 |
رواية حبيبة ابوها الفصل العاشر بقلم سلطان زماني |
👈#بقلم_الكاتب✍️🖋️ Mohamed Youssef Sultan
نمت والصبح مرحتش الشغل واصلا وقولت هروح اخد الورق
بتاعي والحاجه بتاعتي ومش هروح الشغل تاني مش عايزة
اختلط بحد ولا اعرف حد وزهقانه من الدنيا ومن الي فيها
كلمني كريم اطمن عليا وسألني انتي فين قولتله في البيت
طلب مني اني مرحش الشغل تاني لاني كلها شهرين بالكتير
وندخل فملهمش لازمة...فهمت انها قلة ثقة قولت في سري
خلاص يانور لمي دورك والثقة سهل ترجعهاله وكويس اني
الموضوع خلص ومفتحوش تاني قفلنا واطمنت شوية وشبه
بدأت انسي رحت صحيت بابا ودخلت عملتله القهوة بتاعته
واستغرب اني مرحتش الشغل وقاعدة قولتله اني خلاص
كلها شهرين ومشش هتشوف وشي تاني قالي هو انتي يابت
تقدري تستغني عني قولتله والله ابدا ربنا ميحرمنيش منك
باسني وقالي ولا منك ياحبيبتي قعد كلمني عن اخويا وجاب
سيرة كريم وسألني مبسوطة بصيت في الأرض وقولتله
الحمد لله قالي بتقوليها كده ليه من غير نفس ابتسمت كده
وكده وقولتله الحمد لله حلو كده قالي اوعي الواد ده يكون
مزعلك ولا مضايقك في حاجه قولتله لا هو بس تقيل في
نفسه كده والكلام بيطلع منه بالعافيه قالي بعد الجواز هيخف
والعقدة الي في لسانه هتتحل سألني عن ماما قولتله أنها
راحت عند خالتو علشان تعبانه مسك موبيله واطمن عليهم
ودخل بعدها لبس وسألني عايزة حاجه ونزل
بعدها بقيت بشوف رقم سندس كتير ...سندس دي بقا اخت
كريم عرفها بس كلامنا قليل جدا ورقم اني مرات اخوها الا
العلاقة بنا سطحية مش اوي المهم
بقت تلكمني كتير وتقولي أنها حبتني واني ادخل
القلب ..عايزة اقولها انتي لسه فاكره دلوقتي تقوليلي كده
طبعا مش عايزة احرجها وفي نفس الوقت مستغربه كلامها
الكتير ،وسؤالها عني وبقت تعرض عليا اني احضر معها
دروس دين واحفظ قران حبيت الفكرة جدا وقالتلي أنهم
مجموعة سيدات بيحضرو دروس عن الحاجه دعاء وكمان
بتحفظهم قران وبدون مقابل رحت معها بدأ كل مره نروح
فيها تحكي معانا واحنا راجعين أو بعد ما نروح فون .عن
العفه والشرف واني خير الخطائين التوابون واني شرط من
شروط التوبه هو الندم والاعتراف بالذنب وعدم العودة إليه
كنت فاكره كلامها عادي بقيت كمان تعيب وترفض طريقة
مشيتي وطريقة كلامي مع الناس وصوت ضحكتي لحد ما
اضايقت وقولتلها هو مش في آية قرآنية بتقول وادعو الي
سبيل ربك بالحكمة والموعظة الحسنة لقتها قالتلي انتي
شكلك فهمتيني غلط ياحبيبتي انتي جميلة أنا مش قصدي
اضايقك وبعدين مش احنا صحاب ومرايا بعض
قولتلها لا ابدا مفيش حاجه لحد ما في مره استفزتها علشان
اعرف وقولتلها انك اتبسطتي لما الراجل عكسك واحنا راكبين
العربية قالتلي أنا اتبسطت انتي اي الي بتقوليه ده ده انا
قفلت الباب وقولتلك خلينا نمشي
قولتلها أنا بصيت علي ملامح وشك ولقيتك مبسوطة
وعجبك كلامه هو احنا مش صحاب ومرايا بعض برضو
قالتلي علي الاقل وسكتت قولتلها علي الأقل ايه قولي
قالتلي عن اذنك يانور أنا عايزة اقفل قولتلها اوكي باي
وفهمت اني ده فلم معمول عليا واني كريم حكالها ..انتقضها
ليا كان غريب قربها كمان ليا بيتعاملوومعايا علي اساس اني
عيلة صغيره وعبيطة مش فاهمه ووحده منحرفه وسهل أنها
تغلط ومش عارفه حدودها
يتبع
#ياولهم مني الي مش بيعلقو ب20ملصق👌
😡 #ياولهم_يسواد_ليلهم😡
