رواية اسميتة جاسر الفصل الثاني
" طلقني وخلي عندك كرامة "
_ انتي طالق
انا اللي طلبتها لكن وقعها ع قلبي كان صعب كان أصعب من أن قلبي الصغير يتحملها .
قالها وهو ضهره ليا ، قالها من غير ما اشوف ملامح وشه ، قالها وخرج .
وانا قوتي اتبخرت فوقعت ع الأرض ، الأرض اللي شهدت ع طفولتي وشبابي وجوازي...طلاقي .
بعت ل ندي رسالة : " محتاجكي "
_________________
بعد دقايق :
ندي : ليه طلبتي الطلاق الوقتي تحديدا ؟
" انا مكنتش م الاول غير فرض عليه "
ندي : بس انتي محتاجة ليه ، محتاجة لحد جمبك
مسكت ايديها " انتي جمبي "
ندي : انا جمبك طول الوقت لكن خايفة لتندمي عينه مبتقولش انك كنتي فرض أبدا .
ارتبكت " هكون اي غير فرض وواجب ، مامتي طلبت أنه يتجوزني و هو لبي "
ندي : ليه مصرة تحطي نفسك ف الخانة دي ؟
" خانة اي ؟ "
ندي : مفيش راجل بيضرب ع إيده ويتآمر أنه يتجوز ، جواز يعني حياة ومسؤولية وأسرة هو لو مكانش شافك زوجة صالحة مكنش اتجوزك حتي لو اي حصل ، او يمكن حاسس مشاعر تجاهك .
" بلاش فرض احتمالات وظنون "
ندي : انتي اي حكايتك مع الفرض ؟ .
بصيت لبعيد " معرفش "
ندي : مستعدة تنزلي الشركة بكرا ؟
" مش مستعدة أقابله "
ندي : هستناكي
اتنهدت " هحاول "
____________________
ف الشركة
" باشمهندس جاسر ف المكتب لو سمحتي "
مها :عايزاه ف اي ؟
"عايزاه ؟! انتي ازاي تتكلمي معايا كدا "
مها :والله انا اتكلم زي ما انا عايزة ، انا سكرتيرة مكتبه .
"وعشان انتي سكرتيرة مكتبه يعني واجهة ليه يكون اسلوبك حلو مع العملاء والموظفين "
مها :انتي جاية تعلميني اشتغل ازاي ؟
_ ف اي يا مها صوتكم...آلاء
مها : كل اللي ف الموضوع أنها موظفة جديدة مش عارفة تتكلم مع اللي اعلي منها ازاي .
بغضب _ مهااا اياكي تتكلمي عنها بالطريقة دي تاني ، اعتذري ليها .
مها : افندم ؟
_ اللي سمعتيه يا مها ، اي كلمة ل ألاء تبقي ليا انا .
همست " ليه ؟ "
عيني اتعلقت ف عينه لثواني حسيت فيهم كإن العالم وقف بينا .
_ عشان بنت خالتي .
مش عارفة ليه انصدمت ، ليه اتوقعت رد تاني ، منتظرة اي منه مش قادرة احدد.
مها : بجد !! يا نهار ابيض انا اسفة جدا يا لولو اوعي تكوني زعلانة مني انا مقصدش .
وانا لسه عيني عليه " مفيش حاجة "
مها : احم طب كنتي جاية ليه ؟
"كنت جاية اوصل الملف دا لجا.. قصدي لباشمهندس جاسر عشان يوقعه "
اخد الملف _ تمام تقدري تروحي مكتبك .
بعد ما روحت لمكتبي
ندي : الاء ف راجل برا بيقول أنه تبعك .
" راجل ؟ راجل مين وتبعي ازاي ؟ "
ندي : معرفش شوفيه كدا هو راجل عجوز يعني متخافيش انا معاكي اهو .
" اتفضل "
: يزيد فضلك يا بنتي .
بصدمة " باابا "
قعد ع الكرسي : فكراني يعني كنت متوغوش لتكون امك نسيتكي . اه يا حرام هي ماتت صح ؟
"....
: مالك ساكتة ليه ؟ سمعيني صوتك مستخسرة ف ابوكي يسمع صوتك بعد اكتر من ٢٠ سنين .
فجأة سمعنا صوت فتح الباب
_ وانت جاي بعد اكتر من ٢٠ سنين ليه ؟
صدر منه ضحكة استهزاء عالية : جااسر عاش من شافك يا راجل .
بغضب اكبر_ مردتش ع سؤالي .
: جاي اشوف بنتي حبيبتي واعزيها ف امها مش دي الأصول برضه .
كان بيتكلم وهو بيقرب مني وحط أيده ع كتفي ، فتلقائي انتفضت .
فقطع جاسر المسافة ما بينا ف أقل من ثانية و شال أيده من علي كتفي .
_ ايدك لو اتحطت عليها تاني تصرفي مش هيعجبك ، ومتقولش عليها بنتك ملكش بنات هنا .
: انت هتمد ايدك عليا ولا اي
_ صدقني لو ينفع كنت عملتها لكن احنا مبنمدش أيدينا ع ولايا
رفع أيده ف الهوا : اه يا قليل الادب يا..
فمسكها _ كلمة كمان وهكلم الأمن يرموك برا
: لا وعلي اي يا جاسر انا خارج بس راجعلك تاني يا لولو هه.
رجعت لورا وانكمشت ع نفسي وبدأت اعيط مش عايزة اشوفه تاني بالله لأ .
_ هشش هو مشي يا الاء هو خرج متخافيش انا هنا مش هسيبه يقربلك تاني .
حضنته بشكل فطري وبدأت اتكلم بهستيرية " مش عايزة اشوفه تاني يا جاسر مش عايزة ، شوفت نظرة الشماته ف عينه كأنه بيقولي مبقاش ليكي حد ،كأنه بيلومني لاني بنت كأنه عايز ي ..."
_ هشش أهدي اهدي محصلش حاجة لكل دا كان طبيعي يظهر يا الاء وهو عرف موقفنا من ظهوره استغفري ربك كدا واهدي .
بدأت اتنفس بشكل طبيعي وبدأت استوعب وضعنا فبعدت عنه فورا ومن غباء التصرف
زقيته كردة فعل
" انا اسفة اسفة والله انا مكنش قصدي انا مكنتش ف وعيي انا.."
بصوت غلب عليه الحزن _تعالي اوصلك البيت
_ش..شكرا
____________________
في اباء بتبقي بتبقي حاملة ل اللقب فقط ، من غير فعل من غير استحقاق .
من صغري وانا مكروهة من ناحيته وكأني ذنبي اني اتخلقت بنت .
سابنا انا وامي اكتر من مرة كعقاب من وجهة نظره بالإضافة إلي المعاملة السيئة والزعيق متواصل واحيانا توصل للضرب ، بيئة غير مناسبة لتربية طفلة ، من خلال ذاكرتي اتشكلت صورة أنه شخص سئ .
بعد وقت امي رفضت الوضع وطلبت الطلاق وفهمتني وقتها أنه دا الاحسن لينا وبعقل وقلب طفلة صغيرة ماشفتش منه غير الوحش تقبلت الوضع فكانت حياتي كلها مع امي وخالتي ...وجاسر
____________________
ف البيت :
خالتو : اي اللي حصل يا الاء طمنيني ؟
" محصلش حاجة يا خالتو انا كويسة صدقيني "
خالتو : هو كان عايز منك اي رجع ليه بعد السنين دي كلها ؟
_ بلاش الكلام ف الموضوع الوقتي وسبيها ترتاح
خالتو : ماشي يا حبيبي اطلع انت وانا وراك .
_ في اي يا امي ؟
خالتو : في اي يا حبيبي ، هتكلم مع الاء شوية .
_ انا طالع فوق .
بعد ما جاسر خرج من الشقة وانا لسه عيني ع الباب
خالتو : قلبك متعلق بيه ليه بتنكري ؟
اتوترت " انا مش ..قصدي "
مسكت ايدي : مهما حصل بينكم يا الاء انتي هتفضلي بنتي اللي مجبتهاش انتي الغالية بنت الغالية واحنا عيلتك سواء جوزك او لأ احنا برضه هنفضل عيلتك .
عيطت " انا بحبك اوي يا خالتو "
حضتني : وانا بحبك جدا يا قلب خالتو والله و تعالي بقي نطلع ناكل سوا زمانك ع لحم بطنك .
" ف اكل هنا م امبارح هاكله "
خالتو : آلاء احنا قولنا اي ؟
"حاضر هغير واجي "
بعد مرور وقت قصير فعلا طلعت لشقة خالتو واترددت عند الباب لكن اخيرا خبطت ففتح جاسر .
" انا خالتو أصرت عليا انا اطلع فطلعت عشاان..."
_ الاء انتي مش محتاجة تبرير دا بيتك
" شكرا "
_ مافيش بينا شكر يا الاء
خالتو : يلا يا لولو ادخلي انتي واقفة ع الباب ليه ؟
دخلت " حاضر يا خالتو "
قعدت قدامه
_ لو مش مرتاحة ف وجودي اقوم
" لا لا طبعا "
_ تمام
فونه رن فقام من ع الاكل ورد
_ ايوا يا مها ، ف حاجة حصلت ؟
تلقائي سبت الاكل انا كمان وحاولت اسمع اي شئ مش طبيعتي والله لكني مضايقة اوي معرفش ليه يمكن عشان مش بطيق البت ام رجلين مسلوعة دي وبعدين هي ترن عليه الوقتي ليه ؟
سمعت صوت ضحكة خالتو
: قومي يا بت شوفي ف اي انت لسه قاعدة
قومت من مكاني فعلا ووقفت وراه من باب الفضول بس مش اكتر بجماعة.
_ تمام يا مها خلاص بكرا باذن الله
قفل ولف فاتخض
_ ف اي يا الاء واقفة كدا ليه ؟
" ها ؟ لا مفيش خالتو قالتلي اشوفك اتأخرت ليه "
ظهرت عليه معالم الخيبة _ خالتو ؟
" اها بس هو فيه مشاكل ف الشغل أو حاجة ؟ "
_ لا مفيش
" اومال مها بترن ليه ؟ تسمع جمال صوتك ؟ "
رفع حاجبه _ هو صوتي حلو ؟
" بغض النظر "
قرب _ طب وانتي مالك ؟
بعدت " بطمن ع الشغل مش اكتر "
_ الشغل قولتيلي لا مفيش كانت بتتكلم ع اجتماع بكرا وبتأكد عليا
" ما تأكد عليك ف الشغل ولا هو تلاكيك ! "
_ معرفش الصراحة بس أي كمية الأسئلة دي يا الاء هي خالتك سألت كل دا
" ها ..انت مشيت ف ورق الطلاق "
ملامحه اتبدلت _ لسه
فركت ايدي " ليه ؟ "
_ شكلك مستعجلة اوي ، كان ورايا شغل عن اذنك داخل انام
اتوترت " تصبح ع خير "
_.....
____________________
تاني يوم ف الاجتماع :
وصلت قبل جاسر عشان اراجع كل حاجة تخص شغلي لاني هبقي المتحدثة باسم الشركة .
وبعدها دخل جاسر لاوضة الاجتماعات يأكد ع الشغل كان لابس بدلة كلاسيك وشكله يخطف بس أي دا كلم كل الموجودين وانا لأ
بصيت لمها لقيتها بتبص بشماته فمهتمتش وكملت شغلي لكن ف الحقيقة كنت مضايقة جدا .
وفجأة مالت عليه جدا
_ العملاء وصلوا يا باشمهندس
هي الجملة دي ما ينفعش تتقال عن بعد تكونش سر قومي وانا معرفش .
قام ورحب بيهم وبدأنا الاجتماع وكان ناجح للحقيقة
احد العملاء : طبعا مش اول تعامل بينا يا باشمهندس واكيد مش الاخير تحديدا بعد النهاردة
ختم كلامه بنظرة تجاهي ومد أيده لجاسر فمسك أيده بعنف بابتسمت .
خرجت من الاجتماع ورحت لمكتبي فلقيت الباب خبط
" اتفضل "
: انسة الاء ؟
استغربت لانه كان نفس العميل
" افندم ؟ "
: كنت عايز امدح ف شغلك وطريقتك المميزة
" شكرا لحضرتك دا اكيد تحت قيادة باشمهندس جاسر "
: اها بس الرق ع الأساس طبعا
" شكرا لحضرتك يا فندم "
: بلاش فندم دي اسمي عمر
" الألقاب محفوظة يا باشمهندس احنا ف إطار العمل"
ابتسم : ممكن سؤال ؟
" اتفضل "
: هو حضرتك مرتبطة يا آنسة الاء ؟
بصوت جهوري_لا مدام يا روح امك .
بصيت للأرض وابتسمت ، اللي اسمه عمر دا اتخص يا عيني أصله مشفوش وهو داخل وعفاريت الدنيا بتطنط حواليه .
: مدام مدام ازاي ؟ دي شكلها صغير يعني و ..
ضربه للاسف
_انت هتوصف مراااتي قدامي
: انا اسف اسف جدا والله يا باشمهندس معرفش أنها مرات حضرتك بكرر اسفي .
_ مفيش تعامل بينا وبرا
: ليه كدا ياباشمهندس انا اعتذرت انا كنت ناوي حلال والله
شده لبرا المكتب _ لا دا عبيط بقي ، ماشفش وشك هنا تاني .
ورزع الباب ف وشه وبصلي كانت عينيه حمرا والجرافتة مفكوكة .
وبدأ يقرب ليا _ قالك حاجة قبل ما اوصل ؟
" لأ "
_ اتخطي حدوده
" لأ "
_ مقلتيش ليه انك متجوزة ؟
" ملحقتش "
شد ف شعره عشان يهدي وبدأ يتنفس
فاتكلمت " جاسر "
_ اممم
" انت قولتله اني مراتك مش خايف يقول لحد او حد يعرف قبل ما نطلق او حد يفكر في حاجة والباب مقفول و.."
مسك ايدي وطلعنا من المكتب ووقف قدام الشركة كلها
_ ف حاجة حابب أعلنها قدام الجميع دي تبقي مدام الاء بنت خالتي اولا و مراتي ثانيا
حبيت اعرفكم واتفضلوا ع شغلكم .
" ج..جاسر "
همسلي _ لينا بيت نتكلم فيه .
ركبنا العربية ومحدش فينا اتكلم نهائي لحد ما وصلنا البيت دخلنا شقة ماما
_ لمي هدومك من هنا
" ليه "
_ عشان نطلع شقتنا
" بس احنا مش المفروض أطل.."
قرب مني _ طلاق يا الاء مش هطلق وردي وصلك قدام الشركة كلها .
دمعت " جاسر "
صوته رق _ ي قلبه
" ليه مش هتطلقني انت اتجوزتني عشان..."
_ عشان بحبك وبس ، مش عشان حاجة تانية مش عشان مامتك زي انتي متخيلة ، مفيش حد بيتجوز من غير رضاه يا الاء .
الزمن وقف عند كلمة بحبك حسيت إن قلبي وقف لحظتها ، حسيت قد اي انا غبية لو كنت خسرته ، حسيت اني بحبه .
كمل_ كلامك يومها جرحني جدا منكرش ولكل فعل رد فعل فقولت اليمين ، احنا الاتنين غلطنا ي الاء
بصيت للأرض ورديت بسرعة
" انا اسفة ع الكلام اللي قولته يومها "
رفع وشي _ مافيش بينا اسف يا الاء
ابتسمت لكن فجأة جيت صورة مها قدامي
" اطرد مها "
ضحك جامد لدرجة أنه دمع
" والله ؟ "
_ انتي فصيلة قسما بالله اي جاب سيرة مها ؟
ميردكيش اقطع عيش ، هي عرفت اني راجل متجوز وبحب مراتي
بصيت للأرض تاني _ بتقلبي كتكوت الوقتي
همست " انا مش كتكوت انا بحبك "
بمكر _ مش سامع
" انا مش كتكوت انا بحبك "
حضني _ واخيرا
وقفت للحظات وبعدين حضنته
_ بحبك من سنين طويلة علفكرا من يوم ما دخلتي بيتنا وانتي حتت عيلة
" وانا حبيتك وقتها حبيت جاسر بتاع زمان ودلوقت وكل وقت "
خرجت من حضنه " جاسر "
_ ي قلبه
ابتسمت " اطرد مها "
_______________
" أطلت النظر إليك فضللت بمحراب عينيك "
______________
يتبع....
جاري كتابه الفصل الجديد من الروايه حصريه لعالم سيكرهوم اترك تعليق ليصلك البارت فور نزوله او حاول زيارتنا الليله
بدل ماتدور وتبحث علي الروايات خليها علي تليفونك وحمل تطبيقنا
