رواية اوتار القلب الفصل الخامس 5 بقلم ريناد احمد
*البارت الخامس*
زين بغضب : انا عملتلك ايه
اروى بغضب : كلامك مع سهام .. مين بقا دي
زين حاول يخفي ضحكته وقال بتصنع : انت مالك بيها
اروى : والله ! .. نزلنيييي
زين انفجر ضاحكا : غيرانه
اروى : ايه ده لا مش غيرانه
زين : والله !
اروى بدموع : نزلني بقااا
زين اوقف السيارة : دي بنت عمي يا اروى
اروى : وممحون معاها كده ليه بقا
زين : بنت عمي زي اختي .. وبعدين مكنتش ممحون معاها اصلا كلامنا كان عادي
اروى : ....
زين تذكر وقفتها مع امير : استني بقا كده انت كمان .. ايه اللي وقفك مع امير
اروى : انت مالك بيه بقا انت كمان
زين مسك ذراعها بغضب : اروىىى اتكلمي عدل
اروى : شيل ايدك انت بتوجعنييي
زين : كنتي واقفه معاه ليه
اروى ببكاء : طبيعي يعني اتطردنا احنا ال 3 وكنا بنفكر هنروح عند مين ومعرفوش اصلا
زين هدأ قليلا وتركها : انا .. انا اسف
اروى : نزلني بقا
زين : بيتك فين عشان اوصلك
اروى : مش هقولك
زين : خلاص هتفضلي معايا في العربيه مش هتنزلي
اروى : مينفعش توصلني الناس اللي في شارعي يقولوا ايه عليا
زين : عشان لما اجي اتقدملك اعرف انا رايح فين خلصيني بقا
اروى وصفت له المكان واوصلها ونزلت
زين : اروى
اروى التفتت له
زين : انا اسف تاني
اروى ابتسمت وصعدت لبيتها
____________________________
لا حول ولا قوة الا بالله ♥️
زياد : اهلا بحبيبتي
اروى : ازيك يا حبيبي عامل ايه
زياد : الحمدلله .. عملتي ايه النهارده
حكت له على مدرس الفيزياء
زياد : تعالي نروحله هجيبلك حقك
اروى : لا مهو مستر الرياضيات خدلي حقي انا وهدى وامير وهزقه جامد قدامنا وخلاه يعتذرلنا
زياد : اسمه ايه مستر الرياضيات ده
اروى : زين سالم
زياد : زين سالم !
اروى : اا اه في ايه
زياد : لا لا مفيش .. روحي ذاكري يلا
اروى بتعجب : ممكن يا زياد تقول في ايه
زياد : لما أتأكد من حاجه هبقى اقولك
اروى : تمام
"زياد اخو اروى اللي مربيها هي ولينا من صغرهم بعد موت والديهم في حادثة سير وهو عنده 27 سنه ولينا عندها 21 سنه"
اروى تحدثت فيديو كول مع صحابها وحكت لهم على زين واعترافهم لبعض
اروى بخجل : انا حبيته
هدى وريم ومريم : اوووه
اروى : جاي يتقدملي قريب إن شاء الله
مريم : اخيرا هلبس سواريه
ريم : ايوه اخيرا
هدى : من بكره هشتري الفستان
اروى بضحك : عايزين تخلصوا مني كده ع طول
مريم وهدى وريم : اه
اروى بضحك : وه غدارين اوي
وظلوا يتحدثون لفترة طويلة ....
____________________________
لا اله الا الله ♥️
على الواتساب
زين : فينك
اروى : موجوده
زين : ذاكرتي
اروى : اه
زين : مالك
اروى : عادي
زين : بتردي الكلمة بكلمة كده ليه
اروى : اقول ايه يعني
زياد دق باب غرفتها
اروى : ادخل
زياد : حبيبتي بتعمل ايه ؟
اروى : مبعملش حاجة قاعده على الفون
زياد : ذاكرتي ؟
اروى : اه الحمدلله
زياد : معاكي صوره ل زين سالم ؟
اروى : قول في ايه الاول وهدورلك على صورة
زياد : اصل حاسس ان في تشابه اسماء أو كده
اروى : اهي صورته
زياد بصدمة : زز زين
اروى : انت تعرفه ولا حاجة ؟
زين ارسل رسالة مكتوب بها " لسه زعلانه ؟"
زياد لمح الشات ما بينهم : ايه ده انت بتكلميه ليه
اروى بتوتر : اصل اصل بسأله على حاجات في الواجب
زياد : وهيقولك لسه زعلانه ؟
اروى : اا اصل هو زعقلي النهارده على الواجب كان في غلطات كتير
زياد بحنان : اروى .. قولي الحقيقة متخافيش
اروى : ....
____________________________
استغفر الله الذي لا اله الا هو الحي القيوم و اتوب اليه ♥️
زين يتذكر حديث اروى
*فلاش باك*
اروى : لا انا باخد من زياد
زين : زياد مين
اروى : اخويا يا حبيبي اخويا
*باك*
زين : اروى الجوهري .. اخوها زياد الجوهري !!!!
- ازاي مخدتش بالي من الاسم
- ازاي هي اخت زياد ازاي مش معقول
عقله : لازم العلاقة دي تنتهي
قلبه : بس انت بتحبها يا زين
عقله : بس هي اخت زياد مينفعش
قلبه : الحب بيتغلب على اي خلاف
زين : بسسسسسس
وأخذ يحدث نفسه : كفايه كفايه
- انا هعمل اي حاجة عشان حبي ليها
____________________________
سبحان الله وبحمده ♥️
اروى : زين بيحبني وهييجي يتقدملي
زياد : وانت ؟ ايه مشاعرك تجاهه
اروى بتوتر : انا كمان حبيته
زياد : بس مش هينفع
اروى : ليه
زياد : هاتي التليفون ده الاول
اروى أعطته التليفون
زياد : مش هتخديه غير بعد 3 ثانوي
اروى : ايه ده ليه في ايه
زياد : هتعرفي بعدين
اروى بدموع : طب فهمني طيب
زياد عانق اروى بحنان : متعيطيش هفهمك وهحكيلك كل حاجة في وقتها .. واه وانت رايحة درس الرياضيات ابقي قوليلي عشان هاجي معاكي
اروى أشارت بالايجابية
لينا دخلت : ازيك يا روري عامله ايه
اروى : ليلووو كنتي فين
لينا : كنت بشتري شوية حاجات للبيت انت اي اخبار يومك
اروى : لحد ما كويس
لينا : ايه اللي حصل
اروى حكت لها على زياد وتصرفاته
لينا : غريبه هو يعرفه منين
اروى : معرفش نفسي اعرف
لينا : طب نامي دلوقتي عشان دروسك الصبح
باليوم التالي
اروى استيقظت مبكرا بسبب دروسها
اروى : ممكن موبايلي لأن في دروس عليه ؟
زياد : تمام موافق انك تخرجي بيه عشان الدروس واول ما ترجعي البيت هاخده
اروى بحزن : انا مش فاهمه في ايه يا زياد بجد
زياد عانقها : يا حبيبتي هتعرفي في الوقت المناسب
اروى : طب انا اسفه اني خبيت عليك حبي لزين
زياد : ...
اروى : زعلان مني ؟
زياد أشار لها بالسلبية
اروى عانقته مره اخرى : اجمل زوز في الزوزات كلهم
زياد بضحك : يلا على دروسك يا بكاشة
اروى : باااي
زياد : بااي
اروى ذهبت لدروسها وبعدما أنهت دروسها وكانت ذاهبة لبيتها تليفونها رن ووجدت رقم غريب
اروى : السلام عليكم
زين : وعليكم السلام ورحمه الله وبركاته .. مش بتردي عليا ليه
اروى : ده رقمك !
زين قرر يضايقها : لا ده رقم سهام
اروى ببرود : ايوه عايز ايه من الاخر
زين : مالك يا هانم
اروى : مالي ؟ .. انا زي الفل
زين بغضب : طب أما اشوفك في الدرس .. تمااام
واغلق المكالمة
اروى : ايه الرعب ده
ووصلت للبيت
اروى عانقت اخواتها : ازيك يا زوز .. ازيك يا ليلو
زياد ولينا : الحمدلله وانت ؟
اروى : الحمدلله يا حبايبي
زياد : هاتي التليفون
اروى : اتفضل
زياد : مين الرقم ده
اروى : ده زين اتصل برقم غريب وانا جايه
زياد : وقالك ايه
اروى : كان بيسأل انا مبردش ليه وكده
زياد : تمام .. عندك رياضيات امتى
اروى : بكره
زياد : اول درس في اليوم ؟
اروى أشارت بالايجابية
زياد : تمام هبقى انزل معاكي
اروى : تمام انا هذاكر وانام .. تصبحوا على خير
لينا وزياد : وانت من أهله ...
باليوم التالي
اروى : يلا يا زياد كده زين ممكن ميدخلنيش الحصة بسببك
زياد : ميقدرش
اروى : ....
زياد : يلا انا جاهز
ونزلوا وركبوا السيارة ووصلوا للمكان
اروى صعدت للدرس مسرعة وزياد وراها
اروى : انا اسفه يا مستر بس ....
زين بغضب مصطنع : بس ايه يا اروى
وفجأة ظهر زياد ورائها
زين بصدمة وحزن : زياد !
اروى : انتوا تعرفوا بعض !!!
فجأه شريط ذكريات زين وزياد ظهر أمامهم
*فلاااااش بااااك*
في جامعة أكسفورد في لندن
زين وزياد تعرفوا على بعض
وكانوا اعز اصدقاء
ولكن حدث شيء قلب حياتهم رأسا على عقب
زين : زياد انا بحذرك وابعد عنها دي بت أجنبية وهتوقعك وبعدين تسيبك
زياد : انت عبيط يا زين .. هي بتحبني وانا بحبها جدا
زين : دي وقعت كل شباب الجامعه وسابتهم وتيجي انت تصدقها بعد كده ؟
زياد : فكك مني يا زين .. انا بحبها وهروح اتقدملها كمان
زين : انت حر يا زياد بس فكر تاني وهتعرف أن كلامي صح دي شما.ل
زياد بغضب : مين دي اللي شما.ل يا حيوان وأخذ يضر.ب زين حتى نز.ف من فمه وأنفه
زين مسح الد.م : كده يا صاحبي مكنش العشم
زياد : انا مش عايز اعرفك تاني
وذهب وتركه
زين لنفسه : هتندم يا زياد
زين كان لا يطيق الجامعة وأن زياد بها كل يوم
فقرر زين أنه يرجع لبلده "مصر"
وبالفعل نزل مصر وترك أهله بلندن
ونقل لجامعة عين شمس
وعاش حياته كما كانت
وبعد مرور عدة أشهر
تارا تركت زياد وخانته كما توقع زين
زياد ندم على ما فعله ب زين
وقرر أنه يرجع مصر
وبالفعل رجع وترك أهله أيضا مثلما فعل زين
وكان زياد يبحث عن زين طوال الوقت لكي يعتذر له على ما حدث ويعودوا اصدقاء مجددا لكنه لم يجده ابدا .....
*بااااااااك*
زين كانت الدموع تنهمر من عينيه ولكنه مسحها بسرعة : اتفضلي يا اروى .. عشان نكمل الحصه
نتاليا : بيدخلها وهي متأخره كل التأخير ده !!!!
اروى : امشي انت بقا يا زياد
زياد بحزن : انا هستناكي برا
اروى دخلت واكملوا الحصة
وبعد انتهاء الحصة
زين : ايه اللي جاب اخوكي النهارده
اروى : معرفش ماله .. انتوا تعرفوا بعض منين
زين : مش مهم .. مش مهم
وخرجوا خارج غرفة الحصة
زياد : ازيك يا أستاذ زين
زين : الحمدلله .. اتفضل جاي ليه
زياد : اخيرا لقيتك
زين : انت كنت بتدور عليا ليه اصلا
زياد : عشان عايزك تسامحني .. سامحني يا زين .. انا ما صدقت لقيتك كان نفسي تفضل معايا بس انت سبتني ورجعت مصر لوحدك .. انا مكنتش واعي للي بعمله .. انا بجد اسف .. انا راجعلك ندمان ونفسي تسامحني على اللي عملته فيك
زين : انا مش زعلان غير من حاجة واحده بس أن اروى اختك
زياد : هي بتحبك جدا وانا مش مانعها أنها تحبك .. انت اصيل وانا هطمن عليها معاك
زين : والاصيل ده انت ضربته وهزقته عشان بنت
زياد : والله كنت عامل زي الاعمى .. كانت فرشالي الأرض ورد وخليتني احبها .. كان غصب عني
زين : تحب اقولك اخر جمله انت قولتهالي ؟
زياد بحزن : عارفها .. قولتها غصب عني
زين : انا هقولهالك بقا .. انا مش عايز اعرفك تاني يا زياد انت واختك
اروى بصدمة : ........
يتبع .....
#بقلمي
#بقلم_ريناد_احمد
#البارت_الخامس
#يتبع
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
