رواية حبك نار الحلقة السابعة والثلاثون
قعدو علي السفرة ما عدا مروه الي فى اوضتها بټعيط بإنهيار وبتفتكر كلامه الي جرحها شد عاصم الكرسي وقعد من غير أي كلام وباباه بص عليه بشك حاسس ان ابنه متغير ووشه باهت شويه وكأنه مريض او مهموم اتنهد بضيق ومسك الشوكة وهو بيسمع مراته بتتكلم بصوت هادي
اومال فين البت مروه يا مها
مها وهي بتبص علي السلالم
ما عرفش يا ماما كانت رايحه تنادي ل ابيه عاصم وبعدين شوفتها طلعت اوضتها وشكلها كان مضايق فلفت ام عاصم وشها ليه وعلي وشها تساؤلات كثير واټهامات
انت عملتلها ايه يا عاصم خلاها تضايق
تأفف بضيق وقال بغيظ
_ هكون عملتلها ايه يعني يا ماما هي اصلا ما جتليش ولا كلمتني ارتحتي كده
ثم تمتم بضيق
_ بحس انها امها هي مش امي
ايوه انا امها هي لو عندك مانع
فتح عينيه پصدمه وقال
_ ازاي سمعتيني
حركت عينيها بملل وبصت لمها
اطلعي يا بنتي انتي اطلعي شوفيها كده ونزليها معاكي ما تنزليش من غيرها
هزت مها رأسها بالموافقة وقامت من مكانها وامها بصت من وراها وبعدين رجعت بصت علي عاصم الي بياكل ببرود
قاعده بعيط وبفتكر كلامه وجعني اوي لأني حبيته بجد حتي اني بحلم باليوم الي يقولي كلمة بحبك مسحت دموعي بقوه وقررت اني اكون اقوي من كده سمعت خبط علي الباب فنمت علي السرير بسرعة وغمضت عيني شويه ودخلت مها لقتني نايمة نادت عليه وانا ما ردتش اتنهدت بقوة وخرجت من الاوضة وقفلت الباب وراها وانا فتحت عيني وبصيت قدامي في الفراغ وعقلي مشغول
نزلت مها لوحدها وشاورت برأسها بمعني لاء وقعدت مكانها وقالت
هي نايمة
اتنهد عاصم بقوه وزعل علشان بسببه هتنام من غير اكل وكمان قلبها مكسور فساب الشوكة وقام من مكانه
رايح فين
_ شبعت عن أذنكم
اتحرك خطوتين لقدام وبعدين وقف وقال بهدوء
_ انهارده هبات عند معاذ عن أذنكم قالها ومشي من غير أي كلام او يسمع اعتراضهم حتي
عند خالد
قاعد في البلكونة بيشرب قهوة بهدوء ومشغل اغاني علي التليفون اتنهد بقوه وبص علي الحديقة قدامه وافتكرها وهي بتجري حس پخنقه فحط الفنجان علي الطرابيزة قدامه وقفل الفون وقام من المكان كله خرج بره وركب العربيه يتمشي شويه بيها شغل الاغاني وبدء يغني معاها اغاني حزينه وعينيه هي كمان حزينة غمض عينه للحظة وهدي العربية وفتح عينيه علي صوت بنت يعرفها كويس بص لقاها الجنية الصغيرة الي بهدلته يوم الطيارة رفع حاجبه بدهشه وهو شايفها ماشيه عاديه مع شخص ماعرفهوش واتحرك بالعربية بعيد عنهم همس لنفسه
المچنونة دي وقعته في حبها ولا ايه اما بصحيح الحب اعمي
عند ميرا وجاسر
خرج جاسر برقي وهي ماشيه وراه بارتباك لوجودها معاه لوحدها ابتسم بحاذبية وهو حاسس بارتباكها وقف مكانه فخبطت فيه فرجعت خطوه لورا
وبصت عليه بغيظ وهي بتدلك وشها
وقفت ليه كده مره واحده يا استاذ انت
اتحرك خطوه ناحيتها ووقف قدامها مباشرة ابتسم بجانبية ابتسامه سحرتها للحظات لأول مرة تلاحظ انه بيبتسم مد ايده ناحيتها فخاڤت ورجعت راسها لورا
بتعمل ايه
وصلت ايده علي شعرها ومسح عليه بلطف ورتبه بهدوء وحط شعره خلف ودانها
_ برتبلك شعرك الحلو
قالها وكمل بهمس ليها
_ واول مره تناديني باستاذ اتطورنا اهو مبقتش عيل في نظرك يا حلوتي
واتحرك بعيد عنها وهي فضلت تبص عليه پصدمة حطت ايديها علي شعرها بتوهان وتفتكر كلامه فهمست لنفسها
ده مچنون ولا ايه
وبعدين اتحركت ناحيته فتح الباب ليها فدخلت وقعد جنبها وقفل الباب بهدوء بص قدامه وقال للسواق
_ اتحرك علي المطعم
اوامرك يا باشا
قالها السواق واتحرك بالعربية والعربيات الثانية مشيت وراها في حراسه شديدة تليق بأشهر رجل أعمال ميرا قعدت جنب الشباك وبتبص علي الطريق وهو باصص قدامه كل شويه تلفت وشها تلمحه وتلمح ملامحه الجذابه اتنهدت بضيق من تفكيرها وبصت من الشباك مش مصدقه انها وافقت علي الخطوة دي ووافقت يتقري فتحتها عليه حاولت تطفشه بطرق كثيرة بس هو ماسك فيها ومصر عليها وكأن العالم خلي من كل البنات الا هي
اتنفست بعمق وبصت عليه بتفكير طويل قررت تسأله
هو انت بتحبني
_ پجنون انا بعشقك وبعشق تفاصيلك انتي الهوا الي بتنفسه وما قدرش اعيش من غيره لحظة
قالها بهيام وعشق كبير
اجفلت ميرا للحظة من كمية المشاعر الي عبر بيها عن عشقه ليها وحسسها انها أكبر انتصاراته ولكن امتي حبها وامتي عشقها للدرجة دي فكرت بكل ده وقررت تسأله تعرف السر الي خلاه يعشقها هي حتي مش فاكره انها شافته قبل كده
بلعت ريقها وسألت
هو انا منكن اسألك سؤال يعني
بص لملامحها المرتبكة فحرك رأسه ليها بهدوء فشجعها وكملت
امتي حبيتني انا حتي مش فاكره اني شوفتك قبل كده ... اول مره اشوفك كانت في المطعم لما دبرت موعد علشان نتعرف على بعض
اتنهدت بقوة وكملت
انا مش مصدقة للحظة دي ان في حد يحب حد كده وبالذات لو انك اصغر مني الفكره نفسها رفضاها حساها غلط
عينيه اتحولت مع كلماتها من هدوء لڠضب فكملت بسرعة لما شافت منظره وابتسمت ببلاهه
بس دي طبعا احاسيس يا بني خلي خلقك استريتش وبلاش البصة المتوحشة دي
ومسكت خدوده بتلعب فيها كأنه طفل صغير ذق ايديها بغيظ منها
_ شيلي ايدك دي انتي بتلاعبي ابن اختك ولا ايه
ببلاهه ردت عليه
انا معنديش اخوات
برق ليها پغضب فابتسمت ببلاهه ليه وحطت ايديها علي شفايفها بمعني هسكت خلاص كمل اتنهد بقوة وكمل كلامه ليها
بصي يا ميرا انا حبيتك من زمان اووي وعلي فكره شوفنا بعض وقتها بس مش هقولك امتي وازاي دلوقتي هحكيلك بعد ما تخلص السهرة بتاعتنا
زمت ميرا شفتها بضيق
ما تقول دلوقتي يا عم انت وبطل رخامه لسه هستني
رفع حاجبه ليها فحطت ايديها علي شفايفها مره ثانية وهزت رأسها بمعني خلاص هسكت
حرك رأسها بعيد عنها بيحاول يهدي من تصرفاتها بس من جواه فرحان لانها اتجاوبت معاه علي الاقل بتسأل وتتعرف عليه يعني في فرصه تكسر الحاجز بينهم رجع بس عليها بابتسامة كبيرة خلتها اهو رأسها بذهول منه وبتقول لنفسها في سرها
مش بقول مچنون اهو أتحول ثاني وبيضحك
قرب منها بجسمه
في ايه عملتلك ايه انا دلوقتي ... ما انت كنت بتضحك وحلو
وكملت بهمس وخفوت
ايه الي حولك دلوقتي
مسك ايدها برفق وشدها لحضنه بقوة وغمض عينيه يستمتع بقربها منه وهي زقته بعيد عنها بس مقدرتش فحطيت ايديها علي صدره وكملت بصوت ضعيف
لو سمحت أبعد ما ينفعش كده
فركت من بين احضانه وزقته بكل قوتها
حرام كده انت بتركبني ذنب الله يخربيتك
بعد عنها بتوتر
انا هتجوزك في اسرع وقت ماقدرش استحمل أكثر من كده
وسعت عينيها پصدمه من وقاحته وازاي بيقلب الموازين في لحظات وبيستغل اي فرصة ليوصلها اتنفست جامد وانفاسهم اختلطو مع بعض حركت راسها يمين وشمال وقدرت تبعد برأسها بعيد عنه وسمعته بيكمل
_ فرق السن بينا مش عيب ولا حرام انا بحبك وده كفاية
مش كفاية ابدا
قالتها برفض ونزلت دمعة منها ڠصب عنها غمض عينيه وحط رأسه علي رأسها
_ ليه مش كفايه انا بحبك افتحي قلبك ليه وبس وانسي الناس وانسي نفسك معايا
غمضت عينيها وهزت رأسها برفض وقالت بهمس
انا محتاجة وقت لو سمحت متضغطش عليه
ثبت راسها بين ايديه وغاس في ملامحها الي بيعشقها وقال بعشق
_ هديكي الي عيزاه بس تكوني قدام عيني وذي ما بحبك هخليكي تحبيني وأكثر كمان
هزت رأسها بتوتر وهي جواها مشاعر ملغبطه حبت عشقه ده بس مش متقبله عصبيته وسنه الصغير صعب تتقبل وعلشان كده هتضحك عليه لغاية ما تختفي من حياته نهائي بعد عنها لما العربية وقفت نزل السواق فتح ليه نزل هو بهدوء وبيقفل زرار البدلة وساعدها تنزل فمد ليها ايده مسكتها بتوتر ونزلت قفل الباب وسحبها معاه لجوه المطعم والحارس اتنشروا حوالين المكان يأمنوه واثنين منهم دخلو المطعم وأخذوا مكانهم قريب من مكان جلوس جاسر وميرا بصت حواليها كان المطعم فاضي وفي مكان جميل بيطل علي البحر وصلوا عند الطربيزة المخصصه ليهم شد الكرسي ليها فقعدت ورجع الكرسي مكانه ورجع قعد علي الكرسي الي قدامها وفتح زرار البدلة وهو بيرجع بضهره لورا وهي حركت وشها ناحية الشباك قدامها والمنظر قدامها ساحر وبيهدي الاعصاب سمعته بيتكلم بهدوء وهو ملاحظ اندماجها واعجابها بالمكان
عجبك المكان
جداا ما تعرفش قد ايه حساه مريح للاعصاب
ابتسم بلطف وفضل يراقب تحركاتها رجعت بصت عليه بابتسامه جميلة سحرته
ما حكتليش عن نفسك شويه
ابتسم بغرور وعدل من هدومة بيمثل الغرور فضحكت علي حركته وقالت
ياعم علي التواضع
رفع حاجبه بمكر وهمس
_ علي طول بس انتي الي ظلماني يا بنت الناس
ضحكت برقة وسكت لما جيه النادي يأخذ الطلبات بصلي بهدوء وقال
_ تختاري ايه يا حبيبتي ولا اختارلك انا
ابتسمت بهدوء وقالت
اختار ليه انت
ابتسم بسعادة وقال الطلبات للنادل ومشي النادل ورجع بص عليها بنفس ابتسامته اتكلم بهدوء
_ انا يا ستي جاسر الدمنهوري أشهر رجل أعمال في السوق الدولي ومعروف عالميا ما بدءتش من الصفر بالعكس انا ذي ما بتقولي اتولد وفي بوقي معلقة ذهب أخذت كل ده من أبويه وجدي ورث يعني بس شخصيتي كسبتها لوحدي ما حدش يقدر يقف في طريقي والي بعوزه بأخذه بأي ثمن
اتوترت وحست انها دخلت في دوامه كبيرة هو مش شخص عادي تقدر تخلص من وجوده في حياتها وسرحت للحظات في مستقبلها
شاور بإيده قدامها
_ هاي سرحتي في ايه انتي معايا
هزت راسها وابتسمت بتوتر
معاك اهو
وصل الاكل اتعشوا وهو كان بيحاول يفتح مواضيع معاها بس هي اقتضبت في الكلام معاه خلصوا الاكل واخذها في العربية يوصلها طول الطريق فضلو ساكتين هي سرحانه وهو حاسس بفرحه كبيرة انه قدر يوصل ليها اتنهد بقوة وقعد يتأمل في ملامحها بعشق لحظات ووصلو قدام فلتها قبل ما تنزل بصت عليه بصه طويله وقالت
مع انك محكتليش امتي وازاي عرفتني بس هستني المقابلة الجاية تحكيلي سلام يا جاسر
قالتها ونزلت بهدوء واتحركت لجوه وهو فضل باصص عليها ورافع حاجبه بدهشه من شخصيتها المتقلبة للحظة حس انها بتعطيه أوامر هز رأسه بضيق وشاور للسواق علشان يتحرك
