 |
| رواية |
اسكريبت 1
-اعملي حسابك النهارده كتب كتابك على ابن عمك
=حضرتك بتقول اي يبابا هو اي الي كتب كتابي النهارده وبعدين ابن عمي ده بيشرب وبيعمل حاجات مش كويسة وانت عارف وعايز تجوزني ليه ازاي يعني
-اسكتي وتنفذي وخلاص النهارده كتب كتابك
"أنا هدى ٢٢ سنه ماما ماتت من سنتين ومفضلش ليا غير بابا، بابا الي عمري ما حسيت من ناحيته بحنيه وبيعاملني وكأني مش بنته، من ساعت ما ماما ماتت وانا لوحدي مكنش فيه غيرها معايا وسابتني لوحدي انا خريجة كلية العلوم قسم بيولوجي وكنت عايزه اكمل للدبلومة بس بابا ليه رأي تاني وهي اني اتجوز ابن عمي"
جه بليل بسرعة والبيت كله دوشة ما ابن عمي جاي بقا نسيت اقولكم عليه يعتبر مفيش حاجة وحشة معملهاش بيصاحب بنات كتير وبيشرب وحياته كلها حرام في حرام ومشهور في عيلتنا كلها بقلة اخلاقه مش عارفة بابا هيجوزهولي ازاي ربنا يسامحك يابابا..
-انتي يزفته انتي لسا ملبستيش اخلصي الناس جت والشيخ برا مستني موافقتك خمس دقايق والاقيكي برا
بصتله شويا واتنفست بهدوء بستجمع قوتي=بابا انا مش هتجوز
-نعم!
خوفت شويا بس رجعت تاني لهدؤي = أسفة يابابا مش هتجوز ابن عمي
خلصت كلامي ولقيت بابا بيقرب بهدوء وهو بيبصلي بغضب ومسكني من شعري جامد وهو بيزعق= يعني اي مش
هتتجوزيه لما اقول تتجوزي يبقى تتجوزي انا ابوكي وتسمعي كلامي فاهمه يعني اي اهدي كدا وعدي ليلتك واخرجي قولي موافقتك ولا بلاش هجبلك الدفتر تمضي وخلاص وملهاش عازه تخرجي
بصتله بصدمة وعنيا كلها دموع =يابابا ارجو..اه
وقعت على الارض بسبب ضربته ليا بالقلم وسمعت صوت الباب بيقفل عرفت انه خرج
بصيت حوليا بصدمة وحاسة ان الدنيا بتضلم حاسة ان الدنيا وحشة وبدأت افتكر كل حاجة حصلت معايا كسرت قلبي وكان السبب الاساسي بابا
الباب اتفتح وبابا دخل ماسك دفتر كبير ومعاه قلم وداهولي مكنتش راضية امضي على وثيقة وفاتي مكنتش عايزه اخسر حياتي ونفسي وروحي بس بابا ضربني تاني ومسكني القلم ومضيت
"بارك الله لكما وبارك عليكما وجمع بينكما فى خير"
جملة سمعتها ودموعي مصمدتش ونزلت زي المطر وايقنت اني موتت حية
-يلا ياختي هتروحي مع عريسك البسي اي هدمة وجهزي شنطة هدومك اخيرا هخلص منك
بصيت لبابا بتوهان وحسا ان روحي بتروح قومت بصعوبة ولبست عباية سودا وطرحة سودا وجهزت هدومي وخرجت وكأني راحة لقبري بصيت ليهم في الصالة لقيت ناس كتير مبسوطة وفرحانه وكلهم مش شايفني مسكت نفسي من
العياط وبابا مسكني من ايدي وسحبني ناحية عريسي المنتظر او ممكن يكون اسوء انسان في الدنيا من وجهة نظري محستش بنفسي غير واحنا في العربية لوحدي انا وهو وكل شويا يبصلي ويبص قدامه ومقالش حاجة وانا بصيت قدامي ومتجهلاه تماما مش قادرة اناهد او اعمل اي حاجة طاقتي راحت بس بفكر اديني خرجت من سجن لسجن تاني تحت سلطة سجان تاني باسم "جوزي"
=احم احم الف مبروك
سمعت صوته وسكتت بفكر في الكلمة الي قالها"مبروك" هو اي الي مبروك
ابتسمت بسخرية ومردتش
=على فكرة بكلمك
صوته علي وشكله اتعصب مبخافش ومش هرد ها
=هدى انتي سمعاني.. يعني مش هتردي.... تمم اوي
سمعته بيتكلم بس مركزتش معاه
العربية وقفت فجأة قدام عمارة شكلها يعني كويس في مكان كويس جابها منين دي ممم اكيد جايبها لسهراته مع البنات هو وراه غيرها
نزل من العربية وجه فتحلي الباب جنتل اوي يخويا
=يلا انزلي يا هدى
بصتله ببرود وبصيت قدامي وربعت ايدي بعند -مش نازلة انا مش هقعد في شقة الله اعلم جبت مين فيها قبلي
=انزلي يا هدى
سمعت صوته وحقيقي الصراحة يعني قلبي خاف بس انا ابدااا والله ما اخاف
بصتله بعند -مش نازلة
=متأكدة؟
اي ده في اي انا خوفت =ايوه ملكش دعوه بيا
=تمم اوي انتي الي طلبتي.
ربنا يستر هيييييي
-اي الهبل ده نزلني بقول نزلني دلوقتي انت مطنشني ليه بقولك نزلني
اي الواد التنح ده والله لاوريك فضلت اضرب فيه انه ينزلني بس ده شكله مبيحسش ولا ضربه وجعته ده اي النيلة دي يربي
وقف عند باب شقة شكله كدا بيته التنح
فتح الباب ونزلني وقفت قدام الشقة وانا عايزه اضربه بس اضرب اي ده ممكن يموتني
بصتله-انت ازاي تشيلني كدا
راح شدني المشمحترم ده ودخلني الشقة وقفل الباب =انا جوزك واعمل الي انا عايزه ولا انتي ناسية اني كتبت كتابي عليكي النهارده
-لا مش جوزي وابعد عني بقا كدا انا مش عايزه نتعامل مع بعض انت في حالك وانا في حالي
=يعني اي مش فاهم
-يعني انت في حالك وانا في حالي اي الي مش مفهوم
=اه يعني اي امال متجوزك ليه زينه ولا اي
-اعتبرني مش متجوزاك واعمل الي كنت بتعمله وعيش حياتك زي ما كنت عايشها وسيبني في حالي انا من الاخر كدا مغصوبة عليك
=نعم..! مغصوبة عليا
ضحكت بسخرية على اساس ميعرفش ده هو السبب
-اه يعنيا مغصوبة عليك
=على فكرة انا ابن عمك من قبل ما نكون متجوزين
-خلينا بقا ولاد عم زي ما احنا
هو ماله بيبصلي كدا ليه يمامي
=يعني اي
-يعني ولا تكلمني ولا تتعامل معايا خالص انت ليك اوضة وانا ليا اوضة
=وحقوقي
-ملكش حقوق عندي حقوق اي يابو حقوق هو انا كنت بحبك او متجوزاك بارادتي بص من الاحسن لينا كدا تطلقني وكل واحد يروح لحاله
=اي
-زي ما سمعت نتطلق وعشان كلام الناس نقعد سوا شهرين تلاته وخلاص كل واحد يروح لحاله
=انتي بتقولي اي
هو ماله صوته بقى واطي كدا
-الي سمعته وخليك فاهم اني بكرهك كفايا كلام العيلة كلها عليك
انت اتغيرت يا يوسف اتغيرت عن ما كنت زمان لما كنا صحاب وكنت احسن حد شوفته في حياتي اتغيرت يا يوسف وكرهتك وانت السبب ان بابا غصبني عليك انا بكرااااااهككك
بصتله لقيته مش بيتكلم سيبته ودخلت اول اوضة قبلتني وقفلت الباب اترميت على السرير وعيطت، عيطت على فقدان امي واكتر حد حنين عليا ابويا الي مش عارفة ليه مش
بيحبني ليه محسسنيش بحنيته على جوازي من اكتر انسان بكرهو في حياتي افتكرت ايام لما انا ويوسف صحاب وكنا دايما سوا بس من ساعت ما دخل الكلية اتغير بقى حد تاني حد عمري ما اتعودت عليه حد مش زي الي كنت بحبه للأسف كرهته
سمعت صوت تخبيط على الباب قطع تفكيري
-مين..
=مين اي يا هدى انا يوسف مين غيري في بتنا
-ده بيتك انت ومتكلمنيش وامشي من هنا واعمل حسابك بعد ٦ شهور هنتطلق وكل واحد يروح لحاله ولحد ما نتطلق ملكش دعوه بيا
=....
#حكايات_هُدى
#نوره_محمد
#يتبع
بدل ماتدور وتبحث علي الروايات خليها علي تليفونك وحمل تطبيقنا
