رواية بنات نعمة الفصل الثالث والعشرون
فعلا الساعة دقت 12 بالليل فؤاد كان عالموعد ووصل
عالعنوان المطلوب رن الجرس فتحت ليه حورية ودخلته
اوضة نومها وقالتله خمس دقايق ادخل الحمام
الغريب إن حورية سابت فؤاد في اوضت النوم وخرجت لمت
حاجتها وخرجت من الشقة على الفور
بعد شوية فؤاد قلق من تأخيرها وبدأ يكلمها بس خد باله إنها
مبتردش قلق قام من مكانه وقعد يخرج من الأوضة لقي
الباب مقفول عليه بالمفتاح بص ناحية السرير لقي دم جاي
من تحت السرير نزل على ركبه لقيها جثة واحدة مقتولة!
وصوت خبط ورزع على الباب فتح الشباك وبص لتحت لقي
عربيات الشرطة وعساكر محاوطة المكان في النهاية انتهى
الحال بالقبض على فؤاد بجريمة قتل !
______________
في بيت مرسي المغازي
التليفون رن
مرسي .. الو
فؤاد من قسم الشرطة .. الحقني ياابويا انا مقتلتش حد😥
مرسي .. في ايه يافؤاد
فؤاد .. انا متهم في جريمة قتل الحقني ياابويا ارجوك😥
مرسي .. قتل !!! انا جايلك متقلقش
فعلا راح مرسي على القسم وهناك عرف إن إبنه متهم في
جريمة قتل
قعد مرسي مع إبنه وقاله إحكيلي كل حاجة بالتفصيل
حكى فؤاد كل حاجة لأبوه ومرسي عرف إن الموضوع كله
متلفق لإبنه حط إيده على كتف فؤاد وقاله دي أخرة الجري
ورا النسوان بس واللي خلق الخلق لأخرجك من هنا سواء
بقانون الحكومة او بقانون مرسي المغازي
--------------
في محل نعمة
رياض .. سمعتي ال حصل ياست نعمة !؟
نعمة .. يافتاح ياعليم يارزاق ياكريم خير يارياض !!
رياض .. بيقولوا الواد ابن مرسي ممسوك في جريمة قتل
نعمة .. ايه !!
رياض .. دي الدنيا مقلوبة بيقولوا قتل واحدة رقاصة من ال
بيرقصوا في المولد في شقتها
نعمة .. اعوذو بالله ، ايه ال حصل في الدنيا ودي عرف
طريقها إزاي!؟
رياض .. الواد معروف عنه إنه مشيه مش كويس وبتاع نسوان
نعمة .. ياساتر يارب ربنا يسترها على اولادنا
__________
في القاهرة
ناصر .. صباح الخير ياعم عبده
عبده .. صباح الفل ياناصر
ناصر .. عارف اني تاعبك معايا ياعم عبده
عبده .. عيب ياناصر متقلش كده ياابني المهم إنك تبيض
وشي قدام صاحب الشغل
ناصر .. اوعدك هعمل كل ال أقدر عليه ياعم عبده
فعلا عم عبده خد ناصر وراح بيه على ورشة الخشب بتاعت
عم مسعد والراجل رحب بيهم وسلم ناصر الشغل
عم مسعد .. شوف بقا ياناصر ياابني ال قاعدة هناك دي تبقا
سمية بنتي مفيش حاجة بتدخل او بتخرج من الورشة غير
بإذن منها وياريت تحاول تفوتلها عشان لسانها متبري منها
حبتين ومفيش حد مسك الحسابات وكمل شهر بسببهاهههههه
ناصر .. حاضر ياعم مسعد
مسعد .. تعال لما أعرفك عليها ، بت ياسمية ده ناصر ال
هيمسك الحسابات
سمية .. وماله ياسيدي بس على الله يسد
ناصر .. إن شاء الله هسد ياست سمية
سمية .. ههههه كلكم بتقولو كده في الأول
عم مسعد .. وبعدين ياسمية خفي عالراجل شوية
سمية .. هو انا كنت قولت حاجة يوه ، عالعموم تعال ياسي
ناصر اسلمك الدفتر
سمية .. قولى بقا انت اترميت علينا من انهي داهية
ناصر .. واضح فعلا زي ما عم مسعد قال
سمية .. قال إيه !؟
ناصر .. لا متشغليش بالك عالعموم ياستي انا جاي من طرف عم عبده
سمية .. عبده بتاع التاكسي
ناصر .. ايوة
سمية .. طب بص ياسيدي شايف الشحنة ال دخلت دي ،
هتستلم عدد القطع الخشب ال فيها وتسجلها وتبلغني بيها
وكل يوم في تجار بييجو يسددو فلوس بضاعة خدوها
من عندنا ده غير اجرة العمالة ال انت شايفهة دي كلها ولازم
تسجل كل جنيه داخل وخارج من الورشة اتفقنا ياناصر
ناصر .. اتفقنا ياست سمية
____________
في بيت المغازي
وفيق .. وبعدهالك ياأمي اهدي شوية امال
توحيد .. اهدا كيف وانا شايفة سلسال المغازي بيتقطع واحد
ورا التاني قلى اهدا كيف ياولدي قول
نظيمة .. وكأن مدعي على نسل المغازي ياامي بدأت ب أبن
مرسي ال مات وابن وفيق ال هارب ومحدش عارفله طريق
جرة وختمت بحبس ابن مرسي
_____________
في وكالة مرسي
مرسي قاعد مع نفسه عمال يفكر
في حل لمشكلة ابنه بص قدامه
لقي صابر اخوه واقف قدامه فقاله
مرسي .. جاي عايز ايه ياصابر ولا تكونشي جاي تشمت
صابر .. اشمت !! وهشمت فيك ليه يامرسي !
مرسي .. قصر في الكلام وقول عايز ايه عاد ياصابر
صابر .. عايز أقولك ياكش ال حصل معاك يخليك تتعظ اعدل يامرسي لاجل ما ربنا يسترها معاك وياخد بيد ابنك
مرسي .. اوعى تكون فاكر إنك ممكن تهزني بكلمتين خايبين زي ال قولتهم دول النار مش بتولد غير نار ياصابر وانا ناري على ولادي هتحرق الأخضر واليابس
صابر .. سواد قلبك عامي عنيك ومخليك مش عارف تفرق بين الجنة والنار
مرسي .. غور ياصابر من قدامي دلوقتي والا يمين بالله افرغ المسدس ده في صدرك غوور
صابر .. انا ماشي يامرسي بس خليك فاكر كلامي مليح دولة الظلم ساعة ودولة الحق الى قيام الساعة
_________
نرجع لمحل نعمة
نعمة قاعدة في المحل واتفاجئت بدخول الدرويش عليها وبيقول
الدرويش .. ولابد من يوم معلوم تترد فيه المظالم ، ابيض على كل مظلوم واسود على كل ظالم
حييييييييييي
نعمة إتأملت في كلام الدرويش ولفت نظرها كلامه ، دخل رياض وقاله يلا ياعم الله يسهلك توكل على الله ، وقفت نعمة وقالتله لا سيبه يارياض وروح هاتله أكل وحاجة يشربها وقعدت الدرويش على الكرسي وقالتله أحكي ياراجل ياطيب قول ال عندك
رد الدرويش .. شايف جحيم ونار بتاكل مبتشبعش
وصوت حق عالى في وسط ناس طرشة مبتسمعش
وحييييييييي
نعمة .. رايح فين !!!
الدرويش .. طوفان الدم جاية والكل هيغرق
طوفان الدم جاية والكل هيغرق
طوفان الدم جاية والكل هيغرق
