رواية ملاك في رداء الشيطان الجزء الثاني الفصل الاول 1 بقلم ايزيس
_ ثري تو وان
وفجأة النور يضاء تاني وأنجل تصرخ : اعاااا ٢٠٢٢ بدأت
لفت لمارد وحضنته وقالت
_ كل سنة وانت طيب يا حبيبي
بادلها الحضن ورفعها عن الأرض وقال لها
_ كل سنة وانتي بنتي وحبيبتي وزوجتي وكل حاجة حلوة في حياتي
ابتسمت بخجل فهي رغم مرور سنين علي جوازهم الا انها لسة بتتكسف منه
نزلها مارد وعايد والدته جميلة ووالده عزيز وانجل كمان عايدتهم بس الاولاد كانوا خلاص ناموا
مارد مسك إيد أنجل وبص لجميلة وقال
_ إنتوا انهاردة تنسونا بقي ، خلي بالك علي الاولاد يا جميلة
انهي كلامه بغمزة شقية منه لجميله وشد انجل لخارج الفيلا وركبوا عربيته وانطلقوا بيها وهي طول الطريق الفضول هيق"تلها عايزة تعرف هو واخدها ورايح فين
كان بيبص لها بابتسامة ويهز رأسه بلا مش هاقولك ويضحك
أخيرا وصلوا الفندق المفضل لأنجل نزلوا من العربية ومسك إيدها وطلعوا علي الجناح اللي بيحجزوا فيه ديما كان متزين بطريقة قمر
أنجل حطت إيدها علي بقها من الفرحة وماكانتش مصدقة نفسها
************
أما عند إسلام
_ رغد ، رغد انتي مش هتتمني أمنية للسنة الجديدة بقي
بصت له ولسة صامتة زي ماهي
اسلام نزل علي ركبته وهي كانت قاعدة ع الكنبة مسك إيديها بقلق وقال
_ رغد مالك انا ملاحظ إنك من أول الاحتفال وانتي ساكتة كده فيه حاجة حصلت وانا مش موجود
رغد بصت له وكانت عينيها كلها خو"ف وبصت لأدم ابنهم اللي عنده ١٠ سنين و قاعد ومش فاهم أي حاجة
اسلام قال لادم
_ أدم انت زعلت ماما تاني
أدم بلامبالاة
_ ياعم زعلتها إيه دي نكدية وتنكد علي بلد انا عارف ايه اللي وقعك في الولية دي ، أنا طالع انام بقي بلا هم دي حفلة ولا عزا
اسلام بص لرغد بإبتسامة مصطنعة بيحاول يخفي بيها قلقله عليها وقال
_ شوفتي الواد ابن الك"لب دا والله شكله ما حد مضايقك الا كلامه واسلوبه اللوكال دا انا عارف طالع سر"سجي لمين ؟؟
رغد بصت له وغمضت عينها وعضت علي شفايفها بعن"ف وقالت
_ طل"قني يا إسلام
_اسلام: ؟؟؟؟؟؟؟
***********
مارد كان قاعد وانجل ساندة رأسها علي كتفه في البلكونة اللي بتطل ع النيل
وهو شارد بيفكر في حاجة معينه كانت أنجل بتحكي عن شقاوة اطفالهم وهو مش مركز
وفجأة هزته وقالت
_ مارد رحت فين أنا بتكلم وانت مش مركز معايا ابدا
مارد فاق من شروده وقال لها
_ لا أبدا يا حبيبي بس سرحت شوية عجبتك المفاجأة
انجل اتنهدت بسعادة وقالت : جدا انا قلت مارد هيكتفي بسهرتنا في البيت بس بصراحة فجئتني
طبطب علي إيدها اللي كانت متغلغلة بين صوابع ايديه التانية وقال لها : انتي عارفة اني بحبك صح
بصت له باستغراب وهو كمل : سامحيني علي كل حياتي اللي فاتت ولو غلطت في حياتي اللي جاية كمان سامحيني
انجل كشرت وقالت : غلطت قصدك ايه اوعي تكون رجعت للبنات والس"كر تاني لا مش هسمحك لو حصل كده
مارد بصدمة قال
_ بنات وس"كر؟؟؟ إنتي مجنونة يا انجل الموضوع مش كده خالص المهم سيبك من دا كله تعالي بقي في حض"ني وانسي كل الناس
ابتسمت وحض"نته بشدة وهو ربت علي ضهرها وبا"س رأسها
***********
إسلام بص لرغد بصدمة بيحاول يستوعب اللي هي قالته وبعدين ضحك وقال
_ بت إنتي عارفة لو كان دا مقلب هأعمل معاكي الجلا"شة انتي فاهمة
خنقتها دموعها اللي كانت بتحاول تكتمها فجسمها بقي بيهتز وهي بتبكي بصمت ، اسلام قعد جمبها ودخلها في حضنه وقال
_ مالك بس يا حبيبتي ايه اللي حصل ريحيني
رغد طلعت من حضنه وقالت بتوتر وخوف
_ اسلام طل"قني انا أنا مش ممكن اقعد معاك تاني بعد اللي شوفته انت مجرم وق"تال ق"تلة انا خايفة منك انت مش اسلام ابن خالتي اللي حبيته من وانا صغيرة انت انت مجر"م ولازم تتحاكم
اسلام كل دا وكان بيسمعها وساكت من الصدمة وبعد ما سكتت اتكلم بسرعة
_ كدب ، كدب اللي قالك كده عايز يوقع بيني وبينك ، مافيش الكلام دا انا اسلام ابن خالتك اللي كان بيذكرلك جبر وهندسة فاكرة ، رغد ردي عليا - قال كلمته الأخيرة وهو بيهزها جامد من كتافها عشان ترد -
ردت هي بكل هدوء فيه نوع من اليأس
_ بس انا ماحدش قالي يا اسلام ، أنا فتحت المخزن وكنت بدور علي سي دي حفلة تخرجك من الجامعة وانا يومها كنت في تالتة اعدادي وجريت علي الاستيج وحض"نتك وبو"ست خدك قدام الناس كلها ، بس اتفاجئت وانا بدور بالسي دي دا
طلعت سي دي ومدته لاسلام بص هو لسي دي وابتلع ريقه شكله كان عارف فيه ايه
وبعدين مسك رغد وهي بعدت خطوتين م الخوف تابع هو كلامه
_ اسمعي يا رغد انتي ليكي حق تخافي وتزعلي بس الناس اللي احنا ق"تلناهم دول عارفة هما مين دول اللي خ"بطوا أنجل بالعربية وكانوا هيم"وتوها يعني احنا كان لينا عندهم تا"ر
صرخت رغد وقالت
_ أنا ماليش دعوة بالكلام الفارغ دا كله انا مش هقدر اعيش مع مجر"م ، كان فيه كذا طريقة تاخدوا تا"ركم زي مثلا تسلموهم للشرطة بدل القت"ل انا مش هاقعد معاك لحظة لأنك مش بس قت"لت دول انت بتقول في الفيديو انكم سيبتوه بمزاجكم وانكم لو حابين ترجعوا هتق'تلوا كبير الما'فيا ويبقي مارد هو زعيم الما"فيا يعني انتوا عصابة صح
كانت بترتجف وهي بتقول الكلام دا أما اسلام لعن تحت انفاسه
غبائه لأنه احتفظ بحاجة تدينه زي دي
بص لرغد وقال لها انا هاسيبك تهدي دلوقتي وبعدين نتفاهم لكن طلا*ق مش هط*لق يا رغد
خرج وقفل كل أبواب الفيلا ووصي الحارس ماحدش يخرج من الفيلا
***************
مارد كان غرقان رومانسية مع أنجل فجأة فونه رن برقم برايفت رد مارد وكان قلقان بس سمع صوت
_ كنت مستنية تعايدني في ليلة رأس السنة بس طلعت قاسي اول مرة تنسي ، انجرحت اوي منك
اتنهد مارد بإرتياح وقال
_ أعذريني بجد يا ماما فريدة بس انا كنت مخطط اني بكرة انا وأنجل هنقضي اليوم كله عندك ، أنا فضلت اني اعايدك بنفسي بدل الاتصال
_ خلاص سامحتك هاعمل ايه مش بقدر ازعل منك وانت عارف كده كويس
ابتسم وقال
_ إنتي اكيد عارفة انتي قد إيه غالية عندي صح
بلعت غصة مريرة وقالت
_ صح مستنياك بكرة انت وانجل
قفلت فريدة الخط وابتسمت بش"ر
*************
اسلام فضل يلف بعربيته وماحبش يكلم مارد يقوله عشان كان عارف إنه عامل مفاجأة لأنجل
رجع بعدها البيت كانت رغد بتشوف نفس الفيديو وتعيط محستش بإسلام لما دخل البيت ، سمع صوت شهقات عالية دخل بسرعة وحض"نها من ضهرها اتفز"عت هي وصر"خت
_ إبعد عني ابعد ماتلمس"نيش
اسلام حزن وملامح وشه اتبدلت معقول حبيبته ومراته وأم ولاده بقت بتخاف منه للدرجة دي
بعد عنها وقال
_ اهدي يا رغد انا لو اذ"يت الدنيا كلها مش ممكن آذ"يكي انتي ليه بتحطميني
_ طلق"ني يا إسلام
بص لها بنظرة مرعبة ومسك دراعها بعد ما فقد كل أعصابه وهو بيحاول يكون هادي معاها بدون جدوي واتكلم بر"عب وقال
_ أنا قا"تل ومج"رم بس مش هسيبك تبعدي عني ولو ماعقلتيش مش هتخرجي من البيت دا تاني مفهوم ساب إيدها وحط إيده في وسطه ومسح وشه بالايد التانية وضرب الأرض وشاط مخده كانت واقعه في الأرض
اما هي فكانت بتعيط كأنها بتاخد أخر أنفاسها من تحول إسلام المرح اللطيف لو*حش مج*رم قدامها في لحظة
**********
في الصبح صحي مارد وأنجل قرابة الضهر نزلوا أكلوا افطارهم ومارد قال لأنجل عن عزومة فريدة وكانت دي أول مرة فريدة تطلب من مارد أن أنجل تيجي مع المارد عندها
روحوا البيت غيروا هدومهم وقالوا لجميلة وهي كمان استغربت وركبوا العربية وراحوا عند فريدة
دخل مارد وأنجل إيدها في إيده استقبلتهم فريدة بإبتسامة وقالت
_ اهلا بالمارد وبنته اووه قصدي مراته
مارد بص لأنجل بابتسامة وقال
_ إنتي ماغلطيش هي فعلا بنتي وحبيبتي
انجل بصت له بإبتسامة جميلة وقالت
_ مدام فريدة مارد هو كل عيلتي بابا وجوزي واخويا وحبيبي وكل حاجة
وفجأة يسمعوا صوت جاي من اتجاه السلم
_ اهلا بالمارد وأنجل الجميلة
مارد بص له بحدة وقال من بين أسنانه بصوت يشبه الرعد
_ إيااااااد
إياد ابتسم لأنه استفز مارد بسهولة وقال
_ إيه يا مان (man)ماتخليك كول (cool) ، مش عيب الواحد
يمدح الشئ الجميل
انجل بصت له بغيظ وقالت
_ بس انا مش شئ يا أستاذ إياد
نزل إياد وبقي قدامهم وسلم علي مارد وقال
_هابي نيو يير (happy newYear ) يا بوص
بص له بقرف وقال
_هابي نيو يير (happy newYear )
مد إياد إيده لأنجل وهو بيقول : هابي نيو يير
مسك مارد إيده بسرعة وقاله
_ مابتسلمش إنت إيه اللي جابك انهاردة بالذات
إياد بدهشة
_ ليه انت ما تعرفش اني مقيم هنا ما خالتو من خمس شهور
مارد اتضايق من كلام إياد بس حب يظهر العكس وقال
_ كويس عشان تسلي ماما فريدة
فريدة حاوطت أنجل بإيدها وقالت
_ مش ملاحظين إننا بنتكلم واحنا واقفين اتفضلوا نقعد يا جماعة
قعدوا وطول القعدة إياد ما نزلش عينه من علي أنجل
، الموضوع دا ضايق مارد جدا وخلاه ياخد أنجل بعد الغدا ويمشي علي طول
أما إياد بص لطيف مارد بغل وطلع الدور التاني من القصر فتح باب وقرب علي واحدة نايمة علي سرير وقال بحنان
_ ماتقلقيش هد"مروا زي ما د"مرك عيب البشر انهم بينسوا اللي اللي بيعملوه بسرعة ويبدأوا حياة جديدة هادية من غير مشاكل بس اوعدك يا مارد اني أنا هاكون المشاكل اللي في حياتك ومش هتعرف تحل ايه ولا ايه
************
مارد وصل البيت هو وأنجل روز ومالك جريوا عليهم حضنوهم
وروز بتحاول تتكلم قالت
_ وحستيني يا مامي
أما مالك قال
_ أنا زعلان عشان اتفسحتوا من غيري، أنتوا كفر"ة
مارد اتصدم ومسك مالك وقاله اولا الكلام دا حرام تقوله ثانيا عيب تقول كده لماما وبابا اعتذر يلا
مالك كشر وقال
_ سوري مامي سوري بابي
مارد بغضب خفيف
_ لا يا حبيبي النبي عربي قول اسف يا بابا واسف يا ماما
جميلة أخدت مالك وقالت لمارد
_ أنا هفهمه غلطه خلاص بقي يا مارد دا طفل ، وانت يا كنج سمعتها فين الكلمة دي
بص مالك بنفس التكشيرة وقال
_ سمعتها في التي في
طلعت جميلة السلم وهي بتقول لمالك
_ مش كل حاجة نسمعها في التي في نرددها ولا ايه يا كنج
مالك زم شفايفه وقال
_ حاضر يا نانا
*****************
في فيلا اسلام
كان بيك*سر في باب الحمام اللي قفلته عليه رغد وهي بتدور علي مفتاح الفيلا زي المجنونة وكل دقيقة تبص ع باب الحمام وهي هتم"وت من الر"عب لأنها سامعة صوت اسلام الجحيمي وهو بيقول
_ رغدد افتحي الباب لأنك لو مافتحتيش هاكسر الباب وساعتها مش هار*حمك
أخيرا رغد لقيت مفتاح الفيلا ونزلت تجري بسرعة البرق وبمجرد ما فتحت الباب وجريت اسلام كسر باب الحمام واخد باقي هدومه وكان بيلبسها وهو نازل بس لما خرج كانت رغد بالفعل اتحركت بالعربية ومش باين لها أثر
بعد مرور وقت
في فيلا مارد المالكي
كانت أنجل خارجة وفي إيدها اتنين قهوة لمارد وعزيز بصت علي باب الفيلا لقيت رغد وحالتها صعبة جدا شعرها منكوش وعينيها حمرا والكحل سايح علي وشها
رغد اول ما شافت أنجل جريت عليها وقالت .........؟؟؟؟
أنجل برقت عينيها بصت لرغد بصدمة و صرخت ....يتبع
**************
الفصل الثاني الجزء الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
