روايه قلوب حائرة الفصل الخامس
الحلقه الخامسه ...." الهروب الجزء التانى "
فتحو باب الغرفه ببطء فكانت الشقه في حالة سكون خرجو من الغرفه و التفتو حولهم ليتاكدو ان الصاله لا يوجد بها احد وخرجو وظلو يتسحبو حتى وصولهم الى باب المنزل امسكت نور المفتاح وفتحت الباب بايدى مرتعشه وخرجو سويا واغلقو الباب وركضور بسرعه وعندما خرجو من باب العماره اصتدمو بشخص ليعودو الى الخلف بخوف
ولاء بصدمه / عــــــــــمــــــــاد
عماد بصدمه / ريحين على فين وخرجتو ازاى
اختبئت ولاء خلف نور فقالت نور \ ابعد عن طريقى احسنلك
عماد / انتو فاكرين انكو تقدرو تخرجو من هنا تبقو غلطانين يلا اطلعو قدامي ده انتو ليلتكو سوده
نور بحده \ ابعد وسيبنا نمشي ياعماد
عماد بسخريه \ انتى مش خايفه ده ابويا لو عرف هيقتلك
ولاء بغضب \ ابعد من قدامنا والنعمه هصوت وهلم الناس عليك
عماد ضاحكا \ صوتى ياحلوه ورينى هيحصل ايه اقولك انا هيحصل ايه ابويا هيصحي وينزل وانتو عارفين الباقى
نور \ يعنى مش هتبعد عن طريقنا
عماد وهو ينظر لولاء بخبث \ وانتى فكرانى عبيط هبعد واسيبك تخدي مراتى
ولاء \ مراتك فى عينك الموت احسنلى من انى اتجوز واحد زيك
كانت هناك سياره سوداء تقف بعيدا كان احدهم متابع مايحدث
....\ ايه ده مين ده
....\ تقصد مين
تافف قائلا \ انا واخدك على الفاضى متركز معايا
....\ فهمنى تقصد مين
....\ ايه ده هما شايلين شنط ليه
..../ ممكن يكونو هيهربو ولا حاجه
ابتسم \ اقسم بالله مجانين
....والله محدش مجنون قدك واخدنى معاك ومشحططنى فى نص الليل
...\ ايه ده ده بيزعقلهم
قال بغيظ \ واحنا مالنا انا عايز اعرف انت واخدنى معاك ليه
.....قال بضيق \ انزل بسرعه شوف فى ايه.
......\ يارب انا عملت ايه فى حياتى علشان يحصلى كل ده
التفت له وقال بضيق \ مانا مينفعش انزل هيشوفوني
..../ وفيها ايه لما يشوفوك
.....\ مش عايزهم يشوفونى دلوقتى .
.......\خلاص ولا انا ولا انت
........\هنزل انا خلاص مش عايز حاجه منك .
......
عماد \ اطلعو قدامى احسنلكم
ولاء نظرت لنور وهمست \ نور اتصرفى
نور بضيق \مش هتحرك من هنا
عماد اقترب منها \ بلاش تخلينى اتصرف تصرف ميعجبكيش
نور لمحت شيء بعيد فاشارت لولاء ففهمت ماذا ارادت ان تقول
ولاء بابتسامه خبيثه اقتربت منه وقالت\ مكنتش اعرف انك بتحبنى للدرجادي ده انا طلعت غبيه
التفت عماد لها وقال بعدم تصديق \ وانتي محستيش بيا غير دلوقتي
ولاء اقترت منه وقالت بابتسامه \ حسيت فعلا انك بتحبنى
ابتسم عماد \ بجد يعنى ..
قطعته ولاء بخجل مصتنع\ انا موافقه اتجوزك
عماد بسعاده \قولى والله انا مش مصدق ياجدعان
ولاء تحاول كتم ضحكتها على غباءه \ ليه هو فى حد يلاقى الى يحبه ويرفضه انا ازاى مخدتش بالى
عماد سرح فى عيناها واقترب منها \ انا اسعد انسان فى الدنيا كلها انا بحبك اوي يالولا
ولاء تنظر لنور وتقول فى سرها \ انجزي يانور بتعملي ايه كل ده
عماد امسك بيدها وقال بسعاده \ بعني خلاص موافقه نتجوز ايه رايك نتجوز دلوقتي يلا بينا نطلع على الماذون
ولاء بسخريه ابعدت يده وقالت \ ليه هو انا مجنونه اوافق على واحد زيك انت فاكر انى مصدقه موضوع بحبك والكلمتين دول انا عارفه كويس انت عايز تتجوزنى ليه
عماد اقترب منها وامسك يدها مره اخره وقال \ ليه مش مصدقه انى بحبك بجد
ابعدت ولاء يده وقالت بحده \ عماد بلاش تلعب عليا انت عارف انى عارفه كل تصرفاتك المنحطه ونظراتك الى ديما مشكوك فيها ولا البنات الى تعرفهم انت عايز ترضى غرورك علشان الوحيده الى رفضتك بس هموت واعرف االبنات بيبصولك على ايه انت مفكش حاجه عدله
عماد بغضب \ انتى بتلعبى بيا شويه هتجوزك وشويه تشتميني متلمى نفسك وايه الجراءه الى حلت عليكى ديه
ولاء ابتسمت ونظرت لنور فالتفت لها لتضربه نور على راسه بالعصا ووقع ارضا متالما
نور \ احسن تستاهل
ولاء بسعاده \ انا مش مصدقه اني قولتله ده فى وشه
نور بقلق \طيب يالا قبل اما يقوم
ركضت نور وولاء بالشارع يلتفتون حولهم يبحثون عن سياره اجره وهناك عيون تلاحقهم بابتسامه واعجاب على مفعلته فى هذا الشاب
وقفت سياره اجره فصعدو الى السياره وهما بالطريق
ولاء /ممكن تقوليلى هنروح فين وشغلنا هنا
نور وهى تتنهد براحة فقد نجو /هنطلع على محطه الاتوبيس ولما نوصل القاهره ناخد تاكسي يودينا للعنوان الى ماما قالت عليه والباقى نبقى نشوف هيحصل ايه الاول
ولاء / يعنى احنا هنشوف ابونا
نور بضيق / ازاى اب يسيب ولاده وميفكرش يدور عليهم ويعرف اذا كانو عايشين ولا مايتين
ولاء بتفكير \ فعلا حاجه تحير والاغرب ليه ماما خبت علينا
نور بتنهيده \ ادينا هنشوف الدنيا هتودينا لحد فين
القت ولاء براسها على كتف نور \نور تفتكرى حياتنا هتبقى ازاى
نور احتضنتها \ بلاش تفكرى كتير وسبيها على ربنا هيحصلنا اكتر من كده ايه يعني
اغمضت عيناها لتهرب من هذا الواقع ولاء
,,,,,
صعد الى السياره \ هربو ياسيدي
تافف وقال \ يلا بقا نروح وكفايه لحد كده
.........بقلق/ لازم امشي وراهم واعرف هما رايحين على فين
…. /انا لازم افهم انت مهتم بيهم كده ليه وليه بتمشي وراهم
….. /هفهمك كل حاجه بعدين
……. /انت ملففني معاك فكل حته كده طيب قولي رايح فين
'' '' / مش عارف بس ادينا ماشين
….. /نعم مش عارف وامال مين الي عارف
/…يابني سيبني اركز في الطريق علشان ميبعدوش عن عيني
….. / وانت ماشي وراهم ليه مين دول
.. /يابني بقي نقطني بسكاتك وخليني اعرف اسوق
…. / تمام هسكت وهقفل بوقي ومش هتكلم خالص ادينا هنشوف اخرتها ايه
اما عند عماد الملقى على الارض
فتح عيناه بالم ووضع يده على راسه ثم نظر ليده راى دماء فقام بغضب وصعد الى المنزل وفتح الباب وايقظ والده ووالدته
سليمان بغضب / انت بتقول ايه هربو ازاى وفين
فتحيه بتوتر \ هربو ازاى
سليمان / ازاي ده حصل وانت كنت فين
عماد بحقد \ لعبوها عليا ولاد ال ......
سليمان \ مش وقته لازم نلحقهم
عماد / تفتكر راحو على فين دول ملهمش حد غيرنا
سليمان \ مش هيعرفو يهربو منى ملهمش غيرى هيجو فى الاخر وساعتها هخليهم يندمو على الى عملوه والنعمه لهربيهم من اول وجديد
عماد \ انا لازم اتجوز ولاء بالزوق بالعافيه هتجوزها مينفعش تهرب منى
سليمان بحده \ مش اما نعرف هما راحو فين يا غبى
فتحيه / حرام عليكم بسبب افعالكم البنات سابو البيت ملهمش غيرنا ياترى راحو فين
…..
فى الصباح فى احدي الاحياء بالقاهره توقفت سيارة الاجري
السواق / ايه الهم ده مشوفتش كده
نور / انت مش عايز فلوس يبقى وصلنا وهناك هتاخد الفلوس
السواق / انزلو من العربيه حالا
ولاء / ليه كده بس
السواق / انتو قولتو معكمش فلوس
نور / ايوه بس اول متوصلنا قرايبنا هيدفعولك
السواق / بقولكم ايه شوفو سواق غيري
ولاء / ينفع يعنى تسيبنا فى مكان زي ده
السواق بغضب / وانا ايه ذنبى اوصلكم ومخدش حقى ده حتى حرام
ولاء \ احنا معانا نص المبلغ واول اما توصلنا هتاخد الباقي
السواق \ انا ايه الي يجبرني اوصلكم وانا مش ضامن فلوسي
نور بغضب / يلا انزلى ..احنا الى غلطانين اننا ركبنا مع واحد زيك
السواق \ معاكمش فلوس متركبوش مش تضحكو على الناس
نور بغضب \ امشي يلا مش عايزين منك حاجه
ابتعدت السياره عنهم فتاففت نور بضيق \ ايه اليوم ده بس ياربي
نور \ هنعمل ايه دلوقتى
ولاء / ايه المكان الى احنا فيه ده
نور لمحات شبان ينظران لهما نظرات غير مريحه ويقتربان
ولاء نظرت لهم وهمست \ انا خايفه
نور \ اه لو شفت سواق التاكسى هقتله
ولاء /محدش قالك تركبي وانتي معكيش فلوس طبيعي ينزلنا
فجأة اقترب الشباب منهم وعلي وجههم نظرات خبيثه
ولاء مسكت يد اختها بقلق / نور فكرى بسرعه نعمل ايه نخرج من هنا ازاى
نور \ هنجرى مش بيقولو الجرى نص الجدعنه
ولاء / طيب يلا
ليقول شاب بخبث \ ايه الجمال ده
اقترب احدهم من ولاء فعادت الى الخلف بخوف
ولاء / ابعد عنى والا مش هيحصل طيب
ظل يقترب ثم قال \ قلبو نفسكم وطلعو الى في جيوبكم والا مش هيحصلكم طيب ياقمرات
ولاء بخوف\ مش معانا فلوس
كاد يقترب اكثر ولكن شعر بصفعه دوت على وجهه بقوه فتقدم الاخر بغضب واخرج سكينه واقترب من نور وامسك يدها وقال بشر \ انا هخليكى تندمى على الى عملتيه
ولاء بصراخ \ الحقونا الحقونا
الشاب بسخريه \ متتعبيش نفسك دي منطقتنا ومحدش يقدر ينقذك... ولكن هناك من لكمه بقوه ليبتعد خطوتين
بطلنا الشجاع / هو محدش علمك الادب ولا ايه
الشاب بصوت عالى \ لا معلمونيش عندك مانع
بطلنا الشجاع / يبقى اعلمك انا يا حيلتها
اقترب .... وظل يسدد له لكمات بمعدته جعلته يفقد توازنه ليقع على الارض يتالم
ورفع نظره ليبحث عن الشاب الاخر لكن لم يجده لقد فر هاربا
التفت لهم وقال \ انتو كويسين
ولاء براحة / احنا متشكرين قوى بجد
مد يده \ العفو على ايه اعرفكم بنفسى انا رامز
ولاء كادت ترفع يدها لتسلم عليه لكن نور امسكت يدها واردفت بحده \ اسفه احنا مبنتعرفش
رامز نظر لها باستغراب \ انتى بتتكلمى كده ليه
نور \ شىء ميخصكش
رامز اتعصب \ تصدقى انا غلطان
ولاء بهمس \ في ايه ده بدل متشكريه علشان ساعدنا
نور بغيظ \ انا كنت هقدر اساعد نفسى
ولاء نظرت لرمز الذى صعد الى السياره فاقتربت منه وكانت ممسكه بورقه \ ممكن تعرفنا العنوان ده فين
رامز امسك بالورقه قليلا ثم قال \ بعيد عن هنا انتو ايه جابكم هنا
ولاء بتنهيده \ الصراحه احنا اول مره ننزل القاهره ومش عارفين حاجه هنا
رامز بتفكير ومزالت نظراته على نور \ طيب اركبو معانا وانا هوصلكم
ليهمس له صديقه \ توصل مين هو انت مش ناوي تفهمنى ايه الى بيحصل
رامز \ ممكن تسكت شويه انا مش ناقصك ياذياد
ذياد \ يا ابنى حرام عليك انت مبهدلنى معاك من اسكند.........
رامز نظر له بحده وقال \ ممكن تخرص ولا اشوف شغلى معاك
ذياد ابتلع ريقه \ يخربيت الى يزعلك
ولاء ذهبت لنور لتقول لها بانه سيساعدهم
نور ذهبت اليه
وقالت بنرفزة / مرسى ياستاذ مش محتاجين مساعدة من حد
ولاء \ الراجل هيوصلنا فيها ايه ديه
نور بغضب \ هو اى حد يقولك هوصلك تروحى معاه مش يمكن حرامي
ولاء بتافف /شكله محترم وكمان احنا معناش فلوس ومنعرفش حد هنا
نور نظرت له بعدم اطمئنان/ لا لا انا مش موافقه كلهم ميتوثقش فيهم انتي مش شايفه هو بيبصلى ازاى
ولاء امسكت يدها وقالت برجاء / انا عارفه انهم ميتوثقش فيهم بس لازم نمشي من المكان ده
رامز نظر لهم وقال بهدوء \ يلا لو هتيجو
نور بحده \ لا مش جايين امش انت
رامز نزل من السياره \ اسمعونى انتو الاثنين انتو اول مره تنزلو القاهره وطبعا متعرفوش حاجه فيها والمنطقه ديه مش كويسه ومينفعش بنتين زى القمر يفضلو فيها
نور بحده \ احترم نفسك يابنى ادم انت
رامز بتافف \ انتى فى ايه مش طيقالى كلمه ليه
نور \ وانت مالك انت
رامز \ متتكلمى عدل انتى فى ايه
نور \ دية طريقتى ويلا هوينا
رامز \ بجد انا مستغربك انقذتك انتى واختك رغم كده مفيش حتى شكرانيه
ولاء\ احنا متشكرين اوي يا استاذ
نور \ سمعت الى عايز تسمعة ممكن بقى تمشى
رامز بغيظ /انا الي غلطان اني خايف عليكم
نور / ليه يعني كنا من بقيت اهلك
رامز بغيظ \ انا ماشى وخليكو انتو هنا يارب العفريت يطلعلكم
ولاء ضاحكه \ والله دمه خفيف
نور بغضب \ ولاء بلاش تجننيني
رامز صعد الى السياره \ اوف ايه ده ديه مجنونه اقسم بالله
ولاء امسكت يد نور \ اسمعى لمره واحده كلامى يلا
صعدت ولاء لكن نور كانت متردده
فقال رامز \ انا مش فاضى للعب العيال ده لو هتركبى يبقى بسرعه انا عندى شغل
ذياد \ شغل ايه انا عايز اروح
رامز \ يوووو
ذياد \ خلاص اتزفت وسكت هنشوف اخرتها ايه
ولاء \ يلا يانور علشان خاطري
نور بتنهيده \ يووو بقى حاضر
نور صعدت بجانب ولاء فابتسم رامز
ثم انطلق بالسياره نور كانت تنظر الى الطريق بتوتر وقلق
نور \ انت مودينا فين
رامز بسخريه \ مش هخطفك يعنى
نور بتافف \ بص انا اصلا شكه فيك انت شكلك اساسا بلطجى
رامز نظر الى المراءه وقال بمزاح \ بزمتك ده شكل بلطجى ده انا حتى كيوت
ولاء نكزتها \ خلاص بقا يانور
نور بضيق \اسكتى انتى التانيه اوف انا ايه الى خلانى اسمع كلامك
رامز بابتسامة / اسمك نور اسمك حلو زيك بالظبط معادا لسانك الى متبرى منك
نور بحده \ تصدق انت واحد مش محترم واهلك معرفوش يربوك يلا نزلنا هنا بقولك نزلنا
رامز لم يستمع لها فصرخت به \ انت يارزل بقولك وقف العربيه
اوقف رامز السياره بغضب \ اتفضلى انزلى انتى بجد لا تطاقى
ولاء ونور نزلو من السياره لينزل رامز بغضب ونظر للطريق ليلمح سياره اجره فاوقفها واعطاه مال \ لو سمحت يسطا ممكن توصل ولاد خالتى للعنوان الى معاهم
السواق\ اكيد ياباشا
رامز اقترب منهم وشد الحقيبه ووضعها فى شنطة السياره وقال بامر \ اتفضلو اركبو
نور نظرت له لم تكن متوقعه ان يفعل هذا فاقتربت منه وقالت بهدوء\ شكرا
صعدت الى السياره بسرعه هى ونور ولاء
رامز بصدمه \ ايه البت ديه انا عمري مشوفت كده بجد
انطلقت سيارة الاجره وعيناه مزالت معلقه على السياره ليراها تبتعد فمسد على شعره بحيره \ البنت ديه غريبه بجد
صديقه \ يلا تعالى روحنى ومش عايز اشوف وشك تانى
رامز ابتسم وقال \سلام يانور هنتقابل قريب قوي اقرب مما تتخيلى
يتبع....
