روايه قلوب حائره الفصل الرابع
ايهاب بانفعال \ انا امي ماتت فبلاش تمثلى علينا لو فعلا بتحبينا كنت هتفهمينى لكنك عمرك مافهمتينني فبلاش تقولى ام انتي اصلا متعرفيش يعني ايه ام .........نعت نفسه على ماتفوه به الان.. استمع لصوت بكاءها لام نفسه ولكنه لم يكن بوعيه
هيام بدموع \ايوه انا مش امك انت عندك حق شكرا لانك فوقتني وعرفتني ان مهما اعمل هفضل عمتك مش اكثر بتاسف جدا ليك
ايهاب بحزن \ ما..........(اغلقت الهاتف )
اغلقت الهاتف ودموعها تتسابق على وجنتيها
حازم بخوف \ ماما انتى كويسه
هيام بدموع \ انا مش ام حد انا بتاسف لكم ياولاد اخويا مكنتش اعرف ان هيجي يوم وهتعملو فيا كده بس انا مكنتش فاضيه اتجوز واخلف كان اهم حاجه اني اربيكم واكبركم واعوضكم عن حنان امكم بس الظاهر فشلت انا الى غلطانه انى ضحيت بحياتى كلها علشانكم رفضت اتجوز واعيش علشانكم وفى الاخر تعملو فيا كده انا اسفه بجد
اشتعل حازم غضبا عندما راها تبكي وقال \ هو قالك ايه الحيوان ده يخليكى تعيطي وتقولى كده
هيام مسحت دموعها \ قالى الحقيقه الى من الواضح نسيتها
حازم احنضنها \ علشان خاطري متعيطيش انتى افضل ام شوفتها فى حياتى لولاكي انا عايش ولما كبرت مشوفتش غيرك بتهتم بيا لو اتاخرت تقلبي الدنيا عليا انا مليش غيرك........ ارجوكي متزعليش انتى عارفه ايهاب بقاله فتره مش مظبوط هتلاقى فى حاجه مزعلاه
ابتعدت هيام عنه وغادرت الغرفه بهدوء لتدلف لغرفتها وتبكي على عمرها الى عدي وضحت بحبها علشانهم وفى الاخر يقول كده
فلاش باك .....
فى احدي المستشفيات كانت واقفه هي ووالدها منتظرين الطبيب ليطمنهم على حالة زوجة اخيها المتوفى
ليحرج الطبيب من الغرفه
عبد اللطيف \ ها ايه الاخبار طمنا
الطبيب \ للاسف حالتها حرجه جدا عندها نزيف
هيام \ والجنين
الطبيب \ للاسف الحالة مش مطمئنه
عبد اللطيف \ طيب ايه السبب
الطبيب \ الصراحه بعد ولادتها المره الى فاتت نصحتها بان مينفعش تحمل والا هيكون فى خطر كبير على صحتها هى وابنها وهى مسمعتش الكلام ده غير طبعا صدمتها بوفاة جوزها
هيام \ والحل ايه يادكتور
الطبيب \مقدمناش غير اننا نولدها
هيام \ ربنا يستر
.........................
هاله بتعب \ هيام ممكن اطلب منك طلب
هيام \ اطلبى الى انتى عايزاه
هالة \ خدي بالك من الولاد انتي عارفه محمد فى سن محتاج حد يتابعه وحازم لسه صغير هيفرق معاه اوي وجودك وهو بيحبك
هيام \ انتى بتوصينى على ولاد اخويا دول فى عينى
هاله \ مش هلاقى حد غيرك يربي ابنى
هالة وضعت يدها على بطنها \ خدي بالك منه هو اكثر واحد صعبان عليا هيتولد من غير ام واب بس انا واثقه انك هتكونى ليه ام واب فى نفس الوقت
هيام بدموع \ ليه بتقولى كده ان شاء الله تقومي بالسلامه
هالة بتنهيدة راحه \ انا ارتحت كده طول مهما معاكى هفضل مرتاحه
...........
بعد شهرين .......
خالد بغضب \ هيام انتى اتجننتي هتشيلى حمل تقيل عليكى انتى لسه صغيره
هيام \ دول ولاد اخويا مقدرش اسيبهم ملهمش حد غيري دلوقتى
خالد \ وانا ياهيام
هيام \ انت ايه مش فاهمه
خالد بحزن \ نسيتى انك وعدتينى انك تخلص اخر سنه فى الجامعه ونتجوز
هيام \ مش هينفع ياخالد انا مش هقدر اتجوز دلوقتى انا عليا حمل كبير ومقدرش اتخلى عنهم
خالد بسخريه \ اها قولى كده مش هتقدري تسبيهم لكن تسبينى انا صح
هيام \ انا مقولتش كده انا بس مش جاهزه السنادي ايهاب لسه عمره شهرين محتاج رعايه اكبر مش هقدر اوفق بينه وبينك فاهمنى
خالد \ النهارده ايهاب لسه صغير بكره الولاد تعبانه بعده مدارس قوليها بصراحه انك مش عايزانى
هيام بحزن \ والله عايزاك بس .......
خالد نهض وقال \ انا مش هستني تقوليها انتى عارفه اني بحبك واستنيت كتير وفى الاخر تتخلى عني بكل ببساطه
هيام \ انت عارف انى بحبك بس هما محتجني دول لسه صغيرين .
خالد \ انا اسف بس لو انتى فعلا بتحبينى يبقى تختاري يانا ياهما
هيام بضيق \ بلاش تخيرنى مبحبش التصرف ده
خالد اقترب منها \ هيام انتى بتحبينى بجد زي مبحبك
هيام \ والله بحبك ونفسي اتجوزك بس الظروف دلوقتى مش مسامحه
خالد \ لو بتحبينى فعلا تعالى بينا نتجوز بلاش نضيع وقت ابوكي موافق وكل حاجه تمام
هيام \ قولتلك مش هينفع بلاش تصعب الموضوع عليا
خالد \ هيام متدمريش حياتك علشانهم هما مصيرهم يكبرو وهتفضلى بالنسبالهم عمه وبس وهتندمي انك معشتيش حياتك
هيام بدموع خلعت الدبله ووضعتها على الطاوله \ انا مش هتخلا عنهم ابدا وهما محتجني اكثر منك
خالد بحزن \ بقى كده ياهيام نسيتى كل حاجه نسيتى حبنا
هيام \ انت الى اخترت
خالد \ اتمنى ميجيش يوم وتندمي ويكون اختيارك صح
هيام بحزن \ خالد ..........
خالد بابتسامه حزينه \ انا مسافر ياهيام واحتمال مرجعش تاني ..............................
....................فاقت من شرودها وكففت دموعها وقالت\ياتري اتجوزت وخلفت ولا مستنينى
استمعت لصوت الباب يفتح فمثلت النوم ولكن صوت بكائها كشفها
فتح النور واقترب منها وقال بحزن \ انا اسف ياماما والله معرفش ازاى قولت كده ارجوكي سمحينى
هيام ببكاء / ......................
ايهاب \ انا عارف انك صحيه
هسام مسحت دموعها وقالت بهدوء \ عايز ايه
ايهاب بين بدموع التقط يدها وقبلها \ انا اسف مقصدتش انا مليش غيرك انا مش عارف ازاى جرحتك وزعلتك مني ارجوكي سمحينى ياماما انا كنت مضايق كلكم مش فاضينلى محدش حاسس بيا كنت مضايق فالكلام طلع لوحده والله مقصدتش ازعلك ارجوكي مزعليش اضربينى اعملى اي حاجه بس متسبنيش كده
اعتدلت فى جلستها واقتربت منه بقلق عندما رات دموعه \ ايهاب انت بتعيط
ايهاب \ مش هسامح نفس على الى قولته واني غلط فى حقك انا اسف سمحينى ارجوكي
مسحت دموعه بيدها وقالت بين دموعها \ طيب خلاص بس متعيطش
ايهاب ارتمي باحضانها \ انا بحبك قوي ياماما اوعدك مش هعمل كده تانى
هيام مسدت على راسه بحنان \ قولى بقى انت ايه الى مضايقك
ايهاب ابتعد عنها ليمسح دموعه وقال \ قلبى واجعني
هيام بخوف \ من ايه
ايهاب بدموع \حاسس ان مليش حد
هيام احتضنته \ حبيبى انت مالك بقالك فتره مش مظبوط
ايهاب \ ابنك بيحب وواقع لشوشته
هيام بابتسامه \ ماهو باين قولى مين بقى
ايهاب بتوتر \ واحده .......... بس هى بتحب واحد تاني وهى مش حسه بيا خالص والواحد ده اقرب حد ليا
هيام بحزن \ بكره ربنا هيرزقك باحسن منها صدقني
ايهاب لنفسه \ ما اعتقدش انى ممكن احب غيرها هي حب الطفوله عايش بحلم باليوم الى نكون مع بعض سوي
هيام \ سرحت فى ايه
ايهاب \ انتى لسه زعلانه مني
هيام \ لا ياحبيبى مفيش ام تزعل من ابنها
ايهاب ابتسم \ ربنا يخليكى ليا يارب
هيام بابتسامه \ ويخليك ليا ياحبيبى
.............
فى غصون الفجر
كانت ولاء نائمه على السرير فجاءه حست بحركه بالغرفه ففتحت عيناها بكسل رأت شقيقتها ممسكه بحقيبه وتضع ملابسها بها فازاحت الغطاء عنها وقالت بقلق / فى ايه انتى بتعملى ايه
نور / قومى بسرعه مفيش وقت
ولاء بخوف/ انتى رايحه فين
هنمشى من هنا قبل اما يصحو لازم نهرب احنا لو فضلنا هنا يبقي حكمنا علي نفسنا بالموت نور /
ولاء نهضت بسرعه واقتربت من اختها وقالت بتوتر \ طب ازاى وهنروح فين
نور \ للعنوان الى قالتلنا عليه ماما الله يرحمها
ولاء \ افتكرت طيب هنخرج ازاى من هنا انتي ناسيه ان خالك بيقفل باب الشقه بالمفتاح
نور \ هقولك بعدين بس غيري هدومك بسرعه
ولاء \ طيب طيب
بعد قليل استمعو لصوت دق خفيف على الباب
ولاء بخوف \ اتكشفنا ليلتنا مقندله
اقتربت نور من الباب ببطء وقامت بفتحه لكنها لم تجد احد نظرت للاسفل رات مفاتيح فابتسمت والتقطت المفاتيح واغلقت الباب مره اخره
ولاء \مين
نور \ ديه فتحيه مرات خالي اصل انا طلبت منها تدينى المفاتيح وطبعا بعد الي حصل النهارده وفقت تساعدنا علشان نخرج من هنا
تنهدت ولاء \ نور لو كشفونا هيموتونا انتى عارفه خالك مجنون وابنه اجن
اقتربت نور منها وربتت على كتفها \ متقلقيش كل شىء متخططله كويس
ابتسمت ولاء وذهبت احضرت ملابسها ووضعتها بالحقيبه
اقتربت نور منها ولفت حولين رقبتها الكوفيه \ الجو برد بره
احتضنتها ولاء \ ربنا يخليكى ليا يانور انا من غيرك ولا حاجه
نور \ ولاء عايزاكى متخافيش خليكى اقوي من كده بلاش تباني ضعيفه قدام حد
ولاء \مش بايدي والله اول اما بشوفه بخاف نظراته مريبه مش مطمناني
نور \ لازم متبينيش لحد ضعفك لانهم هيستغلوكي لكن لما تباني قويه هيعملولك الف حساب فاهمه
ولاء \ فاهمه
ابتعدت نور عنها ونظرت الى الساعه وقالت بقلق \ مفيش وقت لازم نمشي دلوقتى
فتحو باب الغرفه ببطء فكانت الشقه فيى حالة سكون خرجو من الغرفه و التفتو حولهم ليتاكدو ان الصاله لا يوجد بها احد وخرجو وظلو يتسحبو حتى وصولهم الى باب المنزل امسكت نور المفتاح وفتحت الباب بايدى مرتعشه وخرجو سويا واغلقو الباب وركضور بسرعه وعندما خرجو من باب العماره اصتدمو بشخص ليعودو الى الخلف بخوف
ولاء بصدمه / عــــــــــمــــــــاد
يتبع....
