رواية زوجتي كوابس الحلقه العاشرة

 

زوجتي كوابس 

الجزء العاشر 

الكاتبة مي علي 

طبعا ناس كتير هتكون ناسيه القصه اللي هيا ف الأصل كوميدي تراجيدي 

حسام ادبس ف كوابس زي ما احنا عارفين وطلع الأمر في سر خطير 

بالذات لما ظهر واحد بان اوي أنه بيهدد مراد بيه 

وحسام كان كل حاجه غامضه بالنسبه ليه 

واكتشف أن حماه عامل عليه كدب كتير اوي 

وحكاية الي حد ما حاول يدخلها ف دماغه 

لكن في تصرفات بعد كده 

بالذات مع ظهور الراجل الي بيدعي أنه ابو كوابس 

خلي حسام يفكر 

لحد اليوم اللي رجع فيه حسام البيت 

وكان مرات مراد التانيه وولاده مش هنا 

وكوابس نايمه 

ودخل سمع صوت مراد بيزعق

وفجاه خرج واحد حسام خمن أن هو ده الشخص اللي كان طول الوقت بيهدده 

ولفت انتباهه جملة دي اخر فرصه ليك 

عشان ترجعلي حقي 

ومتنساش احنا دفنينو سوا 

وخرج الراجل 

واتصاب مراد بيه بحاله مم الهستيريا وبقي زي المجنون 

وحاول حسام يهديه 

لكنه رفع السلاح وعمره وحطه قصاد دماغه

حسام اتخض وقاله ... 

عمي انت بتعمل اي 

انت بتعمل اي أهدي بس وصلي ع النبي 

استهدي بالله ونزل السلاح 

- اوعاااااا ابعد عننننيييييي 

ابعد انا لازم انهي حياتي لازم 

ليييييه البني ادم يفضل يتحاسي كده 

ليه دايما بيطلعله عذر أقبح من ذنب 

- انا مش فاهم حاجه 

بس ارجوك اهدي وفهمني 

ارجوك 

- لاااااااا مش لازم تفهم مش لازم حد يفهم ولا حد يعرف 

ولا حد يشيل شيلة حد 

انا نفسي بس ...

وسكت ونزل السلاح 

- ممكن تفهمني يمكن اقدر اساعدك 

- ت تساعدني 

- انا مستعد اعمل اي حاجه اساعدك بيها بس متعملش ف نفسك كده 

- انا بثق فيك يا حسام 

- هات طيب السلاح بس ونتكلم 

- هديك السلاح بس انت وعدتني هتساعدني مش كده 

وتساعد كوابس 

- واي علاقه كوابس بالموضوع 

- بأختصار يا حسام الراجل ده بقي خطر 

ولازم يموت 

ولكن عشان يتم الأمر ده لازم حد اكون انا بثق فيه ويبقي سر بيني وبينه 

وعشان كده انا بطلب منك المساعده دي 

وف المقابل هكتبلك نص الثروه 

والشركه وكله 

- ثواني بس اي نوع المساعده يا عمي 

سكت شويه وقال ...

تقتله ...

- اييييي!! 

- زي ما سمعت 

انا مخطط كل حاجه فاضل بس اللي ينفذ والموضوع هينتهي ومحدش هيعرف حاجه 

- انت مستوعب اللي انت بتقوله 

ولما هو الموضوع هينتهي وانت مظبط كل حاجه 

عاوزني انا ليه 

- عشان انا بثق فيك وهيبقي سر واندفن بنا 

- أنت اصلا ازاي بتفكر كده 

ازاي عاوووووزززززز تعمل دااااا 

انت للدرجه دي من ساعة مرجلك جت ف الموضوع ده وانت مكمل فيه وعمال تزود

- عشان كوابس عشان بيتي عشان كل اللي بنيته 

عشان فلوسي وكل حاجه 

انا مش هخلي واحد زي ده يستغلني 

حسام بص للراجل وحس أنه ملامحه اتغيرت لا يمكن يكون ده شخص طيب 

مؤكد ده شخص وراه حاجه 

اللي يفكر كده لا يمكن يكون 

شخص سوي 

حسام سكت شويه وهو شايف نظره الشر ف عيونه 

وبيقول لنفسه ...

لحد أمتي بس هيفضل يسمع الحكاية من طرف واحد مش يمكن يكون كداب وفي حاجه هو مخبيها 

الجمله اللي اتقالت اكيد في سبب وراها 

اكيد 

بصلو وقال ..

وانا اي يضمنلي انك مش هتبعني 

ابتسم مراد وقال ...

يعني موافق 

- اي اللي يضمنلي انك مش هتبعيني 

- نفس ضمانك انك مش هتبيعني وع عشان كوابس 

- واي اللي يثبتلي أن الراجل ده زي ما بتقول 

- بعد كل ده بتسأل 

حسام 

حسام يا ابني فكر بالعقل شويه انا اي مصلحتي من اني اعمل كل ده 

ثم ثم كمان انا عندي تسجيلات وتهديدات منه أنه هيوصل لكوابس انا بعمل كل ده عشانها 

وعشان بيتي اللي بنيته بقالي سنين ومحافظ عليه ميتهدش

- تمام ..

فهمني دماغك فيها اي 

- انت هتكلمه 

وتعرفه انك جوزها وانك عاوز تعمله اي حاجه عشان ميتكلمش 

وجاهز تديله فلوس وكل حاجه 

تمام كده وهتحددله معاد 

ف مكان انا مجهزو تتقابلو فيه 

وتخلص هناك بعد كده هجيلك نشيله وندفنه

ف مكان تبعي محدش بيهوب ناحيته 

- ومتعملش انت ده ليه 

- عشان السن وكمان ع عشان هو انا هددته قبل كده اني هقتله 

ف هو هيخاف مني 

- طب ويعني لو انا قولتله مش هيخاف مني 

- لا انت ملكش علاقه هو اكيد هي هيصدقك او هيطلب يكلمك عشان يعرض طلباته طبعا 

انا عاوزك بس تخلص عليه من غير ولا كلمه 

عشان ارتاح بقي 

- تمام 

اديني عنوان أوصله فيه 

أو تليفون 

- اه تليفونه معايا 

عنوانه معرفش هو مش بيثبت ف حته من زمان 

- من زمان !! 

- اه اقصد أنه مكنش ليه مكان محدد نوصله فيه ف معرفش 

- تمام هات الرقم 

- مش دلوقتي انت مش هتكلمه دلوقتي 

بكره الصبح تكلمه واكون جمبك عشان اعرف اي الي هيحصل 

- تمام 

- انا مش عارف اقولك اي يا حسام بجد 

انت ابني اللي مخلفتوش 

 وقرب عليه وحضنه  جامد 

ف حسام ردله الحضن بفتور 

فجاه قطعم صوت كوابس ..

هيئ انتو بتحتنو بعط ف الطلمه تده ليه 

انا شاته فيتو 

حسام ..

شاته ف 

يووووه شاكه ف اي انتي اتجننتي 

- طب خناص متزعأش انا بس سوفت أن منظرتم غنيب 

والوقت متأخن و

- خلاص خلاص ده انتي دماغك سو 

انتي اي

اللي صحاكي اصلا 

- دوعت 

- نعم!!! 

- معنس والنهي انا دوعت تاني تده وحاسه اني عندي دوخه تده 

- دوخه تده 

قولي فجعه صرعه 

اي حاجه تده .

- انت بتتنيق عنيا يا حسام 

- لا ياحبيبتي مش بتنيق 

- بابا خنيه يستوت 

بابا انت ساتت ليه 

- سيبي بابا دلوقتي وتعالي اشوفلك حاجه تشفطيها 

قصدي تاكليها

يلا ياختي 

- يانا بينا 

- براحه بس اوعي دراعي بيخدل 

- زعنانه منت 

- معلش هتاخدي الجرعه دلوقتي وتبقي كويسه 

- انا مس عانفه أنت زعنان نيه 

ده الاتل ده ادمل حاده ف الدنيا تولها 

- فعلا طبعا مده كان رايي الحمار 

- حمان اي 

- لا يا حبيبتي انا بفكر اشتري حمار 

- الله 

طب واحنا بناتل نتلم ف الموضوع ده 

- يارب 

دي صدقت 

امشي يا ماما امشي 

وفعلا وراح اكلها وطلعت 

نامت وطول الليل حسام بيفكر 

هيعمل اي 

ومستني يصبح الصبح عشان يشوف اي الحكاية 

وفعلا اول ما طلع النهار 

قام اخد دوش ونزل 

فطر 

وفضل قاعد مستني لما حماه يصحي 

وهو قاعد كده اتفاجئ بحماه راجع من بره 

وشكله مرهق جدا لانه منمش باين من عنيه 

- عمي اي ده انت كده بره 

- اه روحت المكتب اظبط حاجات كده 

انت اي مصحيك بدري 

- ورانا حاجات نعملها انت نسيت 

- لا منستش 

تعالي ورايا 

- علي فين 

متكلمش ولقاه رايح اوضة المكتب 

وبدأ يفهمه هيقول اي وهيعرف الراجل بنفسه ازاي 

وفعلا حسام طلب الراجل 

مره اتنين والتالته رد 

- آلو 

- ايوه مين 

- انا ابقي جوز بنتك كوابس 

سكت شويه وقال ..

خير 

- انا كنت عاوز اتكلم معاك بخصوص موضوع بنتك اللي هيا مراتي 

وبخصوص التهديد اللي انت عامله عليها وعلي عمي 

- اه وعمك ده بقي هو اللي قايلك تكلمني 

- لا 

- طب سلملي عليه وقوله مينساش بس 

وقفل السكه ف وشه 

حسام ..

اي الراجل ده 

- اه يا كلب 

- عمي انا مش فاهم متنساش اي 

- بس يا حسام سبني افكر 

انا هعرف اربيه الكلب ده 

اسمع انا خارج دلوقتي 

- رايح فين 

- اسمع بس 

انا مضغوط الايام دي تصرفاتي مش متزنه 

انا رايح مشوار صغير كده 

اياك تكلمه غير وانا موجود 

ولو اتصل متردش تمام 

- حاضر تمام 

وخرج جري 

حسام الفار لعب ف عبه اكتر 

وفضل يفكر يكلم الراجل من تليفونه تاني 

لكنه جه ف باله أنه عمه ممكن يكون مراقب الموبيل 

بالذات لما ذاد شكه بعد اللي حصل ده 

فخرج حسام وعمل المكالمه دي من بره ....

والراجل رد 

- آلو 

- لو سمحت اسمعني انا حسام جوز كوابس واقسملك بالله انا بكلمك من الشارع دلوقتي 

وعمي مش جنبي 

وانا حاسس ان في حاجه غريبه بتحصل 

وطريقه كلامك 

وجملة دفنينو سوا 

انا بس عاوز اعرف انت بتعمل اي وليه كل ده 

وبتهدد بنتك بالشكل ده ليه 

لو عاوز فلوس أنا هديك كل حاجه خلينا ننهي الحوار 

- حوار هههه 

فلوس 

اه يا كلب 

قولي الكلب ده مفهمك اي 

اني عاوز فلوس 

وبهدده بأي 

هههههه 

اه انا ف الأول كنت عاوز فلوس 

بس الموضوع دلوقتي يعني 

وسكت 

- ارجوك اتكلم 

- قوله بس اني مش هسيبه 

- ارجوك الراجل ده انا معدتش بثق فيه والتدبيس اللي دبسهولي مش شويه 

لو عارف حاجه انا مش عارفها 

ياريت تقولي 

ارجوك 

- خلي بالك من كوابس بس 

- كوابس معايا ف امان بس انا عاوز افهم 

- فهمتك 

قوله مش هسيبه هقتله وهقطع قلبه ميت حته 

- مش معقول انا مش فاهم حاجه انت عاوز تخلص منه 

وهو كمان عاوز يزيحك 

انتو مدارين حاجه كبيره 

- اسكت يا بني متقلبش عليا المواجع

انا نفسي مش عارف انا وصلت لكده ازاي 

- فهمني انا عاوز افهم 

يمكن اقدر اساعد 

- مش هقدر اقول حاجه دلوقتي 

اعذرني 

مع السلامه 

- ا الو الوووووو 

الراجل قفل السكه ف وشه 

وحسام بقي هيتجنن 

والتليفون اتقفل 

روح حسام ودماغه فضلت تودي وتجيب 

واليوم عدي تقيل وبايخ 

مستني حماه يرجع 

وبيحاول ميحسسش كوابس بحاجه 

وكالعادة اكلت ونامت 

وهو فضل قاعد مستني حماه 

لحد ما فعلا جه 

ودخل اوضه المكتب من غير ولا كلمه 

حسام نزلو 

وكان بيفكر مليون مره يواجهو بالكلام ويطلب منه يفهمه 

لكنه رجع عن الخطوه دي 

وطلع اوضته 

وتاني يوم الصبح نزلو ع الفطار عادي 

وكأن شيء لم يكن وحماه متكلمش نص كلمه 

حسام حب يفتح الموضوع 

والكلام على طرف لسانه 

وحماه بيوجهلو الكلام

وبيسألو إذا كان حصل حاجه ف غيابه 

وقبل حسام ميرد 

جتله رساله من رقم غريب ...

قراها من بره 

محتواها كان غريب وقف عندها شويه 

وجاوب عمه أنه مفيش حاجه 

واستأذن بكل هدوء وقام 

دخل الحمام فتح الرساله كان مكتوب فيها ...

انا بموت ولازم اقول الحكاية يمكن تلحق تنجد كوابس يمكن اقدر اعمل حاجه صح ف اخر حياتي 

هستناك ف ......

الساعه سبعه 

اتاكد أن محدش وراك 

لازم نتكلم 

حسام قرأ الرساله اللي كانت من رقم الراجل ابو كوابس 

واستغرب شويه وتنح 

وخاف يكون فخ 

بس العنوان ف مكان عام 

وده اللي طمنه 

وقرر بعد صراع طويل أنه يروح 

ونزل قال لحماه أنه خارج رايح لأهله لانه بقاله كتير مشفهمش 

ف الوقت ده رجعت الزوجه والاولاد 

ومراد شبه محسش بحاجه

حسام راح لأبوه قاله أنه هيكون ف المكان ده 

وطلب منه يتطمن عليه علي طول 

ومدلوش تفاصيل اكتر من كده 

وراح المكان 

كان عام ولكنه هادي جدا 

لقي الراجل مستنيه ف اخر الجنينه 

قعد جمبه من سكات 

الراجل ...

كنت خايف متجيش 

- اديني جيت 

فهمني بقي

- عاوز تفهم اي 

- كل حاجه 

من طقطق لسلام عليكم 

انتو اي حكايتكو!! 

وبعد تنهيده طويله وسكات

بدأ الراجل يتكلم ويكشف الستار عن أقذر لعبه ممكن تكون حصلت وقال .....

يتبع .. 

                      الفصل الحادي عشر من هنا

لمتابعة باقي الرواية زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال