روايه قلوب حائرة الفصل الخامس والعشرون
ندي \ مين
رحاب باستغراب\ مش عارفه رقم غريب
هند \ ردي شوفى مين
ندي \ لا لو رقم غريب مترديش
هند \ اسمعي كلامي انا وردي
رحاب اجابت \ الو مين معايا
...\ واحشتينى يارحاب
قفزت بسعاده \ بابا انت وحشتني اوي
ابتسم \ وانتى كمان ياحبيبتى اخبارك ايه
رحاب بحزن \ انا محتجاك اوي
حسن بقلق \ فى ايه يارحاب
رحاب \ عايزاك ترجع
حسن \ هرجع قريب متقلقيش المهم انتى خدي بالك من نفسك
رحاب \ عايزه اقولك علي حاجات كتير حصلت
حسن \ ايه الى حصل
رحاب \ ايهاب عايز يتجوزني
حسن \ وانتى رايك ايه
رحاب بقلق \ مش عارفه
حسن \ رحاب ديه حياتك انتى لازم تختاري صح فكري كويس
رحاب \ بابا هترجع امتى وانت فين اصلا
حسن \ متقلقيش ياحبيبتى انا راجع بس مش هبقى لواحدي هيبقى معايا اخواتك
رحاب \انت لقيتهم
حسن بضيق\للاسف لسه بس ادينى بدور عليهم وواثق انى هلاقيهم
رحاب اوعدني انك هترجع بسرعه
حسن \ اوعدك
فى اليوم التاني
فى الشركه
مكتب عبد اللطيف
دلفت السكرتيره \ عبد اللطيف بيه الاستاذ خالد جيه على الموعد ادخله دلوقتى
عبد اللطيف \ دخليه علطول
...
خالد \ ازيك ياعبد اللطيف بيه
عبد اللطيف \ اهلا ياخالد ازيك
خالد بقلق \ حضرتك طلبتني ليه
عبد اللطيف \ انا عارف انك زعلان من هيام
خالد \ انا كنت عارف انها هتعمل كده
عبد اللطيف \ اسمعنى ياخالد انا بنتى عايشة عمرها كله بدور الام بتربى وتكبر وشالت مسؤليه من وهى لسه صغيره ضحت كتير علشان خاطرنا بس كفايه اوي كده تضحيات
خالد \ تقصد ايه
عبد اللطيف \ اقصد ان بنتى جيه الوقت الى تعيش فيه حياتها
خالد \ بس انت شوفت رد فعلها كان ايه
عبد اللطيف \ هيام شايفه نفسها كبيره وان امور الحب والجواز بقى امر صعب جدا دلوقتى
خالد \ الى قدها بيتجوزو وبيعيشو حياتهم
عبد اللطيف \ هيام حاسه انها ام لثلاث اولاد وعيب انها تفكر تفكير زي ده وكمان خايفه من رد فعلهم
خالد بسخريه \ بس دول مش ولادها وهما ملهمش انهم يدخلو فى حياتها
عبد اللطيف \ لا الولاد مش شيفنها غير امهم متعلقين بيها
خالد \ انا مش عارف اعمل ايه بجد
عبد اللطيف بتسائل \ انت لسه بتحبها
خالد بحب \ انا عمري منسيتها انا بجد بحبها عارف ان سنين كتير عدت بس انا بحبها زي الاول ويمكن اكثر
عبد اللطيف \ لو بتحبها فعلا يبقى لازم تغير تفكيرها اعمل المستحيل علشانها
خالد ابتسم \ يعني انت مش معارض
عبد اللطيف بسخريه \ بزمتك انا لو معارض كنت جبتك قدامي دلوقتى
خالد \ طيب اقنعها انت
عبد اللطيف \ صعب عليا انى اعمل ده بس انت تقدر
خالد \ وانا مستعد اعمل اي حاجه علشانها
...............
نور وولاء دلفو الى داخل الشركه اسمتعو الى صوت عالى قادم من مكتب رامز
فى مكتب رامز قال بصراخ \ اطلعى بره
اجابت المراءه \ اسمعني بس يابنى
رامز بعصبيه \ انا مش ابنك وميشرفنيش انى اكون ابنك
المراءه بدموع \ انا عارفه اني غلط بس قولي اعمل ايه اصلح بيها غلطتي
رامز دنى منها وقال بوجع \ للاسف صعب انى اغفرلك الى عملتيه فيا
نهضت من الكرسي واقتربت منه والدموع تنسال على وجهها \ سامحنى يارامز علشان خاطري
رامز بصراخ \ سيبينا فى حالنا انتى ايه الى فكرك بينا دلوقتى
وضعت يدها على فمها لتكتم شهقتها ثم قالت بدموع \ انا عمري منسيتك يابنى
رامز ابتعد عنها واعطاها ظهره وقال ببرود \ وقتك خلص اتفضلى اطلعى بره واتمنى من كل قلبى انى ما اشوفكيش تانى
اقتربت منه ووضعت يدها على كتفه ولكنه ابتعد \ المقابله انتهت
نظرت له بحزن والتفتت بعيد عنه وخرجت من المكتب وهي تبكي بوجع
نور دلفت الى مكتب رامز \ فى ايه يارامز
رامز جلس على مكتبه ينظر الى الفراغ \ ....
نور لمحته كان يبدو غريبا \ رامز انت كويس
رامز اغمض عيناه \ اطلعى بره مش عايز اشوف حد
نور بقلق \ ايه الى حصل بس
رامز نظر لها وقال بامر \ انا قولت اخرجي
نور لمحت دمعه اتمردت من عيناه وعندما لمح نظراتها قال بصراخ \ انتى بمتسمعيش بقولك اخرجي
نور صدمت من حدته معها فخرجت بسرعه من المكتب وهي تفكر مالذي حل به وجعله هكذا ومن تلك المراءه التى كانت تبكي وكانها فقدت شخص عزيز عليها ......لقد شغل تفكيرها
.......
ولاء لمحت حازم ومعه فريده كان يضحكان فتاففت بضيق وابتعدت عنهم
لكن فريده قالت \ انتى تعالى هنا
ولاء التفتت وهى تتافف \ ايه انتى ديه انا ليا اسم
فريده بتكبر \ ميفرقش معايا
ولاء \ استغفر الله العظيم
فريده بحده \ ايه مش عجباكي ولا ايه
ولاء ببرود \ لا بس مبحبش اتكلم مع الاشكال الى زيك
حازم \ انتى ازاى تتكلمي معاها بالاسلوب ده
ولاء \ انا حره
حازم بغضب \ لا مش حره انتى هنا شغاله عندي
ولاء بسخريه \ معلش والله انا هنا شغاله عند عبد اللطيف بيه
حازم بغضب \ و انا حفيده واقدر اخليه يرفضك
ولاء بثقه \ حاول بس صدقنى مش هتقدر انا هنا زي زيك
حازم بغضب \ صدقينى انا مش هرحمك
ولاء بابتسامه مستفزه \ اعلى مافى خيلك اركبه
فريده \ انتى ازاى تكلميه كده
ولاء \ شيء ميخصكيش
حازم بابتسامه ماكره \ لا يخصها اوي كمان فريده خطبتى وقريب اوي هنتجوز
ولاء داهمها شعور غريب شعور بالغيره والغضب لاول مره تشعر به تجاهلت ذالك الشعور وقالت بابتسامه مصتنعه \ ليقين على بعض اوي
ابتعدت بسرعه من امامهم وهي تفكر فى ذالك الشعور ...هل هو الحب كيف ومتى حدث ذالك هل احبته حقا سوال لم تستطيع الاجابه عليه
.....
نور جالسه على مكتبها شارده بالتفكير فى امر رامز نهضت من مكانها وقررت ان تذهب اليه ولكن عليها ان تذهب بعزر ....التقطت ملف
خرجت من مكتبها ودلفت الى مكتبه ولكن لم تجده خرجت وسالت السكرتيره
نور بقلق \ هو استاذ رامز فين
السكرتيره \ خرج من شويه
.....
فى منزل رامز
دلف رامز الى منزله
توفيق \ رامز انت ايه الى جابك بدري
رامز تجاهل والده ودلف الى غرفته
توفيق باستغراب \ ماله ده ايه الى حصله
نهض توفيق ودلف الى غرفت ابنه \ انت كويس يارامز
رامز مسح على وجه وتنهد \ تعبان شويه
توفيق \ لا ده مش شويه ده كتير مالك ايه الى حصل
رامز \ ارجوك يابابا انا مش قادر اتكلم سيبنى دلوقتى
توفيق \ انا مش هسيبك الا لما اعرف مالك
رامز \ ارجوك يا بابا ....
توفيق \ انا لازم اعرف مالك ايه نور ضايقتك تانى ( مبيخبيش حاجه عن باباه 😁)
رامز هز راسه بنفى فقال توفيق \ امال في ايه
رامز بتنهيده \ مخنوق قوي
توفيق \ من ايه بس يابني
رامز انسالت دموعه وقال بحزن \ سميره هانم جاتلى الشغل
توفيق بصدمه \ انت بتقول مين
رامز بدموع \ انا كنت خلاص نسيت كل حاجه بس هى لازم توجعني
توفيق اقترب من ابنه واحتضنه \ اهدي يابنى
رامز مسح دموعه \ لسه دلوقتى بس افتكرت ان ليها ابن
توفيق \ عملت ايه
رامز بعصبيه \ طردها من مكتبيى هى فاكره ايه هترجع تلاقينى واخدها فى حضنى واقولها وحشتينى اوي يا.....
رامز ضحك بين دموعه بوجع \ حتى مش قادر اقولها لانها متستهلش انها تكون ام انا بكرهها
توفيق \ اهدي يا رامز
رامز \ معلش يابابا سبنى ارتاح شويه
توفيق نهض وكاد يخرج من الغرفه
رامز بقلق \ متقولش لهند حاجه
توفيق \ اقولها ايه يعني انكد عليها ليه
رامز مسح دموعه \ متقلقش انا قولتلها تبعد
توفيق \ انا الى عايز اعرفه ايه الى فكرها بينا
رامز \ انا مش عايز اعرف ولا عايز اسمع اسمها تانى
توفيق بحزن \ معلش يابنى حاول انت ترتاح شويه
...........................
ايهاب بابتسامه \ مش هتقوليلى بقى ايه الى حصل
هيام ابتلعت ريقها بتوتر \ ابدا بس مضايقه شويه
ايهاب بزعل \ بقى كده يا ماما بتخبى عليا ....ولا تكوني لسه زعلانه مني
هيام ابتسمت \ مفيش ام بتزعل من ولادها مهما عملو
ابتسم وامسك يدها وقبلها \ انتى اعظم ام واحن ام فى الوجود
هيام \ ربنا يخليك ليا يارب
ايهاب \ صحيح شوفتى حازم عمل ايه
هيام \ عمل ايه
ايهاب \ قال ايه عايز يتجوز البنت ديه الى اسمها فريده
هيام بضيق \ تانى ياحازم انا مش عارفه متعلق بيها ليه
ايهاب \ بس فى حاجه غريبه نظراته هو وولاء غريبه نظرات عمري ماشوفتها فى عينيه قبل كده
هيام ابتسمت بسعاده \ تفتكر بيحبها
ايهاب \ صحيح ياماما هما البنتين دول قاعدين عندنا ليه كانو الاول بيشتغلو فى المطبخ انما دلوقتى الامر اتغير
هيام \ هيجي يوم وهتفهم كل حاجه
دق الباب فقالت هيام \ ادخل
رحاب فتحت الباب ودلفت لتلمح ايهاب فابتسمت وقالت \اخبارك ايه ياعمتو سمعت انك كنتى تعبانه
هيام \ انا بخير الحمد الله
رحاب \ صحيح مش بابا اتصل بيا
هيام \ بجد فين
رحاب \ اتصل من رقم غريب وقالى انه مش هيرجع غير لما يلاقى بناته
هيام \ طيب مخلتنيش اكلمه ليه
رحاب \ كان مستعجل
هيام \ انا مشش عارفه اقول ايه بس يلا ربنا يستر
رحاب بخجل \ ايهاب بمناسبه العرض الى انت قولته فانا موافقه ............
...................................
حازم ضاحكا \ ايه يابنى انت كنت فين كل ده
....\ فى الدنيا المهم اخبارك ايه وفين رامز انا ملقيتهوش فى مكتبه
حازم \ روح من بدري .
انهت ولاء عملها فخرجت لتلمح شخص تعرفه من قبل ومعه حازم وهو ايضا لمحها وقال بصدمه \ انتى مش معقول بتعملى ايه هنا
ولاء بابتسامه \ انت لسه فكرنى
....\ طبعا ده كان يوم ميعلم بيه الا ربنا بس احلى حاجه فيه انى شوفتك
ابتسمت \ بس انت دمك خفيف ...ذياد مش كده
ذياد \ وكمان فاكره اسمي
ولاء \ سمعت رامز وهو بيناديك بيه
حازم بضيق \انتو تعرفو بعض ازاى
ذياد \ كانت صدفه
ولاء بشك\ صدفه بردو ....
ذياد \ اوبا شكل رامز فتن بس والله مكنتش اعرف حاجه
ولاء \ والله جيت فى وقتك انت لازم ولابد تحكيلى كل الموضوع
ذياد \ بس كده...معنديش مشكله ايه رايك اعزمك على شوب عصير محصلش
ولاء ضاحكه \ ده انت كريم اوي
حازم بغضب😡 \ هو انا ممكن افهم ايه الى بيحصل هنا ........
يتبع .....
