رواية بر والديك تفز الفصل الاول
هو: أمك مابقاش ينفع تعيش معانا
هى بصد*مة: يعني إيه؟! مستحيل أسيبها لوحدها، وهى قعيدة
هو بعص*بية: يبقى يا أنا يا أمك اختاري ما بينا
هى بذهول: مش مصدقة اللي أنت بتقوله دا، يعني أنت مابتصرفش عليها جنيه من جيبك، ولا بتطلع برا الأوضة، بس أنا هختار أمي
هو ببرود: يبقى أنتِ طا*لق طا*لق بالتلاتة
دخلت لمت هدومها، وطلعت مامتها عالكرسي المتحر*ك، وهى مش فاهمة حاجة
نزلت بدون ولا كلمة رغم أسئلة والدتها المتكررة
أخيرًا وصلوا البيت دخلت والدتها أوضتها، وسندتها وقعدتها عالسرير، وقامت نامت جنبها وهى حاضنة إيدها
والدتها وهى بتمشي إيدها على شعرها قالت: حصل إيه يا بنتي يعني صحتيني بسرعة، وكنتي مجهزة الشنط
قالت فريده: اتطلـ ـقت يا ماما
والدتها بصد*مة: ليه؟
حكت لها فريده اللي حصل والخنا*ق اللي حصل ما بينهم، وعايزني أجبلك خدا*مة أو أبعتك دا*ر مسنين
والدتها بحز*ن: يعني تخر*بي بيتك عشاني يا بنتي، كنتي عيشي وخلاص وأنا كنت هستحمل
فريده بد*موع: بتقولي إيه يا ماما يعني بعد العمر دا أسيبك لوحدك يعني بعد لما ربتيني وعلمتيني وتعبتي عشاني أنا اتخلى عنك عشان شخص مايسواش زي دا، وكمان أنا مهما يحصل هختارك أنتي، مش هسيبك لوحدك ولا لحد تاني يهتم بيكي
والدتها بد*موع: انتي الوحيدة اللي شايلاني رغم إن أخوكي بيجي يشوفني كل أسبوع مرة وهى خمس دقايق زي الغريب بالظبط
ربنا يرزقك كل خير ويرزقك بالزوج الصالح الراجل اللي يستاهلك، ويسعدك يا بنتي
فريده: عايزه بس أفضل معك دا اللي هيسعدني، وأنا شايفاكي قدامي على طول
وبتمر الأيام، وقررت فريده تشوف شغل كام ساعة كدا أول اليوم عشان معاش والدتها مش هيكفي لوحده عليهم هما الإتنين
نزلت تشتغل في صيدلية بعد بيتهم بشوية بتنزل في اليوم أربع ساعات
فريده كانت جايبة طلبات البيت وماشية ولكن رجليها التوت وكانت هت*قع ولكن جه شخص ومسكها بسرعة
هو: أنتي كويسة يا آنسة
فريده: آنسة؟!!!! شدت نفسها من إيده ومشيت من غير ولا كلمة
وقف خالد مستغرب من تصرفها، وبعدها مشي
طلعت فريده شقتهم، واطمنت على والدتها ودخلت تعمل الأكل، وراحت تغسل إيدها، ولكن لقيت ريحة برفيوم وافتكرت الشخص اللي مسكها قبل ماشي ت*قع
فضلت تغسل في إيدها كتير بالصابونة، وهى مضا*يقة وقالت: يعني النخوة نطت عليك كنت سيبني أق*ع إيه القر*ف دا
وبتعدي الأيام، وفريده في الصيدلية لقيت خالد داخل، وقال: السلام عليكم ورحمة الله وبركاته، ممكن الدوا دا
وابتسم لما لقي فريده
فريده: تمام قريت اسم الدوا، وقالت: للأسف مش موجود لكن موصين عليه يعني هيكون موجود بعد المغرب إن شاء الله ابقى تعالى خده
خالد: يعني هتكوني موجودة
بصتله فريده باستغراب فقال بسرعة:
يتبع....
