رواية حكايه فارس الفصل الرابع عشر 14 بقلم سلمي محمد
#حكايه فارس
البارت الرابع عشر
وقفنا المره اللى فاتت ان فارس رجع البيت وقعد يدور على ملاك وعادل واتصدم لما شافهم واقفين فى المطبخ ومتبهدلين دقيق من شعرهم لحد رجلهم
فارس:طب هى طفله فممكن نعديها انما انت يكبير ي عاقل ايه اللى عملته دا
عادل:لو مش عاجبك طلقنى اه يخويا طلقنى ايه دا دا بيزعقلى مش لاعب
فارس بضحك:اعقل ي اهبل وانتى ي موكا روحى يلا خدى شاور وسرحى شعرك اللى باظ دا على ما نروح انا وعادل نجيب اياد ونقعد سوا
ملاك بفرحه:عمو اياد جى الله بقالى كتير مقعدتش معاه
عادل:نعم يختى هو عمو اياد وانا عادل حاف احترمينى زى ما بتحترميه
ملاك هزت راسها بمعنى لا وطلعت لسانها وطلعت تجرى وهى بتضحك
فارس:شكرا ي عادل شكرا بجد انا بقالى كتير مشوفتهاش مبسوطه كدا
عادل:مفيش شكر بينا احنا اخوات وبعدين انا بحاول اعوضها عن عدم وجودى الكام سنه دول ويلا نشوف اياد انا عاوزكم فى موضوع مهم اوى
راح فارس وعادل خبطو على باب شقه اياد فتحلهم وهو شعره منكوش وهدومه مبهدله
عادل بضحك:انت طالع من بوق كلب ولا ايه شكلك عامل كدا ليه يبنى
اياد:ايه دا عادل عاش من شافك يخويا رجعت امتى
عادل:لسه راجع وجيت لفارس
فارس:تعالى ي اياد علشان انا وعادل عاوزين نتكلم فى موضوع مهم
عادل:ايوا فى حاجات كتير عاوزه اعرفها واكلمكم فيها ونرجع زى زمان
دخلو التلاته شقه فارس وقعدو يأكلو ويهزرو ويتكلمو فى اى حاجه علشان ملاك وبعد ما دخلت تنام جى عادل وقال بجديه اول مره يشوفه كدا:عاوز اعرف ايه اللى حصل وانا مسافر
اياد وفارس سكتو مش عارفين يقولوا ايه
عادل بغضب:ساكتين ليه انا عاوز اعرف ازاى فارس بقى معاق ومرات عمى ماتت وعمى فين وبابا واياد مراته سرقته وهربت كل دى حاجات تحصل وانا مش هنا ومش عارف ليه انتو اعتبرتونى موت ولا ايه ازاى محدش فيكم يتصل بيا ويقولى ليه اعرف من برا ليه ي اغبيه حد فيكم يتكلم ساكتين ليه حد يفهنى حد يقولى ليه حصل كل دا وازاى
اياد:مكناش عاوزين نزعجك انت سافرت علشان تبعد عن المشاكل
عادل بزعيق:تزعجونى لا والله كتر خيركم ازاى تعدو بكل دا وانا مش موجود متزعجونى على الاقل اكون جمبكم قولتلكم قبل ما اسافر لو حصل اى حاجه اتصلوا بيا انا مموتش دلوقتى حد فيكم يحكيلى اللى حصل وانت ي فارس ساكت ليه اتكلم
فارس:انا معرفش حاجه ولا اقدر احكى انا عملت حادثه وخالتنى معاق وعندى فقدان ذاكره جزئى
عادل بصدمه:فقدان ذاكره ومحدش قالى طب هنعمل ايه دلوقتى هنتصرف ازاى ومحدش عارف اللى حصل
فارس:انا هحكيلكم اللى اعرفه وبدأ يحكلهم اللى مريم قالتهوله
عادل:نعم انت بتهزر سيبتها يوم الفرح احنا من امتى بننتقم من بنات من امتى بنأخد حقنا من حد ضعيف ميقدرش يدافع عن نفسه انت ازاى عملت كدا وليه
فارس:معرفش
اياد:انا اعرف كل حاجه هحكيلكم اللى اعرفه
عادل:تمام احكى علشان نشوف هنعمل ايه بس هتبدأ منين
اياد:هبدأ من اول مره شوفنا فيها مريم هى دى بدايه الحكايه واول حاجه حصلتلنا
قعدوا حوالين بعض وبدأ اياد يحكى اللى حصل زمان
فلاش باك
بعد ما وصلنا مريم بيتها ومشينا رجعنا البيت ولقينا
ايمن والد عادل بغضب:كنت فين ي ابن ال*** انت وهو كل دا
عادل:كنا فى الدرس ي بابا فى ايه انت متعصب ليه
طخخخخ ايمن ضرب عادل بالقلم:بطل كدب احنا اتصلنا بالمستر بتاعكم وقال ان الحصه خلصت من ساعتين كنتو بتصيعو فين ي زباله انت وهو
فارس بتوتر:هنكون فين يعنى يعمى احنا خلصنا الدرس ورجعنا على طول
احمد:متكدبوش قولنا واخلصوا كنتو فين
اياد:ي عمى احنا خلصنا وجينا على طول بس علشان مشينا اخدنا وقت بس احنا مروحناش فى حته جينا على طول
احمد بعدم تصديق:ماشى لما نشوف اخرتها معاكم اتنيلو ادخلو امكم مستنياكم جوا واحنا رايجين الشغل
عادل فضل واقف مخنوق ان ابوه ضربه قدامهم ومعملش حساب انه مبقاش صغير علشان يتضرب
فارس:عادل متضايقش نفسك مانا كمان بتضرب قدامكم ساعات احنا اخوات متزعلش
عادل بحزن:انا تعبت من الاهانه والزل والضرب اللى على طول دول انا معملتش حاجه لكل دا
فارس:انا كمان تعبت منهم ومن ضربهم واهانهم اللى مش بيخلصوا بس انت هانت خلاص نخلص السنه دى وتسافر وتبعد عنهم
اياد:حالى مش احسن منكم انا يتيم وعايش عاله عليكم علشان جدى رافض يدخلنى بيته وقال مش هدخله غير لما يموت يعنى بردو فى زل واهانه اهلكم احنا مالناش غير بعض
قربو التلاته من بعض وحضنو بعض حضن جماعى قاطعهم صوت مرفت مامت فارس
مرفت:ايه يولاد مالك واقفين برا كدا ليه
فارس:مفيش يماما كنا بنتكلم شويه وداخلين النونو عامل ايه
مرفت:كويس شويه ويجى وتبقى اخ اكبر وابوك زى عدمه ي فارس انت هتبقى اخ واب ليها اختك هتبقى مسئوله منك ومالهاش غيرك
عادل:انتى كدا بتغلطى فينا ي امى دى هيبقى ليها تلات اخوات مش اخ واحد ولا اى ي شباب
اياد وفارس:اكيد طبعا
مرفت:هو دا العشم يولاد يلا بقى على جو
دخل التلاته ينامو وكل واحد شايل هم وحزن غير التانى اللى ابوه بيلومه على موت امه واللى هيشيل مسئوليه جديده لما اخته تتولد وهيبقى اب واخ ولازم يأخد بأله منها واللى اهله وحشوه حتى جده علشان كان غضبان على ابوه قبل ما يموت منعه من دخول بيته وقال ان هو مش هيدخل البيت غير لما يموت وممكن بعد ما يموت جدته ترفض انه يعيش معاها كل واحد فيهم شايل هم وحزن اكبر من سنه
بتعدى الايام والاهانه والضرب مستمرين من ايمن واحمد للتلات شباب لحد ما جى يوم ولاده مرفت والتلاته كانو حواليها مسابوهاش وسمو البت ملاك علشان اتولدت بنوته زى القمر بس احمد وايمن محضروش الولاده بحجه ان عندهم شغل كتير ومش فاضين بعد ولاده ملاك الشباب بقو على طول ي فى دروس ي قاعدين بيلعبو معاهت وبيأخدو بالهم منها لحد ما السنه خلصت على خير وجى يوم سفر عادل وكلهم زعلانين
مرفت:خلاص هتسافر وتسيبنى ي عادل ومش هشوفك تانى ي ابنى
عادل:متقوليش كدا ي امى انا هرجع هى كلها كام سنه واتخرج وارجع ولو احتاجتينى فى اى وقت اتصلى بيا وانا هأجى فى اسرع وقت
مرفت:خايفه اموت قبل ما ترجع ي عادل ومش هشوفك تانى انت ابن اللى مخلفتوش ي عادل
عادل وهو بيبوس ايدها:هرجع وعد هرجع محدش بيعيش بعيد عن امه كتير
اياد:خلاص يأبو الصحاب هتسافر هتوحشنى ي شبح
فارس:ايوا متتأخرش علينا ي اخويا علشان مش هفضل مع الولا دا لوحدنا كتير
عادل:انتو اكتر هرجع متخافوش ولو حصل اى حاجه اتصلوا بيا انا معاكم متنسوش
حضنو بعض ووصلوا عادل المطار وهما خلاص هيعيطو بس مسكو نفسهم علشانه بعد ما عادل سافر ايمن واحمد زادو فى الاذه لفارس واياد
احمد:انت ي زفت ي فارس
فارس:نعم ي بابا فى ايه بتزعق ليه على الصبح
احمد:انت بترد عليا كمان ي كلب
طخخخخخ احمد ضربه
فارس:انا مردتش ولا عملت حاجه كفايه بقى ضرب واهانه انا معملتلكش حاجه انت عاوز ايه بتزعق من غير سبب
احمد:قصدك ان انا مجنون ي ابن ال****ونزل فيه ضرب
وفارس مكنش عارف يعمل حاجه علشان دا ابوه بردو ومينفعش يضربه اياد جى على صوتهم : فى ايه يعمى براحه ابعد عنه
وقعد يحاول يفك فارس من ايد احمد احمد زقه وقع على التربيزه دماغه اتفتح بصله بقرف وساب فارس ومشى
فارس جرى على اياد بخوف وحاول يفوقه
فارس بخوف:اياد اياد فوق اللى يخربيتك الواد دمه بيتصفى
فارس شال احمد وطلع يجرى على المستشفى
فارس:دكتور بسرعه هيموت منى بسرعه
جم اخدوه منه ودخلو العمليات وبعد فتره خرج الدكتور
فارس بخوف:طمنى ي دكتور اياد عامل ايه
الدكتور:كويس انت لحقته وجبته فى الوقت المناسب لو كنت اتاخرت كان هيحصل مضاعفات شويه وهيفوق
فارس:طب ممكن اشوفه
الدكتور:هو هيتنقل اوضه عاديه دلوقتى وتقدر تشوفه
مشى الدكتور وفارس دخل الاوضه لاياد لقاه نايم قعد جمبه لحد ما بدأ يفوق
اياد بوجع:ااااه فارس ايه اللى حصل
فارس:اياد انت كويس
اياد:اه الحمدلله ايه عندى صداع بس كويس قولى ايه اللى حصل
فارس بحزن:كنت بتدافع عنى وبابا زقك وقعت دماغك اتفتحت وجبتك المستشفى
اياد:طب انا عاوز اخرج من هنا
فارس:هشوف الدكتور هيقول ايه وراجعلك
راح فارس قال للدكتور وقاله ان ممكن يخرج بس لازم يستنو بكرا علشان يبقوا متأكدين ان مش هيحصل اى مضاعفات
رجع فارس وقال لاياد الكلام دا
اياد:فارس ممكن اطلب منك طلب
فارس:انت تؤمر قول عاوز ايه وانا اجيبه او اعمله
اياد:عاوزك تتصل بجدى وجدتى تقولهم انا عاوز اشوفهم وممكن دى الحاله الوحيده اللى هشوفهم فيها انى اكون تعبان فجدى يحن ويجيلى
فارس:حاضر ي اياد هتصل بجدك واقوله
خرج فارس واتصل بجد اياد
جد اياد مدحت:الو مين
فارس بتوتر:ازي حضرتك ي حج مدحت انا فارس النحاس
مدحت:فارس النحاس مين
فارس:فارس صاحب اياد اللى هو عايش معاه
مدحت بضيق:خير عاوز ايه متقوليش عاوز فلوس مش هدفع جنيه
فارس بحزن:مش عاوز فلوس من حضرتك بس اياد تعبان وفى المستشفى وقالى اتصل بيك اقولك ممكن تكون عاوز تشوف حفيدك
مدحت بخوف بيحاول يداريه:فى المستشفى ليه ايه اللى حصله
فارس:حضرتك ممكن تيجى تشوفه وانا هحكيلك اللى حصل بس هو فعلا محتاجك جمبه الفتره دى لو سمحت زياره المريض واجب اعتبره غريب وبتقضى الواجب بس ارجوك
مدحت:هشوف لو فاضى قولى انتو فى مستشفى ايه
فارس بفرحه:احنا فى مستشفى******ياريت حضرتك تعرف تيجى مع السلامه
قفل فارس مع مدحت ودخل قال لاياد اللى حصل اياد فرح وقال لفارس انه هينامةعلشان دماغه وجعاه وفارس راح يشترى اكل علشان اما اياد يصحى اياد صحى مالقاش فارس واتفاجئ لما شاف
ياترى اياد شاف ايه وايه اللى هيحصل بعد كدا وايه كماله الماضى والحكايه انا بحاول اطول البارت على قد ما اقدر تفاعل كتير بقى
#يتبع
#عاشقه الكتب
#Salma Mohamed
لمتابعة باقي الرواية زوروا قناتنا على التليجرام من هنا
