ماما:يلا ياسلمي شكلهم طالعين على السلم
أنا :حاضر جيت اهو
ماما :اهلا وسهلا اتفضلو
كاميليا : حبيبتي عامله ايه
ماما:الحمد لله ياقلبي طلما شوفتك بخير
كاميليا :ازيك يا سلمي
أنا : الحمدلله يا طنط انتي عامله ايه وحشاني
كاميليا :انتي اكتر والله
كمال :ازيك يا طنط
ماما :ازيك يا حبيبي اتفضل تعالي
وبعد كده جيه وقف قدامي وبصلي في عيني اوي وابتسم ومد لي أيده :عامله ايه
أنا ابتسمت : الحمدلله اتفضلو
ماما اتفضلو سلمي طبخالكو بأيدها احلي اكل
كمال بنبره هادئه جدا وجميله وهو بيبوصلي :عشان أنا الي طلبت ادوق اكلها
انا اتكسفت وابتسمت ومقولتش حاجه
ماما :اتفضلو ياحبيبتي ناكل الاول وبعد كده نتكلم براحتنا
كاميليا : والله ما كان لي لزوم التعب بقي
كمال :بس بجد الاكل تحفه تسلم ايدك بجد
أنا :باالهنا والشفا وابتسمت له بس اللي كان بيحرجني لما كنت ببتسملو كان بيفضل بصصلي اوي ومش بينزل عينو وعلى قد ما كنت ببقي محروجه كنت ببقي مبسوطه نظرته ليا كان فيها حب بجد
كمال :بس انتي عارفه جميله اوي الطاقيه دي بس انتي لي لابسها ؟
ماما :يرضيك يا ابني تمسك شعرها
أنا قاطعت ماما بسرعه : احنا عملنا جاتوه حلو اوي هيعجبكو احلي من الجاهز كمان
هو بصلي واستغرب وقالي :ايوه بس لي بردو لابسه طاقيه وضحك
أنا :اصلي ببقي بردانه وبحسها شيك عليا يعني
كمال :اي حاجه عليكي حلوه
كاميليا :اي ياولا بتعاكسها قدامنا وضحكت هي وماما وانا ضحكت بصراحه على كلمتها وهي طنط كاميليا دمها خفيف جداا
كمال :لا والله عادي أنا بقولها كلمه حلوه كتر خيرها عمللنا اكل حلو
ماما :هقوم بقي اعملكو الشاي واجبلكو حلويات
كاميليا :معتيش تتعبي نفسك بقي
ماما :تعبك راحه يا حبيبتي
أنا :اتفضلو في الصالون بس كمال وهو معدي من جنبي لمس ايدي بسرعه كده انا اتسمرت مكاني ومش عارفه ياتري قاصد ولا أنا بخرف المهم دخلت جبت الشاي والحلويات مع ماما ودخلناهم الصالون وقعدنا مع بعض فضل كل مااضحك وابص عليه الاقي باصصلي بدأت اتوتر ومش عارفه لا اتحرك ولا اتكلم يالهوي على الاحراج
كمال :هو حضرتك هتسافري تاني
ماما :ايوه طبعا يا حبيبي ماانا ومامتك هنسافر سوا
كمال:طب هستأذنك ابقي اكلم سلمي اتطمن عليها
ماما :طبعا يا حبيبي زي اختك بردو
كاميليا :جري اي ياست أنتي صلي على النبي اختو اي وقعدت تضحك
ماما :ضحكت اومال اي طيب
كاميليا :سيبي الباب موارب كده بلاش فال وحش وقعدو يضحكو
أنا من جوايا كنت فرحانه اوي انو بدأ يهتم بيه وعايز يتطمن عليا بس كنت خايفه اويي من الحقيقه الي انا مخبياها عليه ياتري هيكون اي رد فعله لما يعرف اني سليم هيسامحني ولا لأ ربنا يستر
كمال: الجو كتمه اوي أنا وانا طالع خدت بالي ان البلكونه بتاعتكو جميله جدا وفيها ورد ممكن اتفرج عليها
ماما : طبعا يا حبيبي قومي ياسلمي فرجي كمال ع البلكونه أصل سلمي هي الي بتزرع البلكونه وبتسقي الورد الي فيها عشان بتسهر فيها بليل في الروقان كده
كاميليا :طالعه رومانسيه شكلها
ماما :زي امها وقعدو يضحكو
اخدت كمال ودخلتو البلكونه ووفقنا مع بعض
كمال : زوقك حلو اويي الورد الوانه جميله وشكل البلكونه تحفهه
أنا :ميرسي ده من زوقك والله
كمال : انتي مرتبطه يا سلمي
صراحه للسؤال خضني وهو قال السؤال مره واحد فاتخضيت اويي وقولتيله :لا لأ
كمال : عارفه ان شكلك لما بتتكسفي بيكون حلو اويي
انا بصتلو ومعرفتش ارد وكنت مكسوفه اويي
كمال : احكيلي كده عن نفسك يا سلمي اتكلمي انتي مش بتتكلمي لي
انا :طب عايز تعرف اي واقولها لك
كمال :يعني مثلا بتحبي اي بتكرهي اي الوانك أكلك كده يعني
أنا :انت عايز تعرف الحاجات دي لي يعني
كمال وهو بيقرب مني حته صغيره وبيبص في عيني أنا بحب اعرف كل حاجه عن القريبين مني
أنا :رجعت لورا واتوترت وقولتلو أنا عادي يعني بحب الفراخ ومش بحب المخللات واللون الاخضر بحبه ومش بحب البني بس
كمال :طب بتسمعيهم لي كده وقعد يضحك أنا كنت متوتره ومكسوفه عارفه اني مزوداها في الاحراج لكن أنا كده مش واخده على كده يعتبر كمال او حد في حياتي
أنا :معلش أنا مش بعرف اتكلم كتير وبتوتر بسرعه بس والله دي طبيعتي
كمال :ع فكره دي احلى حاجه فيكي
أنا :ممكن تبطل تقول الكلام ده عشان بتحرج
كمال قعد يضحك والله ضحكته قمر المهم رد عليا وقالي :اهو أنا كنت عايزك تقولي كده اتكلمي كده معايا عايز اعرفك اي رأيك نبقي أصحاب كده ونتكلم
أنا :أصحاب
كمال :ايوه ينفع ابقي اكلمك اطمن عليكي وانا مستأذن من مامتك اهو
أنا :طبعا تكلم في اي وقت
كمال :خلاص اشطااا
ومد لي أيده يسلم عليا وقال بقينا صحاب
أنا :بقينا أصحاب وابتسمت جيت اشيل ايدي من أيده مش عايز يسيبها
أنا :طب ايدي طيب وضحكت
كمال وهو باصص في عيني وبيبتسم :مالها
أنا :ضحكت وقولتلو يعني سيبها بقي
كمال :عيزاني اسيبها
أنا :ايييوه اه
كمال :ايوه واه وقعد يضحك
هو لي على طول بيضحك عليه بس ضحكته حلوه يضحك براحته بقي ومشيو اليوم ده وعلى الباب قبل ما يمشي قالي سلام يا سوسو قعدت ماما ومامته يضحكو وبعد مانزل كلمني وسألني نمتي ولا لأ وقعد يكلمني ساعه كده وبعد كده قفلنا مع بعض وقعدت افكر أنا فعلا مبسوطه كده يارب افضل مبسوطه كده بس دلوقتي المعسكر بعد تلات ايام مش عارفه اقولو دلوقتي ولا استني شويه ؟وتاني يوم كان يوم احلي من اليوم الجميل الي كانو عندنا فيه .بقلم : رحمه مصطفي 💞
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
