 |
| رواية حكاية روح الفصل الثاني |
-نورتي بيتك ي عروسه واخيراا بقيتي معايا ..
-هشش دا انا اللي مش مصدقه أن خلاص بقيت معاك وليگ ..
-طب يلا ادخلي غيري عشان نصلي ..
-دخلت وبجد كنت سعيده عشان بقيت معاه هوا احن حد عليا حتي من نفسي ، بقيت مع شخص اتمناه قلبي اتمناه هوا وبس ..
زين : أركااان ، يابني ..
اركان بعد م انتبه أن في حد موجود : اي ي ابني فيه اي ؟
زين : بقالي ساعه موجود هنا وانت شارد الذهن مش عارف بتفكر في اييي؟
اركان : لا مفيش حاجه ..
زين : انت لسه بتحبها وكنت بتفكر فيها صح ؟؟
اركان (بحده) : لا ي زين مبحبش واحده خاينه وابعد عني بقي ..
زين : طيب القائد عايزنا نروحله بقول فيه مهمه جديده لينا وأنها صعبه عشان كدا طلبنا انا وانت ..
اركان : طب تمام ، تعالي نشوفه ..
زين : يلا ..
Flash back
أركان دا بطل روايتنا ضابط ف الجيش ، عمره 28 سنه طويل ، بشرته قمحاويه ، وشخص رياضي ، عايش لوحده باباه و مامته متوفين ، انفصل عن زوجته الأسباب هتذكر ف باقي الفصول ، وهنتعرف اكتر علي شخصيته ف الروايه ..
baaak
"عند رُوح "
دخلت الشركه ومش عارفه ليه حسيت أن قلبي اتقبض ، بس تجاهلت الشعور ودخلت علي الاستقبال ..
رُوح : لو سمحتي عندي معاد النهارده لمقابله شغل ؟
موظفه الاستقبال : ممكن تتفضلي ولما دورك يجي تتفضلي تدخلي ..
رُوح : طب تمام شكرا لحضرتك .
موظفه الاستقبال: نورتي الشركه ي فندم ..
روحت قعدت استني دوري كنت قاعده فكري مشغول ف كل حاجه ، من ناحيه مش حاسه بالامان ومن ناحيه تانيه كنت بحاول اطمن نفسي واقول أنه بكرا اطمن لما اتعود دا لو اتقبلت ف الشغل ، فوقت من شرودي علي صوت موظفه الاستقبال وهيا بتناديني ..
موظفه الاستقبال: مدام رُوح ممكن تتفضلي معايا ..
رُوح : تمام ..
موظفه الاستقبال للمدير : مدام رُوح ي فندم ..
مدير الشركه : طب اتفضلي انتي ي يارا ، تعالي ي مدام رُوح ..
المدير : ممكن ال Cv بتاع حضرتك ؟؟
رُوح : اتفضل ي فندم ..
المدير اخد منها الملف وقرأه وبعدها قالي : من بكرا تقدري تيجي الشغل ..
رُوح : ياااه بالسرعه دي ..
المدير : ال Cv بتاعك كويس يبقي ليه لا ؟
رُوح : تمام ي فندم ..
المدير : بس هنحتاج منك انك تعملي تحاليل كامله ليكي ولو طلعت مظبوطه هتقدري تسافري بعدها فوراً ف شغل ..
رُوح: تمام ي فندم ، وشكرا لحضرتك ..
طلعت من الشغل مش عارفه ابقي فرحانه لاني اتقبلت وإلا امشي وراء قلبي اللي بيقول أن في حاجه غلط ف الموضوع ، تجاهلت كل شعوري وكل تفكيري وفكرت ف حاجه واحده بس وهيا أن لازم أبدأ حياتي من جديد ...
ي تري هيحصلها اي ف الشغل دا ؟؟
"عند أركان "
القائد : طبعا ي اركان انت وزين من اكفاء لناس اللي عندي ، عشان كدا تم اختياركم تكونوا انتوا ف العمليه الجايه ..
أركان: عمليه اي ي فندم ؟؟
القائد : عمليه تجار بالاعضاء ، دلوقتي هما بختاروا ناس عشان تقدر تسافر معاهم برا و يبيعوا أعضائهم ووصلني كمان أنهم اختاروا لحد دلوقتي بنات كتيررر والسفر احتمال يكون خلال الاسبوع دا ف اعمل حسابك انت وهوا هتسافروا براا بس لسه لما نشوفهم هيسافروا فين هقولكم ..
أركان : تمام ي فندم ، أن شاء الله نكون عند حسن ظنك ..
القائد : وانا واثق فيكم ..
خرج زين و أركان من عند القائد ..
زين : هنعمل اي دلوقتي ؟؟
أركان : وإلا اي حاجه هنستني أوامر من القائد لحد م هوا يطلب مننا نعمل اي ..
زين : طب هنروح فين دلوقتي ..
أركان : تعالي عندي ، وبقولك أي م تتصل علي مراد يجي معانا هوا كمان ..
زين : مراد مين يعم مراد هتلاقيه دلوقتي شغال ، انت ناسي أن هوا دكتور ..
أركان : اي يعني مش هيقدر يسيب المرضي دا دكتور نفساني يعني ...
زين : اسكت كل البشر بقوا مرضي نفسيين وبيحتاجوا لدكاتره تعالي احنا نروح أو نروح ناكل ف اي حته ..
أركان : يلا ...
_______________
"في مكان ما مع بطله جديده "
الانسه ديما تدخل الدكتور مراد مستنيها !
قامت ديما وهيا لسه مش مدركه اللي بيحصل وأنها دلوقتي بقيت محتاجه لدكتور نفساني ، وبسبب اي موقف ، يعني موقف واحد قادر يوصلها لكدا ؟ ي تري هيكون اي ؟؟
خبطتت ع باب الدكتور واستأذانت أنها تدخل ...
- ديما : ممكن ادخل ؟؟
-الدكتور مراد : اتفضلي ي ديما تعالي ، الاول قبل م تتكلمي عايزك تعرفيني عن نفسك ..
-انا ديما عندي 22 سنه ف كليه هندسه ...
الدكتور مراد : تشرفت بيكي ي ديما ، ممكن بقي اعرف اي يوصلك انك تحتاجي لدكتور نفساني ؟؟
-ديما : حاجات كتيررر ممكن توصلل للبني ادم أنه يحتاج شخص يحكيله شخص يكون قادر يفهمه من غير م يعاتبه ويقوله انت غلطت وانت مكنش ينفع تعمل كذا وكذا ، احنا مش عايزين كدا اصل الواحده مننا بتبقي عارفه انها طرف غلطان بس وقت م بنحكي مش بنبقي عايزين حد يغلطنا ويعاتب فينا احنا بنبقي عايزين حد يسمعنا حد يطبطب علينا والعتاب دا بعد م نتخطي التعب اللي احنا فيه ، وانا ملقتش كدا انا قبل م يطبطوا عليا حطوا اللوم عليا ، ودي مش حاجه جديده لا دي حاجه موجوده من زمان ف مجتمعنا دايما البنت هيا الطرف اللي بيكون غلطان ....
-الدكتور مراد : معاكي حق ف كل اللي قولتيه ، قوليلي بقي حصل اي ؟؟
-ديما دموعها نزلت قبل م تتكلم حست أن الكلام مش قادر يطلع وإحساس الخنقه مش بيفارقها من بعد اللي حصلها افتكرت كل اللي حصل معاها بس اتماسكت شويه وبدأت تتكلم بصوت ضعيف ، انا انا حصل معايا موقف تحرش !!
يتبع
وللحديث بقية ..
#البارت_التاني
#روايه_حكايه_رُوح
#بقلم_ندي_ياسر
عايزه تفاعل جامد ورأيكم 💙💙💙
