رواية حكايه فارس الفصل العاشر 10 بقلم سلمي محمد
#حكايه فارس
البارت العاشر
وقفنا المره اللى فاتت ان فارس فاق ومريم قاعده جمبه
مريم بخوف:فارس انت كويس فيك حاجه
فارس:انا كويس مفيش حاجه اهدى مريم انا عاوز افهم
مريم:عاوز تفهم ايه ي فارس سيب الماضى مدفون متنكش فيه بدل ما يطاردنا ويقضى علينا كلنا
فارس:مينفعش انا لازم افتكر اللى مالوش ماضى مالوش حاضر ولا مستقبل وانا محتاج افهم انا عملت ايه وليه عملت كدا
مريم:تمام ي فارس انا هسأعدك انك تفتكر وبعد كدا كل واحد يروح لحاله الوقت اتأخر يلا علشان تروح
فارس:ماشى بس انا هحتاج اقابلك علشان نتكلم انا لازم اكلم حد يعرف اللى حصل
مريم بهدؤء:انا عندى بكرا محاضرات بدرى لما اخلصها ممكن نتقابل ونتكلم زى مانت عاوز
بقلمى:Salma Mohamed
فارس بدهشه:انتى بتدرسى كليه ايه
مريم بحزن: انا فى سنه تانيه طب حتى دا مش فاكره انت نسيتنى بعد كل اللى كان بينا
فارس:انا اسف بس انا فعلا محتاج مساعدتك علشان افتكر واصلح اللى حصل زمان
هزت راسها وقامت خرجت وهو خرج وراها وكل واحد راح بيته مريم روحت واتطمنت على مازن ودخل اوضتها وقعدت تعيط بقهره
مريم:ازاى ازاى بعد كل الحب والوجع دا ينسانى ازاى مش هقدر استحمل اكتر من كدا حرام ليه بيحصل فيا كدا انا عملت ايه لكل دا
فضلت تعيط لحد ما نامت واسر كان قاعد بيفكر على البحر وفارس راح قعد مع ملاك شويه لحد ما نامت ونام هو كمان وعدا اليوم بسلام على ابطالنا
تانى يوم مريم بتصحى بتعب وصداع قامت اخدت شاور وجهزت علشان تروح الكليه تلفونها رن وهى بتسرح شعرها
مريم:الو ايه يبنتى فينك انا جهزت
رينادا:انا نزلت اهوا وهقابلك فى الكليه مش هلحق اعدى عليكى تعالى ونتقابل هناك
مريم:تمام ي رينو انا كمان هنزل دلوقتى بس متتأخريش علشان اول محاضره عندنا دكتور رخم اوى
رينادا:ماشى يستى يلا بقى كفايه رغى
قفلوا وكل واحده فيهم راحت فى طريقها للكليه
وفى مكان تانى كان اسر بيلم حاجته والاوراق علشان عنده جلسه فى المحكمه وفارس بيساعده فى لم وتظبيط الاوراق وتأكيد ان مفيش حاجه ناقصه خرج اسر علشان المحكمه وفارس راح يستنى مريم لحد ما تخلص محاضراتها وملاك ومازن فى المدرسه سوا بيتكلموا ويلعبوا
فى الكليه
بقلمى:Salma Mohamed
رينادا بمرح:ايه يست روما مالك سرحانه ليه من اول اليوم مين اللى واخد عاقلك يجميل😂
مريم:ايه مفيش عادى بفكر تلفونها رن الو ايوا ي فارس تمام نتقابل فى كافيه*****كمان ساعه
رينادا:بتخونى ي اشف مين فارس دا يبت اللى هتقبلى
مريم:والله انتى رايقه دا فارس النحاس يختى
رينادا بصدمه:نعم قولى تانى كدا وسمعينى فارس النحاس مفيش فايده دا الحمار بيتعلم لما بيتضرب مره رايحه انتى تانى تقابليه بعد اللى عامله
مريم:اهدى ي رينو هو ناسى كل حاجه اصلا ومش فاكرنى انا شخصيا هو دلوقتى ميعرفش غير ان انا اخت اسر وانا كنت زعقت معاه وقولت حاجات من اللى كان عملها ودلوقتى بساعده علشان ترجعله الذاكره بس
رينادا:بس اه بريئه انتى مش بتعملى حاجه برحتك ي مريم بس متثقيش فيه تانى الثقه اسؤء حاجه وبتكسر لما بتكون مش فى محلها
مريم:حاضر متخافيش انا مش هكرر اللى حصل زمان يلا انا هقوم دلوقتى علشان متأخرش عليه عاوزه حاجه
رينادا:لا يحببتى سلامتك انا كمان هقوم اروح بس ابقى طمنينى لما تروحى
هزت مريم راسها ومشى كل واحد فى طريقه راحت مريم لفارس ورينادا رجعت بيتها عند فارس ومريم
مريم:عاوز تعرف ايه او محتاجنى اساعدك فى ايه
فارس:انا محتاج اعرف انا عملت ايه يخليكم تكرهونى كدا وعملت كدا ليه اكيد فى سبب وانتى الوحيده اللى تقدرى تساعدينى
مريم:ماشى يفارس انا هساعدك وهحكيلك اللى حصل زمان بس هحكى من منظورى انا انا معرفش كل حاجه
فارس:تمام احكى وانا كمان عندى حاجه هقولهالك لما تخلصى
مريم أستغرابت:وبدأت تحكى كل اللى حصل وهى تعرفه
ياترى فارس هيقولها ايه وايه اللى حصل زمان وعامل كل الكره دا تفاعل كتير علشان انزل اللى بعده
#يتبع
#عاشقه الكتب
#Salma Mohamed
