رواية انتي ملاكي الفصل الرابع
حب من طرف واحد
ادم بحزن/ انتى بجد هتوفقى عليه
ملك/..........................
ادم بحده / ملك ردى انتى هتوافقى عليه
ملك / وانت مهتم ليه اوافق او موافقش
ادم \ انت مش عارفه انا مهتم ليه ولا عارفه وعمله نفسك عبيطه
ملك \ انا معرفش حاجه ومحتاجه اعرف فياريت تقولى
ادم \ كنت فاكرك حسه بيا بس للاسف انا مش فارق معاكى
ملك بحزن \ اسمعنى بس يا ادم
ادم رفع وجهها بيده \ خلاص ياملك واضح انى مهما اعمل مش هتحسى بيا عن اذنك
خرج ادم بغضب من الغرفه ودلف الى مكتبه وهو يستشيط غضبا وقال لنفسه \ مش عارفه ياملك انا ليه بغير عليكى وليه مهتم بيكى انا بحبك ياملك بحبك امتى بقى تحسى بيا انا بجد تعبت ياملك بغير عليكى ببقى خايف يجى يوم وتوافقى على حد وتحبى حد غيرى
اما ملك سندت على الباب ونزلت على الارض وضمت قدميها ودفنت وجهها وظلت تبكى \ ليه بتتهمنى بانى مش حسه بيك مش يمكن انت الى مش حاسس بيا
ليلى وقفت على باب غرفة ملك وسمعتها وهى تبكى فدقت على الباب \ ملك حبيبتى انتى كويسه
ملك مسحت دموعها وقالت \ ايوه ياماما متقلقيش انا كويسه
ليلى \طيب يلا علشان تتغدى
ملك \ حاضر ياماما
ليلى وقفت امام مكتب ادم وفتحت الباب لتراه جالس على المكتب فقالت
ليلى \ انت عملت ايه خليتها تعيط
ادم \ انا مكنش قصدى انى اضايقها انتى عارفه انا مبحبش اشوفها بتعيط بس ملك هتجننى بتستفزنى وبتعند معايا وانا بضايق انا كام مره قولت انها متقفش مع مصطفى انا بغير عليها لكن هى ولا حاسه بيا
ليلى \ انا بنتى بتفهمش نعمل ايه ...
ادم \ المشكله كمان ان جدو كل شويه يجبلها عريس وده بيضايقنى
ليلى \ جدك انا هتكلم معاه وهخليه يسيبها براحتها بس انت حاول متتعصبش عليها
ادم \ هحاول
ليلى \ طيب يلا علشان تتغدى
فى غرفة ملك
ملك نهضت ودلفت الى الحمام توضات وخرجت فرشت سجادة الصلاه وادت فرضها
ملك انهت صلاتها وغيرت ملابسها وفتحت الباب ونزلت لتراهم ملتفون حول السفره فجلست وامسكت المعلقه وظلت تاكل بصمت
ابراهيم \ صحيح يا ملك مصطفى كلمنى وقالى عايز يعرف رايك ايه
ملك تركت المعلقه جانبا ووقفت وقالت \ اسفه انا رفضاه
ابراهيم \وياترى ايه السبب
ادم امسك كوب الماء وظل ينظر الى ملك ليرى عيناها محمره من البكاء فشعر بغصه بقلبه يشعر بغضب من نفسه لقد تسبب فى بكاء ملاكه
ليلى \ خلاص ياعمى سيبها براحتها
ابراهيم \ انا لازم اعرف سبب تخليكى ترفضيه
ملك \ السبب انه انسان مش كويس
ابراهيم \ والى قابليه كان ايه السبب.. ملك انا عايز اعرف سبب رفضك للجواز
ملك تحاول تتمالك نفسها لكى لا تبكى \ انا مش عايزه اتجوزدلوقتى وارجوك بلاش تضغط عليا عن اذنكم
ابراهيم \ استنى هنا انا لسه مخلصتش كلامى
ملك التفتت له وقالت بدموع \ جدو انا عارفه انت بتفكر فى ايه احب اطمنك انا مش معقده علشان الى عمله استاذ فريد زمان اه يمكن خايفه لكن انامش رفضه الجواز لا انا رفضه الاشخاص صدقنى لو لقيت انسان كويس واحس بالثقه معاه اكيد كنت وافقت
صعدت ملك غرفتها واغلقت الباب بقوه
ملك \ بحسسونى ان هم على قلبهم عايزن يخلصو منى بسرعه
فى الليل
ملك سمعت صوت دق على الباب فقالت \ مين
........\ انا يا لوكه فتحت الباب لترى ادم ينظر لها بابتسامه فابتعدت وجلست
على السرير \ خير فى حاجه
ادم اقترب منها وجثى على ركبتيه \انا اسف ياملك انا اتعصبت عليكى ويمكن ضايقتك
ملك نظرة له وابتسمت \ وانا كمان اسفه
ادم بعدم فهم \ على ايه
ملك \ على انى بستفزك وبحاول اضايقك علطول الصراحه مش عارفه ليه بس بحب اشوفك متعصب
ادم ظل ينظر لها بعدها اطلق ضحكه فابتسمت ملك وقالت \ تصدق ضحكتك حلوه
ادم وهو يغمز لها \ انتى بتعكسينى
ملك \ امشى يا ادم من هنا انا غلطانه انى بتكلم معاك اصلا
ساره دلفت وجلست بجانب ملك
ادم نظر لساره وقال \ خير انتى التانيه مالك
ساره \ حسام مش بيرد عليا
ادم \ اكيد مشغول
ملك \ يابنتى اتقلى شويه سيبيه هو الى يرن عليكى ويدور عليكى مش انتى
ساره بحب \ اصل انا بحبه اوى
ادم بحده \ ايه بحبه ديه طيب راعى انى قاعد اقوم اضربك دلوقتى ولا اعمل ايه
ساره \ انا مكنش قصدى يا ادم
ادم هب واقفا \ انا ماشى عايز انام عندى شغل الصبح
ملك \ انت مش هتوصلنا بكره
ادم \ اسيب شغلى واشتغلكم سواق ده الى ناقص
ملك\ امسكت الوساده وضربت بها ادم
ادم \ اه يابنت الذينه طيب انتى الى بدئتى" ادم امسك هو ايضا وساده وظل يضرب ملك وساره تعالت ضحكاتهم
وملك امسكت وساده والقتها على ادم لينظر لها ادم واقترب منها فتوردت وجنتايها وابتسمت اما ادم نظر لها سرح بتلك الابتسامه ظل ينظر لها بهيام
فجاءه اتاهم صوت حازم \ انتو بتعملو ايه وايه الى قلب الاوضه كده
التفتت ملك الى جدها وقالت بتوتر\ ده ادم ياجدو انا كنت قاعده مع ساره وفجاءه ادم مسك المخده وقعد يضربنا بيها
ادم نظر لها بصدمه \ انتى لبستهالى ماشى ياملك "ملك كتمت ضحكتها "
ابراهيم \ ممكن اعرف امتى هتعقلو
ملك بمزاح \ السنه الجايه
ابراهيم نظر لها \ والله انتى شايفانى بهزر دلوقتى
ملك اقتربت من جدها وعانقته \ خلاص ياجدو ياحبيبى
ابراهيم ابتسم لها \ ماشى ياست ملك
ابراهيم كاد يخرج ولكن التفت \ وانت يا استاذ ادم اتفضل على اوضتك دول بنات انت قاعد معاهم ليه
ادم نظر لملك واقترب منها وهمس لها وقال \ حسابك معايا بعدين ياجميل
ابراهيم \ يلا ولا ايه
ادم خرج من الغرفه هو وابراهيم واغلق الباب
ساره \ طيب وانا هحاول اكلم حسام يمكن يرد
ملك \ انتى وقعه خالص
ساره \ مفيش اجمل من الحب بتحسى بالسعاده مجره لما بتشوفى حبيبك قدامك
ملك شردت بكلام ساره
ساره اقتربت منها \ ممكن انا اقولك حاجه
ملك نظرت لها وهزت راسها بايجاب
ساره \ ساعات الحب بيبقى قصاد عنينا بس احنا مش شيفينه ولما يضيع نبدء نحس بيه
ملك \ عارفه يا ساره بس ساعات الواحد مبيقدرش يعترف بالى جواه
ياترى ايه الى ملك تقصده ياترى هي بتحب ادم ولا لا؟؟
يتبع.....
بدل ماتدور وتبحث علي الروايات خليها علي تليفونك وحمل تطبيقنا
