 |
رواية حب غير مشروط الفصل السابع |
#السابع
بصلى بحزن وقال : أنا قتلت امى !
الاكل وقف فزورى ... وبرقتلة بذهول بس منطقتش
عامر : تحبى تعرفى عملتها ازاى ولا تسكتى وأنا بكلم بعد كدة ؟
هزيت راسى بسرعة ورجعت الاكل فمنديل لان نفسى اتسدت لابعد حد ...
عامر وهو ساند راسة على ايدية : أنا تاجر مخدرات ومش قتال قتلة زى ما غلطتى فيا امبارح ..
وهى دى اللى ضايقتك !؟ كنت عايزة اقولها بس سكت لما افتكرت تحذيرة... هو حذرنى بالكلب اللى واقف جنبة دة .. الكلب الاسود ابو عيون شرانية اللى لو اتكلمت هيجرى عليا ! أنا مش عايزة اموت هنا وبسبب كلب !
عامر : أنا اشتغلت من بدرى فالشغلانة دى .. لأنى كنت من اشد المعترضين عليها !
ناس كباار شافونى وحبوا ياخدونى معاهم .. حالى كان الاعتراض والرفض .. ظروفى بقت وحشة .. عرضوا عليا تانى .. رفض .. الابواب كلها اتقفلت فوشى ،، مياسوش منى ولسة عايزنى معاهم .. بس أنا للمرة الاخيرة رفض !
أنا بحلقت فية : ازاى الاخيرة !؟
الكلب نبح .. فهداة بايدية
بصلى بابتسامة : معدش فية سكة امشى فيها .. كل الدروب رفتضتنى ،، حتى الموت رفضنى لما فكرت انتحر ، خلاص مكنش فية حل غير الطريق دة !
بصتلة باهتمام لدرجة سرحت فى وشة .. حسيتة استغرب ولف وشة بعيد عنى وهو بيعدل طبقة صوتة .. احمم احمم
عامر ببرود : لما قبلت .. كانوا هما رفضوا ! .. وضاعت الفرصة عارفة لية لانى كنت غلبان .. بيداس عليا وأنا بقبل عادى .. كنت زيك !
بصتلة وفتحت بقى بس هو مسك ايديا بسرعة وحطها علية وبص عالكلب بطرف عينة ..
عامر : خليكى قفلة بقك كدة ..
أنا .. وعيونى دمعت هزيت راسى باستسلام ..
عامر : قبلوا بشرط اقتل حد عزيز عليا ... ولسوء الحظ مكنش فية حد غيرها ... فقتلتها !
مقدرتش استحمل اشوفة وهو بمنتهى البرود ماسك السكينة وبيقطع اللحمة .. بياكلها بلذة وكانة فخور باللى عملة !
هبدت ايدى عالطربيزة : أنت ازااى يجيلك قلب تعمل كدة !! أنا . أنا دلوقت فهمت ازاى كنت سايبنى ازاى فالاوضة الثلج دى لوحدى كدة ! ازاى بعدتنى عن امى من غير ما قلبك يوجعك ولا تحس بالقرف من نفسك وأنا بترجاك وببوس ايدك ! انت لا يمكن تكون انسان !
ساب السكينة .. وقام وقف وقال : انتى المفروض تفخرى انك عندى هنا .. انتى مكنتيش تطولى انك تشوفى ظلى !
أنا : أنت بتبرر اللى عملتة بانك غنى دلوقتى ! .. انت غبى وعديم القلب والرحمة ؛ عارف انت الموت كان رافضك لية لانك محاولتش تعيش ، أنت متعرفش يعنى اية حب .. فمقدرتش قيمة الحياة .. بالعكس اتخليت عنها عند اول محطة !
أنت بجد تستاهل اللى بيحصلك واللى هيحصلك لما اهلى يلاقوك !
... مشى حواليا ومسك دراعى ولفة ورا ظهرى .. وقال : ولا يقدروا يعملوا حاجة .. لانك هتكونى فكفنك ! ساب ايدي .. ولفنى وبص لعينى بجرأة وقال : وبعدين أنا .. مش فاهم حاجة من اللى بتقولية ولا حاسس بيها ! .. أنا محشور بين الموت والحياة والى هيخرجنى منهم هو شغلى !
فياريت متغلطيش نفس الغلط ... وتدخلى فحاجة متخصكيش !
وسابنى ومشى .. والكلب كان واقف مبيعملش حاجة .. هبدت ايديا عالسفرة و كتمت صريخى بذل !
بليل كنت قاعدة عالارض وباصة للنجوم بحسرة ..
النجوم دى اهلى شايفين زيها ... أنا هنا يا ماما عند شخص مسلوب الانسانية وعديم المشاعر .. عمرة ما هيحب ولا هيتحب ! .. أنا بكرهه بس ( افتكرت كمال ) .. وقولت بعياط : بس بكرة كمال اكتر .. لما اخرج من هنا أنا هقتلة !
... فى بيت رهف
أمل بذعر : اية الاحمر اللى على لياقتك دة يا كمال !!؟
كمال بشرود : ... صديق عزيز ليا كان اتصاب فكتفة وهو بينظم المكتبة فى السنتر ! ... نقلناة المستشفى دلوقتى ، يا رب يطلع منها بخير بس ..
بيكمل بخبث : مقدرتش يا حبيبتى اسيبك واقعد جنبة انتى ورهف اغلى حاجة عندى !
أمل بتبصلة بحب ... وهو بيبوس راسها ويقول لحماتة : أنا نازل بقى يا حماتى انتى عارفة اننا فموسم امتحانات ومقدرش اسيب الطلبة !
فى فيلا عامر وفى غرفة اخرى ..
عامر بيعزف عالبيانو والكلب نايم جنبة بيفتكر نظرات رهف ..
عامر : بقالى فترة مشوفتش الرعب دة فعيون حد ..
الباب بيخبط .. عامر مبيدرش فبيتفتح لوحدة وبيدخل كمال ...
عامر لكمال : .. عايز اية ؟
كمال : أنا ،، خسرت الرهان ...
عامر بيقفل البيانو بعصبية : تاانى !!! رجعت للوس*اخة دى تانى !!
عامر بيمسكة من فكة وبيوجعة : .. أنا مش عارف لية مع انى الاخ الصغير الا انى ببقى مسؤول عن كل حاجة دايما .. اى مصيبة بتعملها أنا اللى بتحملها !
كمال بيتالم وبيقول : ا.. اخر مرة ، أنا تعبتك معايا عارف !
عامر بيشيل ايدة ... : من وأنا صغير وانا شايل همومك .. هموم محدش يتحملها .. و جرايمك اللى عملتها أنا اللى شايلها حتى الآن .. انت دمرتنى !
بيهدى وبيكمل : بس لو فكرت تلعب بديلك تانى .. أنا هسلمك بايدى للشرطة !
... كمال فى سرة : مش هتلحق يا اخويا !
فى اوضة رهف
البنت بتخش بصينية الاكل
رهف مش حاسة بيها
البنت بتكح .. رهف بتاخد بالها وبتتعدل ..
البنت بتمد ايدها لرهف علشان تسلم عليها .. رهف اترعبت وبصت يمين وشمال ..
البنت بضحكة صفرا : متخافيش .. أنا حابة اعرفك على نفسى بس .. : هاى .. اسمى لارا
أنا مديت ايدى بحذر : اهلا .. احمم رهف
وسالت بذهول : فية حاجة علشان تعرفينى بنفسك دلوقتى ؟!
البنت بفرح : لانك بقيتى واحدة مننا خلاص !
#حب_غير_مشروط
#يتبع_بقلمىىى
يا ترى .. عامر قال اية لرهف لدرجة يجبلها كلب علشان متتكلمش ..
طلب منها اية ؟!
.. وازاى بقت واحدة منهم ... وكمال هيعمل اية ؟
*توضيح
أنا كنت بنزلها على جروب تانى بس خدت بان منة ولان فية ناس قالتلى مش فاهمة الاحداث فقولت هغير فيها لما انزلها هنا
فهيا رواية تانية يا جمااعة .. الرواية الاولى بالاحداث الاولى هنزلها بعد دى ..❤️❤️
