#وبيننا_ميعاد!!❤️
#البارت_التاني❤️
داخل قسم الشرطة*
اللواء مجدي وهو يجيب بصرامة:إدخل..
دخل وهو يؤدي تحيته العسكرية :حضرتك امرتني يا افندم.!
اللواء مجدي وهو يقوم من على كرسي المكتب :انا طلبتك هنا النهاردة عشان انت عندك شركة شحن وتفريغ..
يوسف:انا تحت امر حضرتك يا افندم بس برضو مش فاهم اي المطلوب...!؟
*يوسف (البرادعي) صاحب شركة البرادعي للشحن والتفريغ أسس شركته الخاصة تحت اسم مزور ليصرف نظر الجميع عن كونه مقدم سري لدى وحدة مكافحة المخدرات والتهريب، شاب بعمر ال30عاما مفتول العضلات يحب المرح والضحك عكس ما يظهر في شغله فهو يضحك ولكن بالرغم من ذالك جاد في عمله*
اللواء مجدي بتنهيدة وتركيز في عينيه:انا هقولك
(مال بجسده إلى المكتب ليضع يديه على المكتب)
بص يا يوسف احنا وصلت لنا معلومات بتأكد لنا عن مكان سلماوي اللي هرب من سنتين من السجن ودخل مكانه حد تاني، ومحدش عارف دخل بداله تحت تهديد ولا بأنه مثلآ هينفق على أسرته وأهل بيته ولا عشان بيسدد دين له، المهم انه وافق وخد مكانه، والمعلومات بتقول ان هو زور أوراق وعايش بإسم حد تاني وغالباً باسم شخص متوفي وده عاوزين نتأكد منه.
يوسف باستغراب:طيب ومتقبضش عليه ليه يا افندم..!؟
اللواء مجدي وهو ينظر إلى عينيه مجددا :دي بقا قضيتك.
يوسف بعدم فهم :ازاي!! مش سيادتك بتقول انكم معاكم المعلومات ومن خلالها انا ممكن اقبض عليه أو أي حد تاني،اي علاقة شركتي!!؟
اللواء مجدي بتنهيدة:بص يا يوسف،
سلماوي واللي زيه مجرد ما نمسكهم كأنك بتمسك ديل الحية بالظبط وده مش المطلوب احنا عاوزين نجيب راس الحية عشان نقطعها.
يوسف بفهم:معنى كده ان احنا هنستخدم سلماوي كطعم عشان نوصل لراس الحية.
اللواء مجدي بتأكيد:ايوه هو ده بالظبط، سلماوي وجوده في السجن مش هيفيد اكتر من وجوده بره السجن وهو هرب بطريقته الخاصة ومقتنع ان احنا لو عرفنا هنقبض عليه ومش هنصبر وعشان كده مطمن ان احنا مش عارفين اي حاجة دلوقتي، وده اللي احنا عاوزينه انه مطمن وبيساير مهامه عشان نعرف نوصل لراس الحية الكبيرة، ودي بقا مهمتك يا حضرة المقدم.....
يوسف وهو يضع إحدى يديه على المكتب:تفاصيل المهمة اي يا افندم..!؟
اللواء مجدي:تفاصيل المهمة هتكون مع بدر وهو هيوضحلك كل حاجة، انا اخدت لك معاد معاه النهاردة على اساس انك شركة البرادعي للشحن والتفريغ،وأهم حاجة إن اي حد في الشركة او بره المكتب ده بخلافنا احنا التلاتة يكون عارف انك البرادعي، يعني احنا هنشيل لقب يوسف دلوقتي وهتكون انت البرادعي صاحب شركة البرادعي للشحن والتفريغ،وده التليفون اللي حجزنا لك الموعد منه، هو متظبط من ناحية كل حاجة الخط باسمك وكل اللي هتحتاجه عليه واي بيانات فيه بتخص البرادعي عليه.
يوسف بفهم:بس حضرتك عارف ان اي حد في الشركة عندي عارف اني البرادعي،وممكن حد يعرف اني يوسف وساعتها هكون مزور وهيفهم.!!
اللواء مجدي:احنا هنغير كل امضاءاتك وكل الأوراق المتعلقة بالبرادعي و نبدلها ليوسف البرادعي على اعتبار انك يوسف البرادعي بس ده في حالة لو حد فتش عنك وعرف اصلك او حد غلط قدام حد بإسمك مع انك بعيد كل البعد لأن بدر هو اللي هيتعامل بس انت هتسانده،
ومتقلقش لو حصل وانكشفت انتم اسمائكم متغيرة اصلا في وحدة مكافحة المخدرات مش اي حد عرفها عشان محدش يعرف أي تفاصيل عنكم...
يوسف :انا في تفاصيل كتيرة واقعة مني يا باشا..
اللواء مجدي:كل حاجة هتفهمها ان شاء الله بس انت دلوقتي عندك ميعاد مع بدر على اعتبار انك شركة البرادعي للشحن والتفريغ.
يوسف:طيب سؤال اخير يا باشا، هو اسمي يوسف البرادعي هيفرق عن البرادعي..!؟
اللواء مجدي:ايوه طبعاً، احنا محتاجين نبعد الشبه بأقصى مايمكن تغيير اسمك في وحدة مكافحة المخدرات مش هيكون كافي لان ممكن يكون في ظابط خاين، حد يرشيه فيوصله لللازم.،فهيلاقي ان يوسف البرادعي ده ظابط لكن البرادعي ما في ناس كتير ألقابها بإسم البرادعي وده مش كل واحد اسمه البرادعي هيدوروا عليه وعلى تاريخه يعني هم برضو مش محتاجين يعرفوا عنك غير اسمك وشركتك وبس، وزي ما قولتلك لو حصل وحبوا يتفحصوا عن الموضوع احنا هنغير كل امضاءاتك بدل البرادعي بس ليوسف البرادعي،ودلوقتي انت لازم تروح لبدر.
يوسف وهو ينهض :تحت امر حضرتك يا افندم...
_$$$$$$$$$$$$$$$$$$$$$$$$$$$$$$$$$$_
عند نور*
نور:مش يلا بقا يا ماما، هتأخر على المستشفى كده، وهاطرد من اول يوم تدريب..
الام بحزن وهي تودع المقابر:انا لو عليا مش عاوزة امشي من هنا بس حكم القوي بقا، متخافيش يا مريم هرجعلك
نظرت نور إلى والدتها التي ترى في عينيها كل معاني الحزن.
منى محاولة إخفاء الحزن الذي بداخلها:وانا ميرضنيش حبيبة قلبي تطرد، اومال مين اللي هيرعي المرضى..!؟
نور بحب مختلطا بالحزن:ربنا يرحمها يارب...
ثم ارفت لتقول بمرح لتخفف عن والدتها هذا الحزن الدفين:تخيلي يا ماما اروح لهم متأخر تقوم الدكتورة تطردني من التدريب،
ثم ضحكت لتكمل كلامها:هكون اطردت من المستشفى من قبل ما اشتغل فيها..
منى بضحك أيضا وثقة:مين دي اللي تطرد! بنت منى!؟ فشرتي! ده انا بنتي اشطر ممرضة في مصر..
نور بضحك:اشطر ممرضة وفي مصر لا وسعت منك اوي دي يا ماما..
منى محاولة باستعادة الثقة في كلامها: مش في مصر بس كمان (لم تكمل كلامها)
ثم نظرت إلى نور نظرة جانبية لتقول:شكلها وسعت فعلآ. انا بقول كفاية عليكي ممرضة شطورة وخلاص..
نور بضحك على كلام والدتها:اي ده!؟رجعتي في كلامك يعني!!!
منى يضحك:انا بقول تروحي تدربي لتتاخري....
نور بعد ما انهت الضحك التي كانت فيه:طيب اوصلك الأول وبعدين هرجع..
منى برفض:لا طبعاً انتي هتروحي تقطعي الطريق ده كله وترجعي تاني وانتي بينك وبين المستشفى خطوات...
نور :يا ماما لسه بدري اوصلك وهرجع علطول.
منى باصرار:انتي يا بت مش لسه مستعجلاني عشان هتتاخري..
(بعد محاولات انتهى الموضوع بأن تقف نور حتى تركب والدتها التاكسي لكي يوصلها بينما هي اخدت طريقها إلى المستشفى مشيا على الأقدام ؛لأنها كانت تبعد بضع خطوات قليلة من المقابر التي دفنت فيها مريم)
-$$$$$$$$$$$$$$$$$$$$$$$$$$$$$$$$$$_
في فيلا بدر الجبالي *
ارتدى ملابسه والمكونة من بدلة رمادية وقميص أسود ونزل الدرج.
فتحية:صباح الخير يا بدر باشا
بدر:صباح النور يا فتحية، ياسين خرج العربية!؟
فتحية:ايوه يا باشا وساب المفاتيح مع حسين، تحب اجيب لحضرتك الفطار!؟
بدر:ما انت عارفة يا فتحية مش بحب افطر..
فتحية:تحت امرك يا باشا؛ اي أوامر تانية!؟
بدر:انا هتأخر النهاردة على الغدا.
فتحية:حاضر يا باشا
(ثم تركها ليخرج إلى خارج باب فيلته)
حسين:صباح الخير يا بدر باشا، مفاتيح العربية اتفضل.
بدر:صباح النور يا حسين، افتح البوابة بسرعة لاني مستعجل، وعاوزك تبقى تكلمي محمد ابنك عشان عاوزه.
حسين باستغراب:محمد ابني!!؟ ليه!! ؟
بدر:هتفهم كل حاجة في وقتها يا حسين.
حسين :تحت امرك يا باشا، اي أوامر تانية!!؟
بدر وهو يخرج بالعربية خارج الفيلا:لا يا حسين بس متنساش..
*يا ترى بدر عاوز اي من محمد!؟ واي هي خطة بدر!؟ ومن هو سلماوي؟ ومين هو راس الحية اللي لازم تتقطع!!؟
_$$$$$$$$$$$$$$$$$$$$$$$$$$$$$$$$$_
#بقلم_سنيوريتا_الزمن
#سنيوريتا_الصغيرة
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
