رواية انتي ملاكي الفصل الاول
الشخصيات
.....................
ابراهيم : رجل لديه 60 عام لديه ولدان وبنت
الاول : سالم هو الابن الاكبر تزوج من فتاه اسمها رانيا وانجبو ادم وساره
الثانى : فريد وهو اصغر من سالم بعامان تزوج من فتاه اسمها ليلى وانجب ملك واحمد
الثالث \ حنان هى ابنته الصغرى متزوجه من طبيب اسمه اسامه ولديها بنت وولد البنت الاكبر اسمها اسماء تزوجت وسافرت مع زوجها والاخر هو وليد
ادم : شاب عنده 27 سنه يعيش فى منزل العائله مع جدو ..بشرته بيضاء وشعره بنى وعيونه عسلى يدير شركة جده هو يكون ابن عم ملك .
ملك : فتاه لديها 21 عام مجنونه وعنيده تعيش هى ايضا مع جدها وهى فى اخر سنه بالكليه ...بشرتها بيضاء شعرها الكستنائى طويل وعيناها لون البحر
ساره : شقيقة ادم وابنة عم ملك هى تصغر ملك بشهران فقط ولكنهما بنفس الكليه تشبه ادم فعيناها عسليتان وشعرها بنى فاتح
الفصل الاول
فى احدي المستشفيات دلف شاب يحمل فتاه على يده كانت تنزف اتى الطبيب مسرعا هو وبعض الممرضات
الطبيب / بسرعه دخلوها غرفة العمليات ........ اطمن يا ادم بيه هنعمل كل الى نقدر عليه
ادم بغضب امسك الطبيب من ياقته / كل الى تقدر عليه هو انك تنقذها فاهم
تدخل شاب اخر / اهدى يا ادم .... اسفين يادكتور
الطبيب / انا مقدر الى انت فيه بس كل شىء بايد ربنا ادعيلها (رحل الطبيب)
ادم بدموع / مقدرش اعيش من غيرها لو حصل لها حاجه انا هموت
... / اطمن هتبقى كويسه يا ادم
وفى تلك اللحظه عاد به الذكريات الى الوراء عندما ولدت ملاكه الصغير
...................................
اتى مولود جديد الى العائله وكان الجميع ملتفون حول الطفله
ابراهيم بسعاده \ انا مش مصدق مبرووك ياليلي
ليلى بابتسامه \ الله يبارك فيك ياعمى
فريد امسك يد الطفله \ ياخراشى عسل انتى يابت فتحى عينك انا ابوكى
سالم ضاحكا \ يالهوى عليك يافريد دية لسه صغيره
ابراهيم \ المهم انتى كويسه دلوقتى يابنتى
ليلى \ انا بخير الحمد الله
اقترب طفل منهم وظل ينظر للطفله وابتسم وا مسك يدها وقال \دية حلوه اوى ياماما
رنيا بابتسامه \ فعلا بسم الله ماشاء الله عليها زى القمر ربنا يخليهالك ياليلى وتفرحى بيها
ادم \ بس ايديها صغننه خالص
ليلى بابتسامه \ علشان هى لسه صغيره يا ادم
ادم اقترب من الطفله وقبلها وظل ينظر لها
فريد لوى شفتيه \ ياسلام بنتى بتبباس قدامى كده عادى
ادم وهو ممسك بيدها \ هى اسمها ايه ياعمو
سالم بتفكير \صحيح يافريد هتسمى بنتك ايه
رنيا \ ايه رايكم فى اسم سما اسم جميل
ادم لوى شفتيه \ وحش يا ماما
سالم \ طيب عندك اسم حلو ليها
ادم ابتسم ونظر لها وقال \ ملاك يابابا لانها زى الملاك
فريد \ لا مش حلو
ابراهيم ابتسم ونظر للطفله وقال \ هسميها ملك علشان منزعلش ادم
ادم \ حلو اوى ياجدو "ثم نظر لها " ملك
فريد \ ابعد عن بنتى يلا
ادم \ ملكش دعوه ملك تاعتى انا
فريد وهو يكتم ضحكته \ لا هى بنتى انا
لياتى طفلين
احمد \ دية اختى انا مش كده يابابا
فريد ضاحكا \ صح ياحبيبى
وليد اقترب منها \ هى ليه مش تلعب معانا
حنان ضاحكه \ تلعب معاكو مره واحده ...هى لسه صغيره لما تكبر تلعب معاكو
فريد \ محدش هيلعب معاها دية بنتى لوحدى
ادم ببكاء \ ليه ياعمو انا احبها ليه مش تلعب
سالم ضاحكا \ خلاص يا ادم ياحبيبى ماما فى بطنها نونو وهيبقى بتاعك انت وتلعب معاه كمان
ادم تقدم من والدته ووضع يده على بطنها
رنيا حملته ووضعته على قدمها
فجاءه ملك بكت
فريد \ لا لا متعيطيش
ادم \ هى ليه عيط
ليلى حملتها \ هى بتعيط علشان انتو صدعتوها
فريد جلس بجانب ليلى وامسك يد ملك
فصمتت ملك وابتسمت ليضحك فريد \حبيبة بابا يا ناس
ابراهيم اقترب منها وحملها \ انتى حبيبة جدو صح يا ملوكة
ملك تثاوبت فقال ابراهيم \ شكلها عايزه تنام "ليعطيها لليلى "
.................................................
عيد ميلاد ملك 11 كان المنزل يعج بالضيوف ليحتفلو معها كانت ترتدى فستان جميل وادم كان ينظر لها باعجاب وحب
ادم كان عمروه 16 عام وملك 11
ليلى \ ملك يلا ياحبيبتى علشان تطفى الشمع
ملك وهى تنظر باتجاه الباب \ انا هستنى بابا
ابراهيم \ بابا مشغول ياحبيبتى وهيتاخر والناس عايزه تمشى يلا ياملك
ملك \ انا مش هطفى الشمع غير لما بابا يجى
وليد \ يلا يالوكه اطفى الشمع بقا
ادم \ هو عمو فريد اتاخر ليه
حنان \ حاول تكلمه يا سالم
سالم \ انا بحاول اكلمه لكنه مشغول
رنيا \ طيب هنعمل ايه
ساره \ خلاص نستناه لحد اما يجى
ليلى \ ها ياسالم رد عليك
سالم \ لا مش بيرد
رنيا \ خلاص ياجماعه نستنى شويه يمكن يجى
رحل الجميع وظل سالم يتصل به
حتى رن هاتف سالم فرد قائلا \ ايوه ياخالد
خالد \ الحق ياباشا فريد بيه سحب مبلغ كبير من الشركه
سالم \ مش معقول وليه يعمل كده
خالد \ مش عارف ياباشا
سالم \ عايزك تعرفلى فين فريد وعمل كده ليه ولو تطول تجيبه معاك جيبه فاهم
خالد \ امرك ياباشا
ابراهيم \ فيه ايه فريد عمل ايه
سالم بغضب \ البيه المحترم سحب مبلغ كبير جدا من الشركه
ابراهيم \ وهو عمل كده ليه
سالم \ الله اعلم دية اول مره يعملها المشكله انى جمعت الفلوس دية علشان الصفقه الجديده انا كده هيتخرب بيتى
ليلى \ اكيد هو عارف كده يبقى هيسحبهم ليه
ابراهيم \ خلاص ياسالم لما يرجع تتفهمو مع بعض
لتاتيه رساله من فريد \ سالم انا سحبت فلوس من الشركه والمقابل تنزلتلك عن نصيبي فى الشركه ومتحاولش تتصل بيا لانى فى المطار انا مضطر اسافر اعتذر لملك انا عارف انها زعلانه منى بس قولها اني بحبها قوى
سالم ضاحكا بسخريه \ ابنك هرب
ابراهيم \ تقصد ايه
سالم بغضب \ البيه بعتلى تنازل منه عن نصيبه فى الشركه وقال انه مسافر
ليلى \ مستحيل فريد يعمل كده
ملك بدموع \ هو بابا مش هيجيى يطفى الشمع معايا
سالم نظر لملك بحزن وقال لنفسه \ بنتك كانت مستنيه منك انك تطفى بس الشمع لكنها ولا على بالك
ليلى بابتسامه\ هيجى ياحبيبتى
ملك بدموع \ هو بابا زعلان منى قوليله يجى وانا هسمع الكلام واخد الدوى بس يجى
ادم اقترب منها ومسد على شعرها بحنان \ ملاكى بابا مسافر لشغل وهيرجع تانى يلا امسحى دموعك انتى عارفه انى مش بحب اشوفك بتعيطى
ليلى بتذكر \ انت قولت انه هيسافر
سالم \ ايوه يا ليلى
ليلى \ مستحيل يعمل فيا كده ابنى كان معاه من الصبح انا عايزه ابنى
سالم تنهد \ اهدى ياليلى
رن هاتفه فرد وقال \ ها ايه الاخبار عرفت حاجه عنه
خالد \ ياباشا عرفت انه خد الفلوس علشان مسافر مع مراته وبنته
سالم نظر لليلى \ ازاى يابنى ما مراته قدامى وبنته كمان
خالد بضيق \ياباشا مراته الثانيه وعنده بنت منها
سالم \ انت بتقول ايه مستحيل فريد يعمل كده
خالد \ هو ده الى عرفته ولما روحت المطار عرفت انه مسافر مع مراته وبالاماره اسمها مرفت والبنت اسمها هنا ومعاهم ولد تانى اسمه احمد
سالم نظر لليلى كيف سيخبرها بان زوجها خائن وانها لن ترى ابنها
ابراهيم \ فريد عمل ايه ياسالم طمنى يابنى
سالم ابتلع ريقه \ فريد سافر مع مراته وبنته وابنك ياليلى
ليلى انهارت على الارض \ازاى يعنى هو كان متجوز عليا محضرش عيد ميلاد بنته علشان مشغول مع بنته الثانيه طيب ابنى خلاص مش هشوفه تانى عمروى مهسمحك يافريد على الى عملته فيا عمروى مهسمحك
رنيا \ قومى ياليلى بلاش تعملى فى نفسك كده
حنان \ مستحيل توصل بيه لكده يتجوز ويخلف من غير حتى منعرف وياخد احمد معاه طيب ليه عمل كده
ليلى بدموع \ ياخسارة حبى ليك انت ازاى تعمل فيا كده انت كنت دايما تقولى انى حبيبتك انك عمروك مهتبص لاى وحده مهما كانت وانى غاليه عليك انت كذبت عليا فى كل ده انا مش مسمحاك ...طيب ابنى هعيش ازى من غيره هستحمل ازاى غيابه .."نظرة لسالم وقالت بتوسل \ ارجوك ياسالم جيبلى ابنى انا مقدرش اعيش من غيره
سالم بحزن \ انا عارف انها صدمه بس صدقينى احنا كلنا اتصدمنا واوعدك انى هعمل المستحيل علشان ارجعه هو وابنك
ليلى \ انا عايزه ابنى وبس ولو رجع يبقى علشان يطلقنى
ابراهيم بحزن \ لا حول ولا قوة الا بالله
سالم التفت لوالده ليراه حزين فقال \ بابا انا عارف انك زعلان بس انا جنبك ارجوك متعملش فى نفسك كده
ابراهيم \ فوضت امرى لله.. ليه بس يابنى تعمل فينا كده
فجاءه سمعو صوت ارتطام على الارض
فالتفتو للخلف ليرو ملك على الارض فركضو عليها بخوف
ادم ركض بخوف على ملك وجثى على ركبتيه وامسك وجنتايها \ ملك ملك انتى كويسه ملك ردى عليا
ليلى بدموع\ ملك بلاش تعملى فيا كده يابنتى ردى عليا
ابراهيم بخوف \حنان اتصلى بجوزك خليه يجى بسرعه
وليد بخوف\هى ليه مش بترد علينا
ساره بدموع \ ملك فوقى
ادم بصراخ \ اتصلو بسرعه"ثم نظر لملك وصفع وجهها برقه " ملك علشان خاطرى فوقى
ادم
شعرت بأن الزمن توقف من حولى لن اسمح لها بان تبتعد ظللت انظر لها شعرت بخوف شديد عندها فقط ايقنت حبى لملك ليس مجرد حب اخوى او صداقه حبى لملك تعدى كل الحدود انا لا احب ملك بلا انا اهيم بها عشقا
حنان امسكت هاتفها واجرت اتصال \ ايوه يا اسامه تعالى بسرعه ملك وقعت على الارض ومش بترد علينا ارجوك بسرعه يا اسامه
اسامه \ متخافيش انا جنب البيت
حنان ركضت على الباب وفتحته لترى اسامه
اسامه نظر على الارض ليراهم ملتفون حول ملك
اسامه ركض وابعدهم عنها وحملها ووضعها على الاريكه
سالم وضع يده على كتف ادم وقال \ متخافش هتكون كويسه
ادم بخوف \ يارب يابابا
ساره بدموع \ بابا ملك مالها
سالم \ بلاش تعيطى هى هتبقى كويسه
وليد \ انا مش عارف ايه الى بيحصل ده
اسامه \ ليلى ملك منتظمه على جرعات الانسولين
ليلى \ ايوه هى بتخدهم بانتظام
اسامه \ احنا لازم ننقلها المستشفى حالا
ليلى \ ملك مالها يا اسامه ارجوك قولى
اسامه \ مفيش وقت للكلام لازم نروح المستشفى بسرعه لان دية غيبوبة سكر
سالم \ خلاص انا هشيلها احطها فى العربيه ونطلع المستشفى
ادم \ انا جاى معاكم مش هسيب ملك
ساره \ وانا كمان
سالم \ ساره متخافيش انا هرجع وملك هتبقى كويسه بس مينفعش نروح كلنا
سالم نظر لزوجته \ رنيا خدى بالك من ساره ان شاء الله مش هنتأخر
تحركو جميعا وصعدو الى السياره ليلى محتضنه ابنتها وادم ينظر لها من وقت الى اخر حتى وقفت السياره امام المستشفى
اسامه دلف بسرعه الى المستشفي ومعه سالم يحمل ملك
امجد \ خير يادكتور اسامه فى ايه
اسامه \ عايزين نعملها تحليل سكر بسرعه
................
ليلى \ بنتى يا سالم انا خايفه عليها
سالم \ ان شاء الله هتقوم وهتبقى كويسه ا
ابراهيم \منك لله يا فريد على الى عملته فينا
ادم كان جالس فى صمت كل مايفكر فيه هو ملاكه الصغير هل ستكون بخير
بعد وقت قليل طلعت العينه وكان السكر عالى فقامو باللازم
اسامه \ متخافوش ملك بقت كويسه بس لازم تكون تحت عنينا يومين على الاقل ونعرف ايه سسبب ان السكر يعلى بالطريقه ديه
ليلى \ انا بردو محتاره ملك كانت كويسه لحدا اما........
ابراهيم بمرار \ لحد اما فريد عمل عملته وسافر مع مراته وكسر بخاطر بنته
اسامه \ حنان حكتلى الى حصل ممكن يكون ده السبب لان الزعل سعات بيؤدى لارتفاع السكر وممكن تكون اكلت حاجه حلوه كتير عموما هى دلوقتى كويسه تقدرو تقعدو معاها لان اكيد نفسيتها وحشه بعد الى عمله فريد
ادم دلف الى غرفتها بالمستشفى ليراها نائمه على السرير فاقترب منها وامسك يدها \ ملاكى انتى قلقتينى عليكى
ملك فتحت عنيها ونظرت له وقالت بدموع \ ادم بابا ..
ادم مسح دموعها \ ششش اهدى انا جانبك وعمروى مهسيبك اوعدك
ملك \ فين ماما
لتقول ليلى مابين دموعها \ انا جنبك ياقلبى حمد الله على سلامتك
ملك \ ماما ممكن متعيطيش انا مش عايزاكى تزعلى انا كويسه
ليلى مسحت دموعها \ انا مش بعيط انتى بس وحشتينى خوفت عليكى
ملك \ هو ايه الى حصل
ليلى \ ابدا تعبتى شويه بس دلوقتى انتى كويسه وهنروح سوى لان ساره بتعيط وعايزاكى تكونى معاها
ادم بابتسامه \ كلنا بنحبك ياملك انتى غاليه علينا وكلنا هنكون جنبك
ملك بحزن \ هو بابا مبقاش يحبنا ومش هيرجع تانى علشان يشوفنا
ليلى بابتسامه مصطنعه \ مش انا جنبك يبقى خلاص متفكريش كتير
ملك \ طيب واحمد مش هشوفه تانى
ليلى بحزن\ هيرجع ان شاء الله
مرت سنه ولم يعد فريد ولم يعلمو حتى مكانه ولم يتصل بهم يتطمئن عليهم حتى اتى يوم استيقظت ملك على صرخة من والدتها فركضت الى الاسفل حتى تلقت خبر موت اخيها بصدمه مر كل افراد المنزل بحزن
مرت سنتان
كانت العائله منتظره خارج غرفة العمليات ليخرج الطبيب يبدو حزينا
حنان بخوف \ اسامه فى ايه
اسامه بحزن \ البقاء الله
سالم لم يستحمل الخبر لينهار على الكرسى لا يصدق زوجته ام اطفاله تركته فى نصف الطريق لقترب ابراهيم ويضع يده على كتفه \ ربنا يرحمها يابنى ادعيلها ياسالم
ليلى وضعت يدها على فمها وبكت بصمت فرانيا كانت مقربه جدا لها
ساره انصدمت لترتمى فى حضن ملك \ ماما سابتنى ياملك
ملك بدموع \ خلاص ياساره ادعيلها
ساره وهى تبكى | انا مش مصدقه انها سابتنى
ملك احتضنتها \ اهدى ياساره بلاش تعملى فى نفسك كده
ساره \ هى كانت كل حاجه بالنسبالى امى وصحبتى انا تعبانه ياملك
ملك حولت تهدئها
فى الليل ملك ظلت جالسه بجانب ساره حتى غاطط فى نوم عميق فخرجت من الغرفه ووصلت الى غرفة ادم ودقت على الباب منتظره اذن ولكن لم تسمع صوت فدخلت رات ادم جالس يشاهد صو ر والدته فجلست بجانبه ووضعت يدها على كتفه
فقال ادم \ وحشتنى اوى ياملك متخيلتش انها ممكن تبعد عنى
ملك اغلقت البوم الصور \ بصلى يا ادم انا عارفه انك زعلان صدقنى انا كمان حبيتها جدا وزعلت عليها هى كانت امى الثانيه بس لازم تعرف ان ربنا رايد كده دلوقتى المفروض تكون جنب ساره انت متعرفش انا نيمتها بالعافيه كانت منهاره جدا انت لازم تقف جنبها تخليها تعدى المرحله ديه
ادم \ انتى عندك حق بس انا كمان تعبان مخنوف
ملك \ فاكر لما بابا اتخلى عنى وسابنى انا كنت منهاره لكن انت وقفت جنبى خلتنى اعدى مرحله الحزن وانساه انا كمان هفضل جنبك ومش هسيبك ابدا
ادم \ وعد
ملك بابتسامه \ وعد
ادم \ ربنا يخليكى ليا يا ملك
ملك بابتسامه \ ويخليك ليا يا ادم
يتبع.....
بدل ماتدور وتبحث علي الروايات خليها علي تليفونك وحمل تطبيقنا
