روايه قلوب حائره الفصل الثالث
كانت ولاء ملقاه داخل احضان شقيقتها.. يبكون سويا على وفاة والدتهم مات سندهم و تركتهما وحيدتان
اخذت نفس عميق لكتم دمعيها التي سكنت علي وجنتاها الناعمة البيضاء
ولاء / انا تعبت بجد انا مش عارفه احنا هنعيش ازاى من غيرها
نور وهي تمسح دموعها / ربنا يرحمنا برحمته
ولاء / انا مش قادره اتصرف خلاص اتكتب علينا نعيش مع الناس دول وكمان اتجوز الشيطان الى بره ده
خبأت ولاء وجهها بايديها وظلت تبكى فاقتربت نور ربتت علي شعرها بحنان وقالت / متقلقيش ربنا كريم ومش هيسبنا ابدا
فجأه انفتح باب غرفتها بقوة لينتفضو ويعتدلو فى جلستهم ونظرو ليرو من هذا الهمجى الذى دخل غرفتهم بهذه الطريقه ليرو عماد فتهضت ولاء وقالت بحده/ فى حاجه اسمها استأذان
ده عماد بسخريه/ انا فى بيتى متنسوش
نور / انت فاكر نفسك ايه ازاي تتهجم علينا بالشكل ده
عماد وهو ينظر لولاء بابتسامه \ جاي اشوف مراتى حبيبتى عندك مانع
ولاء بكره / على جثتى انى اكون مراتك
اقترب منها عماد بخبث / ليه بس ياحبيبتي ده حتى فرحنا بكره
ولاء بصراخ \ انت ايه مخلوق من ايه معندكش دم عمتك لسه ميته وجاي فرحان ومبتسم انت شيطان
عماد \اصل انا فرحان لان فرحنا بكره ياجميل
ولاء بصدمه \ ب...ببكره ازاى
عماد بخبث \ مبسوطه مش كده
ولاء ببكاء \ ربنا يخدك ويرحمنى انتو ايه معندكمش دم
عماد بتافف \ انا بدقت ادايق يرضيكى ازعل ده انا زعلى وحش وانتى عارفه
اقترب منها اكثر ومسك خصله من شعرها فتراجعت للخلف بخوف فكانت نظراته غير مريحه / ليه كده بس يالولو ده انا بحبك
نظرت له نور بغضب وجذبة زجاجه وقامت بكسرها والتقطت قطعة زجاج كبيره حاده ووقفت قدامه بتحدي لتختبا ولاء خلفها وتشبثت بملابسها وعلامات الذعر باديه علي وجهها فقالت نور بغضب وهي تهدده بقطعة الزجاج/ اكيد بتحلم لان مش هيحصل الى فى بالك وبعد كده لما تفكر تدخل اوضه بنات استئذن ولاانت متربتش ومش عارف الاصول والاخلاق
عماد بسخريه \ اوبا انتى بتهددينى لا وكمان عايزه تعلمينى الاصول والاخلاق اذا كان امك الى اسمها امك متعرفش فى الاصول ولا في الاخلاق واتجوزت من غير محد يعرف ده حتى عيب
نور بغضب \ اياك تجيب سيرة امى على لسانك ياحقير واتفضل اطلع بره
عماد ببرود \ ولو مخرجتش هتعملى ايه
نور بكره\ تحب تشوف بنفسك انت عارف انا مجنونه واعملها واخلص البشريه منك
نظر لها بتوعد \ ماشى يانور انا هخرج بس اعملى حسابك ان بكره ولاء هتكون مراتى بالزوق بالعافيه هتكون مراتى وورينى هتعملى ايه
ولاء بدموع \ بتحلم انا مستحيل اكون مرات واحد زيك اخرج بره
نظر عماد لها \ هنشوف يا لولا " وتركهم ورزع الباب خلفه "لتنتفض ولاء برعب
رمت نور قطعة الزجاج و استدارت واحتضنت ولاء \ متخافيش مش هسمح لاي حد يقرب لك
ولاء \ احنا ليه بيحصل لنا كده يانور
نور بحزن\ لان ملناش سند نتسند عليه وسندنا الوحيد راح
ولاء بدموع\ بس ده حرام احنا ذنبنا ايه.
فجاءه دلف سليمان بغضب واقترب منهم \ اسمعونى انتو الاثنين نبطل شغل العناد ده لان الى انا عايزه هو الى هيتنفذ مفهوم
ولاء بانهيار\ انت ايه حرام عليك اختك لسه ميته بدل متخدنا فى حضنك قاعد تذلنا انت السبب فى كل الى احنا فيه ربنا ينتقم منك
اقترب منها سليمان وصفعها بقوه لتقع ولاء على الارض ونزل لمستواها وقال بغضب \ صوتك ده لو على هتصرف تصرف مش هيعجبك
ادخلت نورو زقته بقوه وقالت بحده \ قسما بالله لو قربت من اختى تانى او ضربتها لهخليك تندم
اقترب سليمان منها بصدمه وغضب بادي عليه جذبها من شعرها بقوه وقال بصوت غاضب/ انتي بتقولي ايه سمعيني كده تاني
ابعدت نور يده بقوه وقالت بغل \ لو فاكر انك هتقدر تتحكم فينا تاني تبقى غلطان
سلمان بغضب \ صوتك ميعلاش عليا يابنت شاديه ولو نسيتى علق زمان انا افكرك
نور بكره \ لو تقدر اعملها وصدقنى هتندم
ولاء بصراخ \ خلاص يانور علشان خاطري محصلش حاجه انا الى غلطت
نور بكره \ انا مبخفش من حد ولو هى ماتت فانا لسه عايشه
ولاء بدموع \ خلاص يانور علشان خاطري
نور \ لو فاكر ان بموت امي هتعمل الى فى بالك وتجوزها لابنك الحرامي البلطجي تبقى بتحلــــــــــــ..... ....
لم تكمل جملتها بسبب صفعه هوت على وجهها اوقعتها ارضا وشفتها تنزف من اثر الصفعه
نور وضعت يدها مكان الصفعه تتلالت الدموع بعيناها ولكنها ترفض السقوط لانها لاتريد اظهار ضعفها فيجب ان تكون مصدر الامان لشقيقتها فاصطنعت القوه ونهضت وقالت بغضب
\ اقسم بالله لهتندم اصل ربك مبيسيبش
سليمان بغل \انتى ايه جايبه القوه ديه منين
نور ضحكة بسخريه \ البركه فيك هو الي انت عملته فيا شويه
سليمان والشرار يتطاير من عينه وتقدم نحوها وخلع الحزام وبكل قسوه انهال عليها بالضرب لتصرخ بالم
سليمان / ماتت الى كانت بتحوشنى عنك بس خلاص يانا ياانتى
ركضت ولاء عليه وتوسلت اليه بان يترك شقيقتها لكنه لم يبالي بصراخها واوقعها ارضا فاقترب من نور وقام بضربها مره اخره ولكن تلك المره انهارت نور علي الارض فقده وعيها
فصرخت ولاء/ انت ايه حرام عليك بتعمل فينا كده ليه
سليمان بغضب عارم اقتر ب منها وقال\ لو اطول اموتكم هعملها واخلص منكم انتو اكبر غلطه امكم عملتها فى حياتها حتى ابوكم اتخلى عنكم ورماكم واتبليت انا بيكم
نزلت ولاء بقدميها وامسكت وجه شقيقتها بكلتا يديها تحاول جاهده ايقاظها ولكنن بدون فائده فنظرت اليه بكره ودموعها تنسال على وجنتيها وهي تري شقيقتها جثه هامده لا تنطق فقالت بتوسل/نورر فوقي علشان خاطري...
ولاء نظرة له بغل وصرخت به / حسبي الله ونعم الوكيل فيك انا عمري مهسمحك على الىي بتعمله فينا انت خال انت
...سليمان بصوت جهوري \ فتحيه انتي يالي اسمك فتحيه
دلفت فتحية الى الغرفه بسرعه لتري سليمان ممسك الحزام ونور وقعه على الارض وفاقده الوعي ركضت عليه \ يامصيبتي انت عملت في البت ايه تاني
سليمان بحده\ البت بتبجح فيا طالعه لامها كان لازم اربيها
ولاء ببكاء/ ابله فتحيه الحقيني نور مش بترد عليا
ركضت فتحية الي الخارج جلبت كوب ماء واتت بسرعه وجلست امام نور نثرت الماء علي وجهها / سترك يارب
ولاء بدموع /يارب انت عارف انا ماليش غيرها
فتحيه \ اهدي يابنتى متقلقيش هى هتفوق دلوقتى
ولاء بدموع \ يعنى امنا تموت يروح يعمل فينا كده
نظرت فتحيه لسليمان بتانيب /عجبك الي عملته ده
سليمان / البت قليلة الادب بتعلي صوتها عليه وانتي عارفه مبحبش الحال المايل
تصفع ولاء وجه نور بخفه ولكن لم تفق فقالت بخوف/ اعملو اي حاجه اطلبو الدكتور
فتحيه /سليمان اطلب الدكتور بسرعه البت نفسها مقطوع
سليمان ببرود/ هي هتفوق دلوقتي كل مره تعمل الحركتين دول
ولاء بصراخ \انت ايه مش بتخاف من ربنا تعمل كده فى يتامى
اقتربت فتحيه من نور \ فوقى علشان خاطري بلاش توجعى قلبى اكتر ماهو موجوع
تنظر ولاء لشيقيقتها وتهزها كي تفوق /ابوس ايدك فتحي عنيكي.... نور ردي عليا قومي بلاش تعملى فيا كده
لكن لم تفق فنهضت بسرعه واقتربت منه وقالت بتوسل \ جيب دكتور علشان خاطري وانا هعمل الى انت عايزه
سليمان \ انا قولت لا يعنى لا
فتحيه بغضب \مكنتش اعرف انك معندكش قلب البت بتموت وانت مش فارق معاك
سليمان \ فتحيه صوتك ميعلاش
ولاء \ نور علشان خاطري فوقى
بدات نور تفتح عيناها ففرحت ولاء واحتضنت وجهها/نور انتي كويسه انتى فوقتى صح اتكلمى علشان خاطر ي
نور بالم \ هو ايه الى حصل
ولاء وهى تبكي \ انا كنت هموت لو جرالك حاجه انتى حاسه بايه .. نور اوعي تسيبنى انا مليش غيرك اياكى تسبينى
لمحت نور اختها منهاره فاحتضنتها بقوه وقالت \ششش خلاص اهدي انا كويسه متخافيش
ولاء متشبثه بملابسها وتبكي \ لوحصلك حاجه انا هموت اوعدينى انك مش هتسبيني ابدا اوعديني يانور
نور شددت من احتضانها وقالت بدموع\ مش هسيبك ابدا بس بطلى عياط
سليمان بسخريه \ مش قولتلك هتقوم بعد متعمل الحركتين بتوع كل مره
فتحيه براحه \ الحمد الله انها فاقت
نظرت نور له بحقد \ اطلع بره مش عايزه اشوف حد
اقترب سليمان منها وقال بنبرة تهديد \ طول عمرك طالعه لامك بس والنعمه لو طولتى لسانك تاني هقطعه ومش هتردد ثانيه
ولاء ابتعدت عن نور وقالت بكره / دايما يقولو ان الخال والد بس انت عمرك محسستنا بده انا بكرهك
سليمان /بت انتي وهي انا حايش نفسي عنكم بالعافيه فلمو نفسيكو
نور بحده /اطلع بره مش عايزه اشوفك سيبونا بقي لوحدنا حرام عليكم احنا امنا ماتت مش عايزنا حتي نزعل عليها انت معندكش قلب
سليمان /مبتتعلميش خالص عايزاني امد ايدي عليكي تانى بس المرادي هموتك واخلص منك ومن همك
امسكت فتحيه يده وقالت برجاء\ علشان خاطري بلاش تعالى معايا وسيبهم لوحدهم ابوس ايدك ياسليمان كفايه كده
نور انسالت الدموع غصب عنها وقالت بالم /صدقني ربنا عمره مهيسمحك علي الي بتعمله فينا وعلي الي عملته في امي
كاد يخرج سليمان لكنه التفت لهم وقال بامر/ اعملي حسابك بكره هيبقى كتب كتاب ولاء على عماد اما انتى فحسابنا لسه مخلصش يابنت شاديه يانا يا انتي
. خرج من الغرفه بغضب وصفع الباب خلفه
نظرت ولاء الى اختها فارتمت باحضانها وانهارت \ انا اسفه انا السبب
مسدت نور علي شعرها بحنان\ ششش انا كويسه متخافيش
ولاء ببكاء مكتوم \ انا خايفه اوي مش عايزه اتجوزه يانور انا اموت نفسي اهون من انى اتجوزه
نظرت نور الى ولاء المنهاره فقالت بحزن \ اهدى علشان خاطري خلينا نعرف نفكر اكيد فى حل انا مش هسيبك تتجوزيه لو اخر يوم فى حياتى مش هقبل بده ابدا
نظرت لها ولاء بعيون دامعه وشددت من احتضانها ظلت تبكى قائله \ انا تعبت خلاص هي ليه ماما سابتنا لوحدينا كانت هي الى بتحمينا منه ..........(بصراخ ) ....ماما ارجوكى خدينى معاكى انا مش عايزه اعيش الحياه من غيرك مره اه ياماما شوفتي مبقاش لينا حد نتسند عليه كلكم سبتونا لوحدنا انا تعبت هو ليه بيحصل فينا كده يانور "احتضنتها نور بقوه وظلت تبكى وتردد \ بس خلاص علشان خاطرى اهدى ظلت تمسد على شعرها حتى نامت ولاء باحضانها من شدة البكاء اما نور فتذكرت كلام والدتها
شاديه بالم/ اسمعونى انا عايزه اقولكم على حاجه
نور/ ماما متتعبيش نفسك ارتاحى
شاديه بدموع / لا انتو لازم تسمعونى انتو ملكمش غيرى وخايفه عليكم لما اموت يحصلكم حاجه
ولاء بدموع/ بعد الشر عليكى بلاش تقولى كده انتى هتبقى كويسه
شاديه بتنهيده/ اسمعونى بلاش تتعبونى انتو لازم تعرفو فى سر لازم اقوله ولازم تعرفوه عن ابوكم
نور \ ياماما لما تقومي بالسلامه قولى الى انتى عايز....
قطعتها شاديه وقالت \ ابوكم عايش مش ميت انا كذبت عليكم
ولاءو نور بصدمه /يعنى ايه عايش
نور بعدم فهم \ عايش ازاى وفين وليه مبيسالش علينا لو هو عايش
شاديه وهى تتالم / سيبونى اكمل سافرو القاهره وروحو للعنوان ده ............. هتلاقو واحده اسمها ليلى ديه صحبتى من زمان وووهى هتقولكم كل حاجه (بدموع) سامحونى يابناتى انا السبب فى الى انتو فيه بس عايزاكم تعرفوو انى عملت كده علشان بحبكم
نور \ خلاص اهدي بلاش تتعبى نفسك
شاديه مسكت يدها وقالت \نور خدي بالك من اختك متسيبهاش ابدا انتو ملكمش غير بعض ...
لتفوق نور وتمسح دموعها وتنظر ل ولاء النائمه باحضانها ومتشبته بها قالت وهى تمسد على شعرها \ مستحيل اخليكى تتجوزى الحيوان ده وهجيب حقي وحقك ده وعد منى
فى قصر عبد اللطيف
ماذن بغضب \ راحت فين ديه
ظل يبحث عنها لكن لم يراها فنزل الى الاسفل ليري هيام فقال بغضب \ هى فين
هيام بعدم فهم \ هى مين
ماذن \ عمتو هند فين
هيام اصطنعت البرود وقالت\ خرجت الصبح بس انت مالك ايه الى مضايقك
كور ماذن بديه بغضب وقال \ مراتى راحت فين من غير اذنى
ابتسمت ونهضت من مكانها واقتربت منه \ وهى تهمك للدرجادي
ابتلع ريقه وقال بتوتر \ انا بس بطمن
قالت ببراءه مصطنعه \ لا اطمن هى راحت تقعد عند باباها واحتمال مترجعش
ماذن بخضه\ يعنى ايه مترجعش وازاى تروح من غير متقولى
تنهدت هيام وقالت \ تقولك ازااى وانت مديلها الوش الخشب لحد لما اتخنقت
ماذن \ انا هروح اجيبها
ضحكت \ ياه للدرجادي كل ده علشان هتقعد يوم عند اهلها امال لوطلبت الطلاق وسابت البيت هنا خالص هتعمل ايه
ماذن صمت ليس لديه اجابه ولكن كل مايعرفه بانه لايستطيع الابتعاد عنها يوم واحد فهل يتحمل بعدها لفتره طويله بالتاكيد لا
هيام اقتربت منه ووضعت يدها على كتفه وقالت \ ماذن هقولهالك نصيحه بلاش تضيعها من ايدك هند بجد بتحبك انت لو شفتها النهارده البنت كانت منهاره حرام عليك ياماذن الى بتعمله فيها
ماذن \ انا ....
قالت بابتسامه \ انا عارفه ومتاكده انك بتحبها وبتعمل كده علشان تعند مع جدك بس لو عايز تعند معاه ميبقاش على حساب مشاعرها انت كده بتئذيها هي
ماذن \ انا عارف انى زودتها معاها بس مش قصدي
هيام \ عموما هى راجعه بكره اطلع انت نام وفكر فى كلامى كويس
ذهبت هيام لغرفتها ولكن بالطريق رات غرفة ايهاب مضيئه فذهبت اليه
هيام دلفت الى غرفه وهي تقول \ ايه الى مصحيك لحد .........
هيام تفاجاءت بان الغرفه لا يوجد بها احد
هيام بقلق \ راح فين ده
هيام ركضت الى غرفة حازم
هيام \ حازم اصحي
حازم \ خير ياماما فى ايه
هيام بغضب \ اخوك مش فى اوضته
حازم بنعاس \ هي الساعه كام
هيام بقلق\ الساعه اثنين دلوقتى
حازم \ شويه وهيجي متقلقيش
هيام بحده \ متقوم وتكلمني اخوك مش فى البيت
حازم نهض من على السرير \ طيب ممكن تهدي
هيام\ اهدي ازاى وهو مجاش لحد دلوقتى
حازم \طيب انا هتصل بيه حالا وهشوفه فين
التقط حازم هاتفه وطلب الرقم
حازم \ فينك يازفت
هيام خطفت الهاتف وقالت\ ممكن اعرف انت فين
ايهاب \ قاعد مع صحابي شويه
هيام بامر \ تعالى حالا
ايهاب بضيق \ انا مش صغير انا كبرت وحر اعمل الى انا عايزه
هيام بغضب \ لا صغير يا ايهاب ولما امك تقولك حاجه تنفذها على الفور فاهم
ايهاب بانفعال \ انا امي ماتت فبلاش تمثلى علينا لو فعلا بتحبينا كنت هتفهمينى لكنك عمرك مافهمتينني فبلاش تقولى ام انتي اصلا متعرفيش يعني ايه ام .........نعت نفسه على ماتفوه به استمع لصوت بكاءها لام نفسه ولكنه لم يكن بوعيه
هيام بدموع \ايوه انا مش امك انت عندك حق شكرا لانك فوقتني وعرفتني ان مهما اعمل هفضل عمتك مش اكثر بتاسف جدا ليك
ايهاب بحزن \ ما..........(اغلقت الهاتف )
اغلقت الهاتف ودموعها تتسابق على وجنتيها
حازم بخوف \ ماما انتى كويسه
هيام بدموع \ انا مش ام حد انا بتاسف لكم ياولاد اخويا مكنتش اعرف ان هيجي يوم وهتعملو فيا كده بس انا مكنتش فاضيه اتجوز واخلف كان اهم حاجه اني اربيكم واكبركم واعوضكم عن حنان امكم بس الظاهر فشلت انا الى غلطانه انى ضحيت بحياتى كلها علشانكم رفضت اتجوز واعيش علشانكم وفى الاخر تعملو فيا كده انا اسفه بجد
اشتعل حازم غضبا عندما راها تبكي وقال \ هو قالك ايه الحيوان ده يخليكى تعيطي وتقولى كده
هيام مسحت دموعها \ قالى الحقيقه الى من الواضح نسيتها
...............
يتبع....
