 |
رواية حبيبة ابوها الفصل الرابع |
👑👑#البارت_الرابع👑👑
#بقلم_الكاتب ✍️✍️ Mohamed Youssef Sultan
مرت الايام واتعودت خلاص علي طبعه وبقيت بحاول الهي
نفسي بالشغل والبيت وصحابتي وريم أخته الي بقينا بنحكي
من غير ما يعرف بس مش بنجيب سيرته أو بمعني اصح أنا
الي مش بجيب سيرته لأنها بتزعل وقالتلي قبل كده أنه زعق
معها أنها بتكلمني وهو قايلها من البداية أنها ملهاش علاقة بيا
نهائي
بابا عملي عيد ميلادي وكلمته أنه بعزم مامته واخته وقالي
أنهم مش فاضيين وجبلي هدية واخدني بعدها خرجنا
وأتصور معايا صور سيلفي وهو حاطط ايده علي كتفي وانا
في حضنه وصورة وهو بيبوس ايدي ومضايقه اوي وزعلانه
أنه عارف اني الحاجه دي هتزعلني ومع ذالك بيعملها بقينا
كمان نحكي فيديو وبيشوفني بلبس البيت عادي كان يقول
كلام ويدخل في تفاصيل أنا مش بحبها وكنت بجد بتكسف
اتكلم معاه فيها وكنت اقفل معاه أو افضل ساكته لحد ما زعل
وقال إنه حاسس اني بارده واني مش بحبه ومش وثقة فيه
واكنا بنتخانق كتير ونزعب من بعض بسبب الكلام ده
بابا بقا يلاحظ اني زعلانه ومضايقة وبقا يسالني عمري ما
خبيت عنه حاجه بس مش قادره احكي معاه في موضوعي
أنا وعمرو مش عجباني معاملته ليا خالص دلوقتي وعايزاه
يرجع زاي الاول معرفش بقا ضمني ولا زهق ولا لازم اطوعه
علشان يهتم ويرجع يحبني زاي الاول زهقت من البعد
وصبري نفذ غصب عني كلمته وانا الي ابتديت بالكلام معاه
ورجعنا زاي الاول وبقيت احكي معاه عن الشقة والعفش
واني بلاش سنتين زاي ما اتفقنا قالي أنه عامل حسابه علي
كده واني قبل كده مش هينفع مرضتش اعرض عليه مساعدة
ليزعل ومجبتلوش سيرة اني بابا شايلي فلوس في البنك
بتاعتي واني كمان محوشه فلوس من مرتبي ومنزالفلوس
الي بابا بيدهاني
عمرو علمني السوقة علي عربيته وطبعا مسلمتش من هزاره
البايخ وتلميحاته وكلامه الي نصه مش فهماه بس حسه أنه
قصده بيه حاجه تانيه ولما كنت اسال صحباتي عن معني
الكلام ده يقعدوا يضحكو ويقولولي معناه وكنت اتصدم
بابا اشترالي عربية وطلبت منه أنه يجي معايا المرور علشان
يساعدني اني اطلع رخصة قيادة واتحجج بالشغل وفي الاخر
بابا الي جيه معايا لما شاف العربية قالي ماشاء الله جميلة
جدا وانبهر بيها وقالي كان نفسي أنا الي اجبهالك قولتله أنا
مش عايزة منك غيرك قالي بجد يانور قولتله والله مش
عايزة غيرك انت وقعدت احكيله اني مش بارده زاي ما بيقول
واني متربتش علي كده وقولتله انت المفروض تفرح بده
مش تزعل قالي ياحبيبتي أنا عارف اخلاقك وتربيتك كويس
بس أنا بشر برضو وانتي بطل اخر حاجه فغصب عني وقعد
يضحكني ويعاكس فيا ووعدني أنه هيحاول
بقينا بنخرج كتير وبنتصور وأوقات يبعتلي الصور ليا وأوقات لا
بعدها عمرو كان مضايق وفيه حاجه خنقاه بس مش
بيحكيلي بس انا حسه بيه من صوته وطريقة كلامه حاولت
اعرف من ريم قعدت تخبي وتغير الموضوع لحد ما في الاخر
بعد محاولات مني كتير قالتلي أنه متخانق معانا
سالتها عن السبب قالتلي وهي متعصبه أنا مش ناقصة
حورات ومشاكل تاني وامها زهقت وشكلها قدام جوزها بقا
وحش وأنه بيعايرها ب اخوها وبالي بيعمله
قعدت اهدي فيها وقولتلها اني هعدي عليها بعد ما اخلص
شغل وفعلا رحتلها لقيتها زعلانه جدا وبيتها كئيب ومفيش
ولا صوت سالتها عن الاولاد قالتلي حبساهم في الاوضه
علشان مش طايقه زنهم شوية ومامتها كلمتها وردت عليها
عماله ترد عليها ردود مختصره قمت من جنبها علشان تاخد
رحتها في الكلام ودخلت لولادها قعدت العب واهزر معاهم
وطلعتهم برا وقعدت معها اهزر واحاول افكها وقالتلي أني
معملتش غدا بسبب الحالة الي هي فيها واني ده تاني يوم
متعملش اكل في البيت وجوزها زعل واتخانق وقالها أنه لا
هو ولا العيال لبنا ذنب في المشاكل دي طلبت اكل من برا
وكلنا كلنا وقولتلها اني هروح بقا فضلت تمسك فيا جامد
وتقولي خليكي فضلت قعدة معها واول ما جوزها جيه سبتها
ومشيت بعدها بكام يوم مامتها تعبت وصممت اروح ازورها
وقولت اكلم عمرو اعرفه لقيته سألني انتي مين الي قالك
اصلا ..
اتخضيت وعرفته اني عرفت من مامته نفسها قلي لا
متروحيش وقفل
بعدها وبعد شوية لقيت مامته بتكلمني رحبت بيها قالتلي
يابنتي أنا كلمتك وعرفتك اني تعبانه ولا انا اصلا بكلمك
قولتلها لا ياماما محصلش
قالتلي طب ليه بتقولي لعمرو اني كلمتك وانهارت في
العياط وقالتلي أني الي فيها مكفيها وأنها
كبرت ومبقتش حمل البهدلة والإهانة دي قالتلي في الاخر
الله يسامحك يابنتي وقفلت
يتبع #النهاية مش هبعتها غير للي التزموا ب20كومنت بس
