنا يرضى عنك ياابني


رياض .. عايزة حاجة


نعمة عايزة سلامتك في رعاية الله ياولدي


___________


شوية ووصل الدكتور عند الست نعمة


الدكتور .. السلام عليكم 


نعمة .. وعليكم السلام ، ازيك يادكتور 


الدكتور .. بخير ياست نعمة ، الف لا بأس عليكم 


نعمة .. ربنا يخليك يادكتور


الدكتور .. كنت مسافر ولسه راجع وسمعت عن موضوع


 المحل قولت اجي اتطمن ولو انها متاخرة


نعمة .. كتر خيرك والله يادكتور ، ال قولى المرة ال فاتت


 كنت عايزني في موضوع ومشيت من غير ما تحكي


الدكتور .. لا بعدين بقا مش وقته دلوقتي ياست نعمة


نعمة .. ليه مش وقته ليه ادينا قاعدين احكي براحتك


الدكتور .. يعني مصممة يعني هههه


نعمة .. دماغ صعيدية بقا ، فاكر يادكتور لما قولتلي الكلمة دي هههههه


الدكتور .. انتي مبتنسيش حاجة هههههه


نعمة .. وهي دي أيام تتنسي ،، احكي بقا ياسيدي


الدكتور .. بقا ياستي صلي على النبي 


نعمة .. صلى الله عليه وعلى اهله واصحابه اجمعين


الدكتور .. بقا ياستي الموضوع ده كنت عايز اتكلم فيه معاكي


من فترة طويلة وبصراحة كنت متردد بس أظن جه الوقت ال 


لازم اتكلم


صابر .. السلام عليكم 


نعمة .. يافتاح ياعليم يارزاق ياكريم


صابر .. في ايه يانعمة طب عامليني حتى على إني ضيف 


الدكتور .. انت مين ياحضرت وبتعلى صوتك عليها كده ليه!!


صابر .. وانت مالك ياجدع انت !!


الدكتور .. لا دا انت محدش مالى عينك بقا


نعمة .. بااااس، معلش يادكتور ده طليقي بس بعيد عنك 


لازقة ومش محترم سنه


الدكتور .. طليقك !!!!!!!


صابر .. وانت مالك يابارد 


نعمة .. انت جاي هنا عايز ايه ياصابر !!!!!


الدكتور .. طب هستأذن انا دلوقتي وبعدين ابقا اجيلك ياست نعمة


نعمة .. خليك يادكتور هو ال هيمشي


الدكتور .. لا معلش عشان عندي عيادة


صابر .. الراجل ده كان هنا بيعمل إيه !!


نعمة .. وانت مالك !!! هو انا كنت من بقيت اهلك ولا  في


 حاجة حتى تربطنا ببعض !!!! انت جاي ليه وعايز ايه من


 الأخر!!





صابر .. عايزك انتي وبناتك يانعمة


نعمة .. امشي إطلع بره ياصابر 


صابر .. وهو انا كفرت عشان عايز الم الشمل يانعمة


نعمة .. إرجع لمراتك واولادك ياصابر


صابر .. انا عايزكم انتم


نعمة .. طب وهما ياصابر !! إيه ناوي تفوتهم هما كمان ! ناوى 


تظلم تاني ! وانت متخيل إنى ممكن أدوق حد من نفس 


الكاس ال شربته !!!


صابر .. انا غلطت يانعمة والسكينة كانت سرقاني


نعمة .. ومفوقتش غير بعد 14 سنة ياصابر


صابر .. ابوس أيدك يانعمة انا بموت في اليوم الف مرة


وانا شايف بناتي قدامي ومش قادر أخدهم ف حضني


نعمة .. دول 14 سنة ياصابر ومستني اسامحك في يوم وليلة


أنا عالأقل محتاجة ميت سنة عشان أسامحك مش عشان 


نرجعلك ياصابر


صابر .. هعوضكم يانعمة


نعمة .. ال كنا محتاجينه معدناش محتاجينه عشان تيجي


 تعوضنا عنه دلوقتي


صابر .. يعني إيه يانعمة 


نعمة .. يعني انت  بالنسبالنا مت ياصابر وعزاك خدناه أنا 


وبناتك من 14 سنة


صابر .. مت !!!


نعمة .. عمرك بقا سمعت عن ميت بيرجع ؟!


امشي ياصابر وحاول تحافظ على شوية الكره ال جوانا من 


ناحيتك متخليهمش يزيدو !


صابر .. يااااااه للدرجادي يانعمة !!!


نعمة .. كل واحد لازم يدفع فاتورة أعماله وجه وقت الدفع 


ياصابر وعلى قد ما أنت عملت على قد ما أنت هتدفع


صابر .. اتغيرتي قوي يانعمة ، مش دي نعمة ال كانت


 بتتكسف من خيالها ومبتعرفش تقول كلمتين على بعض


نعمة .. الفضل يرجعلك ياصابر ( مع السلامة ياصابر )


__________


في المحل الجديد


رياض .. السلام عليكم


هدى .. اهلااااا تعالو يابنات شوفو مين ال وصل


تغريد .. ايه المفاجئة الحلوة دي 


ريهام .. وأي مفاجئة ده المعلم رياض على بعضه


رياض .. المعلم رياض حتة واحدة هههه


ريهام .. لا على حتتين هههههههههه


رياض .. ومالك متفحمة كده ياتغريد ههههههه


تغريد .. يعني بنروق مكان الحريق هيكون شكلنا ايه 


هدي .. متفحمة 😅😅😅😅


ريهام ..😅😅😅😅


تغريد .. عاجبك كده ياسيدي أديك ضحكت جوز الشربات عليا


رياض .. ههههههههههه


هدى .. انت بتعمل إيه يارياض !!


رياض .. هشتغل امال يعني جاي اقولكم الله ينور


ريهام .. ازاي يارياض ده انت لسه قايم من سريرك


رياض .. بطلى لماضة يابت وروحي هاتيلنا عصير من المحل 


ال جنبنا نطري ريقنا


تغريد .. طب هدومك نضيفة !!!


رياض .. ملكيش دعوة 


تغريد .. تصدق اني غلطانة ويلا ياخويا شيل


_____


بعد شوية رياض كان بيشتغل في في جنب في المخزن


 وتغريد قريبة منه


تغريد .. ومين بقا إن شاء الله ال هيشيل من وراك الكياس 


المليانة دي !!


رياض .. ههههه انتي طبعا انشفي يابت ههههه


تغريد .. لااااا كده التقسيمة فيها غلط انا هروح اشتغل مع 


هدي وابعتلك ريهام ههههه


رياض .. ضحكو عليكي وخلوكي معايا هههه


تغريد .. ياريت تتعامل معايا على اني انثى مش طور في 






ساقية ولا جمل بتحمل عليه ههههه


رياض .. بطلى غلبة يابت وشيلي 


تغريد .. واضح إنك خدت عليا قوي ! تكونشي فاكر إني


 نسيت القلم ال خدته منك يوم الحريق


رياض .. ايه ناوية ترديه ليا ولا إيه ههههههه


تغريد .. لا مش بالظبط بس صدقني لما هعرف ابقا أقولك 


رياض .. طب شيلي ياختي شيلي هههههههه


تغريد .. هوووووب روح منك لله يابعيد


رياض .. هههههههههههههه


________________


في بيت توحيد 


كوثر .. يعني قولت هتروح تشوف موضوع مرسي ونمت في 


الخط ومسألتش


صابر .. إطلعي من دماغي دلوقتي مش رايقلك عاد


كوثر .. اهدا ياصابر ومتفتحنيش عليك خلى بالك انا مش 


نايمة على وداني وعارفة انت بتعمل ايه وشفتك بعيني وانت 


بتطفي في محل نعمة بس مش راضية اتكلم وصابرة لما 


اشوف اخر الحكاية ايه


صابر .. عايزة ايه اخلصي ياكوثر


كوثر .. عايزاك تنزل دلوقتي تتكلم مع مرسي


صابر .. حاضر ياولية لما اشوف اخرتها معاكي انتي ومرسي 


___________


توحيد ومرسي ونظيمة ووفيق قاعدين وصابر وقف في 


وسطيهم فجأة وقال


صابر .. طبعا لما جيت أتكلم في الورث ياأمي قولتيلي إن


 مال المغازي مش هيتقسم دلوقتي


توحيد .. طب وإيه الداعي للكلام ده عاد ياولدي


صابر .. عالأقل دلوقتي لازم أعرف تركت المغازي قد ايه


 والمكسب بتاع الوكالة والمحلات والمزارع قد ايه !؟


مرسي .. قام وقف ومشي ناحية صابر ولف حواليه ووقف 


وبص في عين صابر وقال ____________يتبع


تركت المغازي صداع كبير في دماغ كل افراد عيلة المغازي


والشك هيلعب دور كبير في الموضوع ، أما نعمة فهتاخد أول 


خطوة تجاه عيلة المغازي , اما حكاية حب 2×1 فدي حكاية 


غريبة جدااااا ، كوثر طلعت مصيبة ومش سهلة وقعدتها مع 


نعمة هيترتب عليها حاجات كتير ، إبراهيم ابن صابر لحق 


المستشفى في اخر لحظة ياترى ليه 🤔


بصو احداث الحلقة ال جاية كتيرة وانا عشان محرقش كتير


بقلم #احمدحسن 

                       الحلقه العاشرة من هنا

تعليقات