رواية رغم اختلافي الفصل السادس
البارت السادس💜
المجهول: انت ايه الجابك هنا يا بني ادم انت
يوسف بصدمه: انت ايه الي جابك هنا
ريم ببرود: ولله ده شغلي و جيت عشان اتقابل مع ...للاسف الهشتغل معاه المهمه دي
يوسف: انا كنت فاكرك رجل
ريم: ماشي يا خفه عايز تسأل عن حاجه مفيده ولا هتفضل مبرق كتير؟
يوسف: ها ... لا مفيش انت عايزه...
ريم: لا مش عايزه المهمه بكره الساعه خمسه الفجر اشوفك في **** ( و قامت مشيت)
يوسف لنفسه: ايه ده ازاي دي شغاله هنا .. انا مش فاهم حاجه خااالص
فضلت ريم تتمشى و افتكرت زميلها الكان بيبقى معاها في المهمات زمان
فلاش باك
ريم: مالك يسطا وشك مخط*وف ليه
رحيم: مش عارف يابني حاسس اني مش هكمل المهمه دي بخير
ريم: يسطا ايه القلام ده قول حاجه غير دي يا رجل ... (و كملت بضحك)الله يرحمك مقدما
رحيم: مقولتش هموت يا ريم بس مش مطمئن
ريم: لو قولت ريم يبقى الموضوع كبير يا صاحبي فضفض احنا هنا للصبح
رحيم: اااااه يا ريم انا عندي كان*سر
ريم بخوف: انت بتهزر صح؟
رحيم: لا يا ريم مش بهزر
ريم (بتحاول تداري قلقها و لأول مره تفشل ف انها متبينش مشاعرها): و ماله يا رحيم انت عملت مهمات كتير و قليل و كانوا من اصعب المهمات مش حتة مرض اليخليك تتك*سر لا انت تحاربه و تفضل في شغلك كمان انت قدها
رحيم: مش عارف يا ريم اتعالج و اسيب الشغل ولا اسيب نفسي و امو*ت شهيد
ريم: لا يا رحيم سيب شغلك و اتعالج و ارجع تاني انت مكانتك عندنا كلنا كبيره و كلنا هنستناك
باك
نزلت دموع من ريم مسحتها و كملت طريقها عشان تروح
~~~~~~~~~~~~~~~~~~~~~~~~~~~~~~~~~~~~~~~~~~~~~
نرجع ل يوسف الكان بيتمشى للبيت
يوسف لنفسه: يعني كنت بتمنى اشوفها و اعمل مواقف هبله عشان اشوفها و اراقبها و في الاخر تطلع بتشتغل معايا اصلا... و بعدين هي مش بتط*يق تبص في وشي مستني ايه انا؟ و بعدين لو بتشتغل هنا المفروض ابعد عنها عشان مينفعش احب واحده بتشتغل شغلانه زي دي هنعيش ازاي احنا الاتنين اصلا .... يوسف فووووووووق مفيش حاجهه
فضل يفكر لغية ما روح و اتأكد ان هاجر مكنش صحيت غير هدومه و عمل نفسه لسه صاحي
يوسف: فووووووقي عندك جامعه
هاجر: يا عم براحه بقى ما تصحيني زي البني ادمين
يوسف: البني ادم بيحس انت لا ...
هاجر: ليه يا عم
يوسف: عشان الساعه تسعه و نص
هاجر: و ماله يا عم ..... ايه ده لا ثواني يلااااااااهوي الحقوووونا اغيثووووونا هتهزق هتهزق ( بتقول الكلام و هي بتجري في الشقه(
يوسف: خلصتي؟
هاجر: باااارد
يوسف: انهارده الجمعه
هاجر: طب و انت مالي يا عم هيكون عيد .... ايه ده انهارده ايه يااااااااا بااااااااارد
يوسف: اني اسف ولله نسيت
هاجر: خلصانه ننزل نتفسح عشان اصالحك
يوسف: يا سلااام خشي اجهزي
هاجر: رجوله ولله
يوسف: مجنونه ولله
هاجر لبست و يوسف كمان و نزلو و راحو وسط البلد و اتمشوا فيها كتيييير و جابوا حاجات كتير و دلوقتي في طريقهم للبيت (كانت الساعه 8)
هاجر: كان يوم جامد ولله
يوسف: تحفه ... بس انا تعبان و عايز انام اوي ف ونبي نروح
هاجر: خلاص صعبت عليا يلا بينا
و فعلا روحوا و يوسف دخل نام
~~~~~~~~~~~~~~~~~~~~~~~~~~~~~~~~~~~~~~~~~~~
عند ريم الساعه 3 الفجر
صحيت ريم من النوم و جهزت و فضلت تصلي قيام ليل و صليت الفجر و قرأت قرأن لغاية ما بقيت الساعه 4 و عشره
ريم: يختاي هتأخر على الواد اقوم انزل بسرعه بقى
وصلت المكان بعد الميعاد ب عشر دقائق
ريم: لامواخذه على التأخير جاهز ؟
يوسف: اه جاهز ... عارفه الخطه
ريم:مش سؤال اكيد اه يلا
وصلو المكان و كان في رجل بيجهز لعملية شحن مخد*رات كبيره اوي
ريم بصوت واطي: نهار ابو*هم اسود كل ده
يوسف: العببب
ريم: عارف لغة الاشاره
يوسف: اه
ريم: كويس
يوسف: طب نعمل ايه دلوقتي
ريم: هنمشي و نيجي بليل تاني زي ما بيقول
يوسف: اشطا
مشيو لغاية ما ريم خب*طت في حاجه و وقعت
ريم: تاااااني ... هو مفيش غيري بيتخ*بط
يوسف: ده واضح ان في سوابق
ريم: متعدش...
( وبعدين بدأت تتكلم بلغة الاشاره عشان محدش يسمعها لأنهم بيدوروا عليهم و المكان كبير )
ريم بلغة الاشاره: بص بقى انا هشغلهم و انت تجيب الورق و الموبايلات و العينه اشطا
يوسف: طب ما نعكس
ريم: لا اسمع مني يلا
يوسف: سكت عشان مفيش وقت للعند
طلعت ريم بهدوء و صفرت
ريم: الله ينور يا رجاله شغل عال العال
الرجل: خدوووووهاااااا من هناااااا
ريم: بدأت تضر*بهم كلهم بغ*ل جامد
يوسف انبهر لأنها بتض*رب كويس اوي مع ان مش باين عليها.... طلع و خد الحاجه و شاور لها انه خلص
ضرب*تهم لغاية ما كلهم وق*عو على الارض و خدت الحاجة و طلعت على بره هي و يوسف
يوسف: فان ديزل يا جودعان ولله
ريم: تشكر يا ابو عمو
يوسف: ماشي انا هروح ولا هنعمل ايه
ريم: تروح ايه احنا هنبات انهارده هنا
يوسف: ازاي يعني
ريم: زي البني ادمين انت هتبات انهارده
يوسف: ازاي و انا معرفش
ريم: ولله مش هتفرق .. لو مش عايز تبات انسحب من المهمه و ده احسن
يوسف: لا هقعد على قلبك بس هكلم هاجر
ريم: يا عم انت هتحكيلي قصة حياتك اعمل التعمله
يوسف لنفسه: هقعد في وش الاخ ده يوم
طلع الموبايل و رن على هاجر
هاجر بنعاس: شكلك بره البيت انت فين
يوسف: انا هبات بره البيت انهارده
هاجر: ليه
يوسف: واحد صاحبي تعبان في المستشفى لازم ابات معاه
هاجر بخوف: فارس!
يوسف: لا مش فارس .... مالك خوفتي ليه؟
هاجر بتوتر: لا مفيش يلا سلام
يوسف لنفسه: يا خوفي ليكون الفي بالي صح يا هاجر
قعد يوسف في الغرفه و ريم فضلت بره بتتمشى... لغاية ما جه ميعاد النوم مكنتش عارفه هتبات ازاي لغاية ما فكرت في فكره... روحت ريم الغرفه
ريم: بص بقى يا حلو انت... انا مينفعش اقعد معاك في نفس الغرفه و انا معرفكش اصلا فهنضيها ورديات
يوسف بعدم فهم: لامواخذه بس يعني ايه ورديات
ريم: يعني الساعه دلوقتي 11 انت هتنام لغاية 2 و انا انام لغاية 4
يوسف: هتنامي ساعتين بس ؟ ... و بعدين مش هنعرف نعمل حاجه الصبح
ريم: لو مش هتعرف خلاص ننام و امري لله
يوسف: تمام
قعد يوسف على الارض على اساس ريم تنام على السرير.... راح يوسف في النوم قامت ريم من مكانها و خرجت و فضلت تتمشى و الساعه جات اربعه و نص... و راحت على الغرفه
و.......
~~~~~~~~~~~~~~~~~~~~~~~~~~~~~~~~~~~~~~~~~~~~~
بدل ماتدور وتبحث علي الروايات خليها علي تليفونك وحمل تطبيقنا
