رواية حكايه فارس الفصل الثالث 3 بقلم سلمي محمد
#حكايه فارس
البارت الثالث
فى صباح يوم جديد
ملاك وهى بتهز فارس
ملاك: فارث فارث اثحى ي فارث بثرعه يلا اثحى
فارس بنوم: عاوزه ايه سيبينى انام شويه
ملاك: لا مفيث نوم يلا اثحى بثرعه علثان تروح الثغل
فارس: ملقتش شغل لسه سيبينى انام ولما اصحى هروح ادور على شغل
وشد البطانيه على وشه
ملاك بغيظ: ماثى يا فارث وراحت جابت مايه ساقعه وكبتها عليه
فارس بخضه: ايه البيت بيغرق الحقونا
ملاك قعدت تضحك عليه ووقعت على الارض من كتر الضحك: ثكلك يضحك اوى هههههههههههههه
فارس بغيظ: بقى انتى يمفعوصه تعملى فيا كدا
وقام وقعد يجرى وراها فى الشقه كلها لحد ما مسكها من هدومها بأيده السليمه
فارس: هتعملى كدا تانى يقرده.انتى
ملاك بضحك وخوف مصطنع: خلاث خلاث حرمت والله حرمت خلاث ههههههههه
فارس بهزار: خلاص سماح المرادى يلا اجرى من هنا روحى العبى لحد ما اخد شاور بسرعه واجيلك
راحت ملاك تلعب وفارس دخل اخد شاور وجهز علشان ينزل يدور على شغل تانى
طلع وراح لملاك
فارس: يلا يا موكا علشان تفطرى وانا انزل اشوف شغل
ملاك: مث عايزا اقعد لوحدى ومث عايزا افطر
فارس بحب: يا ملاكى انا لازم انزل ادور على شغل علشان اجيب فلوس واشترى لموكا القمر لعب وهدوم كتيييير زى ما هى عاوزه وكمان موكا شاطره ولازم تأكل علشان تكبر وتبقى دكتوره شاطره ولا ايه
ملاك: اه ملاك هتبقى دكتوره ثاطره اووووى بث مث عايزا اكل
فارس:لا لازم تأكلى علشان تبقى الدكتوره الشاطره ويلا بقى بلاش غالبه تعالى ساعدينى علشان نحضر الفطار
ملاك: حاضر
راحوا حضروا الفطار واكلوا وفارس نزل يدور على شغل بعد ما اكد على ملاك انها متفتحش الباب لحد ولا تخرج وتستنى لما يرجعلها
قعد فارس يدور على شغل طول اليوم لحد ما تعب وقعد فى جنينه صغيره وهو بيفكر هيعمل ايه ويلاقى شغل ازاى وهو بيفكر لقى ولد صغير قاعد بيعيط قام راحله
فارس: بتعيط ليه يحبيبى
الولد: مش لاقى بابا كان معايا ومش عارف راح فين
فارس:طب انت اسمك
الولد: اسمى مازن وانت يعمو
فارس:الله اسمك حلو اوى يمازن انا اسمى فارس
مازن: شكرا انت كمان اسمك حلو
فارس:طب يمازن يحبيبى امسح دموعك وقولى بابا كان فين اخر مره شوفته واسمه ايه
مازن وهو بيمسح دموعه: كان واقف هناك بيتكلم فى التلفون وانا سيبته وكنت بجرى ورا قطه بس بعدين ببص ملقتوش وكان هيعيط تانى
فارس: اهدى يحبيبى هنلاقى بابا تعالى ندور عليه سوا ايه رئيك
مازن بأبتسامه: ماشى
اخد فارس مازن وراح بيه المكان اللى شاور عليه وقعد يدور على باباه وفاجئ لقى شاب بيقرب منه ومازن هو كمان جرى عليه بفرحه
مازن: بابا انت كنت فين انا كنت خايف اوى بس فارس ساعدنى
الشاب:مازن عيب كدا هو كبير ومينفعش تناديه بأسمه بس كدا
مازن: لا فارس صاحبى صح يا فارس
فارس: اكيد صح احنا صحاب سيبه حضرتك مفيش حاجه فى انه ينادينى بأسمى
الشاب بصدمه: فارس النحاس ايه الصدف دى
فارس بأستغراب: هو حضرتك تعرفنى
الشاب: ايه دا انت مش فاكرنى انا اسر كنت معاك فى الجامعه
فارس بتذكر:اه يأب الايه اسر الجزار يا راجل فينك وفين ايام الجامعه اتغيرت اوى
اسر بمرح:اه يخويا شوفت الايام بتغير انت كمان اتغيرت
اسر فى نفسه: حلو اوى كدا انا ظهرت فى حياته وقابلته من غير ما يشك فيا
(اسر هو الشاب اللى كان ماسك الورقه الفصل اللى فات)
فارس:اه كلنا اتغيرنا انت عامل ايه وشغلك اخباره ايه
اسر:تمام الحمد لله وشغلى كويس جدا بقيت محامى بس لسه فى اوى طريقى وانت
فارس بأحراج:احم لا انا للاسف مش لاقى شغل
اسر بفرح بيحاول يخبى: يا فارس النحاس الاول على الدفعه مش لاقى شغل طب ايه رئيك تشتغل معايا انا عندى مكتب صغير على قدى ونكبره سوا
فارس بفرحه: ياريت وابقى شاكر ليك جدا
اسر: متقولش كدا احنا صحاب خلاص امسك دا الكارت بتاعى وفيه عنوان مكتبى هستناك يلا يا مازن قول لعمو باى
مازن:سلام يا فارس هشوفك تانى
فارس:اكيد هنتقابل شكرا ا يا اسر
اسر:العفو دا اقل واجب
وروح فارس وهو مبسوط انه لقى شغل اخيرا واسر فرحان انه حقق اول خطوه فى خطته
رجع فارس البيت ودخل وهو مبسوط وبينادى: موكا ي موكا انتى فين تعالى عندى ليكى خبر يجنن
بس مكنش فيه رد فضل فارس ينادى عليها ودور عليها فى البيت كله بس مالهاش اثر طلع يجرى زى المجنون يدور عليها فى الشوارع ويسأل الجيران ومحدش قاله حاجه تساعد كلهم قالوا
منعرفش مشوفنهاش
فضل فارس طول اليوم يدور على ملاك لحد ما تعب وقعد على الارض وهو بيصرخ بأسمها بعلو صوته
فارس: ملااااااااااااااااااااك
بس للاسف مفيش اثر لملاك رجع فارس البيت وهو مش عارف يعمل ايه ولا يلقيها فين ولما رجع اتصدم لما شاف
ياترى ايه اللى هيحصل واسر دا عاوز يوصل لايه وايه اللى حصل زمان ووصل فارس للحاله دى وملاك راحت فين وفارس شاف ايه بارت طويل اهوا تفاعل كتير بقى علشان انزل اللى بعده التفاعل قل اوى وكدا هوقفها زودوا التفاعل شويه✨
#يتبع
#عاشقه الكتب
#Salma Mohamed
