 |
رواية حب غير مشروط الفصل الخامس |
#الخامس
..ورمانى زى الكلاب ما بتعمل مع العظمة لما ينهشوا كل حاجة فيها ..
_قبل يوم
أنا بخوف شديد : انت جايبنى هنا لية !؟ انت عايز تقتلنى بجد ؟!!
$مش انتى اللى نشرتى الصور .. مش انتى اللى كنتى فالحمام !
مسكنى من طرحتى وشدها جامد لدرجة حجابى اتفك وشعرى ظهر قدامة ..
مسكت رجلة وأنا مرعوبة .. وقولت : أنا اسفة !
شدنى من شعرى ووقفنى قدامة وبصوت جحيمى قال :
$أنا هعيشك ازبل ايام حياتك .. هتندمى على اللى انتى عملتية دا !
أنا .. مكنتش عارفة اخد نفسى بس بصيت فعيونة وقلت :
بس أنا مكنتش اعرف انك قتال قتلة ساعتها !
$ضحك : و كويس انك عرفتى لان نهايتك هتكون على ايدى !
.. زقنى فى الحيط وتربس الباب ..
أنا برعب وجسمى بيترعش : ارجووك لااا .. نزلت على ركبى لايدية و قولت : ابوس ايديك حقك عليا ،، هعمل اى حاجة تؤمر بيها بس ارجوك متسلبش شرفى وشرف ابويا !!
.. فلاش باك
رهف مروحة من الدرس بليل وحاسة ان فية رجلين بتمشى وراها .. شكت وحاولت تسرع.. لقتة بيسرع وماشى وراها
وقفت .. فمسمعتش خطواتة .. بصت وراها لقت شخص لابس اسود .. بيقرب بحذر ..
رهف بتصرخ وبتجرى من قدامة بس هو اسرع منها ، خرمت من شوارع كتير واستخبت فى آخر طريق ينفع تمشى فية ...
رهف بتاخد نفسها : اخيراا .. عرفت اتخلص منة !
اللى لابس اسود بينهج جمبها .. وبيقول : حد يجرى حد كدة .. انتى مبتحسيش ؟!
قبل ما تستوعب طلع عصاية خبطها على راسها فاغمى عليها وشالها لشنطة عربية متجة لمكان مجهول ..
باك ..
زقنى فى الحيطة وفضل يقرب منى اكتر .. $بسخرية: مش انتى يا حلوة اللى عاملتى نفسك مصلحة واتدخلتى فاللى ملكيش فية !؟ دوقى بقى شوية من النار الى فتحتيها علينا ..
أنا فضلت واقفة مبلمة ومبرقة .. وهو مالى حيز الهوا اللى كان موجود بينا .. غمضت عيونى وحسيت ببوسة بتطبع على خدى !
فقت على صوت الترباس وهو بيتفك ..
$ متتوقعيش منى ان اعمل اكتر من كدة .. انتى مجرد عيلة معضمة !
خدت نفسى و
بدات افتح عنيا.. وحسيت بالنور اللى بدأ يضايق عيونى فبعدت لركن مدارى فالاوضة وقعدت و أنا ضامة ركبى لوشى وباصة للباب بخوف .. مقدرش اقول رعب ،،لانى اعتقد انة وضح حاجات كتير بالبوسة دى !
.. مساء ذلك اليوم
حد بيخبط وفايدة صنيا متغيطة بفوطة بيضة .. ولانى كنت جعانة اوى فكرتنى بعزايم خالاتى والفراخ المشوية ...
كانت بنت رقيقة المظهر ذات عيون خضراء وجسد نحيف .. بصتلى بعطف وكشفتلى الصنية
البنت : عامر بية باعتلك دة .. لازم تكونى مخلصاها قبل ما يرجع من برة ..
انا استنتجت أن عامر هو اللى خاطفنى فبالتالى هو صاحب الصور وصاحب ال بوسة !
أنا بغضب : مش عايزة اكل حاجة .. أنا عايزة اهلى بس !
البنت : متحلميش حتى .. طالما دخلتى هنا انسى انك تخرجى إلا لو .. عملتى حاجة تضايقة
عيونى لمعت ورفعت جسمى للبنت وقلت بأمل : ازااى !!؟
البنت بسخرية : لانة هيكون قتلك ..
انا بنفس السخرية : خلاص مش واكلة !
مشيت من قدامى ..و أنا رجعت تانى مكانى بندب حظى كالمعتاد .. وأنا ببص على صينية الاكل
... بعد شوية كنت شايفة خيال شخص واقف برة ...كان خيال مش متزن خالص والرعب دب فقلبى من جديد ..
سمعت الخيال بيكلم حد وبيقول : وهى هنا ؟
صوتة مش غريب عليا .. ممكن يكون حد عرف مكانى !؟
جريت عالباب بفرح ..
شخص بيجاوبة : لسة واصلة امبارح زى اتفاقنا ... وعامر بية مش هيعرف حاجة بس متنساش تعبى معاك ؟
الخيال : هديك الى انت عايزة .. بس افتح بسرعة مش عايز اضيع وقت !
.. الباب بيتفتح وفجأة الاقى ك .. كم ا .. !!!
#يتبع
#حب_غير_مشروط
#بقلمىى
_التفاعل قل 💔💔
