#وبيننا_ميعاد..❤️
#البارت_التالت....❤️
اتركني ولا تتجاهلني، فما رأيت اسوء من التخلي غير التجاهل...! 💔
في مكان ما*
مهدي:بص بقا يا اسماعيل يا أخويا اللي أوله شرط آخره نور وانا وأنت مبقاش في غيرنا خلاص بعد موت اخواتنا الاتنين بعد ما قسمنا الميراث ، فأنا كنت عاوز اطلب ايد بنتك سهام لابني شريف ونزيد القرابة اكتر، واهو بدل ما البت تروح لحد غريب تروح لابن عمها أولى بيها ولا أنت اي رأيك يا إسماعيل يا اخويا....!؟
اسماعيل بتفكير في نفسه:هتبيض لها في القفص البت سهام دي، هتاخد الورث كله لعيالها.....
مهدي وهو يعرف دماغ أخوه ليردف بخبث:إي رأيك يا إسماعيل يا اخويا موافق كتب الكتاب والفرح يكونوا بعد أسبوع....!؟
إسماعيل وهو يمثل التقل:مش لازم ناخد رأي العروسة الأول، والجماعة اللي في البيت وبعد كده اللي فيه الخير يقدمه ربنا ولا اي يا مهدي..! ؟
مهدي:عين العقل يا إسماعيل يا اخويا خلاص هستناكم تردوا علينا بكرة المغرب واهو نعرف نحضر نفسنا بقا لمستلزمات الفرح والذي منه..
إسماعيل :خلاص اتفقنا والرد ان شاء الله هيكون بعد العشا هناك في البيت..
مهدي وهو يبتسم بخبث:علي خيرة الله...
_$$$$$$$$$$$$$$$$$$$$$$$$$$$$$$$$$$$_
_وأقسم لك ايها الزمن على انك قد استطعت وستسطيع كسري عدة مرات.... 💔!!
_استقل سيارته إلى الشركة لكي ينفذ ما يجب عليه أن يفعله، حتى ينتقم من كل من يحاول ان يضحي بأرواح بريئة لكي يجني ماله الخاص، اي قلب يملكون هؤلاء!!؟ يطعمون الناس السم على أنه العسل، ويا لها من كارثة عندما يقع أحدهم تحت ايديهم يكون عبدا ذليلا حتى يأتونه بما يريد، لا رحمهم الله في دنياههم ولا أخرتهم ....
_دلف إلى الشركة بهيئته المعهودة ولكن لا يوجد بها فتيات لتهمس،فجميع موظفيه رجال، فهو في طبيعة شغله لا يريد أن يقع في حب فتاة او تخدع اي من هؤلاء فتوهم أحدهم بأنها تحبه فتضره في عمله، وهو لا يريد أن تكشفت جميع خباياه وأسراره....
حازم : صباح الخير يا افندم، البرادعي باشا مستني حضرتك في غرفة الاجتماعات من ربع ساعة....
بدر وهو يكمل مسيرته إلى غرفة الاجتماعات:صباح النور يا بدر، خليهم يعملولنا اتنين قهوة(قهوتي وواحدة سكر زيادة)
حازم بايماء وهو ينوي الانصراف :تحت امر حضرتك يا افندم..
بدر:صباح الخير يا برادعي باشا،أخبار الشحنة بتاعتنا أي!!!؟
يوسف وقد فهم ما يعنيه بدر:صباح النور يا بدر باشا،كله تمام كان في بس شوية تفاصيل عاوزين نناقشها...
ثم سمعا صوت الباب*
بدر:إدخل.
حازم:القهوة يا باشا..
بدر:تمام، حطها عندك كده يا حازم..
حازم:تحت امرك يا باشا،
ثم اردف قائلا :كنت بكلم البرادعي باشا عن شحنة التغذية اللي جاية بس مش قالي نوعها اي ولا اي تفاصيل عنها....
بدر بخبث محاولا التمثيل بأنه يحاول إلهائه:دي شحنة سكر ودقيق ومواد غذائية كتير تانية، الشحنة لسه ميعادها متحددش،
ثم اردف آمرا إياه :شوف اللي وراك يلا يا حازم..
حازم:تحت امر حضرتك يا افندم..
ثم نظر بدر إلى يوسف :كنت بتقول ان في شوية تفاصيل محتاجين نتكلم عنها..
يوسف وقد فهم نظرته:اه محتاجين نقعد نتكلم فيها،بس انا مش بحب جو أماكن الاجتماعات والشركة والشغل ده، تعالي نكمل كلامنا بره...
بدر وهو يبتسم لان يوسف فهم ما يقصده: تمام ياباشا يلا بينا..
_$$$$$$$$$$$$$$$$$$$$$$$$$$$$$$$$$$$_
واختار الشخص الذي يجعلك رفيق القلب قبل أن يكون رفيق الطريق.....❤️
_عند نور*
كانت تسير الطريق وهي شاردة تفكر في والدتها التي يغمرها الحزن وعن أهلها وعن خالتها التي توفت، فدائما تحاول أمها إلهائها عن السؤال هذا ولا تعطيها إجابة ترضيها،فيتسرب إلى داخل عقلها بأنه(ما خفي كان أعظم).....!
رن هاتفها برقم غريب فلم ترد ولكنه رن للمرة الثانية فقالت في نفسها:اما اشوف مين يمكن حد أعرفه، لتجيب.
نور:ألو...
الطرف الآخر :السلام عليكم ورحمة الله وبركاته
نور وقد عرفت من هذا الشخص لتجيب بتمثيل:وعليكم السلام ورحمة الله وبركاته،
ثم اردفت بخبث:مين حضرتك!؟
الطرف الآخر :مش مهم مين، المهم ان احنا هنفجر المستشفى اللي انتي بتتدربي فيها ومش عاوزينك تروحي النهاردة وإلا هتتفجري وقد اعذر من انذر..
نور وهي تحاول كتم ضحكتها:وحضرتك بتقوليلي ليه انا يا افندم...
الطرف الآخر :لأننا سمعنا انك بتجري على يتامى.
نور بخبث:فيكم الخير والله، ثم اردفت لتنهي هذا الحوار:اخبار سعاد اي!؟
شروق بضحك لأنها عرفتها: اي ده انتي عرفتيني!؟
نور بحب ظاهر :من اول ما اتكلمتي عرفت صوتك علطول، مقولتليش بقا اخبار سعاد إي.!؟
شروق بحزن :ماتت من اسبوعين كان نفسي تكبر وتعيش معايا وتعاملني على اني امها..
نور بضحك على كلام رفيقتها:تعيش معاكي!؟ وتعاملك على انك أمها؟ يا شيخة بركة انها ماتت،
ثم اردفت قائلة: بذمتك، في حد عاقل يربي تعبان في البيت!؟ ده انا قطعت الخلف منها بسببك..
شروق ببراءة:دي كانت كيوت اوي وبعدين دي أنثى الكبرى بتموت علطول مش بتقعدي فترة كبيرة مسمومة يعني...
نور :لا بجد اقنعتيني بتموت بس!؟ ده انا كنت ظالمها على كده بقا،
ثم اردفت :كان نفسي اعتذر بس يلا ربنا ريحنا منها اقصد ربنا يعوضك مكانها يا حبيبتي، تعيشي وتفتكري...
شروق بخبث:متقلقيش هجيب واحدة تانية قريب وههتم بها اكتر وانتي ابقي العبي معانا..
نور بصدمة:نعم ياما! تجيبي اي!؟واحدة تانية، بت! بت! بقولك اي احنا ننهي العلاقة دي بقا،
المرة الجاية الاقيكي مربية أسد ولا تمساح في البيت وتقوليله سلم على طنط يا حبيبي..
شروق محاولة التمثيل :اي يا نور، اومال هعمل حديقة الحيوان ازاي!؟ ده انتي المفروض تكوني اكتر واحدة بتدعميني..
نور:لا ولا تدعميني ولا ادعمك، انا مالي بالحاجات دي ياختي، انا مقدرة انك دكتورة بيطرية بس ده مش معناه انك تقطعيلي الخلف عشان تحققي طموحاتك،وبعدين(لم تكمل كلامها) ياختااااي!، اتأخرت على التدريب ينهار كلها ألوان يلا يا بت من هنا هبقى اكلمك بعدين.
شروق بضحك عليها :خلاص ماشي اوعي تتكفي على وشك وانتي بتجري بس، سلام
نور وهي مسرعة:سلام.
(شروق فتاة بعمر نور أصدقاء منذ الابتدائية، كانت كل منهما الصديقة المفضلة للأخرى، تحب الحيوانات فدخلت مجال الطب البيطري على عكس نور التي تخاف منها، طويلة وذات قوام متناسق ولكنها انحف عن نور بقليلا او بكثيرا، ذات عيون بنية وشعر اسود لامع وتخفي جمالها الآخذ عن طريق خمارها ولبسها الفضفاض)
_$$$$$$$$$$$$$$$$$$$$$$$$$$$$$$$$$$$_
أخبرني عن السعادة!؟
هي استخدام العقل مع القلب، وليس أحدهما دون الآخر..❤️
في إحدى الكافيهات*
الجرسون:تشربوا اي يا افندم!؟
يوسف:عصير مانجة لو سمحت.
بدر:وانا عاوز واحد قهوة مظبوط .
انصرف الجرسون ليأتي بالمشاريب.
يوسف:ممكن افهم بقا خطتك اي!؟
بدر بتنهيدة:ركز معايا يا يوسف عشان أنا عارف انك مش فاهم حاجة،
الأول:قولي هو سيادة اللواء مجدي قالك اي!؟
يوسف:قالي ان سلماوي هرب واني هروح شركتك على اني شركة البرادعي للشحن والتفريغ ولو حصل وانكشفت اني يوسف ساعتها كل امضاءاتي هتتغير ليوسف البرادعي، سألته وقولتله: هتفرق في اي يوسف البرادعي عن البرادعي!؟
قالي البرادعي ده اسم شركتك، بس لو حصل و عرف انك يوسف من شخص بالغلط نكون مأمنين نفسنا من الناحية دي عشان ميشكش في الاسم وساعتها يبدء يعرف اسم والدي اي ويعرف اني مزور فيفتح أبواب تهد كل اللي بنناه.
بدر بايماء :تمام اوي،
ثم اردف قائلا، بص يا يوسف أولا انت عارف انك حالياً البرادعي باشا بتاع شركة الشحن والتفريغ، انت دلوقتي من المفترض انك زبون عندي عاوزني ادخلك شوية ممنوعات هنا البلد (الهيرو*ن، والكوكا**ن)بس في نظر الكل انا هوصلك شحنة مواد غذائية (سكر ودقيق والذي منه).
يوسف باستغراب: وده هيفيدنا في أي !؟
بدر:هيفيدنا في أن البرادعي هيثق فيا وهيعرف اني ظابط غلط وانه ممكن يستخدمني في شغله، ومن خلال كده نقدر نوصل لراس الحية ونقبض عليهم كلهم..
يوسف بصدمة:وهو عارف انك ظابط!؟
بدر بتأكيد:ايوه عارف اني ظابط بس مش في وحدة مكافحة المخدرات ولكن ظابط جمرك او في شرطة التفتيش..
يوسف :اه وانت بقى هتخليه يوصلك ازاي!؟ ويثق فيك وكل الكلام ده!؟
بدر وهو يرجع ظهره للخلف:هو وصلي فعلآ وبيراقبني كمان...
يوسف باستغراب :وده ازاي ده!؟
بدر وهو يعود إلى نفس وضعيته الاولى:عارف حازم السكرتير بتاعي..!؟
يوسف بايماء:ايوه ماله، واي علاقته بكلامنا برضو مش فاهم!؟
بدر بتوضيح:حازم جاسوس سلماوي وخلاه يشتغل عندي عشان يراقبني.
يوسف بفهم:اه، طيب لما هو جاسوس سلماوي ليه قولت شحنة غذائية مش مخدرات.!؟
بدر وهو ينظر اليه بطرف عينه:لأن مفيش تاجر مخدرات هيقول على نفسه كده، ولازم يكون مش واثق في اي حد،حتى لو السكرتير بتاعه، وده هيزيد ثقة البرادعي، بل بالعكس لو كنت قولت كده قدام حازم اللي المفروض اني بمثل أني مش عارف انه جاسوس سلماوي هيشك فينا علطول....
يوسف:طيب هو وصلك ازاي وبعت لك الجاسوس (حازم) وعرفت منين انه جاسوس سلماوي!؟
أتى الجرسون لهم بالمشاريب.
ليردف بدر وهو يحتسي قهوته:اشرب العصير الأول..
_$$$$$$$$$$$$$$$$$$$$$$$$$$$$$$$$$$_
_وبنحبك يا دنيا بجد ومهما تعملي فينا....❤️
_في مكان آخر *
سهام بدموع:يا بابا انا لسه صغيرة على الجواز وعاوزة اكمل تعليمي، جوزوه لسلمى، سلمى بتحبه وعاوزة تتجوزه.
مهدي بغضب:هو طالب ايدك انتي وعاوزك انتي، مش معقول هروح اقوله خد سلمى عشان بتحبك.
سهام بعياط اكتر:يا بابا ارجوك انا مش عاوزة اتجوزه، مش بحبه، أخلاقه مش عجباني، وكل شوية مع بنت شكل، وكمان أكبر مني بعشر سنين .
مهدي بغيظ:وانا اللي فاكرك هتفرحي بالجوازة دي جتك خيبة على حظك ال*باب، ح**رة مش بتفهمي..
سهام وهي تتجه زحفا إلى قدميه:ابوس رجلك يا بابا سيبني اعيش حياتي زي ما انا عاوزة اعيش، ارجوك بلاش اتجوزه ولا اقولك مش هتجوز خالص وهقعد اخدمكم بعينيا والله،
ثم نظرت إلى امها الواقفة وعينيها تصب منها الدموع صبا:
ما تقولي حاجه يا ماما..
الام بدموع لا تقل عن ابنتها:اسمعي كلام ابوكي يا سهام هو عاوز مصلحتك قبل أي حاجة..
سهام بدموع تهطل كالمطر:لا بالله عليكم لا، انتم كده بتدبحوني بالبطئ وسكينة متلمة...
_$$$$$$$$$$$$$$$$$$$$$$$$$$$$$$$$$$_
هل سيستجيب مهدي لكلمات ابنته ام انه اعماه حب المال!؟ ما هي خطة بدر لوقوع سلماوي!؟ كيف وصل سلماوي إلى بدر!؟ما سبب موت كلا اخوي اسماعيل ومهدي!؟
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
