رواية تهاني
"تهاني"
قصة:- تانيا محسن. #كوميدي #رومانسي
12- أستجابة . . .
- بعدما نجحت 'بدرية' في تهديد 'تهاني' وتخويفها من لسانها السم!! قررت 'تهاني' تمتنع نهائياً عن زيارة عيلة 'هناء'!! حتى تبتعد عن 'بدرية' قدر الامكان!!..
'بدرية' إنسانة خبيثة, وقادره تدمرها نفسياً وجسدياً!! ومش بعيد من 'بدرية' تقوم بتشوية سمعه 'تهاني' بين سكان العمارة!!!.
- عدى على 'تهاني' اكثر من اسبوع!! وهي حابسة نفسها في شقتها!! خايفة لو تقابل 'بدرية'، ولو بالصدفة!!.
بوقت العصر.... دخلت 'تهاني' الحمام، واخذت شاور بارد!! تريح نفسها، وتتخلص من الضيق، والتوتر اللي ملازم لها من يوم سفر والدتها!!..
دخلت على اوضة نومها!! وقعدت قدام المرية، تسرح شعرها..
وهي بتمشط شعرها، سرحت 'تهاني' في تفكيرها في 'بدرية'، واللي بتعمله معاها!! وغصب عنها "ضحكت" على نفسها!! وعلى حظها المنحوس!! وازاي الظروف بتعاكسها!! وبتعاندها!!..
'تهاني' - ل نفسها - " أهو يا 'تهاني' رجعتي لحبسة البيت من 'ثاني'!! ههههه، هو انا قولت حكمتي في الحياة!! " ...
" يعني اللي كان مكتوب عليكي في بلدك!! هتلاقيه و لو هربتي لأخر الدنيا!! دي المشاكل بتعشقك قوي!! وبتجري وراكي!! وراكي!! ههههه!! فين ماكنتي!! وفين مارحتي!! " ...
توقفت 'تهاني' عن تسريح شعرها!! ورمت المشط على التسريحة!! وبصت لمرايتها بحب!! تتكلم معاها!! ... " أنتي بس يا مرايتي!! اللي كانت صديقتي!! طوال عشر السنين اللي فاتوا من عمري!!! " ...
" قولي لي يا مرايتي!!هو انا اذيت مين!!! و دعا عليا في ليلة القدر!!.. دي دعوة قاسية حرمتني من الحياة!! " ...
بصت لصورتها بحزن!! وصعبت عليها نفسها! وهي اللي عمرها ما اذتش حد!!!..
فتبدل حال واحساس 'تهاني'!!!.
عن الضحك!!
من نفسها!!!...
إلى الحسرة!!
على نفسها!!!...
وانفجرت تبكي على حالها!! ماقدرتش تتحمل تبص لصورتها!! فدفنت وشها بين ايدها!! تخبي نفسها من حياتها الكئيبة!! وازدادت بكاء تحمل همها الكبير!! وهي بتفكر بطريقة سهلة!! ترحم نفسها!! وتخفيها من الدنيا، القاسية عليها!!..
ومن حده بكائها، بدأت انفاسها تتقطع، فرفعت راسها، تهدي نفسها، ورفعت عيونها لسقف، وهي غرقانه بدموعها، والآلامها، وبدأت تدعي، من جوه قلبها بصوت متهدج، ومتشنج من بكائها الشديد!!..
'تهاني' : - يا رب! امتى هتستمر حياتي كده! لا عيله، ولا جواز، ولا مستقبل!!! يعني ايه!! اعمل ايه في حياتي!!! انا خلاص تعبت!! ومش قادره اصبر اكثر! ما انا عاوزه اعيش زي بقية الناس!! أفرح! وانبسط! واشوف ايام حلوة!!! يا رب!! ارحم بحالي! انا ماليش حد غيرك!! يا رب!! ساعدني! وغير حيا!!!..
رن جرس باب شقتها!! وقطعها من تكملة دعائها!! فكرت 'تهاني'، مافيش غير 'احمد'!!جاي يسالها لو تحتاج حاجة!! وهو خارج..
احرجت 'تهاني' لو يشوفها 'احمد' كده! ويعرف انها كانت بتبكي!! فجريت على الحمام بسرعة! غسلت وشها، ورجعت لاوضتها وحطت ميك اب خفيف! يغطي احمرار وشها!! ويخفي دموعها!!..
قربت 'تهاني' من الباب، وسالت قبل ماتفتح، مين هو اللي ع الباب! فسمعت صوت 'هناء'!!..
فتحت 'تهاني' الباب!! ورحبت ب 'هناء'...
دخلت 'هناء' الشقة، وتبادلت مع 'تهاني' قبلات السلام...
'تهاني' : - اهلااااً!! ايه المفاجاة الحلوة دي!!.
'هناء' : - مفاجأة!! لدرجة دي ماكنتيش متوقعة اني ازورك!!..
'تهاني' - بخجل - : - اقصد اني فرحت بزيارتك!! لأني بطلت اشوف المفاجآت الحلوة!! المهم ازيك!! وحشتيني!!!...
'هناء' : - صحيح!! لو كنت وحشتك! كنتي عزمتيني!!.
'تهاني' : - اكيد 'هناء'!انتي وحشاني!! لكن بالحقيقة مافكرتش اعزمك عندي!!.
'هناء' : - طب كنتي هتزوريني! دا انا جيت لك النهارده، لاني مشتاقة ليكي كثير، دا أنتي مابتخرجيش!! ولا تفكري تزورينا!! وإحنا جنبك!! وحتى طلباتك! بتبعثيها مع 'احمد'! بذمتك!! أنتي مازهقتيش من قعدة البيت!!..
'تهاني' - بدهشة - : - إزاي ازوركم؟ انا خايفة اقابل عمتك!! وتسمعني كلام زي السم يقتلني!!.
'هناء' : - على الاقل كنتي تفتحي موبايلك! وتسالي عني!!.
'تهاني' : - سامحيني!!انا قلت خليني كده احسن!! بعيده عن المشاكل!!..
'هناء' - باستغراب - : - وازاي أنتي بتقضي ايامك!! اقصد وأنتي لوحدك!! وحابسة نفسك!!..
'تهاني' : - اطمني! أنا مرتاحة في قعدة البيت! بحب اتفرج على الأفلام، والمسلسلات! اكثر من الفسح، والخروج، والزيارات!!!.
'هناء' : - لا! من بعد النهارده، مش عايزك تخافي! وتحبسي نفسك!.. وتقاطعي زيارتنا!!.. شوفي!! هي عمتي بتيجي تسكن عندي إيام قليلة! يعني في الايام الباقية!! مالكيش عذر تقاطعينا!!..
'تهاني' - بخوف - : - لا ارجوكي!! انا تعبانة نفسيا، ومش عايزه اي مشاكل!.
'هناء' : - انا بقول لك تزوريني انا! مش عمتي!! فايه هو عذرك!!!
'تهاني' : - ماليش عذر!! انا طبعي كده!! مابحبش ازور حد!! ولا اقابل حد!! حتى من قبل مااتعرف على عمتك!! يعني انا وبكل أسف!! مش هقدر ازورك!!..
'هناء' - بدهشة - : - وليه بتظلمي نفسك كده!! وتمنعيها عن مقابلة الناس!!!.
نزلت 'تهاني' راسها!! وبصت للارض!!..
'تهاني' : - عادي! انا مبسوطة بحياتي كده!!.
'هناء' : - هو في حاجة في حياتك! مأثر عليكي قوي! لدرجة انك تعزلي نفسك!! وما تحبيش تقابلي حد! احكي لي!! ما انا بقيت زي اختك! واحب اسمعك؟.
خافت 'تهاني' تتأثر بكلام 'هناء'، فتفتح قلبها!! وتحكي لها ماضي ومستقبل حياتها!!!...
قامت 'تهاني' من مكانها، قبل ماتخونها عيونها، وتسحب دموعها للخارج! وتنفجر في الكلام!!تشكي لها قصة حياتها!بعدما كتمت حزنها لسنوات طويلة!!!.
'تهاني' - بصعوبة - : - لا! مافيش حاجة!!.
وبسرعة حولت 'تهاني' افكارها!! قبل ما تتردد! وترجع بكلامها!!
'تهاني' - بمرح - : - انا اسفة!! دا انا نسيت!! مااقوم معاكي بواجب الضيافة!! بعد اذنك ثواني! اروح المطبخ!! واعمل لِنا قهوة!!..
فهمت 'هناء' طريقة 'تهاني' بالهروب من مصارحتها!! فقررت تساعدها ولو بالعافية!!.
جت ل 'هناء' فكره بسيطة تقربها من 'تهاني' اكثر!! وفكرت ان اللحظة دي مناسبة لتنفيذها...
'هناء' : - استني عندك توتو! ايه رايك نخرج دلوقتي! واعزمك على كوفي! ونتمشى سوا، و نتعشا كمان!! يعني نقوم نتسلى، بدل قعدتنا في البيت!!.
'تهاني' - باقتضاب - : - متشكره للعزومه! لكن سامحيني! انا مش فاضية!!!..
'هناء' - بمزح - : - آه قولتيلي! جدول أعمالك مليان!! يا ترى معاك مقابله مع الجدار ده!! ولا ده!!..
ابتسمت 'تهاني' من مزاح 'هناء'! وحاولت تكمل معاها في المزاح، لأنها حست بذنب في معاملتها ل 'هناء'!..
'تهاني' - كأنها بتفكر - : - همممم!! خليني اشوف!! هو اليوم! يوم الاربعاء!! ايوا!! يعني معايا تدريب رقص مع مرايتي!!..
شافت 'هناء' انه مافيش فايدة!! تقنع 'تهاني' تخرج معاها بالذوق!! فجربت طريقة ثانية!! طريقة التهديد!!!..
'هناء' - من تحت اسنانها - : - 'تهاااانيييي'!!! لو ماقومتيش وغيرتي هدومك خلال خمس دقايق!! قسماً بالله!! لأكون سحباك معايا تعيشي في شقتي، واسيبيك تنامي مع عمتي 'بدرية' في اوضة واحدة!! ومش هيهمني بعدها ايه اللي هيجرا لك وانتي معاها!! هه!!!..
مسكت 'تهاني' رقبتها بخوف!! وشافت نفسها، في خيالها، وهي مع 'بدرية' في اوضه واحدة!! ارتجفت اعصابها!! وصحيت من خيالها!! وبسرعة جريت ناحية اوضتها!!تغير هدومها قبل مايعدي الوقت عليها!!!
ضحكت 'هناء' من خوف 'تهاني' من عمتها، واستغربت من 'تهاني'!! فبالرغم من سنوات عمرها!! لكنها صدقت تهديدها!! وكأنها لسه عيله صُغيرة!!!..
دخلت 'تهاني' اوضتها تغير هدومها، وهي فرحانه!!..
'تهاني' - ل نفسها - " اشكرك يا رب! استجبت لدعائي!! و هخرج اليوم من سجني!!! " ...
# * # * # * # * #
#يتبع
