رواية بنات نعمة الفصل الثاني والعشرون
ياتري إخواتي عاملين إيه وحشوني قوي ولاد الإيه وياترى
أمي عاملة إيه في المستشفي ، طب إيه المشكلة لو رحت
مسكت تليفون ناصر ورنيت على البت هدى انا حافظة رقمها
..... فعلا راحت ريهام مسكت تليفون هدى ورنت عليه
بس للأسف هدى كانت سايبة تليفونها في غرفة نومها
وقاعدة مع اهل جوزها تحت
ريهام .. وبعدين بقاااا هي هدي مبتردش ليه استرها يارب
طب اعمل ايه دلوقتي ؟؟!!!
أيوه انا حافظة رقم المحل بس معقول يكون رياض لسه
موجود في المحل لحد دلوقتي !؟
انا هعمل ال عليا وخلاص ،، وفعلا رنت ريهام على تليفون
المحل ومن حظها كانت أمها خارجة هي ورياض بيقفلو الباب
نعمة .. افتح تاني التليفون بيرن يارياض
رياض .. سيبك منه ياست نعمة خلينا نروح عشان أخرنا ده
أكيد حد عايز طلبية والطلبية بتاعت بكرة محجوزة كلها
نعمة .. خلاص ماشي يلا بينا
لسه يدوب مشيوا خطوة والتانية والتليفون رن سمعته نعمه
، نعمة وقفت مرة واحدة وبصت ناحية الباب
رياض .. وبعدهالك ياست نعمة مايلا بينا امال! بنتك دماغها
ناشفة وبتحاسبني عالتأخير😅
نعمة .. يلا بينا ياعم المستعجل تقولش متجوز الخوط😅
__________
نروح بقا بيت المغازي
توحيد .. قومي يانظيمة شوفي مين على الباب
نظيمة .. دا وفيق ياأمي
وفيق .. ازيك ياأمي
توحيد .. بخير ياولدي ، مش بعادة يعني تيجي متأخر كده
نظيمة .. تلاقيه شايفله شوفه تانية ياامي😁
وفيق .. هو ال جربها مرة بيكررها تاني يانظيمة
توحيد .. مالك ياوفيق شايل طاجن ستك ليه؟
وفيق .. مرسي بيدور على ابني ومش ناوي يجيبها البر ،ابنك
ناوي يقتل ولد اخوه ياامي
توحيد .. مرسي بيهوش ياوفيق بس عند الجد عمر الدم
مايبقا ميه واستحالة يقتل ولدك
وفيق .. بتضحكي عليا ولا على نفسك ياأمي ! مرسي عامل
زي الكلب السعران قلبه مليان سواد وعنيه مفيهاش غير الشر
________
في الناحية الأخرى
كامل .. اهلا اهلا ياست نعمة
هدى .. أخرتي كده ليه ياأمي
قلقتيني عليكي!
نعمة .. بطلى لماضة انتي وكامل عاد
هدى .. العشا جاهز من بدري يلا عالسفرة علطول
نعمة .. أكل ازاي وانا مش عارفة اختك بيحصل فيها
ايه ،ياقلبي يابنتي 😥
هدي .. ارجوكي ياأمي هدي نفسك وان شاء الله ربنا هيطمنا
عليها😥
نعمة .. يارب يابنتي يارب
_______
نروح عند ريهام وناصر
ريهام .. صباح الخير ياناصر
ناصر .. صباح الخير ياريهام ،، كنتي فين!؟
ريهام .. كنت بجيب فطار وبالمرة بسأل على شغل
ناصر .. شغل ايه!! انتي اتجننتي؟!!
ريهام .. يعنى امال هناكل ونشرب كيف !!
ريهام .. مفيش أكل في البيت
وال معانا يدوب جبت بيهم فطار
ناصر .. ايه دا هو إحنا حالتنا صعبة قوي كده ؟!!
ريهام .. امال أنت فاكر إيه!
ناصر .. هو انا كنت بشتغل إيه قبل ما افقد الذاكرة!؟
ريهام .. كنت بتشتغل عامل عادي بتشيل رمل وأسمنت
ناصر .. رمل وأسمنت !
ريهام .. مالك ياناصر في إيه ؟!
ناصر .. مفيش ياريهام، انا نازل
ريهام .. طب والفطار !؟
ناصر .. افطرى انتى ،سلام
فعلا ناصر نزل والدنيا في عينه خرم إبرة خصوصا إنه مش عارف يعمل ايه وهيبدأ منين !
قعد يلف على رجليه طول النهار بس للأسف رجع أخر النهار خالى الوفاض،
ريهام .. كنت فين طول النهار
ناصر .. بلف على رجلى من
صباحية ربنا عشان الاقي شغل
وياريته جه بفايدة
ريهام .. طب امال جبت الأكل ده منين !!
ناصر .. بعت تليفوني
ريهام .. بعت تليفونك !!
ناصر .. امال يعنى هنعيش ازاي ،
اهو حل مؤقت لحد ما ربنا يكرم
في نفس اللحظة الباب خبط ومرات عم عبده عالباب
قامت ريهام فتحت لقيتها جايبة أكل ليهم
ريهام .. إيه دا كله بس ياست كريمة
كريمة .. دي حاجة بسيطة يابنتي
ناصر .. قلب وشه ودخل أوضته !
طلبت ريهام من الست كريمة تقعد ودخلت ريهام ل ناصر وقالتله
ريهام .. ممكن افهم بقا ايه ال انت عملته دا ؟!!
ناصر .. عملت ايه !؟
ريهام .. ايه ياناصر احنا هنستهبل ولا ايه ! يعني ايه اول مالقيت الست دخلت وفي إيديها الأكل قلبت وشك ودخلت الأوضة بدل ما تسلم عليها وتشكرها !!
ناصر .. يعني انتي مش شايفة إنها بتشفق علينا !!؟
ريهام .. شفقة !
ناصر .. امال تسمى الأكل ال بيطلعلنا كل يوم ده ايه !!؟
ريهام .. بس الناس معتبرين اننا منهم وبيعاملونا زي ولادهم وجبر الخواطر على الله
ناصر .. لما أموت يبقا الناس يبقا اعملى ما بدالك بس انا لسه عايش ياريهام
كريمة .. ممكن ادخل ؟
ريهام .. ها اتفضلى
كريمة .. أنا أسفة إن كنت أقتحمت نقاشكم بس صوتكم كان عالى وسمعتكم
ريهام .. لا متقوليش كده ياست كريمة انتي مش غريبة
كريمة .. بص ياناصر ياابني ربنا يعلم إن من وقت دخولكم بيتنا وأنا بعتبركم ولادي وهمكم هو همي وعمري ماكنت أتصور إنكم ممكن تعتبرونا أغراب
ريهام .. لا والله ياست كريمة ناصر ميقصدش
كريمة .. وعشان أثبتلك ياناصر إني بعتبرك ابني وشايلة همك
انا عندي ليك شغلة كويسة ومحترمة
ناصر .. ها الحقيني بيها ياست كريمة
كريمة .. جوز واحدة صاحبتي عنده ورشة نجارة وعايز حد موثوق فيه يمسك الحسابات
ناصر .. بجد ياست كريمة 💙
كريمة .. بجد ياسيدي قوموا بقا كلوا طاجن البطاطس ال عملهولكم بإيدي ومتكسفونيش والصبح من بدري هتنزل مع عمك عبده يوديك الورشة وال فيه الخير يقدمه ربنا
ناصر .. متشكر ليكي قوي ياست كريمة وجميلك ده عمري مهنساه
كريمة .. عيب ياواد جميل ايه استئذنكم انا بقا
ريهام قفلت الباب وراها واتنططت هي وناصر من الفرحة ومن كتر الفرحة نسيت نفسها وحضنو بعض وبتنططوا وفجأة بعدت ريهام عن ناصر وعلامات الخجل باينة على وشها
أما ناصر فااستغرب طريقتها المبهمة في ابتعادها عنه
المهم إن ناصر حاول يتلاشى الموقف وبالفعل نجح بس المشهد ترك علامات الإستفهام وتعجب كتير في دماغ ناصر
____________
في محل نعمة
نعمة .. صباح الخير يارياض
رياض .. صباح الخير ياست الكل ثواني أروح أجيب فطار نفطر مع بعض
نعمة .. اهلا ياتغريد سايبة بيتك وقاعدة هنا ليه يابت
تغريد .. جاي عشان الشغل ياامي
نعمة .. شغل ايه يابنتي قومي روحي على بيتك وعمريه
تغريد .. ايه! انتي بتطرديني ياأمي
نعمة .. اطردك من مكانك كيف يابنت الهبلة
تغريد .. امال تسميها ايه ياأمي !؟
نعمة .. بيت جوزك اولى بيكي ولما جوزك يقصر معاكي ابقى انزلي واشتغلي براحتك
تغريد .. بس رياض ما اشتكاش ياأمي
نعمة .. رياض ابن أصول وبيشتري خاطري وعمره ما هيشتكي بس ال في النفوس ميعلمش بيها غير ربنا وبعدين ياحبيبتي من وقت للتاني ابقي انزلي شقري علينا في المحل وعايزاكي تفهميني صح متسكريش دماغك
تغريد .. حاضر ال تشوفيه ياأمي
نعمة .. مفيش حضن بقا لأمك يابنت نعمة
تغريد .. دا كلام برضو يانعمة دا انتي قلبي وروحي ياأمي
نعمة .. ربنا يخليكم ليا انتي وأخواتك
تغريد .. ويخليكي لينا يارب
نعمة .. متنسيش تكلمي الهبلة الكبيرة لأنها هي كمان سمعت نفس الكلام ال انتي سمعتيه وتأكدو اني بعمل كده عشان أحافظ عليكم وعلى بيوتكم
تغريد .. حاضر ياست الكل
________
في الوكالة
فؤاد ؟.. انت ياد ياسالم
سالم .. نعم يافؤاد بيه
فؤاد .. مفيش حد سأل عليا يلا
سالم .. في واحدة إسمها حورية جت سألت عليك
فؤاد .. حورية !! شكلها إيه دي ياض
سالم .. دي حاجة كده مووووز يافؤاد بيه
فؤاد .. بجد يلا
سالم .. اه وربنا يافؤاد بيه
فؤاد .. طب بوشك العكر ده من قدامي
بعد شوية جه سالم يجري ويقول يافؤاد بيه الست وصلت
فؤاد .. اهلا اهلا بست الكل اؤومري
حورية .. ههههههه الأمر لله يااخويا
فؤاد .. والحلوة بقا منين
حورية .. من هناك تعرف تروح هناك هههههههه
فؤاد .. أنا أصلا من هناك مش من هنا هههههه
حورية .. يبقا أنت أكيد عارف العنوان وعالعموم خد العنوان ده زيادة إحتياط مستنياك الساعة 12 بالليل إوعى تتأخر
فؤاد .. إعتبريني فارش ونايم ومستني قدام البيت لما تيجي 12ههههههه
حورية .. طب سلام يامستعجل ههههههههههههه
خرجت حورية ومسكت تليفونها وقالت .. الواد طب زي الجردل وهييجي عالميعاد .
مصادفة غريبة وجريمة لن يعاقب عليها القانون ونعمة تكشر عن أنيابها أما ناصر فيادوب بيقول بسم الله واجهته مشكلة كبيرة والمجهول مش سايب مرسي في حاله وبيت المغازي بيدبر لعملية كبير وياخسارة الدكتور زي عادته بيظهر دايما في الأوقات الغلط
