رواية أحببتها ولكن الفصل الثالث عشر 13 بقلم بيسو وليد
ليل بصدمه:روز؟ أزاى
غاده:انتَ ايه اللى انتَ بتقولوا دا يا داوود
داوود:زى ما سمعتوا كدا البت دى حرا*ميه وجايه تنصب عليكوا وأكيد أستعطفتكوا بكلمتين ودمعتين ملهمش أى تلاتين لازمه عشان تعيشوها معاكوا وأكيد معاها فلوس بس بتاخد منكوا واحده واحده
حمزه:ايه يا عم داوود اللى انتَ بتقولوا دا؟ انتَ عبيط
روز ببكاء:ولله العظيم ما عملت حاجه حضرتك أكيد غلطان انا مستحيل أعمل حاجه زى كدا انا مبشتغلش حد...حتى أسألهم أهم انا....
قطع حديثها ضحك داوود وكذلك الجميع عليها وهى توقفت عن البكاء وهى بحاله من الذهول ولا تفهم ما الذى يحدث وعلى ماذا يضحكون
روز بصوتٍ باكِ:هو أنتوا بتضحكوا على ايه؟
داوود بضحك:ايه رأيك أنفع مش كدا
غاده بضحك:أصل داوود كان بيهزر معاكى هو داوود دايما كدا
بكت روز مره أخرى من الخضه التى تعرضت لها أمسك ليل الوساده وألقاها على داوود بقوه
ليل بغيظ:بطل بقى هزارك دا عشان هتمو*ت واحد فينا قريب
داوود بضحك:مش قادر ولله....انتِ خوفتى بجد
أمأت روز بنعم وهى تشهق وتبكى مره أخرى ذهبت غاده إليها وأحتضنتها بمواساه
غاده:متعيطيش يا روز معلش هو رخم
داوود:طب ولله لايق عليا ولما ثبتها خافت
ليل:دا انتَ رزل ياض انتَ ملكش دعوه بيها تانى
ذهب إليه داوود وجلس على ركبتيه أمامه وهو ينظر لهُ بخبث
داوود:ودا ليه بقى أن شاء الله تقربلك حاجه
ليل بغيظ:من غير ما تقربلى انا عرفتك يا داوود
داوود بإغاظه:بس طلع أسمها حلو أوى هى أسمها ايه؟ اه روز
ليل بغضب مكتوم:لم نفسك عشان هزعلك
داوود بخبث:مالك متعصب كدا ليه تكونش خاطبها؟
أمسك ليل الوساده وضر*به بها بغصب
ليل:غور من وشى ياض انتَ
داوود:الله...انتَ أتجننت يا عم انتَ يخربيتك
ليل:أمشى عشان هزعلك ولله
داوود بأبتسامه:بس حلوه ولله
غاده:هى مين دى اللى حلوه يا أستاذ انتَ؟
داوود بسرعه:أمك
صفيه:نعم
ضحكت روز عليهم وعلى داوود وهى تراه محاصر بينهم
داوود بتوتر:لا لا يا خالتى بشكر فيكي دا دا سامح قصدى على سامح
سامح:انا حلوه؟
أبتسم ليل بخفه وهو يرى داوود محاصر بين الجميع ولا يعرف بماذا يجيب
داوود:جرا ايه يا جدعان هو فى ايه؟
ليل:وقعت فى شر أعمالك البس بقى
سامح:يوم ليك ويوم عليك
داوود:وات؟
حمزه بمرح:أزغط بط
أمسك داوود الوساده وركض خلف حمزه بغضب
داوود:انتَ لسه فيك أم خفه الدم السخيفه دى
وقع حمزه وأمسكه داوود وضر*به بالوساده
داوود:انا بقى عشان خفه الدم دى مأبد فى مصر يا حمزه
حمزه بصر*اخ:لاااا لاااا والنبى أبوس إيدك بلاش والنبى يا عم عشان خاطر عياااالك
داوود بصر*اخ مثله:معنديش عياااال يا ابن الهبله
أتى سامح وليل وروز وغاده على صوت صراخهم وهم ينظرون لهم بصدمه وذهول ومن ثم تحول الى ضحك هيستيرى
حمزه:أوعى بس إيدك يا باشا متطولش والنبى يا عم انتَ معندكش عيال
داوود:انا لسه سنجل ياض انتَ انتَ عاوز تدبسنى بدرى بدرى
حمزه:إن جيت للحق بصراحه اه عشان أخلص منك
داوود:لا يقلب أمك مش هتخلص يا أبو ملحق
حمزه بصدمه:ايدا هو مين قالك أنى مملحق
داوود:هو فى غيره حبيب الملايين اللى بيفضحك أول بأول
حمزه بتمثيل:كدا يا سطا هو مش انا أخوك برضوا ولا انا أبن البطه السوده
سامح:عنك يا برنس سبلى انا الطلعه دى يا صفيااااااااااه
أتت صفيه على صوتهم العالى وهى متعجبه
صفيه:ايه ايه فى ايه يا جحش انتَ
سامح بخبث:حمزه بيقول أنه أبن البطه السوده
صفيه:أخس عليك يا حمزه بقى انا سوده
حمزه:يا فتاااااااان وربنا فتان إن الفتنه أشد من القت*ل يا سامح
داوود:دا ايه الإيمان والتقوى اللى نزلوا عليك دى يا حمزه
ليل بسخريه:يا شيخ حمزه
سامح:مولااااااى
حمزه:بس ياض انتَ وهو يلا
صف*عه داوود بخفه وأمسكه من ياقه تيشرته
داوود:ولا انتَ مش هتبطل طوله لسانك دى ولا أكمنك انتَ الصغير يعنى
حمزه:اوعي يعم كدا بس سيب الياقه بتاعه التيشرت هتبوظ
تحدث داوود وهو ممسك بياقه التيشرت وبأغاظه:وايه يعني لما يبوظ ما يبوظ فدايا هتجيب غيره
حمزه:وحياه أمك ما انتَ مش بتدفع حاجه
صفيه:ولد عيب كدا دا أكبر منك هو من سنك برضوا
حمزه:وايه يعنى ما هو قد ليل عادى
داوود:انا عندي سته وعشرين سنه يا ك*لب وانتَ لسه يدوبك عشرين يعنى تحترمنا عشان فرق السن اللى مبينا
حمزه:على الست سنين يا عم انتَ
داوود:ياض متبطل لماضه بقى يخر*بيت اللى هتكون من نصيبك بكرا نسمع أخبارها فى الجرايد وهى مُنتح*ره بسببك
حمزه بتفاخر:مش هيحصل عشان انا عسول ودمى خفيف
داوود:حوش ياض العسل اللى بيقع منك حوش
حمزه:أوعى يا عم بقى انتَ تقيل اوى يخر*بيتك
نهض داوود ومعه حمزه وهو يركض بإتجاه ليل
حمزه:لو راجل قرب
ليل بأبتسامه:ما بلاش انتَ مع داوود
حمزه:ما انا هتحامى فيك
ليل:ولله انا غير مسئول عن اللى هيحصل وأبعد عشان العمليه وراعى يا بغل أنى لسه تعبان
حمزه:حاضر يا خويا يا حبيبى
غاده:دلوقتى بقى حبيبك
حمزه:طول عمره يا حر*يقه واسكتى
رن هاتف روز وكانت سيلا اختها
سيلا:ايوه يا روز انا سيلا يا حبيبتى
روز:ايوه يا سيلا انتِ كويسه
سيلا:ايوه يا حبيبتى بقولك ايه انا جيالك دلوقتى
روز بتعجب:فى حاجه ولا ايه؟
سيلا:جايه أتكلم معاكى شويه وياريت الأستاذ ليل يكون معانا فى القاعده دى
روز بقلق:فى ايه يا سيلا انتِ بتخوفينى ليه
سيلا:متقلقيش بس محتاجه أتكلم معاكوا شويه فيها حاجه دى
روز:ماشى قدامك قد ايه
سيلا:يعنى خمس دقايق كدا
روز:ماشى توصلى بالسلامه
غاده:مين اللى كان بيكلمك
روز:دى سيلا اختى بتقول أنها جايه
داوود:الله حلو أوى أما أجرب عليها زى معملت مع روز
ليل:أقسمت بالله لما أمشى على رجلى تانى لوريك
داوود:قول أن شاء الله يا عم....هى قدامها قد ايه
روز:خمس دقايق
داوود:حلو أوى
فى شركه ليل
عبير بتكبر:بقولك ايه يا بتاعه انتِ
فيروز:أتفضلى يا عبير
عبير:أسمى عبير هانم يا بت انتِ
فيروز بضيق:أتفضلى يا عبير هانم خير
عبير:ليل جوه
فيروز:لا مش جوه حضرتك عوزاه ليه وانا أبلغه
عبير:وانتِ مالك عوزاه فى موضوع شخصى
فيروز بحنق:بصى يا فندم ليل بيه مش هيبجى الشركه الفتره دى خالص
عبير:مقلكيش ليه يا ختى
فيروز بخفوت:أستغفر الله العظيم يارب...هو حضرتك متعرفيش
عبير:معرفش ايه...ما تقولى فى ايه أخلصى
فيروز:ليل بيه أتعرض لضر*ب نا*ر وخد رصا*صتين وحالياً قاعد على كرسى متحرك
عبير بصدمه:امتى الكلام دا
فيروز:أول أمبارح
عبير بغضب:وانتِ أزاى متعرفنيش حاجه زى كدا انتِ غبيه
فيروز بحده:أحترمى نفسك لو سمحتى حضرتك فى شركه محترمه ياريت متغلطيش عشان مطلبلكيش الأمن
عبير:أمن مين يا أم أمن انتِ متعرفيش يا بت انا مين ولا ايه
فيروز:محصلناش الشرف
عبير بتكبر:انا عبير فهمى الأسيوطى يعنى تتكلمى عدل معايا
فيروز بأغاظه:طيب اتفضلى من غير مطرود بقى
عبير بغضب:ماشى انا هوريكى يا معفنه أن ما خليت ليل يطر*دك مبقاش انا
غادرت عبير وأستغفرت فيروز وهى تحاول أن تهدء
فيروز بحنق:جتك الأ*رف فرحانه اوى أنك بنتوا وفرحانه بلبسك اوى أستغفر الله العظيم مش عارفه أستاذ ليل متحملك أزاى
ذهبت عبير الى قصر ليل أثناء دخولها كانت سبقتها سيلا التى ما إن دخلت حتى وجدت أحد يرفع مسد*سه عليها
سيلا بفزع:مين...مين ولله ما عملت حاجه خد الموبايل أهو وكمان الفلوس اه الفلوس مش عوزاها بص خد كل حاجه بس والنبى متمو*تنيش انا جيت فى مكان غلط ولا ايه
داوود:شششش أسكتى انتِ رغايه ليه هقت*لك أسهل
وضعت سيلا يدها على فمها وهى تحرك رأسها يميناً ويساراً
داوود:حلو بتسمعى الكلام من أول مره جايه لمين؟
سيلا لم تجب عليه وهو تعجب من عدم ردها عليه
داوود بتساؤل:انتِ مبترديش ليه؟
سيلا:هرد ازاى وانا حاطه أيدى على بوقى عشان متكلمش وعشان متقت*لنيش يا عم انتَ
داوود:اممم لمضه زى واحد كدا أعرفه لايقين على بعض أنتوا
سيلا:مين دا؟
داوود:لا متاخديش فى بالك وبعدين انتِ هتاخدى معايا فالكلام ولا ايه يا بت انتِ
سيلا بخوف:لا ولله انا أسفه لحضرتك
داوود:جايه لمين
سيلا:ليل الدمنهورى حضرتك
داوود:اممم هو عارفك؟
سيلا:اه ولله واختى موجوده هنا كمان وهو عارفنا
داوود:أسمها ايه روز مش كدا
سيلا بتعجب:أيوه بس حضرتك تعرفها منين!
داوود:أصلى لسه مديها نفس المقلب دا
سيلا:م مقلب ايه حضرتك مش ناقصه خفه دمك دى
داوود بجديه:انتِ هتهزرى يا بت انتِ معايا ولا ايه
سيلا بسرعه:لا ولله انا أسفه حقك عليا
داوود:أطلعوا يا شباب
خرج ليل وروز وغاده وسامح وحمزه وهم يضحكون على منظر سيلا وهى كانت بحاله صدمه
سيلا:هو فى ايه طب ما المكان صح أهو أومال مين الجدع اللى ثبتنى دا؟
داوود من خلفها:الرائد داوود علام
سيلا بخضه:يا ماما ما تكح حضرتك ولا تعمل أى حاجه حضرتك جبتلى صر*ع
داوود بضحك:كنت بجرب فيكوا معلش حقك عليا
سيلا:أنتوا بتضحكوا؟ كنت همو*ت فيها ولله
ليل بضحك وخفوت:معلش يا سيلا داوود دى العاده الوحيده اللى زى الز*فت فيه
سيلا بصدمه:ايدا سلامتك الف سلامه ايه اللى حصل
سامح:لا دى قصه طويله هنقولهالك بعدين
سيلا:طيب عن أذنكوا محتاجه روز والأستاذ ليل على أنفراد
ليل:تمام أتفضلوا
ذهبوا الى الحديقه وجلسوا وكان الصمت سيد المكان
ليل:خير يا آنسه سيلا
سيلا:كل خير يا أستاذ ليل
ليل بأبتسامه:قوليلى يا ليل على طول بلاش شغل الرسميات دا انتِ زى غاده اختى بالظبط
سيلا بأبتسامه:شكراً وأسفه أنى تقلت عليك وشكلك تعبان
ليل:ولا يهمك قولى فى ايه
سيلا:بصراحه يعنى انا جايه ليك وطالبه منك طلب بعد أذنك يعنى
ليل بأهتمام:قولى محتاجه فلوس؟
سيلا:لا لا الحمد لله معايا انا كنت طالبه منك أنك تخلى بالك من روز اختى
ليل:بمعنى؟
سيلا:بصراحه فى مشا*كل ما بين روز وماما وماما رم*تها فى الشارع بمعنى أصح ساعه ما والدتك خدتها...طبعاً روز حكتلك عن السبب وهى دلوقتى بتراقبنى وبتحاول توصل لروز وانا خايفه عليها اوى فانا عارفه ومتأكده أنك هتحميها وتخلى بالك منها عشان كدا جتلك وطلبت منك الطلب دا
ليل:من غير ما تقولى يا سيلا انا كنت هعمل كدا وانا عارف ايه اللى بيحصل ومتخافيش أختك مسئوله منى ومش هسمح لحد إنه يأذ*يها حتى لو كان مين...أختك مع ليل سالم الدمنهورى وأظن انتِ عارفه
سيلا بأبتسامه:طبعاً عشان كدا جتلك وبجد مش عارفه أشكرك ازاى بابا كان صاحب بباك الروح بالروح
ليل:عارف وعارف روز لما كانت صغيره لسه بينا ذكريات كتير ويعتبر عيله كمان فعشان كدا بقولك لو أحتجتى أى حاجه فيوم من الأيام متتردديش أنك تيجى تطلبيها منى
سيلا بأبتسامه وأمتنان:شكراً ليك بجد ربنا يخليك ويباركلك ويشفيك يارب
ليل:أمين....مش محتاجه حاجه يا سيلا؟
سيلا:ربنا يكرمك لو هحتاج هقولك ولله صدقنى
ذهب داوود إليهم وجلس معهم بدون أذن
ليل:جرا ايه يا حضره الظابط ناوى تموت مين
داوود ببراءه:انا...انا طيب حتى
ليل:أيوه يا خويا فعلاً
داوود:أحم متزعليش يا آنسه سيلا انا كدا دايماً بس دا هزار
سيلا بأبتسامه:عادى حصل خير هتعود مع مرور الوقت
رن جرس القصر وفتحت نعمه الباب وكانت عبير أبنه فهمى عد*و ليل عبير تحب ليل ولكن ليل لا يحبها ولكن يوهمها بأنه يحبها كى ياخذها ويهد*د والدها بها وين*تقم منه
دخلت عبير حتي بدون اذن من احد ولمحت ليل يجلس مع فتاتين ذهبت اليه
عبير بلهفه:ليل مالك حصلك ايه انتَ كويس
ليل بجمود:انا كويس يا عبير مفيش حاجه
عبير:أومال ايه اللى عمل فيك كدا
ليل:حا*دثه والحمد لله ربنا نجانى
عبير:قولتلك 100 مره خلى بالك
سيلا:حصل خير يا آنسه هو بقى كويس الحمد لله
عبير بقرف:انتِ مين يا بتاعه انتِ
نظرت سيلا لروز بذهول وهى تُشير على نفسها وتقول:بتاعه....انا بتاعه؟
عبير:ايوه هو فى غيرك وبعدين انتِ مالك انا بتكلم مع ليل
سيلا:أصل ليل تعبان فقولت أريحوا وأرد عليكى انا
عبير:طيب خليكى فى نفسك بقى
نظرت سيلا الى روز بحنق ونظرت لعبير مره أخرى وهى تنظر لها بغضب
عبير:هقوم أجيبلك عصير
ليل:شكراً مش عاوز
عبير:طيب أرتاح عشان متتعبش
ليل:لا انا كويس وزى الفل
عبير بحب مصطنع:بس انتَ كدا هتتعب وانا مش عوزاك تتعب عشان تخف بسرعه
أخذ ليل نفس عميق وزفره بضيق وسيلا وروز لاحظوا أنه لا يريد أن يتحدث معها
سيلا:خلاص يا خالتى بمبه انتِ شغاله زن زن زن فى ايه
عبير:انتِ بيئه اوى على فكره
نهضت سيلا بغصب وقالت:انا بيئه؟
عبير:ايوه بيئه وعر*ه كمان
أتي الجميع على صوتهم العالى ولا يفهمون ما الذى يحدث
سيلا:لااااا دانتِ متعرفنيش بقى ميغركيش أنى كيوت والكلام دا كلوا انا بقلب على فيفي عبدو فى ثانيه
سامح:ولا يا حمزه
حمزه:ايه يا حب
سامح بسعاده:خنا*قه
حمزه:انا هشكرها مخصوص ولله وأعزمها على أكله بره لو نتفت ريشها ومو*تتها دلوقتى
سامح:هيحصل
عبير:انتَ ازاى تدخل الأشكال البيئه دى عندك
كانت تُشير الى سيلا وروز سيلا التى رفعت كُم تيشرتها
سيلا:لا دا انتِ زودتيها اوى تعالى انا هوريكى الأشكال البيئه دى هتعمل فيكى ايه يا قلب أمك
#احببتها_ولكن
#بيسو_وليد
لمتابعة باقي الرواية زوروا قناتنا على التليجرام من هنا
