#تهاني
قصة : - تانيا محسن
#رومانسي #كوميدي
4 - حلم . . .
- المشهد الثالث -
و'تهاني' في سن الثانية والعشرين...
بعد تخرجها من قسم الصيدلة، تقدم لها عريس، دكتور صيدلي متخرج قبلها بسنة واحده، ويملك شراكة مع اخوه، معهد خاص لدراسة دبلوم العلوم البشرية بكل اقسامها..
جت اخته تخطب 'تهاني'، وحكت لها ازاي اخوها 'امين' معجب بيها، من اول سنة شافها في الكلية!، و اعجب بها اكثر، لما سمع عنها انها طالبة مجتهدة، وسمعتها نظيفة، طوال سنوات دراستها في الجامعة، وهو ماحبش يقطع عنها اهتمامها بدراستها، فانتظر حتى تتخرج، وبعدها يجي يتقدم لاسرتها ويخطبها منهم..
# * # * # * #
انبسطت 'تهاني' بعدما سمعت كلام اخته، من حبه الطاهر، والغير اناني!، وازاي هو شاب مكافح ومثقف، وهيشجعها تشتغل، ولو معيده في المعهد بتاعه..
# * # * # * #
وافقت 'تهاني' مبدئياً على خطوبة، حتى تقدر تتعرف عليه اكثر، لكن لقت معارضه قوية من خواتها، وخصوصاً من الاخت الاكبر منها 'رنا'، بكت لأبوها ازاي يوافق تتجوز الاصغر منها!!. وتضيع فرصة جوازها لو هو وافق، وتجوزت 'تهاني قبلها!، الناس هتقول عليها ايه!، وافق ابوها على كلام 'رنا'، و رفض العريس، حتى من قبل مايتعرف عليه!!..
تقدموا ل 'تهاني' عرسان كثير، وفي كل مرة بيرفضوا العريس، ويقدموا اعذار واهية، حتى يرغموها على الرفض!.
قررت 'تهاني' مؤقتاً، تنسى حاجة اسمها عريس، لحين ماتلاقي وظيفة وتشتغل!.. يمكن هناك تلتقي بالإنسان اللي هتتمنى ترتبط بيه...
# * # * # * #
- المشهد الرابع -
مرت ثلاث سنوات بعد تخرجها.. و'تهاني' لسه بدور على شغل في المستشفيات، هي تأخرت تلاقي شغل لأنها كانت رافضة تشتغل مندوبة لشركات ادوية، فامنيتها تشتغل في مستشفى، لانها بتحب التعامل مع الناس البسيطة، اكثر من الاطباء، لو هي اشتغلت مندوبة.. اخيراً، لقت شغل في مستشفى خاص، وهناك تعرفت ' تهاني ' على موظف في قسم حساب المشتريات، في الخمسين من عمره، وقريب لصاحب المستشفى اللي هي بتشتغل عنده، ارتاحت لمعاملته الطيبة، واطمأنت له..
# * # * # * #
بعد سنتين من شغلها في المستشفى، ومن معرفتها بالموظف 'عبد القادر'..
انشغلت 'تهاني' في الصيدلية، في اخر ساعة من وقت الدوام، تراجع مع 'عبد القادر' طلبية الادوية، وبتلصق على العلب سعر الدواء، قطع 'عبد القادر' انشغالهم في الحسابات، وفتح بينهم موضوع جديد!!.
'عبد القادر' : - وانتي ايه اللي يجبرك تضيعي من سنين عمرك، وتشتغلي براتب قليل في مستشفى خاص، و انتي خريجة بكالوريوس صيدلة، ومعاكي ترخيص تقدري تفتحي بيه صيدلية مِلك ليكي!!..
ردت 'تهاني' عليه وهي بترتب الادوية في مكانها على الرف : - اوو دا لسه بدري علشان يكون معايا صيدلية! يعني محتاجه استفيد، واخذ خبره عمل، وفتره اقدر اجمع فيها مبلغ كويس! واتعرف على المندوبين وشركات الادوية، يعني لسه محتاجه سنوات كثيرة، على بال مااقدر امتلك صيدلية!، وبعدين انا ما اعرفش ازاي ادير صيدلية، واقدر اتحمل مسؤولية كبيرة زي دي!!..
'عبد القادر' : - بسيطة، وانا هسهلها عليكي، ايه رايك نتشارك انا وأنتي ونفتح صيدلية خاصة، وبأسمك، أنتي باوراق ترخيصك، وتدفعي نص ثمن شراء الصيدلية، وانا هدفع النص الثاني من ثمنه، وماتخافيش ممكن نسدد اقساط الصيدلية وتدفعي بالاجل، مش في دفعة واحده!، وهتستفيدي مني لأني اعرف اصحاب شركات الادوية، ومحلات الجملة لبيع الادوية!!.
# * # * # * #
انبسطت 'تهاني' من اقتراح 'عبد القادر'، - و ل نفسها - " ايوااا، انا كدا هختصر تعب سنين طويله، على بال مااقدر اكون نفسي، واقدر افتح صيدلية، انا هاستفيد منه قوي، من خبرته في الحسابات، ومعارفه مع شركات الادوية، انا لازم استغل الفرصة، ومااضيعش من ايدي فرصة العمر!، هاوافق على عرضه، الدنيا فرص، والشاطر من يقدر يستغل الفرص"..
شافت 'تهاني' نفسها بعد سنوات قليلة، والكل بيتكلم عنها، ويشاور عليها انها اصغر امرأة اعمال!، وناجحة!!..
صحت 'تهاني' من حلمها، وقفزت من الفرحة..
'تهاني' - ب حماس - : - انا موافقه! وفوراً نبتدئ!..
# * # * # * #
قدمت 'تهاني' استقالتها فوراً, من شغلها في المستشفى, وفتحت صيدليتها الخاصة مع 'عبد القادر', واشتغلت على الصيدلية بكل جهدها وطاقتها، ليل ونهار، منتظرة في النهاية، تشوف نتيجة تعبها، وقت ماتنجح، وتكبر صيدليتها، وبعدها ه تفتتح فروع لصيدليتها في كل مكان في بلادها!!..
في السنة الاولى كانت الامور بينهم تمام، وكان تعامل 'عبد القادر' معاها بكل ادب واحترام..
لكن بعد فترة من الزمن، بدأت 'تهاني' ما ترتاحش لنظراته، وهي بتراقبها بكل وقاحة، وكلامه الكثير عن مراته، وشكواه انه هو مش سعيد بحياته معاها!!.
# * # * # * #
فحاولت 'تهاني' تتهرب منه، ومااهتمتش لتصرفاته، لانها هتفرض عليه يحترمها، ولو غصباً عنه!!.
# * # * # *#
#يتبع
