#احببتها_بنقابها_اكثر
البارت الاول
بسم الله الرحمن الرحيم
كنت ماشية في الشوارع بلا هدف بعد خناقة كل يوم بسبب انى مش عايزه اتجوز مفيش ولا عريس منهم ملتزم اعمل ايه بس ياربي ذنبي ايه انا لو فضلت عمرى كله من غير جواز احسن مليون مرة من انى اعيش مع انسان بعيد عن ربنا
وانا ماشية وقعت السبحة من ايدي من غير ما اخد بالي الدموع مالية عيني لقيت حد بينادى عليا
الشاب : يا انسه يا انسه لو سمحتي مسبحتك وقعت
رحمة : شكراً لحضرتك مأخدتش بالي
الشاب : الشكر لله سلام عليكم
وف بالي بقول هو في شباب كده اليومين دول بيغضوا بصرهم سبحان الله
بس انا مالى استغفر الله العظيم
مشيت وكل يوم نفس الحوار رحت الجامعه وقبلت اسماء صحبيتي
وانا كنت مبسوطة اوى لأنها اول مرة تلبس الخمار كانت ملكة بجد 🥰
رحمة : بسم الله اللهم بارك لأ بقي انا هاجي اطلبك من طنط حنان
اسماء : بس بقي متكسفنيش أية رأيك فيا حلوة 😀
رحمة : انت كلمة حلوة قليلة عليكي اللهم بارك حورية نازلة من الجنة 💜
اسماء : أنا بشكر ربنا فى كل ركعة لانى عرفتك انت السبب ف انى اقرب من ربنا والبس الخمار ربنا يديمك فى حياتى
ندخل المحاضرة ونقعد وبعد شوية يدخل شاب ثلاثيني كده
اسماء : اى ده هو مش دكتور عبدالمنعم هو اللى بيدينا المحاضرة دى مين ده ؟
رحمة : والله ما اعرف يلا نركز
الدكتور : انا الدكتور احمد عز وإن شاء الله هديكم بدل دكتور عبدالمنعم
إن شاء الله نكون اخوات ومحدش ينكسف أنه يسألني فى اى حاجه
كل الموجودين فى المحاضرة : اتشرفنا بحضرتك يا دكتور 😀
نروح بقي عند عيلة رحمة
ام رحمة فى الفون : ازيك يا فاطمة عامله ايه وحشانى
فاطمة ( جارت العيلة من زمان وهى وام رحمة صحاب ) : انت اكتر والله يا هناء وحشتيني بس انت عارفه السفر وسنينه
ام رحمة : عارفه يا عين اختك ولادك عاملين ايه
فاطمة : احمد ابني عندكم فى مصر من اسبوعين بيشتغل معيد في الجامعه
هناء : ما شاء الله كبر وبقي عريس
ونسيبهم شوية 😂
احمد خلص المحاضرة وبيتكلم في الفون
احمد: حازم الشناوى اي يا راجل الغيبه دى كلها وحشني القعده معاك انت ومحمد وياسين
حازم : طب ما تيجي نتقابل يا احمد وكلنا عايزين نشوفك
احمد : ماشي حدد انت مكان وانا اجيلك فيه
حازم : المكان اللى بنتلم فيه كلنا اكيد شقة محمد 😅
احمد : هو لسه متجوزش دا انا غبت ٥ سنين قولت هشوف عيالكم
طب ماشي انا هروح اصلي واكلمك اما اخلص سلام عليكم ورحمة الله وبركاته
فى الجامعة عند رحمة تخرج علشان تصلي الظهر هي واسماء وبعد الصلاة قعدت تتكلم مع البنات شوية هي من عادتها تقعد كل اسبوع مره مع البنات تكلمهم عن الدين
رحمة : إن شاء الله يا حبيباتي موضوعنا انهارده عن الاغانى 💔
بنت : فى ناس كتير يا رحمة بتقول الاغانى حرام بس ايه الدليل
رحمة : اولا صلوا على الحبيب 💜
بصي يا قلبي انا قبل ما اقول الدليل انت أما بتكوني بتسمعي اغانى والاذان إذن بتعملي ايه ؟ ها ردى
البنت: بقفل الاغانى طبعا
رحمة : الله ينور عليكي اديكي قولتي طب ليه بتقفليها ؟!
بنت تانية : احنا كبرنا لقينا اهلنا بيعملوا كده
رحمة : قال الله تعالى " ومن الناس من يشترى لهو الحديث ليضل عن سبيل الله بغير علم " (سورة لقمان : ٦ )
كان عبدالله بن مسعود يقسم على أن لهو الحديث هو الغناء ...
قال رسول الله صلى الله عليه وسلم فى الحديث الصحيح " ليكونن من امتى قوم يستحلون الحر والحرير والخمر والمعازف "
الحر هو الفرج الحرام يعني الزنا ، والحرير معروف محرم على الرجال ، الخمر محرم على الجميع
طب يا قمرات المعازف هى الاغانى وما يعزف به من آلات
اسماء: طب ربنا ليه حرم الاغانى يا رحمة
رحمة : لأنها بتحرك المشاعر
خليكي مثلا تقلبي فى التلفزيون وتيجي اغنية رومانسيه هتقعدى تفكرى فى الحب وانا نفسي احب زى كده وحاجات اكتر كمان ربنا يعافينا
طب لو شغلتي اغنية حزينه هتقعدى تفتكرى حياتك المؤلمه بقي وتقعدى تعيطي
الاغانى بتإذينا اوى وبتأذي قلبنا
اكرهي الاغانى مش مثلا تلاقي اغنية حلوة تحطيها على الحالة دى خدتها ودى خدتها ونشروها واللى سمعتها دى كلها ذنوب فى رقبتك انت يا قمرى
وكفاية بقي علشان متزهقوش منى 😂😂 انا عارفه انى رغاية
البنات : والله ابدا يا رحمة احنا كلنا بنحب نسمعك اوى 💜 وإن شاء الله هنبطل الاغانى
رحمة : وانا كمان بحبكم اوى ربنا يجمعني بيكم فى الفردوس الاعلى 🤲💜
اسماء ورحمة خرجوا
اسماء : احنا إتأخرنا اوى انا هتعلق من اخويا فى البلكونة
رحمة : ربنا يستر وبابا يكون لسه مرجعش أنا خائفة يا فوزى 😂
اسماء : متخفش يا رمضان انا جنبك 😂
ومشيوا روحوا
وهما مروحين رحمة فى واحد بيرخم عليها
شاب : ايه القمر ماشي لوحده
رحمة مردتش عليه
والشاب ماشي وراها وهى بتجرى
وبعدين شافها الدكتور وهو خارج ولقاها بتجرى وعلى وشها معالم الخوف 😭
ي ترى ايه اللى هيحصل ومين الدكتور ده والشاب ده هيكمل فى اذيتها ولا ايه ؟
الفصل الثاني من هنا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
